ກອງປະຊຸມເຜີຍແຜ່ວຽກງານການທູດເສດຖະກິດ ໃຫ້ແກ່ 6 ແຂວງພາກເໜືອ

ກອງປະຊຸມເຜີຍແຜ່ວຽກງານການທູດເສດຖະກິດ ໃຫ້ແກ່ 6 ແຂວງພາກເໜືອ
ໃນວັນທີ 16 ກຸມພານີ້, ກົມເສດຖະກິດກະຊວງການຕ່າງປະເທດ ໄດ້ຈັດກອງປະຊຸມເຜີຍແຜ່ ກ່ຽວກັບວຽກງານການທູດເສດຖະກິດ ໃຫ້ແກ່ບັນດາ 6  ແຂວງພາກເໜືອ ທີ່ແຂວງຫຼວງພະບາງ,ພາຍໃຕ້ການເປັນປະທານຂອງ ທ່ານ ທອງຜ່ານ ສະຫວັນເພັດຮອງລັດຖະມົນຕີກະຊວງການຕ່າງປະເທດ, ໂດຍມີຜູ້ເຂົ້າຮ່ວມຈາກບັນດາກະຊວງ/ຂະແໜງການທີ່ກ່ຽວຂ້ອງຂອງສູນກາງ ແລະ 6 ແຂວງພາກເໜືອ ຂອງ ສປປ ລາວ ເຂົ້າຮ່ວມຢ່າງພ້ອມພຽງ. 
ຈຸດປະສົງຂອງການຈັດກອງປະຊຸມຄັ້ງນີ້ ແມ່ນເພື່ອແນໃສ່ການສ້າງຄວາມຮັບຮູ້ ແລະ ເຂົ້າໃຈ ໃຫ້ແກ່ພະນັກງານ-ລັດຖະກອນຂັ້ນທ້ອງຖິ່ນ ກ່ຽວກັບບົດບາດຄວາມສຳຄັນຂອງວຽກງານການທູດເສດຖະກິດ ແລະ ແລກປ່ຽນຄຳຄິດເຫັນ ເພື່ອປັບປຸງກົນໄກການປະສານງານລະຫວ່າງ ພາກລັດດ້ວຍກັນ ແລະ ພາກລັດ ກັບ ເອກະຊົນ ເພື່ອເຮັດໃຫ້ການເຄື່ອນໄຫວວຽກງານທູດເສດຖະກິດ ເປັນລະບົບ ແລະ ມີຄວາມໂລ່ງລ່ຽນເຊັ່ນ: ການສະໜອງຂໍ້ມູນຂ່າວສານດ້ານນະໂຍບາຍ, ນິຕິກຳ ແລະ ຂໍ້ມູນຕ່າງໆ ໃນຂົງເຂດເສດຖະກິດ; ຊຸກຍູ້ສ້າງ ແລະ ຈັດຕັ້ງປະຕິບັດບັນດານິຕິກຳຕ່າງໆ ໂດຍສະເພາະ ດໍາລັດ ວ່າດ້ວຍການເຄື່ອນໄຫວຂອງສໍານັກງານຜູ້ຕາງໜ້າ ເພື່ອຮັບໃຊ້ການພັດທະນາເສດຖະກິດແຫ່ງຊາດ ເພື່ອເປັນບ່ອນອີງໃຫ້ແກ່ການເຄື່ອນໄຫວການທູດເສດຖະກິດ. 
ໃນກອງປະຊຸມໄດ້ຍົກໃຫ້ເຫັນເຖິງບົດບາດຂອງວຽກງານການທູດ, ການເຄື່ອນໄຫວທາງການທູດເພື່ອຮັບໃຊ້ໃຫ້ແກ່ການພັດທະນາເສດຖະກິດ-ສັງຄົມແຫ່ງຊາດ ໂດຍສະເພາະການເປັນນັກການຕະຫຼາດ ເພື່ອຂົນຂວາຍ-ໂຄສະນາ ດຶງດູດດ້ານການຄ້າ-ການລົງທຶນ, ການທ່ອງທ່ຽວ ແລະ ດ້ານອື່ນໆ ໃນປະເທດທີ່ມີສຳນັກງານຂອງ ສປປ ລາວ ຕັ້ງຢູ່ຊຶ່ງຜ່ານມາ ວຽກງານການທູດ ກໍໄດ້ປະກອບສ່ວນຢ່າງຕັ້ງໜ້າເຂົ້າໃນການເຊື່ອມໂຍງເຊື່ອມຈອດພາກພື້ນ ແລະ ສາກົນ ເພື່ອສ້າງເງື່ອນໄຂຕ່າງໆໃນການດຶງດູດເອົາທ່າແຮງບົ່ມຊ້ອນຂອງຕ່າງປະເທດ ມາປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ຂອງຊາດ ເປັນຕົ້ນໃນໄລຍະທີ່ມີການແຜ່ລະບາດຂອງພະຍາດໂຄວິດ-19 ສປປ ລາວ ກໍໄດ້ມີການຍາດແຍ່ງເອົາການຊ່ວຍເຫຼືອດ້ານສາທາລະນະສຸກ ເຊັ່ນ: ຊ່ຽວຊານສະເພາະດ້ານ, ອຸປະກອນການແພດ, ຢາປິ່ນປົວ ແລະ ວັກຊິນ. ນອກຈາກນີ້ ກອງປະຊຸມ ຍັງໄດ້ນຳສະເໜີເອກະສານສຳຄັນ ກໍຄື ດໍາລັດ ວ່າດ້ວຍ ການເຄື່ອນໄຫວຂອງສໍານັກງານຜູ້ຕາງໜ້າ ເພື່ອຮັບໃຊ້ການພັດທະນາເສດຖະກິດແຫ່ງຊາດ ເພື່ອເປັນບ່ອນອີງໃຫ້ແກ່ການເຄື່ອນໄຫວການທູດເສດຖະກິດ; ສ້າງແຜນຍຸດທະສາດການທູດເສດຖະກິດໃນໄລຍະໃໝ່ໃຫ້ສອດຄ່ອງກັບນະໂຍບາຍຂອງພັກ-ລັດແລະແຜນພັດທະນາເສດຖະກິດ-ສັງຄົມ.
ພ້ອມນີ້ ບັນດາ 6 ແຂວງພາກເໜືອ ກໍໄດ້ນຳສະເໜີໃຫ້ມີການຊຸກຍູ້ຈາກສູນກາງ ໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມຂອງແຂວງຕົນໂດຍສະເພາະແມ່ນການຫັນເປັນຜະລິດສິນຄ້າ ເພື່ອສົ່ງອອກ ໃຫ້ເປັນຂະບວນຟົດຟື້ນຢ່າງເປັນລະບົບ ລວມທັງ ການຊອກຕະຫຼາດໃໝ່, ອີກດ້ານໜຶ່ງ ກໍຄືການດຶງດູດການຄ້າ-ການລົງທຶນ ຈາກຕ່າງປະເທດ. ນອກຈາກນັ້ນ, ກອງປະຊຸມຍັງໄດ້ປຶກສາຫາລື ກ່ຽວກັບຄວາມເປັນໄປໄດ້ໃນການສ້າງຕັ້ງກົນໄກປະສານງານ ລະຫວ່າງ ກອງເລຂາການທູດເສດຖະກິດ ກໍຄື ກະຊວງການຕ່າງປະເທດ ແລະ ທ້ອງຖິ່ນ ເພື່ອແນໃສ່ສ້າງລະບົບກົນໄກປະສານງານ ກໍຄື ການສະໜອງຂໍ້ມູນທີ່ເປັນເອກະພາບ ເພື່ອສົ່ງຕໍ່ໃຫ້ສຳນັກງານຜູ້ຕາງໜ້າການທູດລາວ ຢູ່ຕ່າງປະເທດ.  
ກອງປະຊຸມເຜີຍແຜ່ຄັ້ງນີ້ ໄດ້ດໍາເນີນໄປດ້ວຍບັນຍາກາດທີ່ດີ, ມີການແລກປ່ຽນຄໍາຄິດເຫັນ, ຂໍ້ມູນຂ່າວສານ ແລະ ການປຶກສາຫາລືແບບກົງໄປກົງມາ ແລະ ມີຄວາມອຸດົມສົມບູນທາງດ້ານເນື້ອໃນ ໂດຍສະເພາະການບັນຍາຍຈາກບັນດາວິທະຍາກອນ ແລະ ສໍາມະນາກອນ ຈາກຂະແໜງການກ່ຽວຂ້ອງ ໃນການແລກປ່ຽນບົດຮຽນ ແລະ ປະສົບການຕົວຈິງ   ກ່ຽວກັບການຈັດຕັ້ງປະຕິບັດວຽກງານວຽກງານການທູດເສດຖະກິດ ແລະ ໄດ້ຮັບຊາບເຖິງສະພາບທ່າແຮງບົ່ມຊ້ອນຫຼາຍຂະແໜງ ລວມທັງສິ່ງອຳນວຍຄວາມສະດວກໃນດ້ານຕ່າງໆ ທີ່ຈະສາມາດດຶງດູດການຄ້າ-ການລົງທຶນ ຂອງບັນດາແຂວງພາກເໜືອຂອງ ສປປ ລາວ.
ການທູດເສດຖະກິດຖືເປັນວຽກງານໜຶ່ງທີ່ມີຄວາມສຳຄັນຢູ່ໃນໄລຍະທີ່ໂລກກຳລັງກ້າວເຂົ້າສູ່ການປະຕິວັດຍຸກ 4.0 ຊຶ່ງຫຼາຍປະເທດກໍໄດ້ສຸມໃສ່ການເຊື່ອມໂຍງ, ເຊື່ອມຈອດເປັນຈຸດໃຈກາງ ເພື່ອສົ່ງເສີມໃຫ້ແກ່ການຄ້າ-ການລົງທຶນ ລະຫວ່າງພາກພື້ນກັບພາກພື້ນ ແລະ ອະນຸພາກພື້ນ, ລະຫວ່າງ ປະເທດກັບປະເທດ ຊຶ່ງປັດຈຸບັນ ສປປ ລາວ ກໍມີທ່າແຮງບົ່ມຊ້ອນຫຼາຍດ້ານທີ່ຈະໝູນໃຊ້ເຂົ້າໃນການພັດທະນາເສດຖະກິດ-ສັງຄົມແບບຍືນຍົງ ຕາມທິດທາງຂອງພັກ-ລັດໃນການຫັນປະເທດໄປສູ່ການພັດທະນາເສດຖະກິດສີຂຽວ. 
(ຂ່າວ: ກຕທ)

ຄໍາເຫັນ

ຂ່າວເສດຖະກິດ

ທ່ານວິວັດ ພົມມະຈັນ ຕົວແບບໃນການສ້າງເສດຖະກິດຄອບຄົວ

ທ່ານວິວັດ ພົມມະຈັນ ຕົວແບບໃນການສ້າງເສດຖະກິດຄອບຄົວ

ໂດຍ: ແສງຈັນ ການສ້າງເສດຖະກິດຄອບຄົວ ໃຫ້ກາຍເປັນສິນຄ້າຢ່າງຍືນຍົງແລະ ເປັນມິດຕໍ່ສິ່ງແວດລ້ອມ ແມ່ນໜຶ່ງວຽກງານທີ່ພັກ, ລັດໃຫ້ຄວາມເອົາໃຈໃສ່ ທັງເປັນການຮັບປະກັນການຜະລິດໃຫ້ພຽງພໍ ກັບຄວາມຕ້ອງການຂອງສັງຄົມ.
ພຽງ 3 ເດືອນ ເສດຖະກິດແຂວງອັດຕະປື ຂະຫຍາຍຕົວ 2.81%

ພຽງ 3 ເດືອນ ເສດຖະກິດແຂວງອັດຕະປື ຂະຫຍາຍຕົວ 2.81%

ໃນໄລຍະ 3 ເດືອນຕົ້ນປີ 2025 ເສດຖະກິດຂອງແຂວງອັດຕະປື ມີການຂະຫຍາຍຕົວຢູ່ໃນລະດັບ 2.81% ຄິດເປັນມູນຄ່າຕາມລາຄາໃນປີ 1,922 ຕື້ກີບ ເທົ່າກັບ 24,5% ຂອງແຜນການ ທີ່ມະຕິສະພາຮັບຮອງ, ລວມຍອດຜະລິດຕະພັນພາຍໃນ ສະເລ່ຍຕໍ່ຫົວຄົນບັນລຸ 21.9 ລ້ານກີບ.
ລາວ-ຈີນ ຫາລືສົ່ງເສີມການສຶກສາ ແລະ ເສດຖະກິດ-ການຄ້າ

ລາວ-ຈີນ ຫາລືສົ່ງເສີມການສຶກສາ ແລະ ເສດຖະກິດ-ການຄ້າ

ອົງການປົກຄອງນະຄອນຫຼວງວຽງຈັນ ສປປ ລາວ ຮ່ວມກັບ ອົງການປົກຄອງແຂວງ ເສສວນ ສປ ຈີນ ຈັດກອງປະຊຸມເພື່ອປຶກສາຫາລື ສົ່ງເສີມ ແລະ ແລກປ່ຽນການສຶກສາ, ເສດຖະກິດ-ການຄ້າ ຢູ່ນະຄອນຫຼວງວຽງຈັນ ໂດຍມີ ທ່ານ ສີລິລາດທົງສິນ ທອງເພັງ ຮອງເຈົ້າຄອງນະຄອນຫຼວງວຽງຈັນ, ທ່ານ ນາງ ຊື ສຽວຫຼິນ ເຈົ້າແຂວງເສສວນ, ມີຜູ້ຕາງໜ້າຈາກກະຊວງທີ່ກ່ຽວຂ້ອງຂອງ ສປປ ລາວ, ພ້ອມດ້ວຍ ຄະນະກໍາມະການຮ່ວມມື ລາວ-ຈີນ ແຂວງເສສວນ, ນະຄອນຫຼວງວຽງຈັນ ແລະ ຜູ້ປະກອບການ, ນັກທຸລະກິດລາວ-ຈີນ ເຂົ້າຮ່ວມ.
ເສດຖະກິດ ເມືອງຫີນເຫີບຂະຫຍາຍຕົວ 6.78% ຕໍ່ປີ.

ເສດຖະກິດ ເມືອງຫີນເຫີບຂະຫຍາຍຕົວ 6.78% ຕໍ່ປີ.

ສະຫາຍ ໂອລົດ ສີສູນທອນ ຮອງເລຂາພັກ ຮອງເຈົ້າເມືອງຫີນເຫີບ ແຂວງວຽງຈັນໄດ້ຜ່ານບົດລາຍງານການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີ ຄັ້ງທີ IV (2020-2024) ແລະ ທິດທາງແຜນການ 5 ປີ ຄັ້ງທີ V (2025-2029)
ຍ້ອນການນໍາພາຂອງອົງຄະນະພັກເມືອງປະທຸມພອນ ເຮັດໃຫ້ເສດຖະກິດ ຂະຫຍາຍຕົວ 7,26%ຕໍ່ປີ.

ຍ້ອນການນໍາພາຂອງອົງຄະນະພັກເມືອງປະທຸມພອນ ເຮັດໃຫ້ເສດຖະກິດ ຂະຫຍາຍຕົວ 7,26%ຕໍ່ປີ.

ສະຫາຍ ວຽງສະໄໝ ສີລິພອນພັນ ກໍາມະການພັກແຂວງ ເລຂາຄະນະບໍລິຫານງານພັກເມືອງ ເຈົ້າເມືອງໆປະທຸມພອນ ແຂວງຈໍາປາສັກ ໃຫ້ສໍາພາດຕໍ່ສື່ທ້ອງຖິ່ນໃນວັນທີ 12 ກຸມພາຜ່ານມາວ່າ: ການນໍາພາຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ
ຮອດປີ 2029 ເມືອງຊະນະຄາມ ຈະສູ້ຊົນໃຫ້ເສດຖະກິດຂະຫຍາຍຕົວ 6,2% ຕໍ່ປີ

ຮອດປີ 2029 ເມືອງຊະນະຄາມ ຈະສູ້ຊົນໃຫ້ເສດຖະກິດຂະຫຍາຍຕົວ 6,2% ຕໍ່ປີ

ອົງຄະນະພັກເມືອງຊະນະຄາມ ແຂວງວຽງຈັນ ໄດ້ວາງຄາດໝາຍໃຫ້ເສດຖະກິດຂະຫຍາຍຕົວ 6,2% ຕໍ່ປີ ລວມຍອດລາຍຮັບພາຍໃນໃຫ້ໄດ້ 2,049 ຕື້ກວ່າກີບ, ລາຍຮັບຕໍ່ຫົວຄົນໃຫ້ໄດ້ 44 ລ້ານກວ່າກີບຕໍ່ຄົນຕໍ່ປີ,
ເສດຖະກິດ-ສັງຄົມຜົ້ງສາລີຂະຫຍາຍຕົວຢ່າງຕໍ່ເນື່ອງ

ເສດຖະກິດ-ສັງຄົມຜົ້ງສາລີຂະຫຍາຍຕົວຢ່າງຕໍ່ເນື່ອງ

ໂດຍ: ພູວັນ ພາຍໃຕ້ການຊີ້ນຳ-ນຳພາຂອງທ່ານ ຄຳຜອຍ ວັນນະສານ ກຳມະການສູນກາງພັກເລຂາພັກແຂວງ-ເຈົ້າແຂວງຜົ້ງສາລີ ເຮັດໃຫ້ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5ປີຄັ້ງທີ9ຂອງແຂວງສາມາດບັນລຸຕາມຄາດໝາຍທີ່ວາງໄວ້
ຜົນສໍາເລັດການພັດທະນາເສດຖະກິດ-ສັງຄົມ ບໍລິຄໍາໄຊ ປີ 2024 ຜ່ານມາ

ຜົນສໍາເລັດການພັດທະນາເສດຖະກິດ-ສັງຄົມ ບໍລິຄໍາໄຊ ປີ 2024 ຜ່ານມາ

ໂດຍ:ວັນໄຊ ຕະວິນຍານ ໃນວາລະດໍາເນີນກອງປະຊຸມສະໄໝສາມັນ ເທື່ອທີ 8 ຂອງສະພາປະຊາຊົນແຂວງບໍລິຄໍາໄຊ ຊຸດທີ II ໃນ ທ້າຍເດືອນທັນວາ ປີ 2024 ຜ່ານມາ, ທ່ານ ສອນທະນູ ທໍາມະວົງ ກໍາມະການສູນກາງພັກເຈົ້າແຂວງບໍລິຄໍາໄຊ
ສ້າງເສດຖະກິດຄອບຄົວຈາກການເພາະພັນລູກໝູຂາຍ ນອກໂມງການ

ສ້າງເສດຖະກິດຄອບຄົວຈາກການເພາະພັນລູກໝູຂາຍ ນອກໂມງການ

ພາຍຫຼັງທີ່ ພັກ-ລັດ ໄດ້ມີນະໂຍບາຍເປີດກວ້າງ ໃນການພັດທະນາເສດຖະກິດ-ສັງຄົມ ໂດຍສະເພາະແມ່ນການປຸກລະດົມຊຸກຍູ້ໃຫ້ພະນັກງານ ແລະ ປະຊາຊົນ ຫັນມາປູກຝັງ-ລ້ຽງສັດ ໃຫ້ຫຼາຍກາຍເປັນສິນຄ້າ
ເພີ່ມເຕີມ