ໂດຍ: ວັນເພັງ
ບໍລິສັດກຸຍໂຈນານຊານຮົວຫາວເຢ້ຢວນການລົງທຶນແຫຼ່ງທ່ອງທ່ຽວວັດທະນະທຳຈຳກັດແຫ່ງສປຈີນ (GuizhouNanshanHuahaoYueYuan Tourism Culture Investment Co.,Ltd) ຊຶ່ງເປັນໜຶ່ງໃນບັນດາບໍລິສັດທີ່ມີແນວຄິດ ພັດທະນາແຫຼ່ງທ່ອງທ່ຽວພື້ນທີ່ເຂດເມືອງປາກຊ່ອງ ແຂວງຈຳປາສັກໃຫ້ເປັນແຫຼ່ງທ່ອງທ່ຽວຄົບວົງຈອນໃນປີ 2024 ນີ້.
ໃນໂອກາດເຂົ້າຮ່ວມກອງປະຊຸມເວທີສົນທະນາການຮ່ວມມືລາວ-ຈີນ ພາຍໃຕ້ຫົວຂໍ້: ໜຶ່ງແລວ ໜຶ່ງເສັ້ນທາງທີ່ຈັດຂຶ້ນເມື່ອບໍ່ດົນມານີ້, ທີ່ນະຄອນຫຼວງວຽງຈັນ ທ່ານ ລີ ຈິງ (Li Jing) ປະທານບໍລິສັດກຸຍໂຈນານຊານຮົວຫາວເຢ້ຢວນການລົງທຶນແຫຼ່ງທ່ອງທ່ຽວວັດທະນະທຳຈຳກັດແຫ່ງສປຈີນ ໄດ້ໃຫ້ສໍາພາດຜ່ານສື່ມວນຊົນວ່າ: ຂ້າພະເຈົ້າເລືອກມາລົງທຶນຢູ່ເຂດເມືອງປາກຊ່ອງ ແຂວງຈຳປາສັກ ຍ້ອນເຫັນວ່າສະພາບອາກາດ ແລະ ທຳມະຊາດຢູ່ເຂດນີ້ແມ່ນດີຫຼາຍບໍ່ວ່າຈະເປັນອາກາດທີ່ດີຕໍ່ຄົນເຮົາອາໄສຢູ່, ມີອາກາດເຢັນ ແລະ ຊັບພະຍາກອນທຳມະຊາດອຸດົມສົມບູນ. ເບິ່ງແລ້ວຄ້າຍຄືແຫຼ່ງທ່ອງທ່ຽວທີ່ພັດທະນາຢູ່ກຸຍໂຈ ເມືອງກຸຍຢາງ ສປຈີນ.ດັ່ງນັ້ນຈຶ່ງໄດ້ເລືອກພັດທະນາແຫຼ່ງທ່ອງທ່ຽວຢູ່ເຂດເມືອງປາກຊ່ອງ. ພາຍໃຕ້ການສະໜັບສະໜູນຂອງພັກ-ລັດທັງສອງຊາດລາວ-ຈີນ ແລະ ພາຍໃຕ້ຍຸດທະສາດ ໜຶ່ງແລວ ໜຶ່ງເສັ້ນທາງບວກກັບປະສົບການທີ່ມີ ແລະ ໄດ້ເຮັດສຳເລັດຢູ່ສປ ຈີນ ຈຶ່ງເກີດມີແນວຄິດຢາກເອົາປະສົບການດັ່ງກ່າວນຳມາແບ່ງປັນ ແລະ ຊຸກຍູ້ການພັດທະນາແຫຼ່ງທ່ອງທ່ຽວຂອງສປປ ລາວ.
ຕາມແຜນການພັດທະນາແຫຼ່ງທ່ອງທ່ຽວໃນເຂດເມືອງດັ່ງກ່າວ ພາຍໃນໂຄງການຈະປະກອບໄປດ້ວຍຫຼາຍພາກສ່ວນຮ່ວມກັນ ເພື່ອພັດທະນາເປັນແຫຼ່ງທ່ອງທ່ຽວຄົບວົງຈອນ ກໍຄືເປັນແຫຼ່ງທ່ອງທ່ຽວທີ່ປະສົມປະສານກັບກະສິກຳ, ການຮັກສາສຸຂະພາບ, ການຜະລິດສິນຄ້າຕ່າງໆໂດຍຈະໃຊ້ເນື້ອທີ່ປະມານ 25 ຕະລາງກິໂລແມັດ ຊຶ່ງໂຄງການດັ່ງກ່າວຈະເລີ່ມລົງມືດຳເນີນປະຕິບັດໃນປີ 2024 ນີ້ຊຶ່ງກົງກັບໄລຍະປີທ່ອງທ່ຽວ ສປປ ລາວ ຈະໃຊ້ເວລາປະມານ 3-5 ປີຈຶ່ງຈະສຳເລັດ.
ທ່ານລີຈິງກ່າວຕື່ມວ່າ: ຖ້າຫາກໂຄງການພັດທະນາແຫຼ່ງທ່ອງທ່ຽວຢູ່ເຂດດັ່ງກ່າວສ້າງສຳເລັດ ຈະຊຸກຍູ້ການດຳລົງຊີວິດຂອງປະຊາຊົນໃນທ້ອງຖິ່ນໃຫ້ດີຂຶ້ນ. ສຳລັບໂຄງການຂ້າພະເຈົ້າເອງຢູ່ສປຈີນກໍໄດ້ພັດທະນາແຫຼ່ງທ່ອງທ່ຽວຢູ່ເຂດຊົນນະບົດທີ່ທຸກຍາກ, ມີການຊຸກຍູ້ຊີວິດຂອງປະຊາຊົນໃຫ້ມີລາຍໄດ້ເພີ່ມຂຶ້ນ ສາມາດເຮັດວຽກຢູ່ເຂດນັ້ນໄດ້. ພ້ອມນັ້ນ, ບ້ານເຮືອນຂອງປະຊາຊົນຍັງສາມາດເຮັດເປັນໂຮມສະເຕໄດ້ໂດຍປະຊາຊົນມີສ່ວນຮ່ວມ,ເປັນໂຄງການທີ່ມີການອະນຸລັກ, ບໍ່ມີການປະເມີນລາຄາໄດ້ກໍຄືດ້ານວັດທະນະທຳ ແລະ ຮີດຄອງປະເພນີຂອງທ້ອງຖິ່ນ ທັງມີການຊຸກຍູ້ພັດທະນາໄປຮ່ວມກັນ. ສິ່ງສຳຄັນທີ່ສຸດຄືພະຍາຍາມ ເນັ້ນໃຫ້ປະຊາຊົນມີສ່ວນຮ່ວມ, ມີຄວາມຜາສຸກ. ສະນັ້ນຈຶ່ງຢາກແບ່ງປະສົບການນີ້ໃຫ້ສປປ ລາວ ໂດຍສ້າງເປັນແຫຼ່ງທ່ອງທ່ຽວທີ່ສາມາດຊຸກຍູ້ໃຫ້ປະຊາຊົນບັນດາເຜົ່າພາຍໃນທ້ອງຖິ່ນຕ່າງໆສາມາດມີລາຍຮັບ ແລະ ມີຊີວິດການເປັນຢູ່ທີ່ດີຂຶ້ນເປັນກ້າວໆ. ພ້ອມນັ້ນທາງໂຄງການຍັງຈະມີການຝຶກອົບຮົບບຸກຄະລາກອນແລະໃຫ້ທຶນການສຶກສາໄປຮຽນຕໍ່ຢູ່ສປຈີນຕື່ມອີກ.
ສໍາລັບໂຄງການຈະນໍາເອົາເອກະລັກວັດທະນະທໍາຂອງລາວ ໄປສ້າງເປັນສວນຈຳລອງວັດທະນະທຳເອກະລັກລາວຢູ່ນານຊານອີຈານນະຄອນກຸຍຢາງເມືອງກຸຍໂຈສປຈີນ ຊຶ່ງສະແດງເຖິງວັດທະນະທຳເອກະລັກຂອງສປປລາວ ເພື່ອໃຫ້ປະຊາຊົນຈີນໄດ້ຮັບຮູ້ເຖິງເອກະລັກຄວາມງົດງາມຂອງຮີດຄອງປະເພນີຂອງລາວ ແລະ ຈະນໍາເອົາດ້ານຜະລິດຕະພັນຫົວຄິດປະດິດສ້າງຂອງປະຊາຊົນລາວເປັນຕົ້ນຫັດຖະກຳ, ສິນຄ້າກະສິກຳຕ່າງໆໄປວາງສະແດງ ສະຖານທີຈັດການສະແດງຕ່າງໆເພື່ອໃຫ້ປະຊາຊົນຈີນໄດ້ເຂົ້າມາທ່ຽວຊົມສະຖານທີດັ່ງກ່າວໃຫ້ເກີດມີຄວາມຄິດຢາກມາທ່ຽວຊົມ, ສຳພັດອາກາດຂອງລາວໃນຕົວຈິງກໍຄືເຂດເມືອງປາກຊ່ອງ.
ທ່ານ ລີຈິງຍັງກ່າວຕື່ມວ່າ: ປັດຈຸບັນໄດ້ສຶກສາສຳຫຼວດ-ອອກແບບພັດທະນາແຫຼ່ງທ່ອງທ່ຽວສວນກາເຟດາວເຮືອງໃນເນື້ອທີ່ທັງໝົດຫຼາຍກວ່າ 250 ເຮັກຕາຢູ່ເຂດບ້ານຈັນສະຫວ່າງເມືອງປາກຊ່ອງແຂວງດັ່ງກ່າວຕື່ມອີກ. ສະນັ້ນ, ຢາກເຊີນຊວນໃຫ້ນັກລົງທຶນຂອງສປຈີນເຂົ້າມາລົງທຶນໃນເຂດສາທິດການສ້າງກໍຄືພັດທະນາແຫຼ່ງທ່ອງທ່ຽວຢູ່ເຂດເມືອງປາກຊ່ອງໃຫ້ຫຼາຍຂຶ້ນໂດຍມີການເຄັ່ງຄັດບໍ່ໃຫ້ໄປທຳລາຍຊັບພະຍາກອນທີ່ມີຢູ່ແລ້ວ ພ້ອມມີການຈັດສັນຢ່າງລະອຽດແລະ ເນັ້ນໜັກໃສ່ການອະນຸລັກວັດທະນະທຳ, ຊັບພະຍາກອນທຳມະຊາດຂອງເມືອງດັ່ງກ່າວໃຫ້ດີທີ່ສຸດ.
ບໍລິສັດກຸຍໂຈນານຊານຮົວຫາວເຢ້ຢວນການລົງທຶນແຫຼ່ງທ່ອງທ່ຽວວັດທະນະທຳຈຳກັດແຫ່ງສປຈີນ (GuizhouNanshanHuahaoYueYuan Tourism Culture Investment Co.,Ltd) ຊຶ່ງເປັນໜຶ່ງໃນບັນດາບໍລິສັດທີ່ມີແນວຄິດ ພັດທະນາແຫຼ່ງທ່ອງທ່ຽວພື້ນທີ່ເຂດເມືອງປາກຊ່ອງ ແຂວງຈຳປາສັກໃຫ້ເປັນແຫຼ່ງທ່ອງທ່ຽວຄົບວົງຈອນໃນປີ 2024 ນີ້.
ໃນໂອກາດເຂົ້າຮ່ວມກອງປະຊຸມເວທີສົນທະນາການຮ່ວມມືລາວ-ຈີນ ພາຍໃຕ້ຫົວຂໍ້: ໜຶ່ງແລວ ໜຶ່ງເສັ້ນທາງທີ່ຈັດຂຶ້ນເມື່ອບໍ່ດົນມານີ້, ທີ່ນະຄອນຫຼວງວຽງຈັນ ທ່ານ ລີ ຈິງ (Li Jing) ປະທານບໍລິສັດກຸຍໂຈນານຊານຮົວຫາວເຢ້ຢວນການລົງທຶນແຫຼ່ງທ່ອງທ່ຽວວັດທະນະທຳຈຳກັດແຫ່ງສປຈີນ ໄດ້ໃຫ້ສໍາພາດຜ່ານສື່ມວນຊົນວ່າ: ຂ້າພະເຈົ້າເລືອກມາລົງທຶນຢູ່ເຂດເມືອງປາກຊ່ອງ ແຂວງຈຳປາສັກ ຍ້ອນເຫັນວ່າສະພາບອາກາດ ແລະ ທຳມະຊາດຢູ່ເຂດນີ້ແມ່ນດີຫຼາຍບໍ່ວ່າຈະເປັນອາກາດທີ່ດີຕໍ່ຄົນເຮົາອາໄສຢູ່, ມີອາກາດເຢັນ ແລະ ຊັບພະຍາກອນທຳມະຊາດອຸດົມສົມບູນ. ເບິ່ງແລ້ວຄ້າຍຄືແຫຼ່ງທ່ອງທ່ຽວທີ່ພັດທະນາຢູ່ກຸຍໂຈ ເມືອງກຸຍຢາງ ສປຈີນ.ດັ່ງນັ້ນຈຶ່ງໄດ້ເລືອກພັດທະນາແຫຼ່ງທ່ອງທ່ຽວຢູ່ເຂດເມືອງປາກຊ່ອງ. ພາຍໃຕ້ການສະໜັບສະໜູນຂອງພັກ-ລັດທັງສອງຊາດລາວ-ຈີນ ແລະ ພາຍໃຕ້ຍຸດທະສາດ ໜຶ່ງແລວ ໜຶ່ງເສັ້ນທາງບວກກັບປະສົບການທີ່ມີ ແລະ ໄດ້ເຮັດສຳເລັດຢູ່ສປ ຈີນ ຈຶ່ງເກີດມີແນວຄິດຢາກເອົາປະສົບການດັ່ງກ່າວນຳມາແບ່ງປັນ ແລະ ຊຸກຍູ້ການພັດທະນາແຫຼ່ງທ່ອງທ່ຽວຂອງສປປ ລາວ.
ຕາມແຜນການພັດທະນາແຫຼ່ງທ່ອງທ່ຽວໃນເຂດເມືອງດັ່ງກ່າວ ພາຍໃນໂຄງການຈະປະກອບໄປດ້ວຍຫຼາຍພາກສ່ວນຮ່ວມກັນ ເພື່ອພັດທະນາເປັນແຫຼ່ງທ່ອງທ່ຽວຄົບວົງຈອນ ກໍຄືເປັນແຫຼ່ງທ່ອງທ່ຽວທີ່ປະສົມປະສານກັບກະສິກຳ, ການຮັກສາສຸຂະພາບ, ການຜະລິດສິນຄ້າຕ່າງໆໂດຍຈະໃຊ້ເນື້ອທີ່ປະມານ 25 ຕະລາງກິໂລແມັດ ຊຶ່ງໂຄງການດັ່ງກ່າວຈະເລີ່ມລົງມືດຳເນີນປະຕິບັດໃນປີ 2024 ນີ້ຊຶ່ງກົງກັບໄລຍະປີທ່ອງທ່ຽວ ສປປ ລາວ ຈະໃຊ້ເວລາປະມານ 3-5 ປີຈຶ່ງຈະສຳເລັດ.
ທ່ານລີຈິງກ່າວຕື່ມວ່າ: ຖ້າຫາກໂຄງການພັດທະນາແຫຼ່ງທ່ອງທ່ຽວຢູ່ເຂດດັ່ງກ່າວສ້າງສຳເລັດ ຈະຊຸກຍູ້ການດຳລົງຊີວິດຂອງປະຊາຊົນໃນທ້ອງຖິ່ນໃຫ້ດີຂຶ້ນ. ສຳລັບໂຄງການຂ້າພະເຈົ້າເອງຢູ່ສປຈີນກໍໄດ້ພັດທະນາແຫຼ່ງທ່ອງທ່ຽວຢູ່ເຂດຊົນນະບົດທີ່ທຸກຍາກ, ມີການຊຸກຍູ້ຊີວິດຂອງປະຊາຊົນໃຫ້ມີລາຍໄດ້ເພີ່ມຂຶ້ນ ສາມາດເຮັດວຽກຢູ່ເຂດນັ້ນໄດ້. ພ້ອມນັ້ນ, ບ້ານເຮືອນຂອງປະຊາຊົນຍັງສາມາດເຮັດເປັນໂຮມສະເຕໄດ້ໂດຍປະຊາຊົນມີສ່ວນຮ່ວມ,ເປັນໂຄງການທີ່ມີການອະນຸລັກ, ບໍ່ມີການປະເມີນລາຄາໄດ້ກໍຄືດ້ານວັດທະນະທຳ ແລະ ຮີດຄອງປະເພນີຂອງທ້ອງຖິ່ນ ທັງມີການຊຸກຍູ້ພັດທະນາໄປຮ່ວມກັນ. ສິ່ງສຳຄັນທີ່ສຸດຄືພະຍາຍາມ ເນັ້ນໃຫ້ປະຊາຊົນມີສ່ວນຮ່ວມ, ມີຄວາມຜາສຸກ. ສະນັ້ນຈຶ່ງຢາກແບ່ງປະສົບການນີ້ໃຫ້ສປປ ລາວ ໂດຍສ້າງເປັນແຫຼ່ງທ່ອງທ່ຽວທີ່ສາມາດຊຸກຍູ້ໃຫ້ປະຊາຊົນບັນດາເຜົ່າພາຍໃນທ້ອງຖິ່ນຕ່າງໆສາມາດມີລາຍຮັບ ແລະ ມີຊີວິດການເປັນຢູ່ທີ່ດີຂຶ້ນເປັນກ້າວໆ. ພ້ອມນັ້ນທາງໂຄງການຍັງຈະມີການຝຶກອົບຮົບບຸກຄະລາກອນແລະໃຫ້ທຶນການສຶກສາໄປຮຽນຕໍ່ຢູ່ສປຈີນຕື່ມອີກ.
ສໍາລັບໂຄງການຈະນໍາເອົາເອກະລັກວັດທະນະທໍາຂອງລາວ ໄປສ້າງເປັນສວນຈຳລອງວັດທະນະທຳເອກະລັກລາວຢູ່ນານຊານອີຈານນະຄອນກຸຍຢາງເມືອງກຸຍໂຈສປຈີນ ຊຶ່ງສະແດງເຖິງວັດທະນະທຳເອກະລັກຂອງສປປລາວ ເພື່ອໃຫ້ປະຊາຊົນຈີນໄດ້ຮັບຮູ້ເຖິງເອກະລັກຄວາມງົດງາມຂອງຮີດຄອງປະເພນີຂອງລາວ ແລະ ຈະນໍາເອົາດ້ານຜະລິດຕະພັນຫົວຄິດປະດິດສ້າງຂອງປະຊາຊົນລາວເປັນຕົ້ນຫັດຖະກຳ, ສິນຄ້າກະສິກຳຕ່າງໆໄປວາງສະແດງ ສະຖານທີຈັດການສະແດງຕ່າງໆເພື່ອໃຫ້ປະຊາຊົນຈີນໄດ້ເຂົ້າມາທ່ຽວຊົມສະຖານທີດັ່ງກ່າວໃຫ້ເກີດມີຄວາມຄິດຢາກມາທ່ຽວຊົມ, ສຳພັດອາກາດຂອງລາວໃນຕົວຈິງກໍຄືເຂດເມືອງປາກຊ່ອງ.
ທ່ານ ລີຈິງຍັງກ່າວຕື່ມວ່າ: ປັດຈຸບັນໄດ້ສຶກສາສຳຫຼວດ-ອອກແບບພັດທະນາແຫຼ່ງທ່ອງທ່ຽວສວນກາເຟດາວເຮືອງໃນເນື້ອທີ່ທັງໝົດຫຼາຍກວ່າ 250 ເຮັກຕາຢູ່ເຂດບ້ານຈັນສະຫວ່າງເມືອງປາກຊ່ອງແຂວງດັ່ງກ່າວຕື່ມອີກ. ສະນັ້ນ, ຢາກເຊີນຊວນໃຫ້ນັກລົງທຶນຂອງສປຈີນເຂົ້າມາລົງທຶນໃນເຂດສາທິດການສ້າງກໍຄືພັດທະນາແຫຼ່ງທ່ອງທ່ຽວຢູ່ເຂດເມືອງປາກຊ່ອງໃຫ້ຫຼາຍຂຶ້ນໂດຍມີການເຄັ່ງຄັດບໍ່ໃຫ້ໄປທຳລາຍຊັບພະຍາກອນທີ່ມີຢູ່ແລ້ວ ພ້ອມມີການຈັດສັນຢ່າງລະອຽດແລະ ເນັ້ນໜັກໃສ່ການອະນຸລັກວັດທະນະທຳ, ຊັບພະຍາກອນທຳມະຊາດຂອງເມືອງດັ່ງກ່າວໃຫ້ດີທີ່ສຸດ.
ຄໍາເຫັນ