 |
ໃນກອງປະຊຸມ, ໄດ້ມີການຜ່ານຮ່າງບົດສະຫຼຸບ ຕີລາຄາການນໍາພາ-ຊີ້ນໍາຈັດຕັ້ງປະຕິບັດວຽກງານຮອບດ້ານ ແລະການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ໄລຍະຜ່ານມາ ແລະທິດທາງວຽກງານຈຸດສຸມ ທ້າຍປີ 2025. ຊຶ່ງພາຍໃຕ້ການນຳພາ-ຊີ້ນຳ ຢ່າງໃກ້ສິດ ຂອງຄະນະພັກ, ອົງການປົກຄອງແຕ່ລະຂັ້ນ ໄດ້ສຸມໃສ່ທຸກເງື່ອນໄຂ ແລະທ່າແຮງດ້ວຍຄວາມພະຍາຍາມຢ່າງຕັ້ງໜ້າໄດ້ສຸມໃສ່ ການປະເມີນຄອບຄົວ ແລະບ້ານແບບຢ່າງປະຕິບັດກົດໝາຍ ປີ 2024 ໄດ້ 72 ບ້ານ ມີ 5,241 ຄອບຄົວ, ປັບປຸງແຕ່ງຕັ້ງຄະນະໜ່ວຍໄກ່ເກ່ຍຂໍ້ຂັດແຍ່ງຂັ້ນບ້ານຄືນໃໝ່ ຈໍານວນ 5 ບ້ານ, ໃຫ້ຄໍາປຶກສາທາງດ້ານກົດໝາຍໄດ້ 6 ຄັ້ງ ແລະເປີດຝຶກອົບຮົມກົດໝາຍ 45 ວັນ, ປັບປຸງຕາໜ່າງກອງຫຼອນສໍາເລັດ 4 ກຸ່ມ ມີ 6 ບ້ານ; ປັບປຸງກອງຫຼອນບ້ານ ໄດ້ 72 ບ້ານ; ປະກາດຄອບຄົວ ແລະມອບປ້າຍບ້ານປ້ອງກັນຊາດເຂັ້ມແຂງ ຢູ່ກຸ່ມບ້ານແສ້ ຈໍານວນ 4 ບ້ານ, ຝຶກອົບຮົມການເມືອງ-ການທະຫານໄລຍະສັ້ນ ໃຫ້ກອງຫຼອນບ້ານໄດ້ 1 ກຸ່ມ, ເອົາໃຈໃສ່ສະກັດກັ້ນ ແລະແກ້ໄຂປະກົດການຫຍໍ້ທໍ້ທາງສັງຄົມ, ປ່ຽນປື້ມສໍາມະໂນຄົວໄດ້ 53 ຫົວ, ສ້າງຄອບຄົວ ແລະບ້ານປ້ອງກັນຄວາມສະຫງົບດີໄດ້ 2 ບ້ານ, ໂຄສະນາປູກຈິດສໍານຶກໃຫ້ນັກຮຽນ ກ່ຽວກັບກົດລະບຽບຈໍລະຈອນທາງບົກ, ຜົນຮ້າຍຢາເສບຕິດ ແລະຜົນຮ້າຍການຄ້າມະນຸດ ໄດ້ 2 ກຸ່ມບ້ານ ແລະ 8 ໂຮງຮຽນ ມີຜູ້ເຂົ້າຮ່ວມ 2,301 ຄົນຍິງ 1,093 ຄົນ. ຈາກນັ້ນ, ຜູ້ເຂົ້າຮ່ວມໄດ້ຜັດປ່ຽນກັນປະກອບຄຳເຫັນ ໃສ່ຮ່າງບົດສະຫຼຸບ ແລະທິດທາງແຜນການໃນຕໍ່ໜ້າ ໃຫ້ມີເນື້ອໃນຄົບຖ້ວນສົມບູນ ແລະນຳໄປຈັດຕັ້ງປະຕິບັດ ຢ່າງມີຜົນສຳເລັດ.
ຕອນທ້າຍ ສະຫາຍ ສອນສັກ ສຸລິເສີມ ໄດ້ເນັ້ນໜັກໃຫ້ຄະນະພັກ-ຄະນະນໍາທຸກຂັ້ນ ເພີ່ມທະວີຄວາມເອົາໃຈໃສ່ສືບຕໍ່ວຽກງານສຶກສາອົບຮົມການເມືອງ-ແນວຄິດ ໃນຖັນແຖວສະມາຊິກພັກ, ພະນັກງານ, ທະຫານ-ຕໍາຫຼວດ ແລະປະຊາຊົນບັນດາເຜົ່າ ໃຫ້ເລິກເຊິ່ງ-ທົ່ວເຖິງ ແນໃສ່ຍົກສູງຄຸນທາດການເມືອງ ຂອງສະມາຊິກພັກ ໃຫ້ມີຄວາມໜັກແໜ້ນ, ມີຄວາມເຊື່ອໝັ້ນຕໍ່ການນໍາພາຂອງພັກ, ເຄົາລົບລະບຽບກົດໝາຍຂອງລັດ ໃຫ້ນັບມື້ສູງຂຶ້ນ.
(ພາບ-ຂ່າວ ບຸນມີ ໄຊຍະກຸມມານ)
ຄໍາເຫັນ