 |
ຫົວໜ້າຄະນະຜູ້ແທນຝ່າຍລາວ, ນໍາໂດຍທ່ານ ນາງ ບຸນເຫຼືອ ຈັນທະພົມມາ ຫົວໜ້າສູນໃຫ້ຄຳປຶກສາ ແລະ ປົກປ້ອງແມ່ຍິງ-ເດັກນ້ອຍສູນກາງສະຫະພັນແມ່ຍິງລາວ ຮອງຫົວໜ້າກອງເລຂາຄະນະກຳມະການຕ້ານການຄ້າມະນຸດລະດັບຊາດ, ຫົວໜ້າຄະນະຜູ້ແທນຝ່າຍໄທ ນຳໂດຍ ນາງ ສຸນີ ສີສະຫງ່າຕະກຸນເລີດ ຮອງຫົວໜ້າຫ້ອງການກະຊວງການພັດທະນາສັງຄົມ ແລະ ຄວາມໝັ້ນຄົງຂອງມະນຸດ ແຫ່ງ ຣາຊະອານາຈັກໄທ ພ້ອມດ້ວຍຄະນະຜູ້ແທນທັງ 2 ຝ່າຍເຂົ້າຮ່ວມ.
ໃນກອງປະຊຸມ, ຄະນະຜູ້ແທນທັງສອງຝ່າຍໄດ້ຮັບຟັງການລາຍງານຜົນຂອງກອງປະຊຸມ CMM ຄັ້ງທີ 4 ທີ່ຜ່ານມາ, ຜົນຂອງການຕິດຕາມ-ຢ້ຽມຢາມສໍາພາດຜູ້ຖືກເຄາະຮ້າຍຄົນລາວທີ່ຖືກຊ່ວຍຢູ່ສູນຊ່ວຍເຫຼືອຂອງປະເທດໄທ, ຮັບຟັງການລາຍງານກ່ຽວກັບການຊ່ວຍເຫຼືອຜູ້ຖືກເຄາະຮ້າຍໃນການກັບຄືນສູ່ຄອບຄົວ ແລະ ສັງຄົມ, ຮັບຟັງຜົນຂອງການຊ່ວຍເຫຼືອດ້ານການດໍາເນີນຄະດີໃຫ້ກັບຜູ້ຖືກເຄາະຮ້າຍ ພ້ອມນັ້ນສອງຝ່າຍຍັງໄດ້ຮ່ວມກັນຮ່າງແຜນປະຕິບັດງານໄລຍະ III ແຕ່ປີ 2026-2030 ເພື່ອເປັນບ່ອນອີງໃນການຮ່ວມມືກັນໃນ 5 ປີຕໍ່ໜ້າ. ຊຶ່ງໃນ 1 ປີທີ່ຜ່ານມາ, ສາມາດຮັບເອົາຜູ້ຖືກເຄາະຮ້າຍຄົນລາວກັບຄືນປະເທດໄດ້ຈໍານວນ 14 ຄົນ ຍິງ 12 ຄົນ, ສົ່ງກັບຜູ້ຖືກເຄາະຮ້າຍຄົນໄທ 1 ຄົນ ຍິງ 1 ຄົນ. ໃຫ້ ການຊ່ວຍເຫຼືອດ້ານຕ່າງໆ ໂດຍສະເພາະ ດ້ານການດໍາເນີນຄະດີ, ການຮຽກຮ້ອງເອົາຄ່າເສຍຫາຍທາງແພ່ງ, ຄ່າຊົດເຊີຍຄວາມເສຍຫາຍໃຫ້ກັບຜູ້ຖືກເຄາະຮ້າຍ. ນອກນັ້ນຍັງໄດ້ສະໜອງທຶນ ແລະ ຝຶກອົບຮົມວິຊາຊີບໄລຍະສັ້ນດ້ານຕ່າງໆໃຫ້ຜູ້ຖືກເຄາະຮ້າຍ ເພື່ອໃຫ້ເຂົາເຈົ້າມີວິຊາອາຊີບທີ່ສາມາດສ້າງລາຍຮັບ ແລະ ສາມາດດໍາລົງຊີວິດໄດ້ເປັນປົກກະຕິບໍ່ກັບມາເປັນຜູ້ຖືກເຄາະຮ້າຍຊໍ້າອີກ.
 |
ໃນພິທີໄດ້ມີການລົງນາມເຊັນບົດບັນທຶກຜົນຂອງກອງປະຊຸມ ໂດຍຫົວໜ້າຄະນະທັງສອງປະເທດ ພາຍໃຕ້ການເປັນສັກຂີພິຍານຂອງພາກສ່ວນທີ່ກ່ຽວຂ້ອງຂອງທັງສອງຝ່າຍ. ຂ່າວ: ປກສ
ຄໍາເຫັນ