ໃນການພົບປະເຈລະຈາ, ການນຳສອງທ່ານໄດ້ສະແດງຄວາມຕັດສິນໃຈຍູ້ແຮງບັນດາມາດຕະຖານເພື່ອແນໃສ່ນຳວົງເງິນການຄ້າສອງສົ້ນບັນລຸລະດັບ 25 ຕື້ໂດລາ ໂດຍໄວ, ສ້າງເງື່ອນໄຂເຂົ້າເຖິງຕະຫຼາດໃຫ້ແກ່ຜະລິດຕະພັນຂອງສອງປະເທດ, ພິເສດແມ່ນການຢາ, ຜະລິດຕະພັນກະເສດ, ຜະລິດຕະພັນການປະມົງ ແລະ ສັດລ້ຽງ. ທ່ານນາຍົກລັດຖະມົນຕີຫວຽດນາມ ສະເໜີໃຫ້ສອງຝ່າຍສ້າງແລວເສດຖະກິດ ແລະ ລະບົບຕ່ອງໂສ້ການສະໜອງເພື່ອແນໃສ່ເພີ່ມທະວີການເຊື່ອມຕໍ່ສອງພື້ນຖານເສດຖະກິດ, ພິຈາລະນາເລີ່ມຕົ້ນການເຈລະຈາສັນຍາການຄ້າເສລີສອງຝ່າຍ, ພ້ອມທັງຕັ້ງໜ້າປະສານສົມທົບກັບບັນດາປະເທດ ອາຊຽນ ຊຸກຍູ້ການສຳຫຼວດກວດກາ ສັນຍາການຄ້າວັດທະນະທຳ ອາຊຽນ - ອິນເດຍໃຫ້ສົມບູນແບບໂດຍໄວ.

ການນຳສອງທ່ານປາຖະໜາຢາກເສີມຂະຫຍາຍທ່າແຮງຂອງສອງປະເທດ ກ່ຽວກັບການເຊື່ອມຕໍ່ວັດທະນະທຳ, ສີວິໄສ, ປະຫວັດສາດ ແລະ ສາສະໜາ ເພື່ອເປີດກວ້າງການຮ່ວມມືການທ່ອງທ່ຽວ, ວັດທະນະທຳ, ການອະນຸລັກຮັກສາ ແລະ ເສີມຂະຫຍາຍບັນດາຄຸນຄ່າວັດທະນະທຳ, ການພົບປະແລກປ່ຽນປະຊາຊົນ, ປະກອບສ່ວນປັບປຸງພື້ນຖານອັນໝັ້ນແກ່ນດ້ານມິດຕະພາບ.