ແຫຼ່ງທ່ອງທ່ຽວແກ້ງຄັນຕ່າຍ ແລະ ບຶງຫຼົ່ມໂລກ ຢູ່ເມືອງຄົງເຊໂດນແຂວງສາລະວັນ ເປັນແຫຼ່ງທ່ອງທ່ຽວທາງທຳມະຊາດ ທີ່ສຳຄັນຂອງເມືອງ ແລະ ສາມາດດຶງດູດເອົານັກທ່ອງທ່ຽວ ມາທ່ຽວຊົມເປັນຈໍານວນຫຼວງຫຼາຍ ເຊັ່ນ: ຫຼິ້ນນ້ຳ, ພັກຜ່ອນ, ກິນເຂົ້າປ່າ ແລະ ອື່ນໆ ໃນທຸກໆປີ ເປັນຕົ້ນ: ເນື່ອງໃນງານເທດສະການບຸນປີໃໝ່ລາວ, ວັນສໍາຄັນຕ່າງໆຂອງພັກຂອງຊາດ ກາຍເປັນຈຸດໝາຍປາຍທາງທີ່ຫຼາຍຄົນ ມີຄວາມນິຍົມຊົມຊອບ ມັກໄປທ່ຽວໄປຊົມ ເຊັ່ນດຽວກັນກັບ ບຶງຫຼົ່ມໂລກ ເປັນທີ່ບຶງຂະໜາດໃຫຍ່ ກວມເອົາເນື້ອທີ່ຫຼາຍກວ່າ 40 ເຮັກຕາຊຶ່ງເປັນບຶງທຳມະຊາດ ມີຕົ້ນໄມ້, ປ່າໄມ້, ທົ່ງນາອ້ອມຮອບ ແລະ ມີຊີວະນາໆພັນ ໂດຍສະເພາະ ນົກເປັດນ້ຳ ມີຈຳນວນຫຼວງຫຼາຍ ອາໄສຢູ່, ແຫຼ່ງທ່ອງທ່ຽວ 2 ແຫ່ງນີ້ ຢູ່ໃກ້ກັນ ແລະ ນອນໃນເຂດບ້ານຕານປ່ຽວ, ບ້ານດອນໃຜ່ບ້ານ ແລະ ບ້ານຈານລານເຊ.
ທ່ານ ສົມໃຈ ອຸ່ນຈິດ ຮອງເຈົ້າແຂວງສາລະວັນ ໄດ້ເຄື່ອນໄຫວຕິດຕາມ ແລະ ຊຸກຍູ້ວຽກງານການທ່ອງທ່ຽວຢູ່ໃນເຂດດັ່ງກ່າວ ຫວ່າງບໍ່ດົນມານີ້ເພື່ອແນໃສ່ຮອງຮັບໃຫ້ແກ່ການທ່ອງທ່ຽວ ໂດຍສະເພາະປີທ່ອງທ່ຽວລາວ 2024, ວັນສໍາຄັນຕ່າງໆ ແລະ ບຸນປີໃໝ່ລາວ, ທັງໄດ້ເນັ້ນໃຫ້ອົງການປົກຄອງເມືອງ, ຂະແໜງການຕ່າງໆ ແລະ ອໍານາດຄອງບ້ານ ເອົາໃຈໃສ່ຊຸກຍູ້, ສົ່ງເສີມ ແລະ ຜັກດັນ ເພື່ອເຮັດໃຫ້ການທ່ອງທ່ຽວ ນັບມື້ເຕີບໃຫຍ່ຂະຫຍາຍ, ມີບັນຍາກາດຟົດຟື້ນ, ກາຍເປັນການລິເລີ່ມພັດທະນາແຫຼ່ງທ່ອງທ່ຽວ 2 ແຫ່ງ ໄປເທື່ອລະກ້າວ ແລະ ສາມາດເຊື່ອມໂຍງກັນ, ຊຸກຍູ້ປຸກລະດົມຜູ້ປະກອບການ ເອົາໃຈໃສ່ໃນດ້ານຂອດການບໍລິການຕໍ່ນັກທ່ອງທ່ຽວ ໃຫ້ດີ, ມີຄຸນນະພາບ, ຍຸຕິທຳ ແລະ ຮັກສາພາບພົດອັນດີງາມ ເພື່ອສົ່ງເສີມເຮັດໃຫ້ການທ່ອງທ່ຽວໃນເຂດດັ່ງກ່າວ ໄດ້ຮັບຄວາມນິຍົມຊົມຊອບ, ດຶງດູດນັກທ່ອງທ່ຽວພາຍໃນ, ຕ່າງເມືອງຕ່າງແຂວງ ກໍຄືຕ່າງປະເທດ ຄຽງຄູ່ກັບການປັບປຸງເຂດພື້ນທີ່ແຫຼ່ງທ່ອງທ່ຽວ ໃຫ້ມີຄວາມສະດວກສະບາຍ ເຊັ່ນ: ທາງເຂົ້າ, ຈຸດຝາກລົດ, ຈຸດຫຼິ້ນນ້ຳ, ຈຸດບໍລິການ-ອາຫານເຄື່ອງດື່ມ ແລະ ອື່ນໆ ໃຫ້ມີຄວາມເປັນລະບຽບ, ສະອາດ, ສວຍງາມ, ທັງສາມາດເບິ່ງວີວທຳມະຊາດທີ່ສວຍງາມ, ທັງເປັນການຊຸກຍູ້ສົ່ງເສີມການທ່ອງທ່ຽວ ຕິດພັນກັບການຊື້-ຂາຍ ຜະລິດຕະພັນສິນຄ້າຂອງປະຊາຊົນ ເຮັດໃຫ້ການສ່ວນຮ່ວມຕໍ່ກັບວຽກງານທ່ອງທ່ຽວຫຼາຍຂຶ້ນ.
ການລົງເຄື່ອນໄຫວໃນຄັ້ງນີ້ ເພື່ອຕິດຕາມເບິ່ງຄວາມກຽມພ້ອມໃນແຕ່ລະດ້ານຢູ່ແຫຼ່ງທ່ອງທ່ຽວທັງສອງຈຸດ ຊຶ່ງກໍມີເງື່ອນໄຂຫຼາຍດ້ານ ໂດຍສະເພາະເສັ້ນທາງການເຂົ້າເຖິງ ແມ່ນຄວາມມີຄວາມສະດວກສະບາຍ ຊື່ງໄດ້ນຳໃຊ້ເສັ້ນທາງໂຄງການຊົນລະປະທານເຂດບ້ານຈານລານເຊ, ມີການແລກປ່ຽນຄຳຄິດເຫັນ, ແນະນຳໃນດ້ານການປັບປຸງບັນດາພື້ນຖານໂຄງລ່າງ ກໍຄືຜະລິດຕະພັນການທ່ອງທ່ຽວຕ່າງໆ ທີ່ຈະສາມາດດຶງດູດນັກທ່ອງທ່ຽວ, ໂດຍມີ: ທ່ານສະໄໝ ໂພທິສານ ເຈົ້າເມືອງໆຄົງເຊໂດນ, ຂະແໜງການຕ່າງໆຂອງເມືອງ, ອົງການປົກຄອງບ້ານ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ຂ່າວ-ພາບ: ວິໄລວອນ ສິດທິໄຊ
ທ່ານ ສົມໃຈ ອຸ່ນຈິດ ຮອງເຈົ້າແຂວງສາລະວັນ ໄດ້ເຄື່ອນໄຫວຕິດຕາມ ແລະ ຊຸກຍູ້ວຽກງານການທ່ອງທ່ຽວຢູ່ໃນເຂດດັ່ງກ່າວ ຫວ່າງບໍ່ດົນມານີ້ເພື່ອແນໃສ່ຮອງຮັບໃຫ້ແກ່ການທ່ອງທ່ຽວ ໂດຍສະເພາະປີທ່ອງທ່ຽວລາວ 2024, ວັນສໍາຄັນຕ່າງໆ ແລະ ບຸນປີໃໝ່ລາວ, ທັງໄດ້ເນັ້ນໃຫ້ອົງການປົກຄອງເມືອງ, ຂະແໜງການຕ່າງໆ ແລະ ອໍານາດຄອງບ້ານ ເອົາໃຈໃສ່ຊຸກຍູ້, ສົ່ງເສີມ ແລະ ຜັກດັນ ເພື່ອເຮັດໃຫ້ການທ່ອງທ່ຽວ ນັບມື້ເຕີບໃຫຍ່ຂະຫຍາຍ, ມີບັນຍາກາດຟົດຟື້ນ, ກາຍເປັນການລິເລີ່ມພັດທະນາແຫຼ່ງທ່ອງທ່ຽວ 2 ແຫ່ງ ໄປເທື່ອລະກ້າວ ແລະ ສາມາດເຊື່ອມໂຍງກັນ, ຊຸກຍູ້ປຸກລະດົມຜູ້ປະກອບການ ເອົາໃຈໃສ່ໃນດ້ານຂອດການບໍລິການຕໍ່ນັກທ່ອງທ່ຽວ ໃຫ້ດີ, ມີຄຸນນະພາບ, ຍຸຕິທຳ ແລະ ຮັກສາພາບພົດອັນດີງາມ ເພື່ອສົ່ງເສີມເຮັດໃຫ້ການທ່ອງທ່ຽວໃນເຂດດັ່ງກ່າວ ໄດ້ຮັບຄວາມນິຍົມຊົມຊອບ, ດຶງດູດນັກທ່ອງທ່ຽວພາຍໃນ, ຕ່າງເມືອງຕ່າງແຂວງ ກໍຄືຕ່າງປະເທດ ຄຽງຄູ່ກັບການປັບປຸງເຂດພື້ນທີ່ແຫຼ່ງທ່ອງທ່ຽວ ໃຫ້ມີຄວາມສະດວກສະບາຍ ເຊັ່ນ: ທາງເຂົ້າ, ຈຸດຝາກລົດ, ຈຸດຫຼິ້ນນ້ຳ, ຈຸດບໍລິການ-ອາຫານເຄື່ອງດື່ມ ແລະ ອື່ນໆ ໃຫ້ມີຄວາມເປັນລະບຽບ, ສະອາດ, ສວຍງາມ, ທັງສາມາດເບິ່ງວີວທຳມະຊາດທີ່ສວຍງາມ, ທັງເປັນການຊຸກຍູ້ສົ່ງເສີມການທ່ອງທ່ຽວ ຕິດພັນກັບການຊື້-ຂາຍ ຜະລິດຕະພັນສິນຄ້າຂອງປະຊາຊົນ ເຮັດໃຫ້ການສ່ວນຮ່ວມຕໍ່ກັບວຽກງານທ່ອງທ່ຽວຫຼາຍຂຶ້ນ.
ການລົງເຄື່ອນໄຫວໃນຄັ້ງນີ້ ເພື່ອຕິດຕາມເບິ່ງຄວາມກຽມພ້ອມໃນແຕ່ລະດ້ານຢູ່ແຫຼ່ງທ່ອງທ່ຽວທັງສອງຈຸດ ຊຶ່ງກໍມີເງື່ອນໄຂຫຼາຍດ້ານ ໂດຍສະເພາະເສັ້ນທາງການເຂົ້າເຖິງ ແມ່ນຄວາມມີຄວາມສະດວກສະບາຍ ຊື່ງໄດ້ນຳໃຊ້ເສັ້ນທາງໂຄງການຊົນລະປະທານເຂດບ້ານຈານລານເຊ, ມີການແລກປ່ຽນຄຳຄິດເຫັນ, ແນະນຳໃນດ້ານການປັບປຸງບັນດາພື້ນຖານໂຄງລ່າງ ກໍຄືຜະລິດຕະພັນການທ່ອງທ່ຽວຕ່າງໆ ທີ່ຈະສາມາດດຶງດູດນັກທ່ອງທ່ຽວ, ໂດຍມີ: ທ່ານສະໄໝ ໂພທິສານ ເຈົ້າເມືອງໆຄົງເຊໂດນ, ຂະແໜງການຕ່າງໆຂອງເມືອງ, ອົງການປົກຄອງບ້ານ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ຂ່າວ-ພາບ: ວິໄລວອນ ສິດທິໄຊ
ຄໍາເຫັນ