ຂ່າວລະບຸວ່າ: ໃນ 5 ປີຜ່ານມາ, ປະລິມານການຜະລິດສະບຽງອາຫານທົ່ວປະເທດໄດ້ບັນລຸຫຼາຍກວ່າ 650 ລ້ານໂຕນຕໍ່ປີ, ໃນນັ້ນ ປີ 2024 ໄດ້ກ້າວຂຶ້ນສູ່ລະດັບໃໝ່ເປັນຄັ້ງທຳອິດ ຊຶ່ງໄດ້ບັນລຸ 700 ລ້ານໂຕນ, ປະລິມານການສະໜອງສະບຽງອາຫານສະເລ່ຍໄດ້ເພີ່ມຂຶ້ນ 25 ກິໂລຕໍ່ຄົນເມື່ອທຽບກັບທ້າຍໄລຍະແຜນການ 5 ປີຄັ້ງທີ 13, ບັນລຸ 500 ກິໂລ, ສູງກວ່າເສັ້ນຄວາມປອດໄພດ້ານສະບຽງອາຫານ 400 ກິໂລຕໍ່ຄົນຕາມກຳນົດໂດຍທົ່ວໄປຂອງສາກົນ. ນີ້ເປັນຜົນມາຈາກການໃຊ້ມາດຕະການຕ່າງໆສ້າງຄວາມສະດວກສະບາຍໃຫ້ແກ່ຊາວກະສິກອນໃນການຈຳໜ່າຍສະບຽງອາຫານ, ປັບປຸງການບໍລິການເພື່ອຊາວກະສິກອນ ແລະ ວິສາຫະກິດໃຫ້ດີຂຶ້ນຢ່າງຕໍ່ເນື່ອງ, ປະລິມານການເກັບຊື້ສະບຽງອາຫານຕໍ່ປີໄດ້ບັນລຸຫຼາຍກວ່າ 400 ລ້ານໂຕນ ຊຶ່ງຢັ້ງຢືນວ່າປະລິມານສະບຽງອາຫານໃນສາງມີຄວາມພຽງພໍ ແລະ ຕະຫຼາດມີຄວາມໝັ້ນທ່ຽງ.
ອູແກຣນ ໄດ້ຮັບເງິນສະໜັບສະໜູນຈາກ EU 2.9 ຕື້ເອີໂຣ
ສຳນັກຂ່າວສານຊິນຮວາລາຍງານໃນວັນທີ 4 ຕຸລາ ຜ່ານມາວ່າ: ກະຊວງການເງິນຂອງອູແກຣນເປີດເຜີຍວ່າ, ອູແກຣນໄດ້ຮັບເງິນສະໜັບສະໜູນ ຈາກສະຫະພາບເອີຣົບ (EU) ຈຳນວນ 2.9 ຕື້ເອີໂຣ ເພື່ອສ້າງສະຖຽນລະພາບທາງເສດຖະກິດ, ສະໜັບສະໜູນລາຍຈ່າຍງົບປະມານທີ່ສຳຄັນ, ການຟື້ນຟູ ແລະ ສ້າງຄວາມທັນສະໄໝ, ລວມທັງການດຳເນີນການປະຕິຮູບ ເພື່ອມຸ່ງໄປສູ່ການເປັນສະມາຊິກຂອງ EU.
ຄໍາເຫັນ