ດ້ວຍມູນຄ່າ 2.994 ຕື້ກີບ,ຮອງລົງມາແມ່ນຂະແໜງບໍລິການ 2.359 ຕື້ກີບ,ຂະແໜງອຸດສາຫະກໍາ-ຫັດຖະກຳ 2.328 ຕື້ກີບແລະຂະແໜງອາກອນ 153 ຕື້ກີບ. ເຖິງວ່າຂະແໜງກະສິກໍາ ໄດ້ມີບົດບາດສໍາຄັນໃນການຊຸກຍູ້ເສດຖະກິດແຂວງ ແຕ່ກໍຍັງມີບາງຂໍ້ຄົງຄ້າງ ຊຶ່ງຈະຕ້ອງສຸມໃສ່ແກ້ໄຂໃນ 6 ເດືອນທ້າຍປີນີ້ເພື່ອບັນລຸຄາດໝາຍຂອງແຜນພັດທະນາ.
ບົດບາດສຳຄັນຂອງຂະແໜງກະສິກຳ ໃນການຊຸກຍູ້ເສດຖະກິດຂອງແຂວງວຽງຈັນ ສະແດງໃນບົດລາຍງານ ໂດຍສັງເຂບຂອງ ທ່ານ ຄໍາພັນ ສິດທິດຳພາ ເຈົ້າແຂວງວຽງຈັນ ກ່ຽວກັບການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດຂອງແຂວງ ປະຈຳ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2024 ຕໍ່ກອງປະຊຸມສະໄໝສາມັນ ເທື່ອທີ 7 ຂອງສະພາປະຊາຊົນແຂວງວຽງຈັນ ຊຸດທີIIໃນລະຫວ່າງວັນທີ 31 ກໍລະກົດ ຫາ 2 ສິງຫາ 2024 ນີ້ ຊຶ່ງໃນໄລຍະດັ່ງກ່າວ ຂະແໜງກະສິກໍາໃນໂຄງປະກອບເສດຖະກິດຂອງແຂວງ ໄດ້ມີອັດຕາການຂະຫຍາຍຕົວ 2,7% ກວມເອົາ 38,22% ຂອງ GDP, ປັດໄຈຊຸກຍູ້ກະສິກໍາ ແມ່ນມີການປູກເຂົ້ານາແຊງໄດ້ເນື້ອທີ່ 5.347 ເຮັກຕາ, ເທົ່າກັບ 50,77% ຂອງແຜນການ,ຜົນຜະລິດໄດ້ 22.629ໂຕນ, ເທົ່າກັບ 50% ຂອງແຜນການ (ແຜນ 45.288 ໂຕນ) ຊຶ່ງການຜະລິດເຂົ້ານາແຊງບໍ່ບັນລຸຕາມແຜນ ຍ້ອນການສະໜອງນໍ້າຈາກຊົນລະປະທານບໍ່ພຽງພໍ, ຊົນລະປະທານເປ່ເພບໍ່ໄດ້ຮັບການຟື້ນຟູສ້ອມແປງ, ບວກກັບຕົ້ນທຶນການຜະລິດສູງ ແລະ ການຫັນມາປູກພືດອື່ນ. ໃນ 6 ເດືອນລະບົບຊົນລະປະທານ ສາມາດສະໜອງນໍ້າໃນການຜະລິດລະດູແລ້ງໄດ້ 12.040 ເຮັກຕາ, ເທົ່າກັບ 86%ຂອງແຜນ, ໃນນີ້ ຫົດເນື້ອທີ່ນາແຊງ 5.604 ເຮັກຕາ ແລະ ເນື້ອທີ່ປູກພືດ 6.436 ເຮັກຕາ.
ການຜະລິດເຂົ້ານາປີ ກຽມດິນເນື້ອທີ່ຕົກກ້າສໍາເລັດ 100%, ນາຫວານປະຕິບັດໄດ້ 16.689 ເຮັກຕາ ແລະ ປັກດໍາໄດ້ 30.809 ເຮັກຕາ, ເທົ່າກັບ 85% ຂອງແຜນ(ແຜນ 55.882 ເຮັກຕາ), ເຂົ້າໄຮ່ປະຕິບັດໄດ້ 1.595 ເຮັກຕາ; ປູກພືດລະດູແລ້ງໄດ້ 24.448 ເຮັກຕາ, ເທົ່າກັບ 91% ຂອງແຜນການ(ແຜນ 26.643 ເຮັກຕາ), ເກັບກູ້ຜົນຜະລິດໄດ້ 316.624 ໂຕນ, ລື່ນແຜນ 32% ແລະ ປູກພຶດລະດູຝົນໄດ້ 36.215 ເຮັກຕາ, ລື່ນແຜນ 30%; ການຜະລິດຊີ້ນ, ປາ ແລະ ໄຂ່ ປະຕິບັດໄດ້ 16.818 ໂຕນ, ເທົ່າກັບ 50% ຂອງແຜນ (ແຜນ 36.621 ໂຕນ).
ການຜະລິດເປັນສິນຄ້າ ໄດ້ສຸມໃສ່ການປູກພືດ ແລະ ລ້ຽງສັດທີ່ຕະຫຼາດຕ້ອງການ ຊຶ່ງໄດ້ສຸມໃສ່ການປູກສາລີຫວານໄດ້ 579.75 ເຮັກຕາ, ຜົນຜະລິດໄດ້ 4.873 ໂຕນ, ລື່ນແຜນເທົ່າຕົວ;ສາລີແຂງ 687.44 ເຮັກຕາ, ຜົນຜະລິດໄດ້ 2.101 ໂຕນ, ເທົ່າກັບ 16,67% ຂອງແຜນການ;ມັນຕົ້ນ 6.251 ເຮັກຕາ, ຜົນຜະລິດ 390.660 ໂຕນ, ລື່ນແຜນ 27%;ໝາກໂມ 17.973 ໂຕນ, ລື່ນແຜນ 25%;ໝາກອຶ 2.874 ໂຕນ, ເທົ່າກັບ 50% ຂອງແຜນ;ພືດຜັກຕ່າງໆ 762 ເຮັກຕາ, ຜົນຜະລິດໄດ້ 6.814 ໂຕນ;ໝາກກ້ຽງນ້ອຍ 230 ເຮັກຕາ,ກ້ຽງໃຫຍ່18 ເຮັກຕາ(ຍັງບໍ່ໄດ້ເກັບຜົນຜະລິດ);
ໝາກນາວ 391ເຮັກຕາ, ຜົນຜະລິດໄດ້ 643 ໂຕນ;ໝາກພ້າວ 89 ເຮັກຕາ, ຜົນຜະລິດໄດ້ 193ໂຕນ;ໝາກຖົ່ວລຽນ 102 ເຮັກຕາ, ຜົນຜະລິດໄດ້ 650 ໂຕນ;ໝາກເງາະ 55 ເຮັກຕາ, ຜົນຜະລິດໄດ້ 546 ໂຕນ. ການລ້ຽງສັດ ແລະ ການປະມົງ ມີຄວາຍ 57.500 ໂຕ, ເທົ່າກັບ 99%ຂອງແຜນ;ງົວ 237.550 ໂຕ, ເທົ່າກັບ 98%ຂອງແຜນ;ໝູ161.300ໂຕ, ເທົ່າກັບ 62%ຂອງແຜນ; ແບ້ 28.800 ໂຕ,ເທົ່າກັບ 97,6%ຂອງແຜນ;ສັດປີກ 3,75 ລ້ານໂຕ, ເທົ່າກັບ 97%ຂອງແຜນ;ປາ 7.770 ໂຕນ, ເທົ່າກັບ 50% ຂອງແຜນ ແລະ ໄຂ່ 24,56 ລ້ານໜ່ວຍ, ເທົ່າກັບ 50% ຂອງແຜນ.
ການຈໍາໜ່າຍພາຍໃນ ແລະ ສົ່ງອອກຜະລິດຕະພັນກະສິກໍາປະຕິບັດໄດ້ 1.212,71 ຕື້ກີບ, ເທົ່າກັບ 73,68% ຂອງແຜນການ (ແຜນ 1.645,73 ຕື້ກີບ);ໃນນີ້, ຈໍາໜ່າຍພືດພາຍໃນ 38.564 ໂຕນ, ມູນຄ່າ 167,20 ຕຶ້ກີບ (ພືດຜັກ 32.877 ໂຕນ, ໝາກໄມ້ 5.686 ໂຕນ);ພືດປ້ອນເຂົ້າໂຮງງານພາຍໃນ 149.636 ໂຕນ, ມູນຄ່າ 373,26 ຕື້ກີບ (ສາລີຫວານ 848 ໂຕນ, ສາລີແຂງ 150 ໂຕນ, ຫົວຜັກທຽມ 10ໂຕນ, ມັນຕົ້ນດິບ 73.720 ໂຕນ, ມັນຕົ້ນແຫ້ງ 58.525 ໂຕນ, ໝາກເດືອຍ 15.472 ໂຕນ, ປາມ 142ໂຕນ ແລະ ຢາງພາລາ 767 ໂຕນ); ພືດສົ່ງອອກ 92.000 ໂຕນ, ມູນຄ່າ 26,89 ລ້ານໂດລາ (ໝາກກ້ວຍຫອມ 50.000 ໂຕນ, ມູນຄ່າ 12,50 ລ້ານໂດລາ, ໝາກໂມ 10.000 ໂຕນ, ມູນຄ່າ 2,50 ລ້ານໂດລາ, ໜາກອຶ 7.000 ໂຕນ, ມູນຄ່າ 1,75 ລ້ານໂດລາ, ເຂົ້າເປືອກ 600 ໂຕນ, ມູນຄ່າ 208.950 ໂດລາ, ຂີງ 55 ໂຕນ, ມູນຄ່າ 7.100 ໂດລາ, ສາລີແຂງ 150 ໂຕນ, ມູນຄ່າ 1.500 ໂດລາ, ໝາກເດືອຍ 695 ໂຕນ, ມູນຄ່າ 63.000 ໂດລາ, ມັນຕົ້ນແຫ້ງ 133 ໂຕນ, ມູນຄ່າ 106.400 ໂດລາ, ແປ້ງມັນຕົ້ນ 23.375 ໂຕນ, ມູນຄ່າ 9,76 ລ້ານໂດລາ; ປ້ອນສັດເຂົ້າໂຮງງານຂ້າສັດພາຍໃນ ແລະ ເປັນໂຕສົ່ງອອກຕ່າງແຂວງໄດ້ 166,09 ຕື້ກີບ (ສັດເຂົ້າໂຮງຂ້າສັດ 76,53 ຕື້ກີບ ແລະ ສັດສົ່ງອອກຕ່າງແຂວງ 89,56 ຕື້ກີບ.
ບັນດາໂຕເລກຊີ້ບອກຂ້າງເທິງນັ້ນ, ສະແດງເຖິງບົດບາດສຳຄັນຂອງຂະແໜງກະສິກຳ ໃນການຊຸກຍູ້ເສດຖະກິດແຂວງວຽງຈັນ ເຖິງຈະມີບາງຂໍ້ຄົງຄ້າງເປັນຕົ້ນກ່ຽວກັບຊົນລະປະທານທີ່ລະບຸຂ້າງເທິງນັ້ນ; ນອກນັ້ນ, ກໍຍັງມີບາງຂໍ້ຄົງຄ້າງໂດຍສະເພາະແມ່ນການຊຸກຍູ້ສົ່ງເສີມການຜະລິດ ເພື່ອສົ່ງອອກ ແລະ ທົດແທນການນຳເຂົ້າ ຍັງບໍ່ທັນເຮັດໄດ້ຢ່າງຕັ້ງໜ້າເທົ່າທີ່ຄວນ, ການສະໜອງແຫຼ່ງທຶນໃຫ້ທຸລະກິດຂະໜາດນ້ອຍ ແລະ ຂະໜາດກາງຍັງຊັກຊ້າ, ຫົວໜ່ວຍທຸລະກິດເນື່ອງຈາກຫົວໜ່ວຍທຸລະກິດຈຳນວນຫຼາຍບໍ່ໄດ້ຖືບັນຊີຕາມລະບຽບການ ແລະ ບັນຫາປັດໄຈການຜະລິດມີຕົ້ນທຶນສູງ; ຄ່າແຮງງານ, ຄ່າຝຸ່ນ-ຄ່າປຸ໋ຍ ແລະ ນໍ້າມັນເຊື້ອໄຟ. ສະນັ້ນ, ບັນຫາທີ່ກ່າວມານີ້, ກໍເປັນວຽກງານທີ່ຈະສຸມໃສ່ແກ້ໄຂ ເພື່ອບັນລຸຄາດໝາຍຂອງແຜນພັດທະນາ ທີ່ວາງໄວ້ ຊຶ່ງຂະແໜງກະສິກຳ ຈະຂະຫຍາຍຕົວ 4,2%, ກວມເອົາ 33,87% ຂອງ GDP ໂດຍຈະໄດ້ສູ້ຊົນຜະລິດເຂົ້າທັງໝົດໃຫ້ໄດ້ 62.824 ເຮັກຕາ, ຜົນຜະລິດ 300.524 ໂຕນ, ສະເລ່ຍເຂົ້າກິນໃຫ້ໄດ້ 570 ກິໂລ/ຄົນ, ປູກພຶດລະດູຝົນໃຫ້ໄດ້ 31.913 ເຮັກຕາ, ຜົນຜະລິດ 488.552 ໂຕນ ແລະ ຜະລິດຊີ້ນ, ປາ ແລະ ໄຂ່ 20.279 ໂຕນ; ສືບຕໍ່ສົ່ງອອກພືດໃຫ້ໄດ້ 35.000 ໂຕນ ແລະ ສັດຕ່າງໆ 62.132 ໂຕ, ມູນຄ່າ 520,62 ຕື້ກີບ; ປະກອບສ່ວນໃນໂຄງປະກອບເສດຖະກິດ ໃຫ້ GDPຂອງແຂວງບັນລຸໃນລະດັບ 5,4%, ຄິດເປັນມູນຄ່າ 11.189 ຕື້ກີບ, ລາຍຮັບສະເລ່ຍຕໍ່ຫົວຄົນ 1.191 ໂດລາ ຫຼື ເທົ່າກັບ 22,87 ລ້ານກີບ/ຄົນ.
ຄໍາເຫັນ