ໂດຍການເປັນປະທານຂອງທ່ານ ຟ້າມມິງຈິງ ນາຍົກລັດຖະມົນຕີຫວຽດນາມຫົວໜ້າຄະນະຊີ້ນຳແຫ່ງຊາດກ່ຽວກັບການຜັນຂະຫຍາຍຄຳໝັ້ນສັນຍາຂອງ ຫວຽດນາມ ໃນCOP26 (ກອງປະຊຸມບັນດາຝ່າຍເຂົ້າຮ່ວມສົນທິສັນຍາແມ່ຂອງ ສປຊ ກ່ຽວກັບການປ່ຽນແປງຂອງດິນຟ້າອາກາດ).
ໃນກອງປະຊຸມ, ທ່ານ ຟ້າມມິງຈິງ ຮຽກຮ້ອງໃຫ້ບັນດາສະມາຊິກຂອງຄະນະຊີ້ນຳ ສຸມໃສ່ຕີລາຄາການປະຕິບັດບັນດາຄຳໝັ້ນສັນຍາຂອງ ຫວຽດນາມ ໃນCOP26, ໂດຍສະເພາະແມ່ນໝາກຜົນການປະຕິບັດບັນດາໜ້າທີ່ໆໄດ້ວາງອອກໃນກອງປະຊຸມຄັ້ງທີ 4 ຂອງຄະນະຊີ້ນຳ, ໝາກຜົນການປະຕິບັດ JETP (ຂໍ້ຕົກລົງຫັນປ່ຽນພະລັງງານຢ່າງຍຸຕິທຳ) ແລະ AZEC (ປະຊາຄົມການປ່ອຍອາຍພິດລົງເປັນ 0 ອາຊີ)… ພ້ອມກັນນັ້ນ, ກໍສະເໜີໜ້າທີ່, ມາດຕະການແກ້ໄຂໃນໄລຍະຈະມາເຖິງກ່ຽວກັບການປະຕິບັດບັນດາຄຳໝັ້ນສັນຍາຂອງ ຫວຽດນາມ ໃນCOP26 ໃຫ້ມີປະສິດທິຜົນ, ໂດຍສະເພາະແມ່ນການປະກອບຄຳເຫັນໃສ່ການປັບປຸງກອບນິຕິກຳ ສ້າງຄວາມສະດວກໃຫ້ແກ່ການລົງທຶນຈາກວິສາຫະກິດ, ສາກົນເຂົ້າໃນການຫັນປ່ຽນພະລັງງານ.
ທ່ານ ຟ້າມມິງຈິງ ເນັ້ນໜັກວ່າ:ຫວຽດນາມ ໄດ້ກາຍເປັນຈຸດພົ້ນເດັ່ນໃນການປະຕິບັດຄຳໝັ້ນສັນຍາສາກົນກ່ຽວກັບການຮັບມືການປ່ຽນແປງຂອງດິນຟ້າອາກາດ; ບັນດາຄຳໝັ້ນສັນຍາ ແລະ ການປະຕິບັດຄຳໝັ້ນສັນຍາໃນກອງປະຊຸມ COP26 ໄດ້ປະສານສົມທົບຢ່າງໄວວາ, ຫັນເປັນບັນດາເອກະສານນິຕິກຳດ້ານກົດໝາຍ, ບັນດານະໂຍບາຍ, ຍຸດທະສາດ, ແຜນການເພື່ອປະຕິບັດຢ່າງຄົບຊຸດ; ການຮ່ວມມືໃນການພັດທະນາສີຂຽວ, ຫັນປ່ຽນພະລັງງານໄດ້ຮັບການຍູ້ແຮງ, ຫວຽດນາມ ໄດ້ກາຍເປັນປະເທດດຶງດູດໃຈສຳລັບບັນດານັກລົງທຶນຕ່າງປະເທດເຂົ້າໃນການຮັບມືກັບການປ່ຽນແປງຂອງດິນຟ້າອາກາດ, ການຫັນປ່ຽນພະລັງງານ, ດ້ວຍບັນດາໂຄງການລະອຽດ. ທ່ານນາຍົກລັດຖະມົນຕີໄດ້ຢ້ຳຄືນທັດສະນະ, ການຮັບມືກັບການປ່ຽນແປງຂອງດິນຟ້າອາກາດ, ໃນນັ້ນ, ມີການຫັນເປັນສີຂຽວ, ຫັນປ່ຽນພະລັງງານ, ຫຼຸດຜ່ອນການປ່ອຍອາຍພິດເຮືອນແກ້ວແມ່ນທ່າອ່ຽງທີ່ຈຳເປັນ, ບໍ່ສາມາດຕາວປີ້ນໄດ້.
ຄໍາເຫັນ