 |
ກອງປະຊຸມໃຫຍ່ຜຸ້ແທນອົງຄະນະພັກແຂວງຫຼວງນໍ້າທາຄັ້ງທີ IX ໄດ້ມີຄວາມໝາຍສໍາຄັນທີ່ສຸດໃນຊີວິດການເມືອງຂອງທົ່ວແຂວງຫຼວງນໍ້າທາ, ຊຶ່ງເປັນໂອກາດອັນລ້ຳຄ່າໃນການຕີລາຄາໝາກຜົນແຫ່ງການນຳພາ-ຊີ້ນຳ, ການຈັດຕັ້ງປະຕິບັດໜ້າທີ່ວຽກງານ ໃນໄລຍະ 5 ປີຜ່ານມາ ເພື່ອສະຫຼຸບຖອດຖອນບົດຮຽນພ້ອມທັງວາງທິດທາງແຜນການ, ຄາດໝາຍສູ້ຊົນ ແລະ ວຽກງານຈຸດສຸມ ໃນຊຸມປີຕໍ່ໜ້າ. ຕີລາຄາການຈັດຕັ້ງປະຕິບັດມະຕິກອງປະຊຸມໃຫຍ່ຂອງອົງຄະນະພັກແຂວງ ຄັ້ງທີ VIII ໃນ 5 ປີຜ່ານມາ (2021 -2025) ທິດທາງແຜນການ, ຄາດໝາຍສູ້ຊົນ ແລະ ວຽກງານຈຸດສຸມ 5 ປີຕໍ່ໜ້າ (2026-2030), ພ້ອມກັນຕີລາຄາ ການການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ VIII ຂອງອົງຄະນະພັກແຂວງ ແລະ ກຳນົດທິດທາງລວມ, ແຜນນະໂຍບາຍ ຕໍ່ແຜນພັດທະນາເສດຖະກິດ-ສັງຄົມຂອງແຂວງ ເພື່ອເຮັດໃຫ້ແຂວງຫຼວງນໍ້າທາ ຫຼຸດພົ້ນອອກຈາກຄວາມທຸກຍາກ ໂດຍສຸມໃສ່ການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນ ແລະ ສ້າງຄວາມເຂັ້ມແຂງ ໃຫ້ແກ່ພື້ນຖານເສດຖະກິດຂອງແຂວງ ໄດ້ຮັບການພັດທະນາ ແລະ ຂະຫຍາຍຕົວຢ່າງຕໍ່ເນື່ອງ-ຖືກທິດ ໃນລະດັບ 6,2% ຕໍ່ປີ, ລວມຍອດຜະລິດຕະພັນພາຍໃນ (GDP) ລວມ 5 ປີບັນລຸໄດ້ 44,582.07 ຕື້ກີບ, ສະເລ່ຍລາຍຮັບຕໍ່ຫົວຄົນບັນລຸ 2,347 ໂດລາສະຫະລັດ/ຄົນ/ປີ, ທຽບໃສ່ປີ 2020 ເພີ່ມຂຶ້ນ 449 ໂດລາສະຫະລັດ, ໄດ້ຕິດຕາມ-ຊຸກຍູ້ ແລະ ຄຸ້ມຄອງໂຄງການລົງທຶນຂອງລັດຕາມກົດໝາຍ ແລະ ລະບຽບການ;ດຶງດູດການລົງທຶນພາຍໃນ ແລະ ຕ່າງປະເທດໃນແຕ່ລະຂົງເຂດ ເພື່ອຍູ້ແຮງການພັດທະນາ ເປັນຕົ້ນແມ່ນ: ໂຄງການສົ່ງເສີມປູກຢາງພາລາ, ພືດກະສິກຳ ແລະ ອື່ນໆ. ໄດ້ປັບປຸງ ແລະ ກໍ່ສ້າງໂຄງລ່າງພື້ນຖານ, ພັດທະນາເຕັກນິກກະສິກຳ ຢ່າງຕໍ່ເນື່ອງ.
 |
ໃນກອງປະຊູມ, ໄດ້ຜ່ານຮ່າງບົດສໍາຫຼວດການນໍາພາລວມຂອງຄະນະພັກຊູດເກົ່າ. ຜ່ານມາດຖານເງື່ອນໄຂຜູ້ສະມັກເລືອກຕັ້ງເປັນຄະນະບໍລິຫານງານພັກແຂວງສະໄໝທີ IX ແລະ ໄດ້ປະກາດລາຍຊື່ຜູ້ອອກສະໝັກຮັບເລືອກຕັ້ງຄະນະບໍລີຫານງານພັກແຂວງສະໄໝທີ IX ຕື່ມອີກ.
(ຂ່າວ: ແກ້ວ ກວ໋າງບັນແຄັດ)
ຄໍາເຫັນ