ທົ່ວເຖິງທຸກເປົ້າໝາຍເພື່ອສ້າງຄວາມຮັບຮູ້ເຂົ້າໃຈ,ມີຄວາມເຊື່ອໝັ້ນ,ສະໜັບສະໜູນເປັນເອກະພາບທາງດ້ານແນວຄິດ ແລະ ການກະທໍາຢ່າງຕັ້ງໜ້າຕໍ່ແນວທາງ, ແຜນນະໂຍບາຍ ແລະ ການນໍາພາຂອງພັກ.
ທ່ານ ສາຄອນ ພົມມະລາດ ກໍາມະການຄະນະພັກ ຮອງຄະນະໂຄສະນາອົບຮົມສູນກາງພັກໄດ້ປະກອບຄໍາເຫັນຕໍ່ກອງປະຊຸມ ສະຫຼຸບຕີລາຄາການຈັດຕັ້ງປະຕິບັດຂະບວນການແຂ່ງຂັນ ຮັກຊາດ ແລະ ພັດທະນາ ປະຈໍາປີ 2024 ແລະ ທິດທາງແຜນການ 2025 ທີ່ຜ່ານມາວ່າ:ວຽກງານຂະບວນການແຂ່ງຂັນ ຮັກຊາດ ແລະ ພັດທະນາ ເນື້ອແທ້ຂອງມັນ ກໍແມ່ນການປະຕິບັດແນວທາງນະໂຍບາຍຂອງພັກ-ລັດ ເປັນການຍົກສູງຄວາມຮັບຜິດຊອບຂອງພະນັກງານຢູ່ໃນແຕ່ລະຂັ້ນໃຫ້ສູງຂຶ້ນ; ສົ່ງເສີມຫົວຄິດປະດິດສ້າງ ແລະ ເປັນວຽກງານນະໂຍບາຍຕໍ່ພະນັກງານທີ່ມີຜົນງານດີເດັ່ນ ແລະ ບັນດາກົມກອງ, ນິຕິບຸກຄົນ ທີ່ໄດ້ປະກອບສ່ວນທາງດ້ານສະຕິປັນຍາ, ວັດຖຸ ແລະ ດ້ານອື່ນໆ ເຂົ້າໃນການສ້າງສາພັດທະນາປະເທດ.
ສໍາລັບຄະນະໂຄສະນາອົບຮົມສູນກາງພັກໃນໄລຍະ 5 ປີ (2021-2025) ແມ່ນໄດ້ກໍານົດວຽກງານດັ່ງກ່າວຢູ່ໃນແຜນພັດທະນາວຽກງານໂຄສະນາອົບຮົມໂດຍໄດ້ວາງຄາດໝາຍ ແລະ ແຜນວຽກຈຸດສຸມ ຕິດພັນກັບຂະບວນການແຂ່ງຂັນ ຮັກຊາດ ແລະ ພັດທະນາໂດຍໄດ້ໂຄສະນາສຶກສາອົບຮົມການເມືອງ-ແນວຄິດຢ່າງເລິກເຊິ່ງ, ທົ່ວເຖິງທຸກເປົ້າໝາຍເພື່ອສ້າງຄວາມຮັບຮູ້ເຂົ້າໃຈ,ມີຄວາມເຊື່ອໝັ້ນ, ສະໜັບສະໜູນເປັນເອກະພາບທາງດ້ານແນວຄິດ ແລະ ການກະທໍາຢ່າງຕັ້ງໜ້າຕໍ່ແນວທາງ, ແຜນນະໂຍບາຍ ແລະ ການນໍາພາຂອງພັກ ເຮັດໃຫ້ວຽກງານໂຄສະນາອົບຮົມມີຄຸນນະພາບ, ມີຊີວິດຊີວາ, ຕິດພັນກັບໜ້າທີ່ວຽກງານຕົວຈິງ ໃນແຕ່ລະໄລຍະຂອງການປົກປັກຮັກສາ ແລະ ສ້າງສາພັດທະນາປະເທດຊາດ.ເຮັດໃຫ້ວຽກງານໂຄສະນາສຶກສາອົບຮົມມີຄວາມແຫຼມຄົມວ່ອງໄວ ທັນການໃນການອະທິບາຍຕອບແກ້ບັນຫາຕ່າງໆທີ່ສັງຄົມສົນໃຈ; ເປັນເຈົ້າການຕອບຕ້ານກົນອຸບາຍຫັນປ່ຽນໂດຍສັນຕິ, ການໂຄສະນາໃສ່ຮ້າຍປ້າຍສີຂອງອິດທິກໍາລັງປໍລະປັກ ແລະ ພວກຄົນບໍ່ດີ, ປະກອບສ່ວນສະກັດກັ້ນ ແລະ ແກ້ໄຂການເສື່ອມຖອຍດ້ານແນວຄິດ, ຄຸນທາດການເມືອງ, ຄຸນສົມບັດສິນທໍາປະຕິວັດ ແລະ ແບບແຜນດໍາລົງຊີວິດຂອງສະມາຊິກພັກ, ພະນັກງານ ແລະ ປະຊາຊົນ,ຄົ້ນຄວ້າສ້າງ ແລະ ປັບປຸງເອກະສານໂຄສະນາສຶກສາອົບຮົມ ໃຫ້ມີເນື້ອໃນອຸດົມສົມບູນ ແລະ ມີຄຸນນະພາບ ຕອບສະໜອງຄວາມຮຽກຮ້ອງຕ້ອງການຂອງໜ້າທີ່ການເມືອງ, ໜ້າທີ່ຈຸດສຸມ ແຕ່ລະໄລຍະແລະ ແທດເໝາະກັບແຕ່ລະເປົ້າໝາຍ,ປັບປຸງກົງຈັກການຈັດຕັ້ງ, ບຸກຄະນະລາກອນ, ພື້ນຖານໂຄງລ່າງ ແລະ ນິຕິກໍາ, ກົນໄກປະສານງານຂອງຄະນະໂຄສະນາອົບຮົມທຸກຂັ້ນແຕ່ສູນກາງລົງຮອກທ້ອງຖິ່ນໃຫ້ໂລ່ງລ່ຽນ ແລະ ໜັກແໜ້ນເຂັ້ມແຂງ,ໃນນັ້ນໄດ້ນໍາເອົາບັນດາຄາດໝາຍດັ່ງກ່າວເຂົ້າໃນແຜນການສ້າງຂະບວນການແຂ່ງຂັນ ຮັກຊາດ ແລະ ພັດທະນາ ໃນແຕ່ລະປີ, ແຕ່ລະປີພວກເຮົາໄດ້ສ້າງແຜນການ ແລະ ເປີດຂະບວນການແຂ່ງຂັນ ພ້ອມທັງກວດກາຕີລາຄາໃນການຈັດຕັ້ງປະຕິບັດເປັນແຕ່ລະປີ.
ທ່ານກ່າວຕື່ມວ່າ: ສຳລັບປີ 2024 ຜ່ານມາ,ການສ້າງຂະບວນການແຂ່ງຂັນຮັກຊາດ ແລະ ພັດທະນາ ຕິດພັນກັບການໂຄສະນາເຜີຍແຜ່ນິຕິກໍາຂອງພັກ, ຂອງລັດ, ຕິດພັນກັບແຜນວຽກຈຸດສຸມ ແລະ ເນື້ອໃນຂໍ້ແຂ່ງຂັນຂອງຄະນະໂຄສະນາອົບຮົມສູນກາງພັກ ໂດຍໄດ້ຈັດຕັ້ງເຜີຍແຜ່, ຄົ້ນຄວ້າເຊື່ອມຊຶມແລະຜັນຂະຫຍາຍມະຕິກອງປະຊຸມໃຫຍ່ຄັ້ງທີXI ຂອງພັກ, ແຜນພັດທະນາເສດຖະກິດ-ສັງຄົມແຫ່ງຊາດ5ປີຄັ້ງທີIX ຂອງລັດ, ບັນດາມະຕິຂອງສູນກາງພັກໃນຂົງເຂດວຽກງານໂຄສະນາອົບຮົມໃຫ້ແກ່ພະນັກງານ-ລັດຖະກອນທົ່ວຄະນະໂຄສະນາອົບຮົມສູນກາງພັກ,ສ້າງແລະປັບປຸງເອກະສານໂຄສະນາສຶກສາອົບຮົມແລະຈັດຕັ້ງຝຶກອົບຮົມໃຫ້ເປົ້າໝາຍຕ່າງໆເຊັ່ນ:ເອກະສານໂຄສະນາ-ປາຖະກະຖາ, ເອກະສານສຶກສາອົບຮົມຄວາມຮູ້ກ່ຽວກັບທິດສະດີມາກ-ເລນິນ, ແນວຄິດໄກສອນພົມວິຫານ, ແນວທາງແຜນນະໂຍບາຍຂອງພັກ, ກົດໝາຍ, ນະໂຍບາຍຂອງລັດສຳລັບເປົ້າໝາຍຕ່າງໆ, ສ້າງເອກະສານດຳເນີນຊີວິດການເມືອງ,ສ້າງແລະປັບປຸງເອກະສານຝຶກອົບຮົມວຽກງານໂຄສະນາອົບຮົມໃຫ້ແຕ່ລະເປົ້າໝາຍໂດຍສະເພາະແມ່ນພະນັກງານທີ່ເຮັດວຽກງານໂຄສະນາອົບຮົມໃນຂອບເຂດທົ່ວປະເທດ,ຈັດຕັ້ງຝຶກອົບຮົມໃຫ້ພະນັກງານນຳພາ-ຄຸ້ມຄອງແຕ່ລະຂັ້ນຢູ່ບັນດາກະຊວງ-ອົງການແລະທ້ອງຖິ່ນ,ຕິດຕາມເກັບກໍາສະພາບແນວຄິດ, ຫາງສຽງສັງຄົມ, ສະໜອງຂໍ້ມູນຂ່າວສານດ້ານຕ່າງໆ, ສະຫຼຸບສັງລວມການເຄື່ອນໄຫວວຽກງານໂຄສະນາອົບຮົມ,ຕິດຕາມ, ເກັບກຳສະພາບແນວຄິດ, ຫາງສຽງສັງຄົມ, ສ້າງເອກະສານນຳພາແນວຄິດຕໍ່ບັນດາຫາງສຽງສັງຄົມທີ່ພົ້ນເດັ່ນໃນແຕ່ລະໄລຍະ,ຈັດກອງປະຊຸມສະຫຼຸບຖອດຖອນບົດຮຽນວຽກງານການເມືອງ-ແນວຄິດ, ວຽກງານໂຄສະນາອົບຮົມແຕ່ລະໄລຍະ,ປັບປຸງຍົກສູງຄຸນນະພາບຂອງວາລະສານອະລຸນໃໝ່ແລະວາລະສານໂຄສະນາ.ປັບປຸງແລະພັດທະນາວາລະສານອະລຸນໃໝ່,ວາລະສານໂຄສະນາໃຫ້ມີເນື້ອໃນອຸດົມສົມບູນກາຍເປັນເຄື່ອງມືໃນການເຄື່ອນໄຫວວຽກງານໂຄສະນາອົບຮົມທີ່ມີປະສິດທິພາບຂອງຄະນະໂຄສະນາອົບຮົມສູນກາງພັກແທດເໝາະກັບສະພາບການແຕ່ລະໄລຍະ,ນຳໃຊ້ສື່ແລະກຳລັງແຮງສັງລວມເຂົ້າໃນວຽກງານໂຄສະນາອົບຮົມພ້ອມທັງກໍ່ສ້າງພະນັກງານໂຄສະນາອົບຮົມ,ໂຄສະນາເຜີຍແຜ່ມະຕິກອງປະຊຸມໃຫຍ່ຄັ້ງທີXIຂອງພັກ, ແຜນພັດທະນາເສດຖະກິດ-ສັງຄົມແຫ່ງຊາດ5ປີຄັ້ງທີIXຂອງລັດ ໂດຍຜ່ານສື່ຕ່າງໆເຊັ່ນ: ວິທະຍຸກະຈາຍສຽງ, ໂທລະພາບ, ໂທລະໂຄ່ງແລະອື່ນໆ,ປັບປຸງໜັງສືພິມປະຊາຊົນໃຫ້ມີເນື້ອໃນອຸດົມສົມບູນ, ຕອບສະໜອງທັນກັບສະພາບການ,ສ້າງເພື່ອນຮ່ວມງານຢູ່ແຕ່ລະຂະແໜງການແລະຢູ່ທ້ອງຖິ່ນໃນທົ່ວປະເທດ,ພັດທະນາຫ້ອງປະມວນຂ່າວສານໃຫ້ມີຄວາມທັນສະໄໝເພື່ອສະດວກໃນການສຶກສາຄົ້ນຄວ້າແລະສະໜອງຂໍ້ມູນຂ່າວສານ,ປັບປຸງເວັບໄຊຂອງຄະນະໂຄສະນາອົບຮົມສູນກາງພັກແລະເວັບໄຊຂອງໜັງສືພິມປະຊາຊົນ, ວາລະສານໃຫ້ມີຄຸນນະພາບ, ມີຫຼາຍສີສັນ, ມີຄວາມທັນສະໄໝ, ທັນເຫດການແລະສະດວກສະບາຍໃນການຕິດຕາມຂ່າວສານຕ່າງໆ,ປັບປຸງກົງຈັກການຈັດຕັ້ງ, ພາລະບົດບາດແລະບຸກຄະລາກອນທີ່ເຮັດວຽກງານໂຄສະນາອົບຮົມທັງຢູ່ສູນກາງແລະທ້ອງຖິ່ນ; ສ້າງພື້ນຖານໂຄງລ່າງແລະກົນໄກປະສານງານຂອງຄະນະໂຄສະນາອົບຮົມສູນກາງພັກ,ປະຕິບັດກົນໄກປະສານງານກ່ຽວກັບການດຳເນີນວຽກງານໂຄສະນາອົບຮົມໃຫ້ຖືກຕ້ອງສອດຄ່ອງກັບແນວທາງນະໂຍບາຍຂອງພັກແລະສະພາບຄວາມເປັນຈິງຂອງວຽກງານ,ກໍ່ສ້າງແລະປັບປຸງພື້ນຖານໂຄງລ່າງ,ວັດຖຸອຸປະກອນແລະສະໜອງງົບປະມານໃຫ້ສາມາດເຄື່ອນໄຫວຈັດຕັ້ງປະຕິບັດຕາມແຜນການວາງໄວ້,ເພີ່ມທະວີການພົວພັນຮ່ວມມືກັບບັນດາອົງການທີ່ເຮັດວຽກງານໂຄສະນາສຶກສາອົບຮົມການເມືອງ-ແນວຄິດຂອງປະເທດເພື່ອນມິດຍຸດທະສາດ, ບັນດາປະເທດໃນພາກພື້ນແລະສາກົນ,ເພີ່ມທະວີການພົວພັນຮ່ວມມືກັບຄະນະໂຄສະນາສຶກສາສູນກາງພັກກອມມູນິດຫວຽດນາມ, ພັກກອມມູນິດຈີນແລະປະເທດອື່ນເພື່ອຍາດແຍ່ງເອົາການສະໜັບສະໜູນຊ່ວຍເຫຼືອດ້ານເຕັກນິກ, ວັດຖຸອຸປະກອນແລະດ້ານອື່ນໆ.
ຄໍາເຫັນ