ການຄົ້ນຄວ້າຂອງອົສຕຣາລີ ບໍ່ພົບການເຊື່ອມໂຍງລະຫວ່າງມືຖື ແລະ ມະເຮັງ

ການສໍາຜັດກັບຄື້ນວິທະຍຸຈາກໂທລະສັບມືຖື ແລະມະເຮັງຫຼາຍຊະນິດເຊັ່ນ: ມະເຮັງເມັດເລືອດຂາວ, ຕ່ອມນໍ້າເຫຼືອງ ລວມທັງມະເຮັງຕ່ອມໄທຣອຍ ແລະ ມະເຮັງຊ່ອງປາກ.

ການຄົ້ນຄວ້າສະບັບນີ້ໄດ້ຖືກມອບໝາຍໂດຍອົງການອະນາໄມໂລກ (WHO) ແລະເປັນການທົບທວນການຄົ້ນຄວ້າຢ່າງເປັນລະບົບຄັ້ງທີສອງ ທີ່WHO ມອບໝາຍໃຫ້ARPANSAດໍາເນີນການພາຍຫຼັງການທົບທວນຄືນການຄົ້ນຄວ້າຄັ້ງທໍາອິດທີ່ເຜີຍແຜ່ໃນເດືອນກັນຍາ 2024 ຊຶ່ງໄດ້ສຶກສາການເຊື່ອມໂຍງລະຫວ່າງການໃຊ້ໂທລະສັບມືຖືກັບມະເຮັງສະໝອງແລະມະເຮັງບໍລິເວນຫົວແລະພົບວ່າບໍ່ມີຄວາມກ່ຽວຂ້ອງກັນ.

ທ່ານ ເຄນ ຄາຣິພິດິສ ຜູ້ຊ່ວຍຜູ້ອໍານວຍການ ຝ່າຍປະເມີນຜົນກະທົບດ້ານສຸຂະພາບ ຂອງARPANSAກ່າວວ່າ: ການຄົ້ນຄວ້າຄັ້ງຫຼ້າສຸດໄດ້ປະເມີນຫຼັກຖານທີ່ມີຢູ່ທັງໝົດກ່ຽວກັບການເຊື່ອມໂຍງລະຫວ່າງໂທລະສັບມືຖື, ເສົາສັນຍານໂທລະສັບມືຖື ແລະ ໂຣກມະເຮັງ ແລະບໍ່ພົບການເຊື່ອມໂຍງໃດໆລະຫວ່າງການສໍາຜັດກັບຄື້ນວິທະຍຸ ແລະມະເຮັງປະເພດຕ່າງໆ.

ຢ່າງໃດກໍຕາມ, ນັກຄົ້ນຄວ້າກ່າວວ່າ: ຄວາມໝັ້ນໃຈໃນຜົນໄດ້ຮັບນີ້ອາດຈະບໍ່ຊັດເຈນເທົ່າກັບການທົບທວນຄືນຂອງການຄົ້ນຄວ້າກ່ຽວກັບມະເຮັງສະໝອງກ່ອນໜ້ານີ້. ເນື່ອງຈາກຫຼັກຖານການເຊື່ອມໂຍງລະຫວ່າງມະເຮັງກັບການສໍາຜັດກັບຄື້ນວິທະຍຸຈາກເຕັກໂນໂລຊີທີ່ບໍ່ມີສາຍນີ້ມີບໍ່ຫຼາຍ.

ທ່ານ ໂຣຮັນ ເມດ ນັກວິທະຍາສາດປະຈຳARPANSAຊຶ່ງມີສ່ວນຮ່ວມໃນການສຶກສາເປີດເຜີຍວ່າ: ຜົນການຄົ້ນຄວ້ານີ້ຈະຊ່ວຍເພີ່ມຄວາມຮູ້ເພື່ອໃຫ້ຂໍ້ມູນແກ່ປະຊາຊົນກ່ຽວກັບເຕັກໂນໂລຊີບໍ່ມີສາຍແລະມະເຮັງ.

ທັງນີ້, ການທົບທວນຄືນການຄົ້ນຄວ້າຢ່າງເປັນລະບົບທັງສອງສະບັບ ຈະເປັນຂໍ້ມູນສໍາລັບການປະເມີນຜົນກະທົບດ້ານສຸຂະພາບຈາກການສໍາຜັດກັບຄື້ນວິທະຍຸສະບັບປັບປຸງໃໝ່ຊຶ່ງຢູ່ລະຫວ່າງການກະກຽມໂດຍWHO.