 |
ການພົບປະຢ້ຽມຢາມຄັ້ງນີ້, ສະຫາຍ ສີເຮັງ ຫອມສົມບັດ ໄດ້ລາຍງານສະພາບເສດຖະກິດ-ສັງຄົມຂອງແຂວງ, ທີ່ຕັ້ງພາລະບົດບາດ, ສິດ ແລະ ໜ້າທີ່ ຂອງສະພາປະຊາຊົນແຂວງ ຊຸດທີ IV ໃຫ້ຄະນະປະຈໍາ ສະພາປະຊາຊົນແຂວງຢາລາຍ ໄດ້ຮັບຊາບ; ຫຼັງຈາກນັ້ນ, ທ່ານໄດ້ກ່າວສະແດງຄໍາອວຍພອນອັນປະເສີດມາຍັງ ບັນດາສະຫາຍ ຄະນະປະຈໍາ ສະພາປະຊາຊົນແຂວງຢາລາຍ ດ້ວຍຄວາມຈິງໃຈມິດຕະພາບຢ່າງສູງສົ່ງ, ຂໍຈົ່ງມີສຸຂະພາບພະລານະໄມສົມບູນ, ປະສົບຜົນສຳເລັດໃນທຸກໜ້າທີ່ວຽກງານ, ອວຍພອນໃຫ້ແຂວງຢາລາຍມີການພັດທະນາຍິ່ງໆຂຶ້ນ ແລະ ຂໍໃຫ້ສາຍພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ທີ່ມີມູນເຊື້ອມາແຕ່ດົນນານ ລະຫວ່າງ ຂອງສອງພັກ, ສອງລັດ, ປະຊາຊົນສອງຊາດ ລາວ-ຫວຽດນາມ ໃຫ້ ແໜ້ນແຟ້ນຍິ່ງຂຶ້ນ.
ໂອກາດນີ້, ສະຫາຍ ນາງ ຮວງ ຖຸ້ຍ ເວິນ ໄດ້ກ່າວສະແດງຄວາມຂອບອົກຂອບໃຈ ມາຍັງ ຄະນະປະຈໍາ ສະພາປະຊາຊົນແຂວງສາລະວັນ ຢ່າງລົ້ນເຫຼືອ ທີ່ໄດ້ເດີນທາງມາພົບປະຢ້ຽມຢາມ ອວຍພອນອັນອົບອຸ່ນ, ເຫັນໄດ້ຄວາມໝາຍຄວາມສຳຄັນ ແລະ ເພື່ອຮັດແໜ້ນຄວາມສາມັກຄີມິດຕະພາບພິເສດ ລະຫວ່າງລາວ-ຫວຽດນາມ ເວົ້າລວມ-ເວົ້າສະເພາະກໍຄື ສະພາປະຊາຊົນ 2 ແຂວງຢາລາຍ-ແຂວງສາລະວັນ ໃຫ້ນັບມື້ຍິ່ງແໜ້ນແຟ້ນຂຶ້ນເລື້ອຍໆ;
ຕອນທ້າຍ, ກໍໄດ້ມອບກະຕ່າຂອງຂວັນ, ຂອງທີ່ລະນຶກ ແລະ ເຂົ້າສານ ໃຫ້ ສະຫາຍ ນາງ ຮວງ ຖຸ້ຍ ເວິນ ເພື່ອເປັນຂອງຂວັນປີໃໝ່ ສສ ຫວຽດນາມ ໃນຄັ້ງນີ້.
(ຂ່າວ-ພາບ: ສະພາປະຊາຊົນແຂວງສາລະວັນ)
ຄໍາເຫັນ