ກຳມະການສູນກາງພັກອະດີດຫົວໜ້າບັນນາທິການວາລະສານອະລຸນໃໝ່ອະດີດລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ; ອະດີດເຈົ້າແຂວງວຽງຈັນ; ສະຫາຍ ສາຄອນພົມມະລາດ ກຳມະການຄະນະພັກຮອງຫົວໜ້າຄະນະໂຄສະນາອົບຮົມສູນກາງພັກ,ມີບັນດາອະດີດຮອງຫົວໜ້າຄອສພ; ຫົວໜ້າ, ຮອງຫົວໜ້າ, ຄະນະບັນນາທິການ, ພະນັກງານອາວຸໂສ-ບໍານານ ວາລະສານອະລຸນໃໝ່ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ການຈັດພິທີດັ່ງກ່າວໂດຍມີຈຸດປະສົງເພື່ອຫວນຄືນມູນເຊື້ອອັນດີງາມ ແລະ ເປັນການສືບທອດ, ເສີມຂະຫຍາຍມູນເຊື້ອຂອງໜັງສືພິມ“ແສງສະຫວ່າງ”ຂອງພັກປະຊາຊົນປະຕິວັດລາວໃນເມື່ອກ່ອນ ຊຶ່ງເປັນຕົ້ນກຳເນີດຂອງວາລະສານອະລຸນໃໝ່,ເພື່ອສ້າງຄວາມຮັບຮູ້-ເຂົ້າໃຈ ແລະ ກຳໄດ້ຢ່າງເລິກເຊິ່ງເຖິງຄວາມສຳຄັນຈຳເປັນ, ບົດບາດທີ່ຕັ້ງຂອງວາລະສານອະລຸນໃໝ່ ໃນຖານະເປັນອົງການທິດສະດີແລະ ພຶດຕິກຳຂອງພັກ,ເພື່ອປຸກລະດົມການຮ່ວມມື, ເຕົ້າໂຮມສະຕິປັນຍາ, ຄຳຄິດຄຳເຫັນຈາກບັນດາທ່ານເພື່ອປັບປຸງ-ພັດທະນາວາລະສານອະລຸນໃໝ່ ໃຫ້ມີຄຸນນະພາບດີຂຶ້ນເລື້ອຍໆ, ສາມາດຕອບສະໜອງຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃໝ່, ໃຫ້ສົມກັບເປັນເຄື່ອງມືອັນແຫຼມຄົມຂອງພັກ,ເພື່ອລະນຶກເຖິງຜົນງານ, ຄຸນງາມຄວາມດີ ແລະ ສະແດງຄວາມຮູ້ບຸນຄຸນຕໍ່ອະດີດການນຳ, ພະນັກງານຫຼັກແຫຼ່ງຮຸ່ນກ່ອນຂອງວາລະສານ ແລະ ເພື່ອເປັນການປະກອບສ່ວນເຂົ້າໃນບັ້ນສະເຫຼີມສະຫຼອງ 3 ວັນປະຫວັດສາດໃນປີ 2025 ຊຶ່ງເປັນປີທີ່ມີຄວາມໝາຍຄວາມສຳຄັນສຳລັບທົ່ວພັກ, ທົ່ວລັດ, ທົ່ວກຳລັງປະກອບອາວຸດແລະ ທົ່ວປວງຊົນລາວທັງຊາດ ໂດຍສະເພາະຕໍ່ກັບວາລະສານອະລຸນໃໝ່ ໃນຖານະວາລະສານທິດສະດີ ແລະພຶດຕິກຳຂອງພັກປະຊາຊົນປະຕິວັດລາວ; ທັງເປັນການປະກອບສ່ວນເຂົ້າໃນການກະກຽມ ແລະ ຂໍ່ານັບຮັບຕ້ອນກອງປະຊຸມໃຫຍ່ອົງຄະນະພັກ ຄະນະໂຄສະນາອົບຮົມສູນກາງພັກ ທີ່ຈະມາເຖິງນີ້.
ໃນໂອກາດດັ່ງກ່າວ,ສະຫາຍ ໝູນແກ້ວ ອໍລະບູນໄດ້ຍົກໃຫ້ເຫັນປະຫວັດຄວາມເປັນມາ,ຕົ້ນກຳເນີດ, ຄວາມສຳຄັນ,ຄວາມຈຳເປັນ,ທີ່ຕັ້ງ,ບົດບາດຂອງວາລະສານອະລຸນໃໝ່ໃນຖານະອົງການທິດສະດີ ແລະ ພຶດຕິກຳຂອງສູນກາງພັກ,ເຮັດໜ້າທີ່ຕົ້ນຕໍໃນການຄົ້ນຄວ້າ-ໂຄສະນາເຜີຍແຜ່ທັດສະນະ, ແນວທາງ, ແຜນນະໂຍບາຍຂອງພັກ-ລັດ; ຊີ້ແຈງອະທິບາຍ, ຕອບແກ້-ແນະນຳບັນຫາທີ່ສັງຄົມໃຫ້ຄວາມສົນໃຈຕໍ່ສະຖານະການ, ເຫດການຢູ່ພາຍໃນ ແລະ ຕ່າງປະເທດ ເພື່ອສ້າງຄວາມຮັບຮູ້-ເຂົ້າໃຈທີ່ຖືກຕ້ອງແກ່ມະຫາຊົນ; ໃນພິທີດັ່ງກ່າວຍັງໄດ້ຮັບຟັງການປະກອບຄຳເຫັນໃນການເຄື່ອນໄຫວວຽກງານວາລະສານໃນຍຸກຂໍ້ມູນຂ່າວສານແລະ ການສື່ສານທີ່ທັນສະໄໝ ຫຼື ໃນຍຸກດີຈີຕອນ ຊຶ່ງບັນດາຄຳເຫັນດັ່ງກ່າວລ້ວນແຕ່ມີຄວາມສໍາຄັນ, ທັງເປັນບົດຮຽນ, ເປັນບັນຫາທີ່ວາລະສານອະລຸນໃໝ່ ກໍຄືພະນັກງານວາລະສານອະລຸນໃໝ່ທຸກຄົນຕ້ອງໄດ້ເອົາໃຈໃສ່ຄົ້ນຄວ້າກຳແໜ້ນເພື່ອເປັນທິດທາງໃນການປັບປຸງ-ພັດທະນາວາລະສານ ນັບທັງດ້ານເນື້ອໃນ ແລະຮູບການໃຫ້ກ້າວສູ່ຄຸນນະພາບໃໝ່, ທັນຍຸກທັນສະໄໝ, ສາມາດປະຕິບັດບົດບາດເປັນອົງການທິດສະດີແລະ ພຶດຕິກຳຂອງພັກໄດ້ຢ່າງໜັກແໜ້ນ ເຂັ້ມແຂງ ແລະ ແຂງແຮງ.
(ຂ່າວ-ພາບ:ສຳນານ)
ຄໍາເຫັນ