ການກຽມຄວາມພ້ອມຮັບມື ແລະ ໂຕ້ຕອບການລະບາດຂອງພະຍາດ ໃນ ສປປ ລາວ

ໂຄງການນີ້ ໄດ້ສະແດງໃຫ້ເຫັນເຖິງຄວາມມຸ່ງໝັ້ນໃນການປົກປ້ອງກັນສຸຂະພາບຂອງປະຊາ ຊົນລາວ ຜ່ານລະບົບທີ່ມີຄວາມໝັ້ນຄົງ ແລະ ການປະສານງານກັນຢ່າງເອກະພາບ. ໂຄງການ ALERT-LAO ມີບົດບາດອັນສຳຄັນໃນການຊ່ວຍຍົກລະດັບ ຂີດຄວາມສາມາດໃນການເຕືອນໄພລ່ວງໜ້າຂອງສະພາບການລະບາດພະຍາດ ແລະ ຄວາມສາມາດໃນການກວດຫາເຊື້ອພະຍາດເພື່ອບົ່ງ ມະຕິ ເພື່ອຊ່ວຍໃຫ້ ສປປ ລາວ ມີການກຽມພ້ອມຮັບມືທີ່ດີຂຶ້ນຕໍ່ກັບໄພຄຸກຄາມທີ່ເກີດຈາກການລະບາດຂອງພະຍາດທີ່ອາດເກີດຂຶ້ນໃນອະນາຄົດ. ໂຄງການໄດ້ຮັບທຶນຊ່ວຍເຫຼືອຈາກກອງທຶນການກຽມຄວາມພ້ອມຮັບມືການລະບາດຂອງພະຍາດຂະໜາດໃຫຍ່ (Pandemic Fund), ໂຄງການ ALERT-LAO ຈະມີການຍົກລະດັບການກຽມຄວາມພ້ອມຮັບມື ແລະ ໂຕ້ຕອບຕໍ່ການລະບາດຂອງພະຍາດໃນ ສປປ ລາວ - ການຊ່ວຍເຫຼືອຄັ້ງນີ້ ຈະເນັ້ນໃສ່ລະບົບເຝົ້າລະວັງພະຍາດ ແລະ ການເຕືອນໄພລ່ວງໜ້າແບບເຊື່ອມສານ, ວຽກງານວິເຄາະ, ການພັດທະນາບຸກຄະລາກອນ ສຸຂະພາບໜຶ່ງດຽວ (One Health), ການປ້ອງກັນຄວາມສ່ຽງ ແລະ ການສ້າງສະພາບແວດລ້ອມດ້ານນະໂຍບາຍທີ່ເອື້ອອໍານວຍໃນທົ່ວ 18 ແຂວງ. ລັດຖະບານ ແລະ ບັນດາຄູ່ຮ່ວມພັດທະນາສາກົນ ໄດ້ປະກອບ ສ່ວນທຶນສົມທົບໃນຮູບແບບຕ່າງໆ.

ພິທີເປີດໂຄງການໃນຄັ້ງນີ້ ຖືເປັນບາດກ້າວທີ່ສຳຄັນຂອງ ສປປ ລາວ ເພື່ອສ້າງຄວາມເຂັ້ມແຂງ ໃຫ້ກັບການກຽມພ້ອມຮັບມືທີ່ດີຂຶ້ນຕໍ່ກັບໄພຄຸກຄາມທີ່ເກີດຈາກການລະບາດຂອງພະຍາດທີ່ອາດເກີດຂຶ້ນໃນອະນາຄົດ ຜ່ານທຶນຊ່ວຍເຫຼືອຈາກກອງທຶນການກຽມຄວາມພ້ອມຮັບມືການລະບາດຂອງພະຍາດຂະໜາດໃຫຍ່ (Pandemic Fund). ສິ່ງສຳຄັນການສະໜັບສະໜູນທຶນໃນຄັ້ງນີ້ ຍັງໄດ້ຮັບການສະໜັບສະໜູນເພີ່ມເຕີມຈາກບັນດາຄູ່ຮ່ວມພັດທະນາສາກົນ ແລະ ທຶນຈາກລັດຖະບານ ຊຶ່ງສະແດງໃຫ້ເຫັນເຖິງການຮ່ວມມື ແລະ ການນຳພາທີ່ເຂັ້ມແຂງຂອງ ສປປ ລາວ.

(ຂ່າວ: ວັນເພັງ, ຂໍ້ມູນ-ພາບ: ກະຊວງສາທາລະນະສຸກ)