ສິງກະໂປ ແລະ ຍີ່ປຸ່ນ, ມີຫົວໜ້າເຈົ້າໜ້າທີ່ອາວຸໂສປະເທດສະມາຊິກອາຊຽນ ແລະ ຕີມໍແລັດສະເຕ, ຮອງເລຂາທິການໃຫຍ່ອາຊຽນ ດ້ານການເມືອງ-ຄວາມໝັ້ນຄົງ ພ້ອມດ້ວຍຄະນະຜູ້ແທນທີ່ຮັບຜິດຊອບວຽກງານຕ້ານອາຊະຍາກໍາຂ້າມຊາດ ເຂົ້າຮ່ວມ.
ກອງປະຊຸມຄັ້ງນີ້ ເປັນການກະກຽມຢ່າງຮອບດ້ານໃຫ້ແກ່ກອງປະຊຸມລັດຖະມົນຕີອາຊຽນ ບວກ ຍີ່ປຸ່ນ ວ່າດ້ວຍການຕ້ານອາຊະຍາກໍາຂ້າມຊາດ ຄັ້ງທີ 9, ຄະນະຜູ້ແທນທີ່ເຂົ້າຮ່ວມໄດ້ຮ່ວມປຶກສາຫາລືຫຼາຍບັນຫາ ໂດຍສະເພາະບັນຫາກ່ຽວຂ້ອງກັບການຮ່ວມມືລະຫວ່າງ ອາຊຽນ-ຍີ່ປຸ່ນ ໃນການຕ້ານອາຊະຍາກໍາຂ້າມຊາດ ໃນນັ້ນ, ໄດ້ທົບທວນຄືນຄວາມຄືບໜ້າຂອງການຈັດຕັ້ງປະຕິບັດແຜນງານຂອງອາຊຽນບວກ ຍີ່ປຸ່ນ ກ່ຽວກັບການຮ່ວມມືເພື່ອຕ້ານອາຊະຍາກາຂ້າມຊາດ ໄລຍະຜ່ານມາ, ກອງປະຊຸມໄດ້ພົບປະແລກປ່ຽນທັດສະນະ, ແບ່ງປັນບົດຮຽນກ່ຽວກັບການຈັດຕັ້ງປະຕິບັດວຽກງານ ແລະ ແລກປ່ຽນປະສົບການໃນການຕ້ານອາຊະຍາກໍາຂ້າມຊາດ, ປຶກສາຫາລືກ່ຽວກັບການຈັດຕັ້ງປະຕິບັດໂຄງການທີ່ສໍາເລັດແລ້ວ, ໂຄງການທີ່ກຳລັງດຳເນີນຢູ່ ແລະ ການສະເໜີໂຄງການໃໝ່. ທັງໝົດນັ້ນ, ສະແດງໃຫ້ເຫັນເຖິງການຮ່ວມມືທີ່ແໜ້ນແຟ້ນ ໃນການຮ່ວມມືລະຫວ່າງອາຊຽນ ແລະ ຍີ່ປຸ່ນ ໃນການຕ້ານອາຊະຍາກຳຂ້າມຊາດຕະຫຼອດຫຼາຍປີຜ່ານມາ ໄດ້ມີການເຕີບໃຫຍ່ຂະຫຍາຍຕົວພໍສົມຄວນ, ສະເໝີຕົ້ນສະເໝີປາຍ ແລະ ມີຜົນສໍາເລັດຫຼາຍດ້ານ, ກອງປະຊຸມຍັງໄດ້ເປັນເອກະພາບກັນຕໍ່ກັບບັນດາເນື້ອໃນຕ່າງໆທີ່ຈະນໍາໄປພິຈາລະນາ ແລະ ຮັບຮອງເອົາໃນກອງປະຊຸມລັດຖະມົນຕີອາຊຽນ ບວກ ຍີ່ປຸ່ນ ວ່າດ້ວຍການຕ້ານອາຊະຍາກໍາຂ້າມຊາດ ຄັ້ງທີ 9.
ຂ່າວ:ຍຸພິນທອງ
ຄໍາເຫັນ