 |
ສະຫາຍ ຈິດຕະວົງ ສີສົງຄາມ ໄດ້ເຜີຍແຜ່ຜົນສໍາເລັດຂອງກອງປະຊຸມດັ່ງກ່າວວ່າ: ການຈັດ ຕັ້ງປະຕິບັດວຽກງານ ໃນໄລຍະຜ່ານມາ, ການຄົ້ນຄວ້າປຶກສາຫາລືບັນຫາຕ່າງໆ ໃຫ້ເລິກເຊິ່ງເຮັດໃຫ້ຜົນສໍາເລັດ ທີ່ຍາດມາໄດ້ກໍຄືດ້ານທີ່ຍັງອ່ອນ-ຄົງຄ້າງ ໄດ້ຮັບການພິຈາລະນາ ຢ່າງຖືກຕ້ອງຊັດເຈນຕາມຄວາມເປັນຈິງ, ສາມາດຖອດຖອນໃຫ້ໄດ້ບົດຮຽນ ກໍຄືບັນຫາຕົວຈິງ ເພື່ອເປັນບ່ອນອີງໃຫ້ການປັບປຸງແກ້ໄຂໃນຕໍ່ໜ້າ. ນອກຈາກນີ້, ຜູ້ເຂົ້າຮ່ວມຍັງໄດ້ລົງເລິກຄົ້ນຄວ້າປຶກ ສາຫາລື ແລະ ປະກອບຄຳຄິດ-ຄຳເຫັນຕໍ່ຮ່າງບົດສະຫຼຸບຕີລາຄາການເຄື່ອນໄຫວວຽກງານຕິດຕາມກວດກາພັກ, ກວດກາລັດ, ສະກັດກັ້ນ ແລະ ຕ້ານການສໍ້ລາດບັງຫຼວງ, ຄົ້ນຄວ້າພິຈາລະນາຄຳຮ້ອງ-ຄຳສະເໜີ, ການຕິດຕາມ-ກວດກາການແກ້ໄຂຜົນຂອງການກວດກາ. ກອງປະຊຸມຍັງໄດ້ຕີລາຄາເຖິງການປັບປຸງພາຍໃນຂອງຄະນະກວດກາ ແລະ ອົງການກວດກາແຕ່ລະຂັ້ນ, ໂດຍສະເພາະແມ່ນການປັບປຸງກົງຈັກການຈັດຕັ້ງ ປີ 2024 ລວມທັງການປຶກສາຫາລືກ່ຽວກັບທິດທາງແຜນການເຄື່ອນໄຫວວຽກຈຸດສຸມໃນປີ 2025.
ກອງປະຊຸມຍັງໄດ້ຮັບຟັງການຜ່ານບົດສະຫຼຸບຕີລາຄາການເຄື່ອນໄຫວວຽກງານກວດກາປະຈຳປີ 2024 ແລະ ທິດທາງວຽກງານຈຸດສຸມ ປະຈຳປີ 2025 ຕາງໜ້າຂຶ້ນຜ່ານເອກະສານ ໂດຍສະຫາຍ ນາງ ລັດສະໝີ ໄຊຊະນະວົງ ກໍາມະການພັກເມືອງ ຮອງປະທານຄະນະກວດກາພັກເມືອງ ແລະ ເຊື່ອມຊຶມເອກະສານສຳຄັນອື່ນໆເຊັ່ນ: ຂໍ້ກຳນົດວ່າດ້ວຍການຈັດຕັ້ງ ແລະ ເຄື່ອນໄຫວຂອງຄະນະກວດກາພັກເມືອງ, ຜ່ານຄຳແນະນຳກ່ຽວກັບການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ສະບັບເລກທີ 28/ຄຈສພ ລົງວັນທີ 14 ກຸມພາ 2025, ຜ່ານຂໍ້ຕົກລົງສະບັບເລກທີ 391/ອກຫລ ລົງວັນທີ 7 ພະຈິກ 2023 ວ່າດ້ວຍ ການຈັດຕັ້ງ ແລະ ເຄື່ອນໄຫວຂອງອົງການກວດກາລັດເມືອງ, ນະຄອນຫຼວງ ແລະ ຂໍ້ກົດນົດສະບັບເລກທີ 39/ຄປພ,ມໝ ລົງວັນທີ 13/3/ 2023 ວ່າດ້ວຍ ການຈັດຕັ້ງ ແລະ ເຄື່ອນໄຫວຂອງຄະນະກວດກາພັກເມືອງ.
(ແຫຼ່ງຂ່າວ: ເມືອງທຸລະຄົມ)
ຄໍາເຫັນ