ເມື່ອບໍ່ດົນມານີ້ທີ່ສູນປະສານງານ 4 ປະເທດ (ຈີນ-ລາວ-ມຽນມາ-ໄທ) ປະຈຳນະຄອນຊຽງຮຸ່ງ ແຂວງຢູນນານ ສປ ຈີນໄດ້ຈັດກອງປະຊຸມພົບປະແລກປ່ຽນສະພາບການຮ່ວມມືໃນການລາດຕະເວນທາງນໍ້າຕາມແມ່ນໍ້າຂອງ-ແມ່ນໍ້າລ້ານຊ້າງຊຶ່ງມີຄະນະຜູ້ແທນຝ່າຍຈີນນຳໂດຍສະຫາຍ ພົນໂທ ຢວນຢາຜິງ ຫົວໜ້າກອງບັນຊາການຕຳຫຼວດລາດຕະເວນທາງນໍ້າແຂວງຢູນນານ ສປ ຈີນ, ຝ່າຍລາວນໍາໂດຍສະຫາຍ ພົນຈັດຕະວາ ບຸນມີ ພາມີໄຊ ຫົວໜ້າການເມືອງກອງບັນຊາການທະຫານແຂວງບໍ່ແກ້ວ,ຝ່າຍມຽນມານຳໂດຍສະຫາຍ ພັນໂທ ອັງໂຈໂມຫົວໜ້າກອງບັນຊາການຕຳຫຼວດບ້ານປຸງ ເມືອງທ່າຂີ້ເຫຼັກ ປະເທດມຽນມາ, ຝ່າຍໄທນຳໂດຍສະຫາຍ ພັນເອກ ກິຕິໄຊ ອິນເຕົ້າ ຫົວໜ້າກອງບັນຊາການຕຳຫຼວດພູທອນ ຈັງວັດຊຽງໃໝ່ຕະຫຼອດຮອດພາກສ່ວນກ່ຽວຂ້ອງ4 ຝ່າຍເຂົ້າຮ່ວມ.
ກອງປະຊຸມໄດ້ທົບທວນຄືນສະພາບການຮ່ວມມືການປົກປັກຮັກສາຊາຍແດນໃນໄລຍະຜ່ານມາເປັນຕົ້ນການຮ່ວມມືປະຕິບັດສັນຍາວ່າດ້ວຍການລາດຕະເວນຮ່ວມທາງນໍ້າ,ການແກ້ໄຂບັນຫາສະພາບຂ້າມແດນຜິດກົດໝາຍ, ຄ້າຂາຍເຖື່ອນ, ຄ້າຂາຍຢາເສບຕິດຕາມຊາຍແດນ. ນອກນັ້ນ, ກອງປະຊຸມຍັງໄດ້ທົບທວນຄືນ ແລະ ຍົກໃຫ້ເຫັນວຽກງານການປະສານສົມທົບລະຫວ່າງ 4 ຝ່າຍ (ຈີນ-ລາວ-ມຽນມາ-ໄທ)ທີ່ໄດ້ມີການພົວພັນປະສານສົມທົບກັນຢ່າງແໜ້ນແຟ້ນໃນການປະຕິບັດກົດໝາຍລາດຕະເວນຮ່ວມກັນເພື່ອຮັກສາຄວາມສະຫງົບ, ຄວາມເປັນລະບຽບຮຽບຮ້ອຍຕາມລຳແມ່ນໍ້າຂອງໆ 4 ປະເທດ,ການພົວພັນຮ່ວມມືຊ່ວຍເຫຼືອຊຶ່ງກັນ ແລະ ກັນບົນພື້ນຖານຈິດໃຈສາມັກຄີ, ມິດຕະພາບ ແລະ ການຮ່ວມມື.
ກອງປະຊຸມໄດ້ເອກະພາບກ່ຽວກັບທິດທາງແຜນການທີ່ສອງຝ່າຍຈະໄດ້ສືບຕໍ່ຮ່ວມມືກັນໃນຕໍ່ໜ້າເປັນຕົ້ນ ການກຽມຄວາມພ້ອມໃນການລາດຕະເວນຮ່ວມກັນຄັ້ງທີ 135ທີ່ຈະມາເຖິງນີ້ ແລະ ການຍົກລະດັບການພົວພັນຮ່ວມມືປະສານສົມທົບລະຫວ່າງກຳລັງປ້ອງກັນຊາຍແດນຂອງ4 ປະເທດໃຫ້ນັບມື້ກ້າວເຂົ້າສູ່ລວງເລິກເພື່ອພ້ອມກັນເຮັດສໍາເລັດໜ້າທີ່ ພ້ອມກັນສ້າງຊາຍແດນໃຫ້ເປັນຊາຍແດນສັນຕິພາບ, ມິດຕະພາບ ແລະ ຮ່ວມມືພັດທະນາຮອບດ້ານ. ມາໃນວັນທີ 24-25 ຕຸລານີ້, ຄະນະຜູ້ແທນທັງ 4 ຝ່າຍໄດ້ເດີນທາງປະຕິບັດກົດໝາຍລາດຕະເວນຮ່ວມຄັ້ງທີ 134 ໂດຍໄດ້ເລີ່ມເດີນທາງຈາກທ່າເຮືອກາລະບາ ສປຈີນເຖິງເຂດເສດຖະກິດພິເສດສາມຫຼ່ຽມຄຳ ເມືອງຕົ້ນເຜິ້ງ ແຂວງບໍ່ແກ້ວ ເພື່ອເຂົ້າຮ່ວມກອງປະຊຸມແລກປ່ຽນຂໍ້ມູນຂ່າວສານຢູ່ເມືອງຫ້ວຍຊາຍ ແຂວງບໍ່ແກ້ວອີກດ້ວຍ.
ຂ່າວ: ວໍລະສິດ ພິດສະຫາຍ
ກອງປະຊຸມໄດ້ທົບທວນຄືນສະພາບການຮ່ວມມືການປົກປັກຮັກສາຊາຍແດນໃນໄລຍະຜ່ານມາເປັນຕົ້ນການຮ່ວມມືປະຕິບັດສັນຍາວ່າດ້ວຍການລາດຕະເວນຮ່ວມທາງນໍ້າ,ການແກ້ໄຂບັນຫາສະພາບຂ້າມແດນຜິດກົດໝາຍ, ຄ້າຂາຍເຖື່ອນ, ຄ້າຂາຍຢາເສບຕິດຕາມຊາຍແດນ. ນອກນັ້ນ, ກອງປະຊຸມຍັງໄດ້ທົບທວນຄືນ ແລະ ຍົກໃຫ້ເຫັນວຽກງານການປະສານສົມທົບລະຫວ່າງ 4 ຝ່າຍ (ຈີນ-ລາວ-ມຽນມາ-ໄທ)ທີ່ໄດ້ມີການພົວພັນປະສານສົມທົບກັນຢ່າງແໜ້ນແຟ້ນໃນການປະຕິບັດກົດໝາຍລາດຕະເວນຮ່ວມກັນເພື່ອຮັກສາຄວາມສະຫງົບ, ຄວາມເປັນລະບຽບຮຽບຮ້ອຍຕາມລຳແມ່ນໍ້າຂອງໆ 4 ປະເທດ,ການພົວພັນຮ່ວມມືຊ່ວຍເຫຼືອຊຶ່ງກັນ ແລະ ກັນບົນພື້ນຖານຈິດໃຈສາມັກຄີ, ມິດຕະພາບ ແລະ ການຮ່ວມມື.
ກອງປະຊຸມໄດ້ເອກະພາບກ່ຽວກັບທິດທາງແຜນການທີ່ສອງຝ່າຍຈະໄດ້ສືບຕໍ່ຮ່ວມມືກັນໃນຕໍ່ໜ້າເປັນຕົ້ນ ການກຽມຄວາມພ້ອມໃນການລາດຕະເວນຮ່ວມກັນຄັ້ງທີ 135ທີ່ຈະມາເຖິງນີ້ ແລະ ການຍົກລະດັບການພົວພັນຮ່ວມມືປະສານສົມທົບລະຫວ່າງກຳລັງປ້ອງກັນຊາຍແດນຂອງ4 ປະເທດໃຫ້ນັບມື້ກ້າວເຂົ້າສູ່ລວງເລິກເພື່ອພ້ອມກັນເຮັດສໍາເລັດໜ້າທີ່ ພ້ອມກັນສ້າງຊາຍແດນໃຫ້ເປັນຊາຍແດນສັນຕິພາບ, ມິດຕະພາບ ແລະ ຮ່ວມມືພັດທະນາຮອບດ້ານ. ມາໃນວັນທີ 24-25 ຕຸລານີ້, ຄະນະຜູ້ແທນທັງ 4 ຝ່າຍໄດ້ເດີນທາງປະຕິບັດກົດໝາຍລາດຕະເວນຮ່ວມຄັ້ງທີ 134 ໂດຍໄດ້ເລີ່ມເດີນທາງຈາກທ່າເຮືອກາລະບາ ສປຈີນເຖິງເຂດເສດຖະກິດພິເສດສາມຫຼ່ຽມຄຳ ເມືອງຕົ້ນເຜິ້ງ ແຂວງບໍ່ແກ້ວ ເພື່ອເຂົ້າຮ່ວມກອງປະຊຸມແລກປ່ຽນຂໍ້ມູນຂ່າວສານຢູ່ເມືອງຫ້ວຍຊາຍ ແຂວງບໍ່ແກ້ວອີກດ້ວຍ.
ຂ່າວ: ວໍລະສິດ ພິດສະຫາຍ
ຄໍາເຫັນ