ພະແນກການເງິນແຂວງເຊກອງ ແລະ 3 ຂະແໜງການສາຍຕັ້ງໄດ້ຈັດກອງປະຊຸມສະຫຼຸບວຽກງານແຂ່ງຂັນ-ຍ້ອງຍໍ ຕິດພັນກັບຂະບວນການແຂ່ງຂັນຮັກຊາດ ແລະ ພັດທະນາ (2016-2020) ພ້ອມທັງຍ້ອງຍໍຜົນງານ 5 ປີຂຶ້ນເມື່ອບໍ່ດົນມານີ້ທີ່ສະໂມສອນແຂວງ ພາຍໃຕ້ການເປັນປະທານຂອງທ່ານ ເຫຼັກໄຫຼ ສີວິໄລ ເຈົ້າແຂວງເຊກອງ, ມີຄະນະພັກ, ຄະນະພະແນກ, ສະມາຊິກພັກ, ພະນັກງານ-ລັດຖະກອນກ່ຽວຂ້ອງເຂົ້າຮ່ວມ.
ທ່ານ ຄໍາຮູ້ ອ່ອນມະນີ ຫົວໜ້າພະແນກການເງິນແຂວງ ກ່າວວ່າ: 5 ປີຜ່ານມາ, ຄະນະພັກ-ຄະນະນຳພະແນກໄດ້ຖືເອົາວຽກງານແຂ່ງຂັນ-ຍ້ອງຍໍຕິດພັນກັບແນວທາງນະໂຍບາຍຂອງພັກ-ລັດ, ເປັນການປຸກລະດົມ ແລະ ຊຸກຍູ້ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນພັດທະນາວຽກງານການເງິນ ກໍຄືການເຄື່ອນໄຫວວຽກງານວິຊາສະເພາະຂອງຂະແໜງການເງິນ ແລະ 3 ຂະແໜງການສາຍຕັ້ງອັນເຮັດໃຫ້ການເຄື່ອນໄຫວວຽກງານມີຜົນສໍາເລັດເປັນກ້າວໆມາ; ມີນິຕິກໍາຈໍານວນໜຶ່ງເປັນບ່ອນອີງສໍາຄັນໃນການຈັດຕັ້ງປະຕິບັດເປັນຕົ້ນຄໍາແນະນໍາ ສະບັບເລກທີ 082/ຄປພຂ.ຊກ, ລົງວັນທີ 22 ມັງກອນ 2014 ກ່ຽວກັບການເປີດຂະບວນການຮັກຊາດ ແລະ ພັດທະນາ, ຊຸກຍູ້ວຽກງານ 3 ສ້າງ; ມີການແຕ່ງຕັ້ງຄະນະຮັບຜິດຊອບ ແລະ ເປີດບັ້ນແຂ່ງຂັນຮັກຊາດ ແລະ ພັດທະນາເຂົ້າສູ່ການພັດທະນາ ແລະ ການເຄື່ອນໄຫວວຽກງານການເງິນ ຫັນໄປສູ່ທັນສະໄໝເທື່ອລະກ້າວ ສາມາດສັງລວມການຍ້ອງຍໍຜົນງານ 5 ປີ (2016-2020) ຂອງສະມາຊິກພັກ ແລະ ພະນັກງານ-ລັດຖະກອນທີ່ມີຜົນງານພົ້ນເດັ່ນໃນບັ້ນແຂ່ງຂັນຄັ້ງນີ້. ສຳລັບທິດທາງແຜນການ (2021-2025) ຕ້ອງສືບຕໍ່ຍູ້ແຮງຂະບວນການແຂ່ງຂັນ-ຍ້ອງຍໍ ໂດຍຕິດພັນກັບຂະບວນການແຂ່ງຂັນຮັກຊາດ ແລະ ພັດທະນາ, ຜັນຂະຫຍາຍວຽກງານ 3 ສ້າງເຂົ້າສູ່ວຽກງານຕົວຈິງຂອງແຕ່ລະຂະແໜງການຢ່າງຕັ້ງໜ້າ; ປຸກລະດົມສະມາຊິກພັກ-ພະນັກງານພະແນກການເງິນແຂວງ ແລະ 3 ຂະແໜງການສາຍຕັ້ງເຂົ້າຮ່ວມຢ່າງແຂງແຮງ ແລະ ກວ້າງຂວາງ ເພື່ອແຂ່ງຂັນກັນສ້າງຂະບວນການພັດທະນາວຽກງານການເງິນໃຫ້ເປັນຂະບວນຟົດຟື້ນ, ຕໍ່ເນື່ອງ ແລະ ມີຜົນສໍາເລັດດີຂຶ້ນກວ່າເກົ່າ.
ໃນພິທີໄດ້ປະດັບຫຼຽນໄຊແຮງງານຊັ້ນ II ຈໍານວນ 1 ທ່ານ; ຫຼຽນໄຊແຮງງານຊັ້ນ III ຈໍານວນ 6 ທ່ານ; ຫຼຽນກາແຮງງານຈຳນວນ 17 ທ່ານຍິງ 2 ທ່ານ ແລະ 1 ກົມກອງ; ໃບຍ້ອງຍໍລັດຖະບານຈໍານວນ 37 ທ່ານຍິງ 13 ທ່ານ ແລະ 1 ກົມກອງ; ໃບຍ້ອງຍໍທ່ານເຈົ້າແຂວງຈໍານວນ 32 ທ່ານ ແລະ ໃບຊົມເຊີຍຈໍານວນ 5 ທ່ານ.
ໂອກາດນີ້, ທ່ານ ເຫຼັກໄຫຼ ສີວິໄລ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ສາມາດຈັດຕັ້ງປະຕິບັດໄດ້ໃນໄລຍະຜ່ານມາ ແລະ ໄດ້ຊີ້ນໍາໃຫ້ຂະແໜງການເງິນກໍຄື 3 ຂະແໜງການສາຍຕັ້ງ ສືບຕໍ່ຈັດຕັ້ງປະຕິບັດຕາມທິດທາງແຜນການທີ່ວາງໄວ້ຢ່າງເປັນຂະບວນການຕົວຈິງ ໂດຍຖືເອົາການສຶກສາອົບຮົມການເມືອງນໍາພາແນວຄິດ, ສ້າງຄວາມຮັບຮູ້-ເຂົ້າໃຈໃຫ້ສະມາຊິກພັກ-ພະນັກງານ; ເພີ່ມທະວີຄວາມເປັນແບບຢ່າງນໍາໜ້າ, ຍົກສູງຄວາມສາມາດການນໍາພາໃຫ້ເຂັ້ມແຂງ, ການຄຸ້ມຄອງລັດໃຫ້ສັກສິດ ເພື່ອພັດທະນາວຽກງານການເງິນໃຫ້ມີຄຸນນະພາບ ແລະ ຫັນໄປສູ່ທັນສະໄໝ.
ຂ່າວ: ສັນຍາ, ພາບ: ພະແນກການເງິນແຂວງ
ທ່ານ ຄໍາຮູ້ ອ່ອນມະນີ ຫົວໜ້າພະແນກການເງິນແຂວງ ກ່າວວ່າ: 5 ປີຜ່ານມາ, ຄະນະພັກ-ຄະນະນຳພະແນກໄດ້ຖືເອົາວຽກງານແຂ່ງຂັນ-ຍ້ອງຍໍຕິດພັນກັບແນວທາງນະໂຍບາຍຂອງພັກ-ລັດ, ເປັນການປຸກລະດົມ ແລະ ຊຸກຍູ້ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ, ແຜນພັດທະນາວຽກງານການເງິນ ກໍຄືການເຄື່ອນໄຫວວຽກງານວິຊາສະເພາະຂອງຂະແໜງການເງິນ ແລະ 3 ຂະແໜງການສາຍຕັ້ງອັນເຮັດໃຫ້ການເຄື່ອນໄຫວວຽກງານມີຜົນສໍາເລັດເປັນກ້າວໆມາ; ມີນິຕິກໍາຈໍານວນໜຶ່ງເປັນບ່ອນອີງສໍາຄັນໃນການຈັດຕັ້ງປະຕິບັດເປັນຕົ້ນຄໍາແນະນໍາ ສະບັບເລກທີ 082/ຄປພຂ.ຊກ, ລົງວັນທີ 22 ມັງກອນ 2014 ກ່ຽວກັບການເປີດຂະບວນການຮັກຊາດ ແລະ ພັດທະນາ, ຊຸກຍູ້ວຽກງານ 3 ສ້າງ; ມີການແຕ່ງຕັ້ງຄະນະຮັບຜິດຊອບ ແລະ ເປີດບັ້ນແຂ່ງຂັນຮັກຊາດ ແລະ ພັດທະນາເຂົ້າສູ່ການພັດທະນາ ແລະ ການເຄື່ອນໄຫວວຽກງານການເງິນ ຫັນໄປສູ່ທັນສະໄໝເທື່ອລະກ້າວ ສາມາດສັງລວມການຍ້ອງຍໍຜົນງານ 5 ປີ (2016-2020) ຂອງສະມາຊິກພັກ ແລະ ພະນັກງານ-ລັດຖະກອນທີ່ມີຜົນງານພົ້ນເດັ່ນໃນບັ້ນແຂ່ງຂັນຄັ້ງນີ້. ສຳລັບທິດທາງແຜນການ (2021-2025) ຕ້ອງສືບຕໍ່ຍູ້ແຮງຂະບວນການແຂ່ງຂັນ-ຍ້ອງຍໍ ໂດຍຕິດພັນກັບຂະບວນການແຂ່ງຂັນຮັກຊາດ ແລະ ພັດທະນາ, ຜັນຂະຫຍາຍວຽກງານ 3 ສ້າງເຂົ້າສູ່ວຽກງານຕົວຈິງຂອງແຕ່ລະຂະແໜງການຢ່າງຕັ້ງໜ້າ; ປຸກລະດົມສະມາຊິກພັກ-ພະນັກງານພະແນກການເງິນແຂວງ ແລະ 3 ຂະແໜງການສາຍຕັ້ງເຂົ້າຮ່ວມຢ່າງແຂງແຮງ ແລະ ກວ້າງຂວາງ ເພື່ອແຂ່ງຂັນກັນສ້າງຂະບວນການພັດທະນາວຽກງານການເງິນໃຫ້ເປັນຂະບວນຟົດຟື້ນ, ຕໍ່ເນື່ອງ ແລະ ມີຜົນສໍາເລັດດີຂຶ້ນກວ່າເກົ່າ.
ໃນພິທີໄດ້ປະດັບຫຼຽນໄຊແຮງງານຊັ້ນ II ຈໍານວນ 1 ທ່ານ; ຫຼຽນໄຊແຮງງານຊັ້ນ III ຈໍານວນ 6 ທ່ານ; ຫຼຽນກາແຮງງານຈຳນວນ 17 ທ່ານຍິງ 2 ທ່ານ ແລະ 1 ກົມກອງ; ໃບຍ້ອງຍໍລັດຖະບານຈໍານວນ 37 ທ່ານຍິງ 13 ທ່ານ ແລະ 1 ກົມກອງ; ໃບຍ້ອງຍໍທ່ານເຈົ້າແຂວງຈໍານວນ 32 ທ່ານ ແລະ ໃບຊົມເຊີຍຈໍານວນ 5 ທ່ານ.
ໂອກາດນີ້, ທ່ານ ເຫຼັກໄຫຼ ສີວິໄລ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ສາມາດຈັດຕັ້ງປະຕິບັດໄດ້ໃນໄລຍະຜ່ານມາ ແລະ ໄດ້ຊີ້ນໍາໃຫ້ຂະແໜງການເງິນກໍຄື 3 ຂະແໜງການສາຍຕັ້ງ ສືບຕໍ່ຈັດຕັ້ງປະຕິບັດຕາມທິດທາງແຜນການທີ່ວາງໄວ້ຢ່າງເປັນຂະບວນການຕົວຈິງ ໂດຍຖືເອົາການສຶກສາອົບຮົມການເມືອງນໍາພາແນວຄິດ, ສ້າງຄວາມຮັບຮູ້-ເຂົ້າໃຈໃຫ້ສະມາຊິກພັກ-ພະນັກງານ; ເພີ່ມທະວີຄວາມເປັນແບບຢ່າງນໍາໜ້າ, ຍົກສູງຄວາມສາມາດການນໍາພາໃຫ້ເຂັ້ມແຂງ, ການຄຸ້ມຄອງລັດໃຫ້ສັກສິດ ເພື່ອພັດທະນາວຽກງານການເງິນໃຫ້ມີຄຸນນະພາບ ແລະ ຫັນໄປສູ່ທັນສະໄໝ.
ຂ່າວ: ສັນຍາ, ພາບ: ພະແນກການເງິນແຂວງ
ຄໍາເຫັນ