ເມື່ອບໍ່ດົນມານີ້ທີ່ສູນແກ້ໄຂຂໍ້ຂັດແຍ່ງທາງດ້ານເສດຖະກິດ ກະຊວງຍຸຕິທໍາ ໄດ້ເປີດກອງປະຊຸມວຽກງານແກ້ໄຂຂໍ້ຂັດແຍ່ງທາງດ້ານເສດຖະກິດທົ່ວປະເທດ ຂຶ້ນທີ່ຫ້ອງປະຊຸມສູນຝຶກອົບຮົມສູນກາງແນວລາວສ້າງຊາດນະຄອນຫຼວງວຽງຈັນ. ພາຍໃຕ້ການເປັນປະທານຂອງທ່ານ ໄພວີ ສີບົວລິພາລັດຖະມົນຕີກະຊວງຍຸຕິທຳ, ມີບັນດາທ່ານຈາກກະຊວງ, ອົງການ, ຫົວໜ່ວຍທຸລະກິດເຂົ້າຮ່ວມ.
ທ່ານນາງ ດວງມະນີ ລາວມາວຫົວໜ້າສູນແກ້ໄຂຂໍ້ຂັດແຍ່ງທາງດ້ານເສດຖະກິດ ໄດ້ຂຶ້ນຜ່ານບົດສະຫຼຸບການເຄື່ອນໄຫວວຽກງານຮອບດ້ານນັບແຕ່ປີ 2020 ຫາ 2023 ແລະ ທິດທາງແຜນການປີ 2024 ຫາ 2025 ຊຶ່ງເປັນການຕີລາຄາຄືນຜົນງານອັນພົ້ນເດັ່ນທີ່ສາມາດຍາດມາໄດ້ໃນການເຄື່ອນໄຫວວຽກງານແກ້ໄຂຂໍ້ຂັດແຍ່ງທາງດ້ານເສດຖະກິດ ຕະຫຼອດໄລຍະທີ່ຜ່ານມາ ເປັນຕົ້ນການປະກອບສ່ວນອັນສຳຄັນໃນການຊຸກຍູ້, ສົ່ງເສີມ ແລະ ອຳນວຍຄວາມສະດວກໃຫ້ແກ່ອົງການຈັດຕັ້ງຂອງລັດ ແລະ ບັນດາຫົວໜ່ວຍທຸລະກິດເອກະຊົນ ທັງພາຍໃນ ແລະ ຕ່າງປະເທດ ໃນການບໍລິການແກ້ໄຂຂໍ້ຂັດແຍ່ງທີ່ເກີດຂຶ້ນຈາກການດໍາເນີນທຸລະກິດ ດ້ວຍວິທີການແກ້ໄຂ ຄື: ການໄກ່ເກ່ຍ ແລະ ການຕັດສິນ ໂດຍກໍາມະການຕັດສິນ. ຄຽງຄູ່ກັນນັ້ນ ວຽກງານແກ້ໄຂຂໍ້ຂັດແຍ່ງທາງດ້ານເສດຖະກິດ ຍັງປະກອບສ່ວນໃນການຫຼຸດຜ່ອນການນໍາເອົາຂໍ້ຂັດແຍ່ງໄປດໍາເນີນການຮ້ອງຟ້ອງຢູ່ສານປະຊາຊົນ ແລະ ວຽກງານແກ້ໄຂຂໍ້ຂັດແຍ່ງນີ້ ຍັງປະກອບສ່ວນໃນການສ້າງສະພາບແວດລ້ອມທີ່ເອື້ອອຳນວຍໃຫ້ແກ່ການດຳເນີນທຸລະກິດ ຢູ່ ສປປ ລາວ.
ຈຸດປະສົງເພື່ອເປັນການສະຫຼຸບ ການຈັດຕັ້ງປະຕິບັດວຽກງານແກ້ໄຂຂໍ້ຂັດແຍ່ງທາງດ້ານເສດຖະກິດ ທົ່ວປະເທດແຕ່ປີ 2020 ຫາ 2023 ແລະ ວາງທິດທາງແຜນການປີ 2024 ຫາ 2025 ແລະ ເພື່ອເຮັດໃຫ້ຜູ້ເຂົ້າຮ່ວມກອງປະຊຸມໄດ້ມີຄວາມຮັບຮູ້ເຖິງທີ່ຕັ້ງພາລະບາດ, ສິດ ແລະ ໜ້າທີ່ ຂອງອົງການແກ້ໄຂຂໍ້ຂັດແຍ່ງທາງດ້ານເສດຖະກິດ. ພ້ອມກັນນັ້ນ, ຜູ້ເຂົ້າຮ່ວມກອງປະຊຸມຍັງຈະໄດ້ປະກອບຄຳເຫັນ ເພື່ອເປັນການແລກປ່ຽນບົດຮຽນຊຶ່ງກັນ ແລະ ກັນ ກ່ຽວກັບຜົນງານດ້ານດີ, ດ້ານອ່ອນ, ຂໍ້ຄົງຄ້າງ, ບົດຮຽນທີ່ຖອດຖອນໄດ້ ແລະ ພ້ອມກັນກໍານົດທິດທາງແຜນການເຄື່ອນໄຫວ
ກອງປະຊຸມຍັງໄດ້ຮັບຟັງການປະກອບຄໍາເຫັນຂອງຜູ້ເຂົ້າຮ່ວມກອງປະຊຸມຢ່າງກົງໄປກົົງມາ ໂດຍມີການສົມທຽບດ້ານທິດສະດີໃສ່ກັບພຶດຕິກໍາຕົວຈິງ, ການລາຍງານສະພາບການຈັດຕັ້ງປະຕິບັດວຽກງານແກ້ໄຂຂໍ້ຂັດແຍ່ງທາງດ້ານເສດຖະກິດໃນໄລຍະທີ່ຜ່ານມາຂອງຫ້ອງການແກ້ໄຂຂໍ້ຂັດແຍ່ງທາງດ້ານເສດຖະກິດ, ຂະແໜງສົ່ງເສີມວຽກງານຍຸຕິທໍາ ແລະ ແກ້ໄຂຂໍ້ຂັດແຍ່ງທາງດ້ານເສດຖະກິດ ຂອງບັນດາແຂວງ, ນະຄອນຫຼວງວຽງຈັນ ແລະ ການນຳສະເໜີບົດຮຽນ; ຜ່ານການປະກອບຄໍາເຫັນແລ້ວ ເຫັນວ່າ ຜູ້ເຂົ້າຮ່ວມແມ່ນມີຄວາມຮັບຮູ້ໄດ້ເຖິງທີ່ຕັ້ງ, ພາລະບົດບາດ, ຂອບເຂດສິດ ແລະ ໜ້າທີ່ ລວມໄປເຖິງຜົນປະໂຫຍດທີ່ຈະໄດ້ຮັບຈາກການແກ້ໄຂຂໍ້ຂັດແຍ່ງທາງດ້ານເສດຖະກິດໄດ້ຫຼາຍຂຶ້ນກວ່າເກົ່າ ຊຶ່ງເຮັດໃຫ້ກອງປະຊຸມດຳເນີນໄປດ້ວຍບັນຍາກາດຟົດຟື້ນ ແລະ ໄດ້ຮັບຜົນສໍາເລັດຕາມຈຸດປະສົງ ແລະ ລະດັບຄາດໝາຍຢ່າງຈົບງາມ.
ກອງປະຊຸມ ຍັງໄດ້ຮັບຟັງການໂອ້ລົມຂອງທ່ານລັດຖະມົນຕີ ຊຶ່ງທ່ານໄດ້ເນັ້ນໃຫ້ອົງການແກ້ໄຂຂໍ້ຂັດແຍ່ງທາງດ້ານເສດຖະກິດສືບຕໍ່ປັບປຸງກົງຈັກການຈັດຕັ້ງແລະ ພັດທະນາບຸກຄະລາກອນໃຫ້ມີຄວາມໜັກແໜ້ນ ແລະ ເຂັ້ມທາງດ້ານປະລິມານແລະ ຄຸນນະພາບ; ໃຫ້ພະນັກງານ-ລັດຖະກອນທີ່ຮັບຜິດຊອບວຽກງານແກ້ໄຂຂໍ້ຂັດແຍ່ງທາງດ້ານເສດຖະກິດ ລວມທັງຜູ້ໄກ່ເກ່ຍ ແລະ ຜູ້ຕັດສິນ ທີ່ປະກອບສ່ວນໂດຍກົງໃນການແກ້ໄຂຂໍ້ຂັດແຍ່ງທາງດ້ານເສດຖະກິດ ແລະ ສັງຄົມ ຈົ່ງຍົກສູງຄວາມຮັບຮູ້ ແລະ ເຂົ້າໃຈ ຕໍ່ແນວທາງ-ນະໂຍບາຍຂອງພັກ-ລັດ ທີ່ມີຕໍ່ວຽກງານແກ້ໄຂຂໍ້ຂັດແຍ່ງທາງດ້ານເສດຖະກິດ ຊຶ່ງຍາມໃດກໍເຫັນເຖິງຄວາມສຳຄັນໃນການສົ່ງເສີມ ແລະ ສ້າງເງື່ອນໄຂອຳນວຍຄວາມສະດວກເພື່ອພັດທະນາວຽກງານດັ່ງກ່າວໃຫ້ມີບົດບາດສູງຂຶ້ນໃນພາກພື້ນ ແລະ ສາກົນ ໂດຍສະເພາະແມ່ນການສ້າງ ແລະ ປັບປຸງກົດໝາຍ ແລະ ນິຕິກຳໃຕ້ກົດໝາຍ ລວມທັງການເຂົ້າຮ່ວມລົງນາມສົນທິສັນຍາຫຼາຍສະບັບ ເພື່ອເປັນບ່ອນອີງໃຫ້ແກ່ການຈັດຕັ້ງປະຕິບັດວຽກງານແກ້ໄຂຂໍ້ຂັດແຍ່ງທາງດ້ານເສດຖະກິດໃຫ້ນັບມື້ສູງຂຶ້ນ ແລະ ແນໃສ່ສ້າງສະພາບແວດລ້ອມທີ່ເອື້ອອຳນວຍໃຫ້ແກ່ການດຳເນີນທຸລະກິດການຄ້າ, ການລົງທຶນ, ການບໍລິການຂອງພາກລັດ ແລະ ເອກະຊົນໃຫ້ນັບມື້ເຕີບໃຫຍ່ເຂັ້ມແຂງ ແລະ ຂະຫຍາຍຕົວຂຶ້ນເລື້ອຍໆ ແລະ ເປັນການປະກອບສ່ວນໃນການຄຸ້ມຄອງລັດ ຄຸ້ມຄອງສັງຄົມ ດ້ວຍກົດໝາຍ.
ຂ່າວ-ພາບ: ໄໝສີສົດ
ທ່ານນາງ ດວງມະນີ ລາວມາວຫົວໜ້າສູນແກ້ໄຂຂໍ້ຂັດແຍ່ງທາງດ້ານເສດຖະກິດ ໄດ້ຂຶ້ນຜ່ານບົດສະຫຼຸບການເຄື່ອນໄຫວວຽກງານຮອບດ້ານນັບແຕ່ປີ 2020 ຫາ 2023 ແລະ ທິດທາງແຜນການປີ 2024 ຫາ 2025 ຊຶ່ງເປັນການຕີລາຄາຄືນຜົນງານອັນພົ້ນເດັ່ນທີ່ສາມາດຍາດມາໄດ້ໃນການເຄື່ອນໄຫວວຽກງານແກ້ໄຂຂໍ້ຂັດແຍ່ງທາງດ້ານເສດຖະກິດ ຕະຫຼອດໄລຍະທີ່ຜ່ານມາ ເປັນຕົ້ນການປະກອບສ່ວນອັນສຳຄັນໃນການຊຸກຍູ້, ສົ່ງເສີມ ແລະ ອຳນວຍຄວາມສະດວກໃຫ້ແກ່ອົງການຈັດຕັ້ງຂອງລັດ ແລະ ບັນດາຫົວໜ່ວຍທຸລະກິດເອກະຊົນ ທັງພາຍໃນ ແລະ ຕ່າງປະເທດ ໃນການບໍລິການແກ້ໄຂຂໍ້ຂັດແຍ່ງທີ່ເກີດຂຶ້ນຈາກການດໍາເນີນທຸລະກິດ ດ້ວຍວິທີການແກ້ໄຂ ຄື: ການໄກ່ເກ່ຍ ແລະ ການຕັດສິນ ໂດຍກໍາມະການຕັດສິນ. ຄຽງຄູ່ກັນນັ້ນ ວຽກງານແກ້ໄຂຂໍ້ຂັດແຍ່ງທາງດ້ານເສດຖະກິດ ຍັງປະກອບສ່ວນໃນການຫຼຸດຜ່ອນການນໍາເອົາຂໍ້ຂັດແຍ່ງໄປດໍາເນີນການຮ້ອງຟ້ອງຢູ່ສານປະຊາຊົນ ແລະ ວຽກງານແກ້ໄຂຂໍ້ຂັດແຍ່ງນີ້ ຍັງປະກອບສ່ວນໃນການສ້າງສະພາບແວດລ້ອມທີ່ເອື້ອອຳນວຍໃຫ້ແກ່ການດຳເນີນທຸລະກິດ ຢູ່ ສປປ ລາວ.
ຈຸດປະສົງເພື່ອເປັນການສະຫຼຸບ ການຈັດຕັ້ງປະຕິບັດວຽກງານແກ້ໄຂຂໍ້ຂັດແຍ່ງທາງດ້ານເສດຖະກິດ ທົ່ວປະເທດແຕ່ປີ 2020 ຫາ 2023 ແລະ ວາງທິດທາງແຜນການປີ 2024 ຫາ 2025 ແລະ ເພື່ອເຮັດໃຫ້ຜູ້ເຂົ້າຮ່ວມກອງປະຊຸມໄດ້ມີຄວາມຮັບຮູ້ເຖິງທີ່ຕັ້ງພາລະບາດ, ສິດ ແລະ ໜ້າທີ່ ຂອງອົງການແກ້ໄຂຂໍ້ຂັດແຍ່ງທາງດ້ານເສດຖະກິດ. ພ້ອມກັນນັ້ນ, ຜູ້ເຂົ້າຮ່ວມກອງປະຊຸມຍັງຈະໄດ້ປະກອບຄຳເຫັນ ເພື່ອເປັນການແລກປ່ຽນບົດຮຽນຊຶ່ງກັນ ແລະ ກັນ ກ່ຽວກັບຜົນງານດ້ານດີ, ດ້ານອ່ອນ, ຂໍ້ຄົງຄ້າງ, ບົດຮຽນທີ່ຖອດຖອນໄດ້ ແລະ ພ້ອມກັນກໍານົດທິດທາງແຜນການເຄື່ອນໄຫວ
ກອງປະຊຸມຍັງໄດ້ຮັບຟັງການປະກອບຄໍາເຫັນຂອງຜູ້ເຂົ້າຮ່ວມກອງປະຊຸມຢ່າງກົງໄປກົົງມາ ໂດຍມີການສົມທຽບດ້ານທິດສະດີໃສ່ກັບພຶດຕິກໍາຕົວຈິງ, ການລາຍງານສະພາບການຈັດຕັ້ງປະຕິບັດວຽກງານແກ້ໄຂຂໍ້ຂັດແຍ່ງທາງດ້ານເສດຖະກິດໃນໄລຍະທີ່ຜ່ານມາຂອງຫ້ອງການແກ້ໄຂຂໍ້ຂັດແຍ່ງທາງດ້ານເສດຖະກິດ, ຂະແໜງສົ່ງເສີມວຽກງານຍຸຕິທໍາ ແລະ ແກ້ໄຂຂໍ້ຂັດແຍ່ງທາງດ້ານເສດຖະກິດ ຂອງບັນດາແຂວງ, ນະຄອນຫຼວງວຽງຈັນ ແລະ ການນຳສະເໜີບົດຮຽນ; ຜ່ານການປະກອບຄໍາເຫັນແລ້ວ ເຫັນວ່າ ຜູ້ເຂົ້າຮ່ວມແມ່ນມີຄວາມຮັບຮູ້ໄດ້ເຖິງທີ່ຕັ້ງ, ພາລະບົດບາດ, ຂອບເຂດສິດ ແລະ ໜ້າທີ່ ລວມໄປເຖິງຜົນປະໂຫຍດທີ່ຈະໄດ້ຮັບຈາກການແກ້ໄຂຂໍ້ຂັດແຍ່ງທາງດ້ານເສດຖະກິດໄດ້ຫຼາຍຂຶ້ນກວ່າເກົ່າ ຊຶ່ງເຮັດໃຫ້ກອງປະຊຸມດຳເນີນໄປດ້ວຍບັນຍາກາດຟົດຟື້ນ ແລະ ໄດ້ຮັບຜົນສໍາເລັດຕາມຈຸດປະສົງ ແລະ ລະດັບຄາດໝາຍຢ່າງຈົບງາມ.
ກອງປະຊຸມ ຍັງໄດ້ຮັບຟັງການໂອ້ລົມຂອງທ່ານລັດຖະມົນຕີ ຊຶ່ງທ່ານໄດ້ເນັ້ນໃຫ້ອົງການແກ້ໄຂຂໍ້ຂັດແຍ່ງທາງດ້ານເສດຖະກິດສືບຕໍ່ປັບປຸງກົງຈັກການຈັດຕັ້ງແລະ ພັດທະນາບຸກຄະລາກອນໃຫ້ມີຄວາມໜັກແໜ້ນ ແລະ ເຂັ້ມທາງດ້ານປະລິມານແລະ ຄຸນນະພາບ; ໃຫ້ພະນັກງານ-ລັດຖະກອນທີ່ຮັບຜິດຊອບວຽກງານແກ້ໄຂຂໍ້ຂັດແຍ່ງທາງດ້ານເສດຖະກິດ ລວມທັງຜູ້ໄກ່ເກ່ຍ ແລະ ຜູ້ຕັດສິນ ທີ່ປະກອບສ່ວນໂດຍກົງໃນການແກ້ໄຂຂໍ້ຂັດແຍ່ງທາງດ້ານເສດຖະກິດ ແລະ ສັງຄົມ ຈົ່ງຍົກສູງຄວາມຮັບຮູ້ ແລະ ເຂົ້າໃຈ ຕໍ່ແນວທາງ-ນະໂຍບາຍຂອງພັກ-ລັດ ທີ່ມີຕໍ່ວຽກງານແກ້ໄຂຂໍ້ຂັດແຍ່ງທາງດ້ານເສດຖະກິດ ຊຶ່ງຍາມໃດກໍເຫັນເຖິງຄວາມສຳຄັນໃນການສົ່ງເສີມ ແລະ ສ້າງເງື່ອນໄຂອຳນວຍຄວາມສະດວກເພື່ອພັດທະນາວຽກງານດັ່ງກ່າວໃຫ້ມີບົດບາດສູງຂຶ້ນໃນພາກພື້ນ ແລະ ສາກົນ ໂດຍສະເພາະແມ່ນການສ້າງ ແລະ ປັບປຸງກົດໝາຍ ແລະ ນິຕິກຳໃຕ້ກົດໝາຍ ລວມທັງການເຂົ້າຮ່ວມລົງນາມສົນທິສັນຍາຫຼາຍສະບັບ ເພື່ອເປັນບ່ອນອີງໃຫ້ແກ່ການຈັດຕັ້ງປະຕິບັດວຽກງານແກ້ໄຂຂໍ້ຂັດແຍ່ງທາງດ້ານເສດຖະກິດໃຫ້ນັບມື້ສູງຂຶ້ນ ແລະ ແນໃສ່ສ້າງສະພາບແວດລ້ອມທີ່ເອື້ອອຳນວຍໃຫ້ແກ່ການດຳເນີນທຸລະກິດການຄ້າ, ການລົງທຶນ, ການບໍລິການຂອງພາກລັດ ແລະ ເອກະຊົນໃຫ້ນັບມື້ເຕີບໃຫຍ່ເຂັ້ມແຂງ ແລະ ຂະຫຍາຍຕົວຂຶ້ນເລື້ອຍໆ ແລະ ເປັນການປະກອບສ່ວນໃນການຄຸ້ມຄອງລັດ ຄຸ້ມຄອງສັງຄົມ ດ້ວຍກົດໝາຍ.
ຂ່າວ-ພາບ: ໄໝສີສົດ
ຄໍາເຫັນ