ກຳປູເຈຍ ສົ່ງອອກແຜ່ນແພ ເຄື່ອງນຸ່ງຫົ່ມ ເກີບ ແລະ ສິນຄ້າເພື່ອການເດີນທາງ ເກືອບ 8 ຕື້ໂດລາ

ກຳປູເຈຍ ສົ່ງອອກແຜ່ນແພ ເຄື່ອງນຸ່ງຫົ່ມ ເກີບ ແລະ ສິນຄ້າເພື່ອການເດີນທາງ ເກືອບ 8 ຕື້ໂດລາ

16:05 16/07/2026

ສຳນັກຂ່າວສານຊິນຮວາລາຍງານ ໃນວັນທີ 12 ກໍລະກົດ ຜ່ານມາວ່າ: ກົມພາສີ ແລະ ອາກອນກຳປູເຈຍລາຍງານວ່າ, ການສົ່ງອອກເຄື່ອງນຸ່ງຫົ່ມ, ແຜ່ນແພ, ເກີບ ແລະ ສິນຄ້າເພື່ອການເດີນທາງຂອງກຳປູເຈຍໃນລະຫວ່າງເດືອນມັງກອນ ຫາ ເດືອນມິຖຸນາ 2026 ມີມູນຄ່າທັງໝົດ 7.99 ຕື້ໂດລາ, ເພີ່ມຂຶ້ນ 6.2% ເມື່ອທຽບກັບປີກ່ອນ.

ບົດລາຍງານລະບຸວ່າ: ອຸດສາຫະກຳເຄື່ອງນຸ່ງຫົ່ມ, ແຜ່ນແພ, ເກີບ ແລະ ສິນຄ້າເພື່ອການເດີນທາງ ແມ່ນແຫຼ່ງລາຍຮັບເງິນຕາຕ່າງປະເທດທີ່ສຳຄັນທີ່ສຸດຂອງກຳປູເຈຍ, ກວມເອົາ 46.8% ຂອງການສົ່ງອອກທັງໝົດ. ໂດຍຂໍ້ມູນຈາກກະຊວງແຮງງານ ແລະ ການຝຶກອົບຮົມວິຊາຊີບສະແດງໃຫ້ເຫັນວ່າ ຂະແໜງອຸດສາຫະກຳນີ້ປະກອບດ້ວຍໂຮງງານ ແລະ ສາຂາຫຼາຍກວ່າ 1,800 ແຫ່ງ, ມີພະນັກງານປະມານ 1.1 ລ້ານຄົນ.

ທ່ານ ທອງ ເມງເດວິດ ຮອງຜູ້ອຳນວຍການສູນສຶກສາຈີນ-ອາຊຽນ ຂອງມະຫາວິທະຍາໄລເຕັກໂນໂລຊີ ແລະ ວິທະຍາສາດກຳປູເຈຍ ກ່າວວ່າ: ການເຕີບໂຕດັ່ງກ່າວສະທ້ອນໃຫ້ເຫັນເຖິງຄວາມຫຼາກຫຼາຍຂອງຕະຫຼາດສົ່ງອອກຂອງກຳປູເຈຍ ຫຼັງຈາກເຂົ້າຮ່ວມສັນຍາການຮ່ວມມືເສດຖະກິດຮອບດ້ານພາກພື້ນ (RCEP) ແລະ ຂໍ້ຕົກລົງການຄ້າເສລີສອງຝ່າຍກັບຈີນ, ສ ເກົາຫຼີ ແລະ ສະຫະລັດ ອາຣັບ ເອມີເຣດ.

ຄໍາເຫັນ

ຂ່າວຕ່າງປະເທດ

ນ້ຳຖ້ວມ ໃນບັງກລາເທດເຮັດໃຫ້ມີຜູ້ເສຍຊີວິດ 51 ຄົນ

16/07/2026 16:04

ສຳນັກຂ່າວສານຊິນຮວາລາຍງານໃນວັນທີ 13 ກໍລະກົດ ຜ່ານມາວ່າ: ເຈົ້າໜ້າທີ່ບັງກລາເທດໄດ້ເປີດເຜີຍວ່າ ໄພນໍ້າຖ້ວມທີ່ເກີດຂຶ້ນໃນຫຼາຍພື້ນທີ່ຂອງບັງກລາເທດ ຊຶ່ງແກ່ຍາວເປັນເວລາປະມານໜຶ່ງອາທິດ ໄດ້ເຮັດໃຫ້ມີຜູ້ເສຍຊີວິດ 51 ຄົນ ແລະ ເຮັດໃຫ້ປະຊາຊົນຫຼາຍກວ່າ 1.02 ລ້ານຄົນຕິດຢູ່ໃນ 7 ເມືອງຈາກທັງໝົດ 64 ເມືອງຂອງປະເທດ.

ຍີ່ປຸ່ນ ຄາດວ່າການທ່ອງທ່ຽວຂາອອກ ຈະຫຼຸດລົງເກືອບ 9% ໃນລະດູຮ້ອນນີ້

16/07/2026 16:03

ສຳນັກຂ່າວສານຊິນຮວາລາຍງານໃນວັນທີ 12 ກໍລະກົດ ຜ່ານມາວ່າ: ສື່ມວນຊົນທ້ອງຖິ່ນຂອງຍີ່ປຸ່ນ, ອ້າງອີງຂໍ້ມູນຈາກ ບໍລິສັດ JTB Corp., (ບໍລິສັດທ່ອງທ່ຽວລາຍໃຫຍ່) ລາຍງານວ່າ, ການເດີນທາງຂາອອກຈາກຍີ່ປຸ່ນເພື່ອທ່ອງທ່ຽວໃນໄລຍະພັກລະດູຮ້ອນປີນີ້ ຊຶ່ງກົງກັບວັນທີ 15 ກໍລະກົດ - 31 ສິງຫາ ນີ້ ມີທ່າອ່ຽງຈະຫຼຸດລົງ 8.8% ເມື່ອທຽບກັບປີກ່ອນ ມາຢູ່ທີ່ປະມານ 2.17 ລ້ານຄັ້ງ, ເນື່ອງຈາກຄ່າເງິນເຢນອ່ອນຄ່າລົງ ແລະ ລາຄາທີ່ສູງຂຶ້ນສົ່ງຜົນກະທົບຕໍ່ຄວາມຕ້ອງການການເດີນທາງ.

6 ເດືອນຕົ້ນປີ ຄວາມໜຽວແໜ້ນຂອງເສດຖະກິດຈີນຍົກສູງຂຶ້ນຢ່າງບໍ່ຢຸດຢັ້ງ

16/07/2026 16:02

ວິທະຍຸໂທລະພາບສູນກາງຈີນ (CMG) ລາຍງານວ່າ: ໃນວັນທີ 12 ກໍລະກົດ ຜ່ານມາ, ສູນຂໍ້ມູນຂ່າວສານແຫ່ງຊາດຈີນໄດ້ປະກາດຂໍ້ມູນສະແດງໃຫ້ເຫັນວ່າ: ໃນ 6 ເດືອນຕົ້ນປີນີ້, ຕົວຊີ້ວັດຫຼາຍຕົວທີ່ສ່ອງແສງໃຫ້ເຫັນເຖິງຂົງເຂດການຄ້າກັບຕ່າງປະເທດ ການລົງທຶນ ແລະ ອື່ນໆໄດ້ໝັ້ນຄົງ ແລະ ດີຂຶ້ນ. ພາຍໃຕ້ການຄ້ຳຊູຂອງນະໂຍບາຍມະຫາພາກທີ່ຕັ້ງໜ້າ, ຄວາມໜຽວແໜ້ນຂອງເສດຖະກິດຈີນໄດ້ຍົກສູງຂຶ້ນຢ່າງບໍ່ຢຸດຢັ້ງ.

ຜູ້ຊ່ຽວຊານສິງກະໂປ 4 ໃນ 10 ຄົນ ເທົ່ານັ້ນທີ່ສາມາດຈຳແນກຂໍ້ມູນທີ່ບໍ່ຖືກຕ້ອງອອກຈາກ AI

16/07/2026 14:00

ສຳນັກຂ່າວສານຊິນຮວາລາຍງານໃນວັນທີ 15 ກໍລະກົດ ຜ່ານມາວ່າ: ຜົນການສຳຫຼວດໂດຍບໍລິສັດ KPMG ຊຶ່ງເປັນບໍລິສັດກວດສອບບັນຊີຊັ້ນນຳຂອງໂລກ ແລະ ຄະນະກຳມະການຫໍສະໝຸດແຫ່ງຊາດສິງກະໂປ ໄດ້ເປີດເຜີຍວ່າ, ມີຜູ້ຊ່ຽວຊານ, ຜູ້ຈັດການ, ຜູ້ບໍລິຫານ ແລະ ພະນັກງານດ້ານເຕັກນິກ ໃນສິງກະໂປ ພຽງ 4 ໃນ 10 ຄົນເທົ່ານັ້ນທີ່ໝັ້ນໃຈວ່າສາມາດຈຳແນກຂໍ້ມູນທີ່ຖືກຕ້ອງອອກຈາກຂໍ້ມູນທີ່ບໍ່ຖືກຕ້ອງທີ່ສ້າງຂຶ້ນໂດຍປັນຍາປະດິດ (AI).

ອິນໂດເນເຊຍ ບລັອກເວັບໄຊ ແລະ ເນື້ອໃນ ທີ່ກ່ຽວຂ້ອງກັບການພະນັນອອນລາຍ

16/07/2026 13:56

ສຳນັກຂ່າວສານຊິນຮວາລາຍງານໃນວັນທີ 15 ກໍລະກົດ ຜ່ານມາວ່າ: ທ່ານ ເມດຢາ ຮາຟິດ ລັດຖະມົນຕີກະຊວງການສື່ສານ ແລະ ກິດຈະການດີຈີຕອນ ຂອງອິນໂດເນເຊຍ ໄດ້ກ່າວວ່າ: ອິນໂດເນເຊຍໄດ້ບລັອກເວັບໄຊ ແລະ ເນື້ອໃນອອນລາຍທີ່ກ່ຽວຂ້ອງກັບການພະນັນທີ່ຜິດກົດໝາຍ 3.7 ລ້ານລາຍການ ນັບຕັ້ງແຕ່ເດືອນຕຸລາ 2024 ເປັນຕົ້ນມາ, ໃນຂະນະທີ່ເຈົ້າໜ້າທີ່ໄດ້ເພີ່ມທະວີການປາບປາມທົ່ວປະເທດ.

ມູນຄ່າການຄ້າຈີນ-ອາຊຽນ ເພີ່ມຂຶ້ນ 10 ໄຕມາດຕິດຕໍ່ກັນ

16/07/2026 13:55

ວິທະຍຸໂທລະພາບສູນກາງຈີນ (CMG) ລາຍງານໃນວັນທີ 15 ກໍລະກົດ ຜ່ານມາວ່າ: ຂໍ້ມູນໂຕເລກອົງການພາສີແຫ່ງຊາດຈີນລາຍງານໃນວັນທີ 14 ກໍລະກົດ ຜ່ານມາ ສະແດງໃຫ້ເຫັນວ່າ: 6 ເດືອນຕົ້ນປີນີ້, ຍອດມູນຄ່າການຄ້າຂາເຂົ້າ-ຂາອອກລະຫວ່າງຈີນກັບອາຊຽນໄດ້ບັນລຸເຖິງ 4,340 ຕື້ຢວນ, ເພີ່ມຂຶ້ນ 18.2% ເມື່ອທຽບໃສ່ໄລຍະດຽວກັນຂອງປີກາຍ. ໃນນັ້ນ, ມູນຄ່າການຄ້າຂາເຂົ້າ-ຂາອອກໃນໄຕມາດທີ 2 ຂອງປີນີ້ໄດ້ໄດ້ບັນລຸເຖິງ 2,370 ຕື້ຢວນ, ເພີ່ມຂຶ້ນ 20.2% ເມື່ອທຽບໃສ່ໄຕມາດທີ 2 ຂອງປີກາຍ ແລະ ໄດ້ຮັກສາການເພີ່ມຂຶ້ນເປັນ 10 ໄຕມາດຕິດຕໍ່ກັນ.

6 ເດືອນຕົ້ນປີ ເສດຖະກິດ-ສັງຄົມ ຫວຽດນາມ ບັນລຸຫຼາຍໝາກຜົນທີ່ຕັ້ງໜ້າ

16/07/2026 13:53

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 14 ກໍລະກົດ ຜ່ານມາ ຢູ່ນະຄອນຫຼວງຮ່າໂນ້ຍ, ຄະນະໂຄສະນາສຶກສາ ແລະ ຂົນຂວາຍປະຊາຊົນສູນກາງ ໄດ້ປະສານສົມທົບກັບກະຊວງວັດທະນະທຳ, ກິລາ ແລະ ທ່ອງທ່ຽວ, ສະມາຄົມນັກຂ່າວ ຫວຽດນາມ ຈັດກອງປະຊຸມຖະແຫຼງຂ່າວກ່ຽວກັບສະພາບເສດຖະກິດ-ສັງຄົມ 6 ເດືອນຕົ້ນປີ ແລະ ທິດທາງໜ້າທີ່ 6 ເດືອນທ້າຍປີ.

ອາເມຣິກາ ສົ່ງຮູບແຕ້ມໂມເຊກທີ່ມີຊື່ສຽງກັບຄືນປະເທດຕວັກກີ

16/07/2026 13:51

ສຳນັກຂ່າວສານຊິນຮວາລາຍງານໃນວັນທີ 15 ກໍລະກົດ ຜ່ານມາວ່າ: ຮູບແຕ້ມໂມເສກ "Gypsy Girl" ທີ່ມີຊື່ສຽງລະດັບໂລກ ອັນທີ 13 ຂອງປະເທດຕວັກກີ ຊຶ່ງຖືກລັກລອບນຳອອກຈາກ ສະຫະລັດ ອາເມຣິກາ ໃນປີ 1965 ໄດ້ຖືກສົ່ງກັບຄືນໃຫ້ປະເທດຕວັກກີຢ່າງເປັນທາງການ.

ເອີຣົບ ນຳເຂົ້າແກັສທາດແຫຼວຈາກຣັດເຊຍຈຳນວນຫຼາຍ ກ່ອນຄຳສັ່ງຫ້າມນຳເຂົ້າ

16/07/2026 13:50

ວິທະຍຸໂທລະພາບສູນກາງຈີນ (CMG) ລາຍງານໃນວັນທີ 15 ກໍລະກົດ ຜ່ານມາວ່າ: ໜັງສືພິມ “ຟາຍນັນໂຊທາມ” ຂອງອັງກິດສະບັບວັນທີ 13 ກໍລະກົດ ຜ່ານມາ ລາຍງານວ່າ, ຍ້ອນວ່າບັນດາປະເທດສະມາຊິກເອີຣົບໄດ້ພາກັນຊື້ ແກັສທຳມະຊາດແຮໄວ້ກ່ອນຄຳສັ່ງຫ້າມນຳເຂົ້າຈາກຣັດເຊຍມີຜົນບັງຄັບໃຊ້, 6 ເດືອນຕົ້ນປີນີ້, ປະເທດສະມາຊິກເອີຣົບໄດ້ນຳເຂົ້າແກັສທຳມະຊາດທາດແຫຼວຈາກຣັດເຊຍເຖິງ 9.89 ລ້ານໂຕນ ຊຶ່ງໄດ້ສ້າງສະຖິຕິສູງສຸດໃນປະຫວັດສາດ ແລະ ເພີ່ມຂຶ້ນ 18% ເມື່ອທຽບໃສ່ໄລຍະດຽວກັນຂອງປີກາຍ.

ອິນໂດເນເຊຍ ກຳນົດລາຄານໍ້າມັນເຊື້ອໄຟ ເພື່ອຊ່ວຍເຮືອປະມົງຂະໜາດກາງ

15/07/2026 14:31

ສຳນັກຂ່າວສານຊິນຮວາລາຍງານໃນວັນທີ 14 ກໍລະກົດ ຜ່ານມາວ່າ: ລັດຖະບານອິນໂດເນເຊຍລາຍງານວ່າ, ທ່ານ ພຣາໂບໂວ ຊູບຽນໂຕ ປະທານາທິບໍດີອິນໂດເນເຊຍ ໄດ້ອະນຸມັດລາຄານໍ້າມັນເຊື້ອໄຟພິເສດ 15,000 ຣູເປຍຕໍ່ລິດ ສຳລັບເຮືອປະມົງທີ່ມີກຳລັງການບັນທຸກທັງໝົດ 30-200 ໂຕນ, ເພື່ອຊ່ວຍຫຼຸດຜ່ອນຄ່າໃຊ້ຈ່າຍໃນການດຳເນີນງານທີ່ເພີ່ມຂຶ້ນສຳລັບທຸລະກິດປະມົງຂະໜາດກາງ.

ເພີ່ມເຕີມ