ຮອງປະທານສນຊຕ້ອນຮັບ ຄະນະໂຄສະນາສຶກສາແລະຂົນຂວາຍປະຊາຊົນສູນກາງພັກກອມມູນິດ ຫວຽດນາມ

ສະຫາຍ ນາງ ອິນລາວັນ ແກ້ວບຸນພັນ ໄດ້ກ່າວສະແດງຄວາມຕ້ອນຮັບຢ່າງອົບອຸ່ນ ແລະ ຕີລາຄາສູງ ຕໍ່ການມາເຄື່ອນໄຫວຢ້ຽມຢາມ ແລະ ເຮັດວຽກ ຢູ່ ສປປລາວໃນຄັ້ງນີ້,ພ້ອມແຈ້ງບາງສະພາບ ແລະວຽກງານທີ່ພັກ,ລັດແລະສນຊຫາກໍສໍາເລັດຜ່ານມາ.ຊຶ່ງຜົນງານລ້ວນແຕ່ຕິດພັນກັບຄວາມສາມັກພິເສດລາວ-ຫວຽດນາມ, ການຮ່ວມມືຊ່ວຍເຫຼືອຊຶ່ງກັນ ແລະ ກັນຕະຫຼອດໃນໄລຍະຕໍ່ສູ້ກູ້ຊາດແລະໄລຍະສ້າງສາ ພັດທະນາປະເທດຊາດ, ຊຶ່ງຍາມໃດສອງພັກ, ສອງລັດ ແລະ ປະຊາຊົນສອງຊາດລາວ-ຫວຽດນາມ ໄດ້ຄຽງບ່າຄຽງໄຫຼ່ກັນບໍ່ສາມາດຕັດແຍກອອກຈາກກັນໄດ້,ສິ່ງສໍາຄັນແມ່ນມະຫາສາມັກຄີ,ກ້ອນກໍາລັງແຮງ

ຂອງມະຫາຊົນເຂົ້າຮ່ວມຂົງເຂດໂຄສະນາສຶກສາຂົນຂວາຍປະຊາຊົນແລະແນວໂຮມໄດ້ເຮັດວຽກຢ່າງຕັ້ງ

ໜ້າລົງເຖິງຮາກຖານການເມືອງຢ່າງແທ້ຈິງ.ສະຫາຍນາງອິນລາວັນແກ້ວບຸນພັນຍັງໄດ້ລາຍງານວຽກຈຸດສຸມໃນຕໍ່ໜ້າໃຫ້ຄະນະຜູ້ແທນໄດ້ຮັບຊາບ. ທັງສະແດງຄວາມຮູ້ບຸນຄຸນເປັນຢ່າງສູງ ແລະ ຂອບໃຈຢ່າງຈິງໃຈ ຕໍ່ພັກ,ລັດຖະບານແລະປະຊາຊົນຫວຽດນາມອ້າຍນ້ອງກໍຄືຄະນະໂຄສະນາສຶກສາແລະຂົນຂວາຍປະຊາຊົນສູນກາງ ພັກກອມມູນິດຫວຽດນາມ ທີ່ໄດ້ສະໜັບສະໜູນຊ່ວຍເຫຼືອອັນລໍ້າຄ່າແກ່ ສປປ ລາວ ໃນຕະຫຼອດໄລຍະທີ່ຜ່ານມາ.ສະເພາະ2021-2025ໄດ້ຊ່ວຍສ້າງບຸກຄະລາກອນໂດຍເຊື້ອເຊີນພະນັກງານແນວລາວສ້າງຊາດ ທັງຂັ້ນສູນກາງ ແລະ ທ້ອງຖິ່ນໄປຝຶກອົບຮົມແລະເຂົ້າຮ່ວມກອງປະຊຸມໃນຫົວຂໍ້ຕ່າງໆແລະລາຍງານແຜນໄປຖອດຖອນບົດຮຽນ

ແລະການຮ່ວມມືໃນຕໍ່ໜ້າ.ພ້ອມນັ້ນ,ສະເໜີໃຫ້ສືບຕໍ່ການຮ່ວມມື ໄລຍະປີ 2026-2030 ຕື່ມອີກ.

ສະຫາຍ ຈ້ຽວ ຕ່າຍ ວິງ ໄດ້ກ່າວສະແດງຄວາມຂອບໃຈນໍາສະຫາຍ ນາງ ອິນລາວັນ ແກ້ວບຸນພັນ ທີ່ໄດ້ໃຫ້ກຽດຕ້ອນຮັບຢ່າງອົບອຸ່ນ ແລະ ຕີລາຄາສູງເຫັນດີເປັນເອກະພາບຕໍ່ການລາຍງານນັ້ນ. ພ້ອມຈະສືບຕໍ່ໃຫ້ການພົວພັນຮ່ວມມື, ຊ່ວຍເຫຼືອໃນວຽກງານຕ່າງໆໃນຕໍ່ໜ້າ.

ສະຫາຍນາງອິນລາວັນແກ້ວບຸນພັນຍັງກ່າວອວຍພອນໃຫ້ສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລາວ-ຫວຽດນາມ, ຫວຽດນາມ-ລາວ ຈົ່ງໝັ້ນຄົງຂະນົງແກ່ນ ແລະ ແຕກດອກອອກຜົນຈະເລີນງອກງາມຕະຫຼອດກາລະນານ.

(ຂ່າວ-ພາບ: ວັນເພັງ)