 |
ເຊີ່ງໃນໄລຍະຜ່ານມາ ແຂວງຫລວງນ້ຳທາ ໄດ້ມີການປັບປຸງລະບົບບໍລິຫານລັດຄືນໃໝ່ຄື: ໄດ້ຮັບຮອງ ແລະປະກາດໃຊ້ລັດຖະທຳມະນູນແຫ່ງ ສປປ ລາວ ສະບັບປັບປຸງປີ 2025 ໃນກອງປະຊຸມສະໄໝວິສາມັນເທື່ອທີ 2 ຂອງສະພາແຫ່ງຊາດ ຊຸດທີ IX ເຊີ່ງໄດ້ກາຍເປັນຂີດໝາຍທາງປະຫວັດສາດທີ່ມີຄວາມໝາຍສຳຄັນທີ່ສຸດຂອງຊາດລາວເຮົາເພື່ອປັບປຸງລະບົບອຳນາດແຫ່ງລັດ ໃຫ້ມີປະສິດທິພາບ, ສ້າງບາດລ້ຽວໃໝ່ໃຫ້ແກ່ການປົກປັກຮັກສາ ແລະ ສ້າງສາປະເທດຊາດ ແນໃສ່ສ້າງການຫັນປ່ຽນຢ່າງແຂງແຮງ, ເລິກເຊີ່ງ ແລະ ຮອບດ້ານໃນລະບົບອໍານາດແຫ່ງລັດ ແລະ ຍູ້ແຮງການສ້າງເສດຖະກິດເອກະລາດແລະ ເປັນເຈົ້າຕົນເອງ ຢ່າງເປັນຮູບປະທໍາ.ເພື່ອຜັນຂະຫຍາຍແນວທາງການປ່ຽນແປງໃໝ່ຢ່າງມີຫຼັກການຂອງພັກ ກໍຄືການຈັດຕັ້ງປະຕິບັດລັດຖະທຳມະນູນໃຫ້ປະກົດຜົນເປັນຈິງນັ້ນ ຢູ່ຂັ້ນສູນກາງ ກໍໄດ້ມີການປັບປຸງກົງຈັກການຈັດຕັ້ງຂອງລັດຖະບານ ໃຫ້ມີຄວາມຮັດກຸມ ແລະ ມີປະສິດທິພາບ ຕາມມະຕິຂອງສະພາແຫ່ງຊາດ ສະບັບເລກທີ 05/ສພຊ, ລົງວັນທີ 20 ມີນາ 2025.ດ້ວຍເຫດນັ້ນ ລະບົບກົງຈັກບໍລິຫານລັດຢູ່ຂັ້ນແຂວງຂອງພວກເຮົາ ກໍມີຄວາມຈຳເປັນ ທີ່ຈະຕ້ອງໄດ້ມີການປັບປຸງ ໃຫ້ທ່ວງທັນ ແລະ ແທດເໝາະກັບ
ສະພາບການຕົວຈິງ.
ກອງປະຊຸມຄັ້ງນີ້, ຈັດຂຶ້ນຕາມການສະເໜີຂອງອົງການປົກຄອງແຂວງ ເພື່ອພິຈາລະນາ, ຕົກລົງບັນຫາສຳຄັນພື້ນຖານຂອງແຂວງ ເປັນຕົ້ນແມ່ນ: ໄດ້ຮັບຟັງການລາຍງານສະພາບການກະກຽມ ແລະ ດໍາເນີນການປັບປຸງກົງຈັກການຈັດຕັ້ງ ແລະ ການປັບປຸງບຸກຄະລາກອນຂອງຄະນະປັບປຸງຂັ້ນແຂວງ, ພິຈາລະນາ, ຮັບຮອງເອົາການສະເໜີປັບປຸງກົງຈັກການຈັດຕັ້ງຂັ້ນແຂວງ, ພິຈາລະນາ, ຮັບຮອງເອົາການສະເໜີຍົກຍ້າຍບັນດາຫົວໜ້າພະແນກການຂອງແຂວງ, ພິຈາລະນາ, ຮັບຮອງເອົາການສະເໜີແຕ່ງຕັ້ງບັນດາຫົວໜ້າພະແນກການຂອງແຂວງ. ເພື່ອຮັບປະກັນໃຫ້ການພິຈາລະນາ, ຮັບຮອງເອົາບັນຫາສຳຄັນພື້ນຖານຂອງແຂວງໃຫ້ມີຄຸນນະພາບ, ມີປະສິດທິຜົນ ແລະ ບັນລຸຜົນຕາມແຜນການທີ່ວາງໄວ້ ພ້ອມນັ້ນ,ປະທານສະພາປະາຊົນແຂວງ ຍັງໄດ້ຮຽກຮ້ອງໃຫ້ກັບທຸກພາກສ່ວນທີ່ກ່ຽຂ້ອງ ຈົ່ງໃຫ້ການຮ່ວມມື ສະ ໜອງຂໍ້ມູນທີ່ຮັດກຸມ, ຊັດເຈນ ພ້ອມກັນເຊີດຊູຄວາມຮັບຜິດຊອບຂອງຕົນ ສຸມສະຕິປັນຍາເຂົ້າໃນການຄົ້ນຄວ້າ, ປະກອບຄໍາເຫັນ ຢ່າງມີຈຸດສຸມ, ມີເຫດຜົນ, ພາວະວິໄສ ແລະ ຮັບປະກັນຄວາມຖືກຕ້ອງ, ສອດຄ່ອງກັບແນວທາງຂອງພັກ, ລັດຖະທຳມະນູນ, ກົດໝາຍ ແລະ ສ້າງຄວາມເປັນເອກະພາບສູງຕໍ່ເນື້ອໃນກອງປະຊຸມຄັ້ງນີ້ ໃຫ້ສາມາດອອກເປັນມະຕິ ແລະ ນຳໄປຈັດຕັ້ງປະຕິບັດໄດ້.
(ຂ່າວໂດຍ: ແກ້ວກວ໋າງ)
ຄໍາເຫັນ