ກອງປະຊຸມປະທານແນວໂຮມ 3 ປະເທດລາວ-ຫວຽດນາມ-ກໍາປູເຈຍຄັ້ງທີ 5 ໄດ້ຈັດຂຶ້ນໃນວັນທີ 9 ເມສາຜ່ານມາ ທີ່ນະຄອນຫຼວງວຽງຈັນ ໂດຍການເປັນປະທານຂອງທ່ານ ສິນລະວົງ ຄຸດໄພທູນ ປະທານສູນກາງແນວລາວສ້າງຊາດ (ສນຊ) ແຫ່ງ ສປປ ລາວ, ມີປະທານແນວໂຮມຫວຽດນາມ ແລະ ກຳປູເຈຍ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ທ່ານ ສິນລະວົງ ຄຸດໄພທູນກ່າວວ່າ:ກອງປະຊຸມຄັ້ງນີ້ຈະໄດ້ພ້ອມກັນຄົ້ນຄວ້າປະກອບຄໍາຄິດຄໍາເຫັນ, ແລກປ່ຽນຂໍ້ມູນຂ່າວສານ, ປະສົບການ, ບົດຮຽນ ແລະ ພຶດຕິກໍາທີ່ດີກ່ຽວກັບການປະຕິບັດບົດບັນທຶກການຮ່ວມມື 3 ຝ່າຍໃນໄລຍະຜ່ານມາ ຊຶ່ງບັນຫາຕ່າງໆທີ່ໄດ້ຍົກຂຶ້ນມາປຶກສາຫາລືລ້ວນແຕ່ໄດ້ຮັບຮອງຈາກ 3 ຝ່າຍຢ່າງເປັນເອກະພາບ. ພ້ອມທັງຖືໂອກາດນີ້ສະແດງຄວາມຊົມເຊີຍຕໍ່ຄວາມພະຍາຍາມຂອງແນວໂຮມ 3 ປະເທດ ທີ່ໄດ້ເອົາໃຈໃສ່ຈັດຕັ້ງປະຕິບັດບົດບັນທຶກການຮ່ວມມື ກໍຄືບັນດາກິດຈະກໍາຕ່າງໆໃນໄລຍະ 3 ປີຜ່ານມາ ໄດ້ຮັບຜົນສໍາເລັດໃນຫຼາຍດ້ານ, ຕີລາຄາສູງຕໍ່ລັດຖະບານ ກໍຄືອໍານາດການປົກຄອງທ້ອງຖິ່ນຂອງ 3 ປະເທດທີ່ໄດ້ເອົາໃຈໃສ່ປະສານງານ ແລະ ປຶກສາຫາລືຮ່ວມກັນຢ່າງເປັນປົກກະຕິຊຶ່ງເປັນການສົ່ງເສີມ ແລະ ອໍານວຍຄວາມສະດວກໃຫ້ແກ່ປະຊາຊົນ 3 ຊາດໄດ້ໄປມາຫາສູ່, ຄ້າຂາຍ ແລະ ຢູ່ຮ່ວມກັນຢ່າງເປັນປົກກະຕິສຸກ. ເຖິງຢ່າງໃດກໍຕາມ ຍັງມີບາງຂໍ້ຄົງຄ້າງໃນການປະຕິບັດບົດບັນທຶກກອງປະຊຸມຄັ້ງທີ 4 ທີ່ຈະຕ້ອງຮ່ວມກັນແກ້ໄຂເປັນຕົ້ນແມ່ນ ການໂຄສະນາສຶກສາອົບຮົມໃຫ້ປະຊາຊົນຍັງບໍ່ທັນເລິກເຊິ່ງ ແລະທົ່ວເຖິງ, ປະກົດການເຂົ້າ-ອອກເມືອງແບບບໍ່ຖືກກົດໝາຍ, ການແລກປ່ຽນຂໍ້ມູນຂ່າວສານ ແລະ ບັນຫາຕ່າງໆ.
ສຳລັບບົດບັນທຶກກອງປະຊຸມ ຄັ້ງທີ 5 ເຫັນວ່າມີຫຼາຍເນື້ອໃນສໍາຄັນ ຊຶ່ງໄດ້ລວມເອົາທັງຈິດໃຈຂອງບົດບັນທຶກສະບັບເກົ່າຢູ່ນໍາ ແລະ ບັນຫາໃໝ່ຈໍານວນໜຶ່ງທີ່ລ້ວນແຕ່ແມ່ນບັນຫາທີ່ 3 ຝ່າຍຕ້ອງໄດ້ຮ່ວມກັນເພີ່ມທະວີຄວາມຮັບຜິດຊອບໃນການຈັດຕັ້ງປະຕິບັດໃຫ້ມີໝາກມີຜົນຕໍ່ໄປ; ພ້ອມກັນນັ້ນຈະໄດ້ພ້ອມກັນຈັດຕັ້ງຜັນຂະຫຍາຍຜົນການພົບປະຂອງກົມການເມືອງ ແລະ ລັດຖະບານ 3 ປະເທດທີ່ໄດ້ຕົກລົງຮ່ວມກັນແລ້ວນັ້ນໃຫ້ປະກົດເປັນຈິງ.ເປັນຕົ້ນແມ່ນການສະໜັບສະໜູນເພີ່ມທະວີການຮ່ວມມືດ້ານການເມືອງ, ການທູດປະຊາຊົນໃຫ້ເຂົ້າສູ່ລວງເລິກ, ການແລກປ່ຽນຂໍ້ມູນຂ່າວສານໃຫ້ເປັນປົກກະຕິທັນການ, ປະສານສົມທົບຢ່າງສະໜິດແໜ້ນ, ມີປະສິດທິຜົນ; ສະໜັບສະໜູນ, ປົກປ້ອງຜົນປະໂຫຍດອັນຊອບທໍາຂອງກັນ ແລະ ກັນ; ໃນທ່າມກາງສະພາບການຂອງໂລກ ແລະ ພາກພື້ນຜັນແປຢ່າງສັບສົນແນວໂຮມ 3 ປະເທດຕ້ອງໄດ້ເພີ່ມຄວາມສາມັກຄີ, ປະສານສົມທົບຢ່າງແໜ້ນແຟ້ນ ແລະ ສະໜັບສະໜູນຊຶ່ງກັນ ແລະກັນ, ສືບຕໍ່ຖືເອົາການພົວພັນ ແລະເສີມຂະຫຍາຍກົນໄກທີ່ມີຢູ່ຢ່າງມີປະສິດທິຜົນ, ຄົ້ນຄ້ວາ, ສ້າງກົນໄກການຮ່ວມມືແນໃສ່ເພີ່ມພູນຄູນສ້າງ ແລະ ຮັດແໜ້ນສາຍພົວພັນມິດຕະພາບອັນດູດດື່ມ, ຄວາມສາມັກຄີພິເສດ ແລະ ການຮ່ວມມືອັນເປັນມູນເຊື້ອລະຫວ່າງ 3 ພັກ, 3 ປະເທດ, 3 ແນວໂຮມ ແລະ ປະຊາຊົນ 3 ຊາດໃຫ້ນັບມື້ໜັກແໜ້ນ; ສ້າງບາດກ້າວບຸກທະລຸໃນການຮ່ວມມືດ້ານເສດຖະກິດ, ວັດທະນະທໍາ, ການທ່ອງທ່ຽວ ແລະກະສິກໍາ ບົນພື້ນຖານຄວາມອາດສາມາດ ແລະ ທ່າແຮງຂອງແຕ່ລະປະເທດ.
ຂ່າວ-ພາບ: ບຸນອູ້ມ
ທ່ານ ສິນລະວົງ ຄຸດໄພທູນກ່າວວ່າ:ກອງປະຊຸມຄັ້ງນີ້ຈະໄດ້ພ້ອມກັນຄົ້ນຄວ້າປະກອບຄໍາຄິດຄໍາເຫັນ, ແລກປ່ຽນຂໍ້ມູນຂ່າວສານ, ປະສົບການ, ບົດຮຽນ ແລະ ພຶດຕິກໍາທີ່ດີກ່ຽວກັບການປະຕິບັດບົດບັນທຶກການຮ່ວມມື 3 ຝ່າຍໃນໄລຍະຜ່ານມາ ຊຶ່ງບັນຫາຕ່າງໆທີ່ໄດ້ຍົກຂຶ້ນມາປຶກສາຫາລືລ້ວນແຕ່ໄດ້ຮັບຮອງຈາກ 3 ຝ່າຍຢ່າງເປັນເອກະພາບ. ພ້ອມທັງຖືໂອກາດນີ້ສະແດງຄວາມຊົມເຊີຍຕໍ່ຄວາມພະຍາຍາມຂອງແນວໂຮມ 3 ປະເທດ ທີ່ໄດ້ເອົາໃຈໃສ່ຈັດຕັ້ງປະຕິບັດບົດບັນທຶກການຮ່ວມມື ກໍຄືບັນດາກິດຈະກໍາຕ່າງໆໃນໄລຍະ 3 ປີຜ່ານມາ ໄດ້ຮັບຜົນສໍາເລັດໃນຫຼາຍດ້ານ, ຕີລາຄາສູງຕໍ່ລັດຖະບານ ກໍຄືອໍານາດການປົກຄອງທ້ອງຖິ່ນຂອງ 3 ປະເທດທີ່ໄດ້ເອົາໃຈໃສ່ປະສານງານ ແລະ ປຶກສາຫາລືຮ່ວມກັນຢ່າງເປັນປົກກະຕິຊຶ່ງເປັນການສົ່ງເສີມ ແລະ ອໍານວຍຄວາມສະດວກໃຫ້ແກ່ປະຊາຊົນ 3 ຊາດໄດ້ໄປມາຫາສູ່, ຄ້າຂາຍ ແລະ ຢູ່ຮ່ວມກັນຢ່າງເປັນປົກກະຕິສຸກ. ເຖິງຢ່າງໃດກໍຕາມ ຍັງມີບາງຂໍ້ຄົງຄ້າງໃນການປະຕິບັດບົດບັນທຶກກອງປະຊຸມຄັ້ງທີ 4 ທີ່ຈະຕ້ອງຮ່ວມກັນແກ້ໄຂເປັນຕົ້ນແມ່ນ ການໂຄສະນາສຶກສາອົບຮົມໃຫ້ປະຊາຊົນຍັງບໍ່ທັນເລິກເຊິ່ງ ແລະທົ່ວເຖິງ, ປະກົດການເຂົ້າ-ອອກເມືອງແບບບໍ່ຖືກກົດໝາຍ, ການແລກປ່ຽນຂໍ້ມູນຂ່າວສານ ແລະ ບັນຫາຕ່າງໆ.
ສຳລັບບົດບັນທຶກກອງປະຊຸມ ຄັ້ງທີ 5 ເຫັນວ່າມີຫຼາຍເນື້ອໃນສໍາຄັນ ຊຶ່ງໄດ້ລວມເອົາທັງຈິດໃຈຂອງບົດບັນທຶກສະບັບເກົ່າຢູ່ນໍາ ແລະ ບັນຫາໃໝ່ຈໍານວນໜຶ່ງທີ່ລ້ວນແຕ່ແມ່ນບັນຫາທີ່ 3 ຝ່າຍຕ້ອງໄດ້ຮ່ວມກັນເພີ່ມທະວີຄວາມຮັບຜິດຊອບໃນການຈັດຕັ້ງປະຕິບັດໃຫ້ມີໝາກມີຜົນຕໍ່ໄປ; ພ້ອມກັນນັ້ນຈະໄດ້ພ້ອມກັນຈັດຕັ້ງຜັນຂະຫຍາຍຜົນການພົບປະຂອງກົມການເມືອງ ແລະ ລັດຖະບານ 3 ປະເທດທີ່ໄດ້ຕົກລົງຮ່ວມກັນແລ້ວນັ້ນໃຫ້ປະກົດເປັນຈິງ.ເປັນຕົ້ນແມ່ນການສະໜັບສະໜູນເພີ່ມທະວີການຮ່ວມມືດ້ານການເມືອງ, ການທູດປະຊາຊົນໃຫ້ເຂົ້າສູ່ລວງເລິກ, ການແລກປ່ຽນຂໍ້ມູນຂ່າວສານໃຫ້ເປັນປົກກະຕິທັນການ, ປະສານສົມທົບຢ່າງສະໜິດແໜ້ນ, ມີປະສິດທິຜົນ; ສະໜັບສະໜູນ, ປົກປ້ອງຜົນປະໂຫຍດອັນຊອບທໍາຂອງກັນ ແລະ ກັນ; ໃນທ່າມກາງສະພາບການຂອງໂລກ ແລະ ພາກພື້ນຜັນແປຢ່າງສັບສົນແນວໂຮມ 3 ປະເທດຕ້ອງໄດ້ເພີ່ມຄວາມສາມັກຄີ, ປະສານສົມທົບຢ່າງແໜ້ນແຟ້ນ ແລະ ສະໜັບສະໜູນຊຶ່ງກັນ ແລະກັນ, ສືບຕໍ່ຖືເອົາການພົວພັນ ແລະເສີມຂະຫຍາຍກົນໄກທີ່ມີຢູ່ຢ່າງມີປະສິດທິຜົນ, ຄົ້ນຄ້ວາ, ສ້າງກົນໄກການຮ່ວມມືແນໃສ່ເພີ່ມພູນຄູນສ້າງ ແລະ ຮັດແໜ້ນສາຍພົວພັນມິດຕະພາບອັນດູດດື່ມ, ຄວາມສາມັກຄີພິເສດ ແລະ ການຮ່ວມມືອັນເປັນມູນເຊື້ອລະຫວ່າງ 3 ພັກ, 3 ປະເທດ, 3 ແນວໂຮມ ແລະ ປະຊາຊົນ 3 ຊາດໃຫ້ນັບມື້ໜັກແໜ້ນ; ສ້າງບາດກ້າວບຸກທະລຸໃນການຮ່ວມມືດ້ານເສດຖະກິດ, ວັດທະນະທໍາ, ການທ່ອງທ່ຽວ ແລະກະສິກໍາ ບົນພື້ນຖານຄວາມອາດສາມາດ ແລະ ທ່າແຮງຂອງແຕ່ລະປະເທດ.
ຂ່າວ-ພາບ: ບຸນອູ້ມ
ຄໍາເຫັນ