 |
ເພື່ອແນະນໍາໃຫ້ທຸກພາກສ່ວນທີ່ເຂົ້າຮ່ວມຮັບຮູ້ ແລະ ເຂົ້າໃຈ ໃນການນໍາເອົາຮ່າງເນື້ອໃນ ເອກະສານກອງປະຊຸມໃຫຍ່ ຜູ້ແທນອົງຄະນະພັກແຂວງຄັ້ງທີ XI ໄປຄົ້ນຄວ້າເຊື່ອມຊຶມ ແລະ ປະກອບຄໍາຄິດຄໍາເຫັນ ຮ່ວມກັບບັນດາຄະນະຜູ້ແທນສົມບູນ ທີ່ຈະເຂົ້າຮ່ວມກອງປະຊຸມໃຫຍ່ໃນແຕ່ລະຂົງເຂດ ໄດ້ມີສ່ວນຮ່ວມໃນການສະແດງຄວາມຄິດເຫັນໃຫ້ມີຄວາມຫຼາກຫຼາຍ ເພື່ອປະກອບຄໍາເຫັນໃສ່ ຮ່າງລາຍງານການເມືອງ; ແຜນພັດທະນາເສດຖະກິດ-ສັງຄົມ 5 ປີ ແລະ ຮ່າງບົດສໍາຫຼວດການນໍາພາລວມຂອງຄະນະບໍລິຫານງານພັກແຂວງ ໃຫ້ມີຄວາມລະອຽດຈະແຈ້ງ, ສອດຄ່ອງກັບຕົວຈິງຂອງແຕ່ລະຂະແໜງການ.
ຈຸດປະສົງ, ແນໃສ່ເຮັດໃຫ້ຮ່າງເອກະສານສໍາຄັນດັ່ງກ່າວ, ມີເນື້ອໃນຄົບຖ້ວນ, ສົມບູນ, ຖືກຕ້ອງກັບສະພາບຄວາມເປັນຈິງ ບົນພື້ນຖານປະຕິບັດຕາມການແນະນໍາຄະນະຮັບຜິດຊອບວຽກກະກຽມເນື້ອໃນກອງປະຊຸມໃຫຍ່ຄັ້ງທີ XI ຂອງພັກ. ຊຶ່ງການຈັດຕັ້ງປະຕິບັດ ແມ່ນຈະໄດ້ຈັດເປັນກຸ່ມການຄົ້ນຄວ້າຄື: ກຸມ ປກຊ-ປກສ, ກຸ່ມເສດຖະກິດ, ກຸ່ມວັດທະນະທໍາ-ສັງຄົມ, ກຸ່ມຂົງເຂດການເມືອງ, ອົງການມະຫາຊົນ, ສ່ວນບັນດາເມືອງແມ່ນມອບໃຫ້ເລຂາພັກເມືອງເປັນຜູ້ນໍາພາຈັດຕັ້ງປະຕິບັດ.
ທ່ານ ວັນໄຊ ພອງສະຫວັນ ໄດ້ເນັ້ນໃຫ້ທຸກພາກສ່ວນເອົາໃຈໃສ່ ໃນການຄົ້ນຄວ້າຢ່າງລະອຽດ ເປັນຕົ້ນ: ກ່ຽວກັບຮ່າງລາຍງານການເມືອງ ແລະ ຮ່າງແຜນພັດທະນາເສດຖະກິດ-ສັງຄົມ ທັງສອງພາກ, ລວມທັງມາດຕະການໃນການຈັດຕັ້ງປະຕິບັດ, ເບິ່ງຄືນຕົວເລກ, ບັນດາຄໍາສັບ, ອັນໃດທີ່ເຫັນວ່າຍັງບໍ່ສອດຄ່ອງຄວນປັບປຸງຄືແນວໃດ. ທັງນີ້, ກໍເພື່ອແນໃສ່ເຮັດໃຫ້ມີຄວາມເປັນເອກະພາບ ເພື່ອໃຫ້ອະນຸເນື້ອໃນໄດ້ນໍາໄປດັດປັບ ໃຫ້ສໍາເລັດຕາມກໍານົດເວລາ.
(ຂ່າວ: ມະນີວັນ)
ຄໍາເຫັນ