ກຳປູເຈຍ ເປີດສູນບໍລິການການສົ່ງອອກ

ເພື່ອສະໜັບສະໜູນໃຫ້ບໍລິສັດຕ່າງໆ ກາຍເປັນກຸ່ມຜູ້ສົ່ງອອກທີ່ມີຄວາມສາມາດໃນການແຂ່ງຂັນລະດັບໂລກ.

ທ່ານ ຈອມນິມົນລັດຖະມົນຕີກະຊວງການຄ້າ ກ່າວຄຳເຫັນໃນພິທີເປີດສູນດັ່ງກ່າວ ທີ່ນະຄອນຫຼວງພະນົມວ່າ: ສູນແຫ່ງນີ້ຈະໃຫ້ຄໍາແນະນໍາແກ່ບໍລິສັດຂະໜາດນ້ອຍແລະຂະໜາດໃຫຍ່ເພື່ອຜ່ານຜ່າຄວາມສັບສົນທາງດ້ານການຄ້າ ລະຫວ່າງປະເທດ, ທ່ານກ່າວຕື່ມວ່າ: ຈະມີການບໍລິການສະໜັບສະໜູນແບບສະເພາະເຈາະຈົງໃຫ້ກັບທຸລະກິດຕ່າງໆ ໃນທຸກຂັ້ນຕອນຂອງຂະບວນການສົ່ງອອກ ກວມເອົາການຊ່ວຍເຫຼືອຕັ້ງແຕ່ການສຳຫຼວດສໍາຫຼວດຕະຫຼາດເບື້ອງຕົ້ນຈົນເຖິງການຈັດສົ່ງຜະລິດຕະພັນຂັ້ນສຸດທ້າຍ. ທ່ານກ່າວອີກວ່າ: ສູນແຫ່ງນີ້ເປັນຊັບພະຍາກອນຫຼັກສຳລັບບັນດາບໍລິສັດສັນຊາດກຳປູເຈຍທີ່ຕ້ອງການເຂົ້າສູ່ຕະຫຼາດໂລກແລະຊີ້ໃຫ້ເຫັນວ່າເປົ້າໝາຍສູງສຸດຂອງສູນດັ່ງກ່າວ ຄືການຊຸກຍູ້ການຂະຫຍາຍຕົວທາງດ້ານເສດຖະກິດແບບຍືນຍົງໃນຂະແໜງການສົ່ງອອກຂອງກຳປູເຈຍ.

ສູນດັ່ງກ່າວຈະໃຫ້ຄໍາແນະນໍາຈາກຜູ້ຊ່ຽວຊານ, ຈັດການຝຶກອົບຮົມ ແລະຊ່ວຍໃນການສ້າງເຄືອຂ່າຍ ພ້ອມທັງສະໜັບສະໜູນບັນດາວິສາຫະກິດໃນຫຼາຍຂະແໜງການຄື: ກະສິກຳ, ການຜະລິດແຜ່ນແພ, ຫັດຖະກຳ, ເຕັກໂນໂລຊີ ແລະ ອື່ນໆເພື່ອຊຸກຍູ້ການສົ່ງອອກຂອງກຳປູເຈຍແລະເພີ່ມຄວາມສາມາດເຂົ້າສູ່ຕະຫຼາດສາກົນຂອງສິນຄ້າກຳປູເຈຍ.