ຫວຽດນາມ ສືບຕໍ່ປະກອບສ່ວນໃຫ້ແກ່ອາຊຽນ ສ້າງຄວາມເຂັ້ມແຂງດ້ວຍຕົນເອງ

11:37 22/07/2025

ວິທະຍຸກະຈາຍສຽງຫວຽດນາມລາຍງານ ໃນວັນທີ 21 ກໍລະກົດ ຜ່ານມາວ່າ: 30 ປີແຫ່ງການຮ່ວມເດີນທາງພ້ອມກັບອາຊຽນ, ຫວຽດນາມ ບໍ່ພຽງແຕ່ປະກອບສ່ວນເຂົ້າໃນວຽກງານປັບປຸງຄວາມສາມັກຄີພາຍໃນກຸ່ມ, ສ້າງປະຊາຄົມອາຊຽນທີ່ໝັ້ນຄົງເຂັ້ມແຂງເທົ່ານັ້ນ ຫາກຍັງປະກອບສ່ວນຍົກສູງຖານະບົດບາດຂອງປະເທດໃນເວທີສາກົນ. ນີ້ແມ່ນການຢັ້ງຢືນຂອງບັນດານັກຊ່ຽວຊານ ອິນໂດເນເຊຍ ກ່ຽວກັບເສັ້ນທາງ 30 ປີແຫ່ງການທີ່ຫວຽດນາມເຂົ້າຮ່ວມອາຊຽນ.

ທ່ານນາງ ດິນນາ ປຣາໂຕ ຣາຫາຈາ ນັກຊ່ຽວຊານຄົ້ນຄວ້າ ຈາກສະຖາບັນຄົ້ນຄວ້ານະໂຍບາຍ Synergy ຂອງ ອິນໂດເນເຊຍ ກ່າວວ່າ: ຫວຽດນາມ ເຂົ້າຮ່ວມ ອາຊຽນ ເມື່ອປີ 1995 ໄດ້ປັບປຸງຖານະພູມີສາດການເມືອງຂອງບັນດາປະເທດອາຊີຕາເວັນອອກສ່ຽງໃຕ້. ຫວຽດນາມ ມີຄວາມສະເໝີຕົ້ນສະເໝີປາຍຕໍ່ການປະຕິບັດການປະຕິຮູບ ແລະ ອາດສາມາດແມ່ນຮູບແບບໃນອາຊຽນ.

ໃນຂະນະດຽວກັນ, ທ່ານ ເບນິ ຊູຄາດິສ ຜູ້ປະສານງານຂັ້ນສູງຂອງ ສະຖາບັນຄົ້ນຄວ້າການປ້ອງກັນຊາດ ແລະ ຍຸດທະສາດ ອິນໂດເນເຊຍ ກ່າວວ່າ: ດ້ວຍຄວາມໄວໃນການພັດທະນາ ແລະ ນະໂຍບາຍເສດຖະກິດ ຫວຽດນາມ ໄດ້ປະກອບສ່ວນຊຸກຍູ້ອາຊຽນ ກາຍເປັນຕະຫຼາດເຊື່ອມໂຍງ, ພິເສດໃນການປະເສີນໜ້າກັບຕະຫຼາດເສລີໃນອາຊຽນ.

ບັນດານັກຊ່ຽວຊານ ອິນໂດເນເຊຍ ໃຫ້ຂໍ້ສັງເກດວ່າ: ຮອດປີ 2045, ຫວຽດນາມ ຈະກາຍເປັນໜຶ່ງໃນກຳລັງໜູນຊຸກຍູ້ອາຊຽນຮັກສາບົດບາດເປັນໃຈກາງໃນໂຄງປະກອບພາກພື້ນມະຫາສະໝຸດອິນເດຍ - ປາຊີຟິກ, ສືບຕໍ່ປະກອບ ສ່ວນໃຫ້ແກ່ ອາຊຽນ ສ້າງຄວາມເຂັ້ມແຂງດ້ວຍຕົນເອງ, ເຊື່ອມໂຍງ ແລະ ຖືປະຊາຊົນເປັນໃຈກາງ.

ຄໍາເຫັນ

ຂ່າວຕ່າງປະເທດ

Microsoft ເຕືອນໄພສຸກເສີນ "Zero-Day" ໂຈມຕີ SharePoint Server

22/07/2025 11:44

ຂ່າວຕ່າງປະເທດ ລາຍງານໃນວັນທີ 21 ກໍລະກົດ ຜ່ານມາວ່າ: Microsoft ໄດ້ອອກຄຳເຕືອນຮີບດ່ວນເຖິງໜ່ວຍງານພາກລັດ ແລະ ພາກເອກະຊົນ ໃຫ້ຮີບຮ້ອນຕິດຕັ້ງການອັບເດດຄວາມປອດໄພທັນທີຫຼັງຈາກຄົ້ນພົບການໂຈມຕີທາງໄຊເບີ ແບບ “Zero-day” ທີ່ຕັ້ງເປົ້າໝາຍໂຈມຕີຊ່ອງຫວ່າງຂອງຊັອຟແວ SharePoint Server ຊຶ່ງເປັນເວີຊັນທີ່ອົງການຈັດຕັ້ງຕິດຕັ້ງເອງ (On-premise).

ການຊື້ສິນຄ້າມືສອງທາງອອນລາຍໃນອັງກິດ ຈະບັນລຸ 4.8 ຕື້ໂດລາ

22/07/2025 11:42

ຂ່າວຕ່າງປະເທດລາຍງານ ໃນວັນທີ 21 ກໍລະກົດ ຜ່ານມາວ່າ: ລາຍງານຫຼ້າສຸດຈາກສູນຄົ້ນຄວ້າເສດຖະກິດ ແລະ ທຸລະກິດຂອງອັງກິດ (CEBR) ຄາດຄະເນວ່າ, ມູນຄ່າການຊື້ສິນຄ້າມືສອງທາງອອນລາຍໃນອັງກິດຈະບັນລຸເຖິງ 4.8 ຕື້ໂດລາໃນປີນີ້, ເພີ່ມຂຶ້ນຈາກ 4.3 ຕື້ໂດລາ ໃນປີ 2024, ທ່າມກາງທ່າອ່ຽງການຮັດສາຍແອວຂອງຜູ້ບໍລິໂພກ ແລະ ຄວາມນິຍົມສິນຄ້າມືສອງທີ່ມີຄຸນນະພາບດີ.

ສີລັງກາ ສັ່ງຫ້າມຫຼິ້ນວ່າວໃກ້ສະໜາມບິນສາກົນ

22/07/2025 11:40

ຂ່າວຕ່າງປະເທດລາຍງານ ໃນວັນທີ 21 ກໍລະກົດ ຜ່ານມາວ່າ: ບໍລິສັດ ສະໜາມບິນ ແລະ ບໍລິການການບິນ (ສີລັງກາ) ຈຳກັດ ໄດ້ຫ້າມຫຼິ້ນວ່າວໃກ້ກັບສະໜາມບິນສາກົນຫຼາຍແຫ່ງໃນສີລັງກາ ເນື່ອງຈາກເປັນຫ່ວງດ້ານຄວາມປອດໄພຂອງເຮືອບິນ ແລະ ຜູ້ໂດຍສານ.

ອິນໂດເນເຊຍ ອອກແບບອາຄານຕ້ານການສັ່ນສະເທືອນຈາກແຜ່ນດິນໄຫວ

22/07/2025 11:39

ຂ່າວຕ່າງປະເທດລາຍງານ ໃນວັນທີ 21 ກໍລະກົດ ຜ່ານມາວ່າ: ທ່ານ ດະວິໂກຣິຕາ ກາຣນາວາຕີ ຜູ້ອໍານວຍການອົງການອຸຕຸນິຍົມວິທະຍາ, ສະພາບອາກາດ ແລະ ທໍລະນີສາດ ອິນໂດເນເຊຍ ກ່າວ ວ່າ, ອົງການໄດ້ເປີດເຜີຍການອອກແບບອາຄານທີ່ທົນທານຕໍ່ແຜ່ນດິນໄຫວຮູບແບບໃໝ່ ທີ່ສາມາດເປັນແບບຢ່າງໃນການຫຼຸດຜ່ອນຄວາມສ່ຽງທີ່ຈະເກີດແຜ່ນດິນໄຫວຂະໜາດໃຫຍ່ໃນອະນາຄົດ.

ຂະໜາດການຄ້າສິນຄ້າຈີນຄອງອັນດັບ 1 ຂອງໂລກ 8 ປີລຽນຕິດ

22/07/2025 11:38

ຂ່າວສານຊີອາໄອລາຍງານ ໃນວັນທີ 21 ກໍລະກົດ ຜ່ານມາວ່າ: ໃນໄລຍະຈັດຕັ້ງປະຕິບັດ “ແຜນພັດທະນາເສດຖະກິດ-ສັງຄົມແຫ່ງຊາດ 5 ປີ ຄັ້ງທີ 14 (2021-2025), ການຄ້າກັບຕ່າງປະເທດຂອງຈີນໄດ້ເພີ່ມຂຶ້ນໃນທ່າມກາງການປ່ຽນແປງຂອງໂລກ.

ເວທີປາໄສປັນຍາຊົນໜຸ່ມ ຫວຽດນາມ ທົ່ວໂລກ ຄັ້ງທີ 6

21/07/2025 13:33

ວິທະຍຸກະຈາຍສຽງຫວຽດນາມລາຍງານວ່າ: ເມື່ອບໍ່ດົນມານີ້, ເວທີປາໄສປັນຍາຊົນໜຸ່ມ ຫວຽດນາມ ທົ່ວໂລກ ຄັ້ງທີ 6 ຈັດຂຶ້ນຢູ່ນະຄອນຫຼວງຮ່າໂນ້ຍ. ດ້ວຍຫົວຂໍ້ “ປັນຍາຊົນໜຸ່ມຫວຽດນາມໃນທົ່ວໂລກປະກອບສ່ວນເຫື່ອແຮງພ້ອມກັບປະເທດຊາດກ້າວເຂົ້າສູ່ສັງກາດໃໝ່”, ເວທີປາໄສ ມີການເຂົ້າຮ່ວມຂອງຜູ້ແທນ200 ກວ່າທ່ານ ຊຶ່ງເປັນບັນດາປັນຍາຊົນໜຸ່ມດີເດັ່ນຢູ່ພາຍໃນ ແລະ ຕ່າງປະເທດ, ຕາງໜ້າໃນຫຼາຍຂົງເຂດປາຍແຫຼມ.

ສະຫະລັດ ອາເມຣິກາ ກຽມປັບຂຶ້ນຄ່າວີຊາ

21/07/2025 13:31

ຂ່າວຕ່າງປະເທດລາຍງານ ໃນວັນທີ 20 ກໍລະກົດ ຜ່ານມາວ່າ: ສື່ມວນຊົນທ້ອງຖິ່ນຫຼາຍແຫ່ງຂອງສະຫະລັດ ອາເມຣິກາ ລາຍງານວ່າ, ລັດຖະບານຂອງປະທານາທິບໍດີ ໂດໂນ ທຣໍາ ກຽມຈະປະກາດເກັບຄ່າທຳນຽມວີຊາເພີ່ມເຕີມໃນການຂໍວີຊາ ໂດຍເລີ່ມຕົ້ນ250 ໂດລາແລະ ອາດມີຜົນບັງຄັບໃຊ້ໃນປີງົບປະມານ 2025/2026 ຊຶ່ງຈະເລີ່ມໃນວັນທີ 1 ຕຸລາ 2025 ນີ້.

ໄຂ້ຫວັດສັດປີກລະບາດ ໃນແອັດສະປາຍ

21/07/2025 13:30

ຂ່າວຕ່າງປະເທດລາຍງານໃນວັນທີ 19 ກໍລະກົດ ຜ່ານມາວ່າ: ການລະບາດຂອງພະຍາດໄຂ້ຫວັດສັດປີກ ຊະນິດ H5N1ໄດ້ເຮັດໃຫ້ໄກ່ງ່ວງຕາຍເກືອບໝົດຟາມໃນແຄວ້ນເອັກເຕຣມາດູຣາທາງພາກຕາເວັນຕົກສ່ຽງໃຕ້ຂອງປະເທດແອັດສະປາຍ, ໂດຍມີໄກ່ງວງພຽງ 10 ໂຕເທົ່ານັ້ນທີ່ລອດຊີວິດ ແລະຖືກຂ້າເພື່ອປ້ອງກັນການແຜ່ລະບາດຂອງພະຍາດດັ່ງກ່າວ ຊຶ່ງເປັນສ່ວນໜຶ່ງຂອງມາດຕະການຄວບຄຸມ.

ກຳປູເຈຍປາບປາມການຫຼອກລວງທາງອິນເຕີເນັດຈັບຜູ້ຕ້ອງຫາ 2.000 ກວ່າຄົນ

21/07/2025 13:29

ຂ່າວສານຊີອາໄອລາຍງານໃນວັນທີ 20 ກໍລະກົດ ຜ່ານມາວ່າ: ໃນຕອນຄ່ຳວັນທີ 18 ກໍລະກົດຜ່ານມານີ້, ທ່ານເນັດ ເພກຕຣາ ລັດຖະມົນຕີກະຊວງຖະແຫຼງຂ່າວກຳປູເຈຍກ່າວວ່າ: ຫວ່າງມໍ່ໆມານີ້, ກຳປູເຈຍໄດ້ດຳເນີນການເຄື່ອນໄຫວປາບປາມການຫຼອກລວງທາງອິນເຕີເນັດ ໂດຍໄດ້ຈັບຜູ້ຕ້ອງຫາທັງໝົດ 2.270 ຄົນ.

ຈີນດຶງດູດທຶນຕ່າງປະເທດຫຼາຍກວ່າ 423 ຕື້ຢວນ

21/07/2025 13:28

ຂ່າວສານຊີອາໄອລາຍງານໃນວັນທີ 20 ກໍລະກົດ ຜ່ານມາວ່າ: ນັບແຕ່ເດືອນມັງກອນຫາເດືອນມິຖຸນາປີນີ້, ທົ່ວປະເທດຈີນໄດ້ສ້າງຕັ້ງວິສາຫະກິດໃໝ່ທີ່ລົງທຶນໂດຍຕ່າງປະເທດ 30.014 ແຫ່ງ, ເພີ່ມຂຶ້ນ 11.7% ເມື່ອທຽບໃສ່ໄລຍະດຽວກັນຂອງປີກາຍ, ໄດ້ນຳໃຊ້ທຶນຕ່າງປະເທດຕົວຈິງເຖິງ 423 ຕື້ 230 ລ້ານຢວນ, ຫຼຸດລົງ 15,2%.

ເພີ່ມເຕີມ