flag

ຂ່າວການຮ່ວມມື

ກອງປະຊຸມດ້ານການຂົນສົ່ງອາຊຽນ ຄັ້ງທີ 49 ແລະດ້ານການຂົນສົ່ງຜ່ານແດນ ຄັ້ງທີ 17

ກອງປະຊຸມດ້ານການຂົນສົ່ງອາຊຽນ ຄັ້ງທີ 49 ແລະດ້ານການຂົນສົ່ງຜ່ານແດນ ຄັ້ງທີ 17

ກອງປະຊຸມດ້ານການຂົນສົ່ງອາຊຽນ ຄັ້ງທີ 49 ແລະດ້ານການຂົນສົ່ງຜ່ານແດນ ຄັ້ງທີ 17
ໃນລະຫວ່າງວັນທີ 14-17 ຕຸລາ 2025ນີ້, ທີ່ໂຮງແຮມສຸພັດຕານະຄອນ ຫຼວງພະບາງ ແຂວງຫຼວງພະບາງ, ກົມຂົນສົ່ງ ກະຊວງໂຍທາທິການ ແລະ ຂົນສົ່ງ ສປປ ລາວ ໄດ້ຈັດກອງປະຊຸມໜ່ວຍງານວິຊາການ ອໍານວຍຄວາມສະດວກ ດ້ານການຂົນສົ່ງອາຊຽນ ຄັ້ງທີ 49 (49th Transport Facilitation Working Group Meeting) ແລະກອງປະຊຸມ ຫົວໜ້າຄະນະປະສານງານ ດ້ານການຂົນສົ່ງຜ່ານແດນ ຄັ້ງທີ 17 (17th Transit Transport Coordinating Board Meeting) ໂດຍເປັນປະທານຂອງ ທ່ານ ນາງ ອໍາໄພວັນ ແກ້ວປະດິດ ຮອງຫົວໜ້າກົມຂົນສົ່ງ ກະຊວງໂຍທາທິການ ແລະ ຂົນສົ່ງ, ມີຄະນະຜູ້ແທນຈາກ ປະເທດສະມາຊິກ ອາຊຽນ 10 ປະເທດ, ກອງເລຂາອາຊຽນ ຄູ່ຮ່ວມພັດທະນາ ຈາກປະເທດ ຍີ່ປຸ່ນ, ອາເມລິກາ, ຕິມໍເລດເຕ ໃນຖານະປະເທດ ສັງເກດການ ແລະຜູ້ຕາງໜ້າຈາກອົງການຈັດຕັ້ງລັດທີ່ກ່ຽວຂ້ອງ ເຂົ້າຮ່ວມ.
ກອງປະຊມດານການຂນສງອາຊຽນ ຄງທ 49 ແລະດານການຂນສງຜານແດນ ຄງທ 17 - image 1
 

ກອງປະຊຸມຄັ້ງນີ້, ເພື່ອທົບທວນຄືນ ບັນດາຄວາມຄືບໜ້າຂອງວຽກງານທີ່ສຳຄັນ ພາຍໃຕ້ແຜນຍຸດທະສາດການຂົນສົ່ງ Kuala Lumpur Transport Strategic Plan (KLTSP) 2016 – 2025, ລວມທັງການປະຕິບັດບັນດາສັນຍາ ອຳນວຍຄວາມສະດວກ ດ້ານການຂົນສົ່ງຂອງອາຊຽນ ເຊັ່ນ: ສັນຍາອໍານວຍຄວາມສະດວກຂົນສົ່ງສິນຄ້າຜ່ານແດນອາຊຽນ (AFAFGIT), ສັນຍາອໍານວຍຄວາມສະດວກຂົນສົ່ງ ລະຫວ່າງປະເທດ (AFAFIST), ສັນຍາຂົນສົ່ງຫຼາຍຮູບແບບ (AFAMT), ສັນຍາຂົນສົ່ງໂດຍສານອາຊຽນ (CBTP); ປຶກສາຫາລື ແຜນການຂົນສົ່ງອາຊຽນ 2026-2030

ກອງປະຊມດານການຂນສງອາຊຽນ ຄງທ 49 ແລະດານການຂນສງຜານແດນ ຄງທ 17 - image 2
 

ໂດຍຈະໄດ້ສຸມໃສ່ປັບປຸງ ຂັ້ນຕອນການແຈ້ງເອກະສານຂົນສົ່ງຂ້າມແດນ, ການຂົນສົ່ງຫຼາຍຮູບແບບ, ການຂົນສົ່ງແບບຍືນຍົງ ແລະຂອດການປະສານງານຮ່ວມກັບບັນດາຂະແໜງການ; ປຶກສາຫາລືແຜນງານ ຮ່ວມກັບຄູ່ຮ່ວມພັດທະນາຄື: ອາຊຽນ-ຍີ່ປຸ່ນ ແລະອາຊຽນ-ສະຫະລັດອາເມລິກາ, ພ້ອມທັງການຮ່ວມມືກັບພາກເອກະຊົນ ແລະຜູ້ປະກອບການ ດ້ານການຂົນສົ່ງ ເພື່ອຍົກສູງປະສິດທິຜົນ, ຄວາມປອດໄພ ແລະສິ່ງແວດລ້ອມ ໃນຂົງເຂດການຂົນສົ່ງຂອງອາຊຽນ. ກອງປະຊຸມຄັ້ງນີ້, ເປັນສ່ວນໜຶ່ງຂອງບັນດາຄວາມພະຍາຍາມ ຢ່າງບໍ່ຢຸດຢັ້ງຂອງອາຊຽນ ເພື່ອຊຸກຍູ້ການເຊື່ອມໂຍງພາກພື້ນ, ເພີ່ມທະວີຄວາມຢືດຢຸ່ນຂອງຕ່ອງໂສ້ການສະໜອງ ແລະສົ່ງເສີມການພັດທະນາແບບຍືນຍົງ ໂດຍການຊຸກຍູ້ການເຊື່ອມໂຍງຢ່າງແໜ້ນແຟ້ນ.

(ແຫຼ່ງຂ່າວ: ແຂວງຫຼວງພະບາງ)

ຄໍາເຫັນ

ຂ່າວການຮ່ວມມື

ລມຕ ກະຊວງກະສິກຳ ແລະ ສິ່ງແວດລ້ອມ ຕ້ອນຮັບທູດ ສະຫະພາບເອີຣົບປະຈຳ ສປປ ລາວ

ລມຕ ກະຊວງກະສິກຳ ແລະ ສິ່ງແວດລ້ອມ ຕ້ອນຮັບທູດ ສະຫະພາບເອີຣົບປະຈຳ ສປປ ລາວ

ໃນວັນທີ 4 ກຸມພາຜ່ານມານີ້ ທີ່ ກະຊວງກະສິກຳ ແລະ ສິ່ງແວດລ້ອມ ທ່ານ ລິນຄຳ ດວງສະຫວັນ ລັດຖະມົນຕີ ກະຊວງກະສິກຳ ແລະ ສິ່ງແວດລ້ອມ ພ້ອມຄະນະກົມກ່ຽວຂ້ອງ ໄດ້ຕ້ອນຮັບການເຂົ້າພົບປະຢ້ຽມຢາມ ຂອງ ທ່ານ ມາກ ກາແລັກເກີ (Mark Gallagher) ເອກອັກຄະລັດຖະທູດ ແຫ່ງສະຫະພາບເອີຣົບ (EU) ປະຈໍາ ສປປ ລາວ ພ້ອມດ້ວຍຄະນະ ຊຶ່ງຈຸດປະສົງຂອງການພົບປະໃນຄັ້ງນີ້ ກໍເພື່ອມາຢ້ຽມຢາມ, ປຶກສາຫາລື ສະເໜີບັນດາວຽກງານຂອງອີຢູ (EU) ໃນຂົງເຂດກະສິກຳ, ປ່າໄມ້, ສິ່ງແວດລ້ອມ, ສີຂຽວ ແລະ ຄູ່ຮ່ວມງານດ້ານປ່າໄມ້.
ວາງສະແດງຮູບພາບ ມໍຣະດົກໂລກມາບັນຈົບພົບກັນ ເມືອງແຮກສ່ຽວຈີນ - ລາວຈັບມືກັນ

ວາງສະແດງຮູບພາບ ມໍຣະດົກໂລກມາບັນຈົບພົບກັນ ເມືອງແຮກສ່ຽວຈີນ - ລາວຈັບມືກັນ

ພິທີເປີດງານວາງສະແດງຮູບພາບ ພາຍໃຕ້ຫົວຂໍ້: "ມໍຣະດົກໂລກມາບັນຈົບພົບກັນ ເມືອງແຮກສ່ຽວຈີນ ແລະ ລາວຈັບມືກັນ" ຈັດຂຶ້ນໃນວັນທີ 5 ກຸມພານີ້ທີ່ເຮືອນຈັນ ເມືອງຫຼວງພະບາງ ແຂວງຫຼວງພະບາງ ໃຫ້ກຽດຕັດແຖບຜ້າເປີດງານໃນຄັ້ງນີ້ຂອງທ່ານ ຄຳຄ່ອງ ພົມມະປັນຍາ ຫົວໜ້າຄະນະໂຄສະນາອົບຮົມແຂວງຫຼວງພະບາງ, ທ່ານ ເສິນ ຊວນຫຼຽງ ຫົວໜ້າຄະນະໂຄສະນະອົບຮົມສິບສອງພັນນາ, ມີທ່ານ ໄຊ ຊຽງຍົງ (Cai Xiangrong) ຮອງຫົວໜ້າຄະນະໂຄສະນາອົບຮົມພັກກອມມູນິດຈີນແຂວງຢຸນນານ, ທ່ານ ຫວັງ ຖິງຢາວ (Wang Tingyao) ຮອງບັນນາທິການໃຫຍ່ ກຸ່ມໜັງສືພິມລາຍວັນຢຸນນານ ແລະ ທ່ານ ນາງ ຈາງຢິງ ຮອງຜູ້ອໍານວຍການໃຫຍ່ວິທະຍຸໂທລະພາບແຂວງຢຸນນານພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ວາງພວງມາລາທີ່ອະນຸສາວະລີນັກຮົບນິລະນາມ

ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ວາງພວງມາລາທີ່ອະນຸສາວະລີນັກຮົບນິລະນາມ

ສະຫາຍ ໂຕເລິມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມພ້ອມດ້ວຍຄະນະ ໄດ້ນຳເອົາພວງມາລາເຂົ້າວາງຢູ່ທີ່ອະນຸສາວະລີນັກຮົບນິລະນາມ (ດາວແດງ) ໃນໂອກາດເດີນທາງມາຢ້ຽມຢາມລັດຖະກິດ ສປປ ລາວ ວັນທີ 5 ກຸມພານີ້ ທີ່ນະຄອນຫຼວງວຽງຈັນ.
ລາວ-ຈີນ ຈັດກິດຈະກຳວັດທະນະທຳບຸນກຸດຈີນກ້າວເຂົ້າສູ່ລາວ ໃນຫົວຂໍ້: ກ້າວໄປຂ້າງໜ້າປີ 2026

ລາວ-ຈີນ ຈັດກິດຈະກຳວັດທະນະທຳບຸນກຸດຈີນກ້າວເຂົ້າສູ່ລາວ ໃນຫົວຂໍ້: ກ້າວໄປຂ້າງໜ້າປີ 2026

ກິດຈະກໍາວັດທະນະທໍາບຸນ ກູດຈີນກ້າວເຂົ້າສູ່ລາວ ໃນຫົວຂໍ້: ກ້າວໄປຂ້າງໜ້າປີ 2026, ງານດື່ມນໍ້າ ຊາຫຼວງພະບາງ ແລະ ຖະແຫຼງຂ່າວ ເດັ່ນ 10 ຂ່າວໃນຂອບການຮ່ວມມື ແມ່ນໍ້າຂອງລ້ານຊ້າງ-ແມ່ນໍ້າຂອງ ປະຈຳປີ 2025 ຈັດຂຶ້ນໃນວັນທີ 4 ກຸມພານີ້ ທີ່ແຂວງຫຼວງພະບາງ ໂດຍ ມີທ່ານ ຄໍາມອນ ຈັນທະຈິດ ຮອງຫົວ ໜ້າຄະນະໂຄສະນາອົບຮົມສູນກາງ ພັກ (ຄອສພ) ຮອງປະທານຜູ້ປະຈໍາ ການສະພາທິດສະດີສູນກາງພັກ, ມີທ່ານ ຢູຢຸ້ນຊຽນ ຮອງຫົວໜ້າອົງ ການພິມຈຳໜ່າຍພາສາຕ່າງປະເທດ ຈີນ, ທ່ານ ຄໍາຫຼ້າ ລຽນປະດິດ ຮອງເລຂາພັກແຂວງຫຼວງພະບາງ, ພ້ອມດ້ວຍພາກສ່ວນກ່ຽວຂ້ອງເຂົ້າ ຮ່ວມ.
ສະຫາຍ ໂຕເລິມ ຢ້ຽມຢາມ ສປປ ລາວ ສັນຍາລັກແຫ່ງການພົວພັນຍຸດທະສາດພິເສດ ລາວ - ຫວຽດນາມ

ສະຫາຍ ໂຕເລິມ ຢ້ຽມຢາມ ສປປ ລາວ ສັນຍາລັກແຫ່ງການພົວພັນຍຸດທະສາດພິເສດ ລາວ - ຫວຽດນາມ

ວັນທີ 5 ກຸມພາ 2026, ທີ່ນະຄອນຫຼວງວຽງຈັນ, ການຢ້ຽມຢາມ ສປປ ລາວ ໃນລະດັບລັດຖະບານ ຂອງສະຫາຍ ໂຕ ເລິມ ເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດຫວຽດນາມ, ພ້ອມດ້ວຍຄະນະການຂັ້ນສູງຂອງຫວຽດນາມ ໄດ້ເລີ່ມຕົ້ນຢ່າງເປັນທາງການ ໃນບັນຍາກາດແຫ່ງມິດຕະພາບ, ຄວາມເຊື່ອໝັ້ນ ແລະ ຄວາມສາມັກຄີພິເສດອັນອົບອຸ່ນ. ສໍາລັບພັກ, ລັດ ແລະ ປະຊາຊົນລາວ, ນີ້ແມ່ນເຫດການທາງການເມືອງ – ການຕ່າງປະເທດ ທີ່ມີຄວາມໝາຍສໍາຄັນພິເສດ, ເປັນຂີດໝາຍແຫ່ງບາດກ້າວພັດທະນາໃໝ່ ໃນການພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ສອງປະເທດ.
ລາວ-ຮົງກາຣີ ເພີ່ມທະວີ ແລະ ຮັດແໜ້ນການພົວພັນຮ່ວມມືສອງຝ່າຍ

ລາວ-ຮົງກາຣີ ເພີ່ມທະວີ ແລະ ຮັດແໜ້ນການພົວພັນຮ່ວມມືສອງຝ່າຍ

ໂດຍຕອບສະໜອງຕາມຄໍາເຊີນຂອງ ທ່ານ ທອງສະຫວັນ ພົມວິຫານ ລັດຖະມົນຕີກະຊວງ ການຕ່າງປະເທດ ແຫ່ງ ສປປ ລາວ, ທ່ານ ປີເຕີ ຊີຢາໂຕ (Péter SZIJJÁRTÓ) ລັດຖະມົນຕີ ກະຊວງການຕ່າງປະເທດ ແລະ ການຄ້າ ຮົງກາຣີ ພ້ອມດ້ວຍຄະນະ ໄດ້ເດີນທາງມາຢ້ຽມຢາມ ສປປ ລາວ ຢ່າງເປັນທາງການ ໃນວັນທີ 4 ກຸມພາ ນີ້ ເພື່ອສືບຕໍ່ຮັດແໜ້ນການພົວພັນມິດຕະພາບ ທີ່ມີມູນເຊື້ອ ແລະ ການຮ່ວມມືອັນດີ, ບົນພື້ນຖານຄູ່ຮ່ວມມືຍຸດທະສາດ ລະຫວ່າງ ສປປ ລາວ ແລະ ຮົງກາຣີ.
ຄະນະຜູ້ແທນ ສປ ຈີນ ເດີນທາງມາເຂົ້າຮ່ວມກິດຈະກຳວັດທະນະທໍາບຸນກຸດຈີນກ້າວສູ່ລາວປີ 2026 ຢູ່ ສປປ ລາວ

ຄະນະຜູ້ແທນ ສປ ຈີນ ເດີນທາງມາເຂົ້າຮ່ວມກິດຈະກຳວັດທະນະທໍາບຸນກຸດຈີນກ້າວສູ່ລາວປີ 2026 ຢູ່ ສປປ ລາວ

ຄະນະຜູ້ແທນ ສປ ຈີນ ນໍາໂດຍ ສະຫາຍ ຢູຢຸ້ນຊຽນ ຮອງຫົວໜ້າອົງການພິມ ແລະ ຈໍາໜ່າຍພາສາຕ່າງປະເທດຈີນ ພ້ອມຄະນະທັງໝົດ 9 ສະຫາຍ ເດີນທາງມາເຖິງສະໜາມບິນສາກົນຫຼວງພະບາງໃນຕອນບ່າຍວັນທີ 4 ກຸມພານີ້ ໂດຍມີສະຫາຍ ຄໍາເຮືອງ ຄໍາປະສິດ ຮອງຫົວໜ້າບັນນາທິການໃຫຍ່ໜັງສືພິມປະຊາ ຊົນ ສຽງຂອງສູນກາງພັກປະຊາຊົນ ປະຕິວັດລາວ ຄະນະໂຄສະນາອົບຮົມສູນກາງພັກ (ຄອສພ) ພ້ອມດ້ວຍຄະນະໃຫ້ການຕ້ອນຮັບທີ່ສະໜາມບິນດັ່ງກ່າວ.
ຄະນະນຳ ສນຊ ອວຍພອນວັນສ້າງຕັ້ງພັກກອມມູນິດຫວຽດນາມ ຄົບຮອບ 96 ປີ

ຄະນະນຳ ສນຊ ອວຍພອນວັນສ້າງຕັ້ງພັກກອມມູນິດຫວຽດນາມ ຄົບຮອບ 96 ປີ

ສະຫາຍ ຄຳຜອຍ ວັນນະສານ ກຳມະການສູນກາງພັກ ຮອງປະທານສູນກາງແນວລາວສ້າງຊາດ (ສນຊ) ພ້ອມດ້ວຍຄະນະ ເຂົ້າອວຍພອນເອກອັກຄະລັດຖະທູດຫວຽດນາມປະຈຳລາວ ໃນວັນທີ 2 ກຸມພາຜ່ານມາ ທີ່ສະ ຖານທູດຫວຽດນາມປະຈຳ ສປປ ລາວ ເນື່ອງໃນໂອກາດວັນສ້າງຕັ້ງພັກກອມມູນິດຫວຽດນາມ ຄົບຮອບ 96 ປີ (3/2/1930 - 3/2/2026) ໂດຍໄດ້ຮັບການຕ້ອນຮັບຂອງສະຫາຍ ຫວຽນ ມິງ ເຕິມ ເອກອັກຄະລັດຖະທູດຫວຽດນາມ ຜູ້ມີອຳນາດເຕັມແຫ່ງ ສສ ຫວຽດນາມ ປະຈໍາສປປ ລາວ ພ້ອມດ້ວຍຄະນະ.
ລມຕ ກະຊວງການຕ່າງປະເທດ ແລະ ການຄ້າ ຮົງກາຣີ ຈະເດີນທາງຢ້ຽມຢາມ ສປປ ລາວ ຢ່າງເປັນທາງການ

ລມຕ ກະຊວງການຕ່າງປະເທດ ແລະ ການຄ້າ ຮົງກາຣີ ຈະເດີນທາງຢ້ຽມຢາມ ສປປ ລາວ ຢ່າງເປັນທາງການ

ໂດຍຕອບສະໜອງຕາມຄຳເຊີນ ຂອງ ພະນະທ່ານ ທອງສະຫວັນ ພົມວິຫານ ລັດຖະມົນຕີກະຊວງການຕ່າງປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ,
ຫົວໜ້າຄະນະພົວພັນຕ່າງປະເທດສູນກາງພັກ ເຂົ້າອວຍພອນ ທູດຫວຽດນາມ ປະຈໍາ ສປປ ລາວ

ຫົວໜ້າຄະນະພົວພັນຕ່າງປະເທດສູນກາງພັກ ເຂົ້າອວຍພອນ ທູດຫວຽດນາມ ປະຈໍາ ສປປ ລາວ

ເນື່ອງໃນໂອກາດ ວັນສ້າຕັ້ງພັກກອມມູນິດຫວຽດນາມ ຄົບຮອບ 96 ປີ (3/2/1930-3/2/2026); ໃນຕອນເຊົ້າຂອງວັນທີ 3 ກຸມພາ2026, ສະຫາຍ ບຸນເຫຼືອ ພັນດານຸວົງ ກໍາມະການສູນກາງພັກ ຫົວໜ້າຄະນະພົວພັນຕ່າງປະເທດສູນກາງພັກ ພ້ອມດ້ວຍຄະນະ ໄດ້ເຂົ້າອວຍພອນ ສະຫາຍ ຫງວຽນມິງເຕີມ ເອກອັກຄະລັດຖະທູດວິສາມັນຜູ້ມີອໍານາດເຕັມ ແຫ່ງ ສສ ຫວຽດນາມ ປະຈໍາ ສປປ ລາວ ພ້ອມດ້ວຍພະນັງການສະຖານທູດ.
ເພີ່ມເຕີມ

ຂ່າວ​ລ່າ​ສຸດ

EPaper