 |
ທ່ານບຸນເຖິງ ດວງສະຫວັນ ກໍໄດ້ສະແດງຄວາມຕ້ອນຮັບຢ່າງອົບອຸ່ນ ແລະ ສະແດງຄວາມຍິນດີຊົມເຊີຍຕໍ່ ທ່ານ ກົງສູນໃຫຍ່ ທີ່ໄດ້ຮັບການແຕ່ງຕັ້ງໃຫ້ມາປະຈຳການຢູ່ ສປປ ລາວ, ພ້ອມທັງໄດ້ຕີລາຄາສູງຕໍ່ສາຍພົວພັນມິດຕະພາບທີ່ມີມູນເຊື້ອອັນດີງາມ, ການເປັນຄູ່ຮ່ວມຍຸດທະສາດຮອບດ້ານ ແລະ ໝັ້ນຄົງຍາວນານ ລະຫວ່າງ ສອງຊາດ ລາວ - ກຳປູເຈຍ ໂດຍສະເພາະແມ່ນການພົວພັນຮ່ວມມື ລະຫວ່າງ ແຂວງອັດຕະປື ກັບ ບັນດາແຂວງທີ່ມີຊາຍແດນຕິດກັບ ສປປລາວ ທີ່ນັບມື້ນັບໄດ້ຮັບການເສີມຂະຫຍາຍ ແລະ ແຕກດອກອອກຜົນໃນຫຼາຍໆດ້ານ ບໍ່ວ່າຈະເປັນດ້ານການເມືອງ, ຄວາມໝັ້ນຄົງ, ເສດຖະກິດ-ການຄ້າ ແລະ ການໄປມາຫາສູ່ຂອງປະຊາຊົນສອງຊາດ.
 |
ທ່ານ ດາວ ບົດມຸນີ ກົງສູນໃຫຍ່ ແຫ່ງ ລາຊະອານາຈັກ ກຳປູ ເຈຍປະຈຳພາກໃຕ້ຂອງ ສປປລາວ ໄດ້ສະແດງຄວາມຂອບໃຈຢ່າງຈິງໃຈຕໍ່ ທ່ານ ເລຂາພັກແຂວງອັດຕະປື ທີ່ໄດ້ໃຫ້ການຕ້ອນຮັບຢ່າງອົບອຸ່ນ ພ້ອມທັງຢືນຢັນວ່າ ໃນຕະຫຼອດໄລຍະການປະຕິບັດໜ້າທີ່ທາງການທູດຢູ່ ສປປ ລາວ ຈະສຸມທຸກສະຕິປັນຍາ ແລະ ຄວາມພະຍາຍາມ ເພື່ອເປັນຂົວຕໍ່ໃນການຊຸກຍູ້, ສົ່ງເສີມການພົວພັນຮ່ວມມື ລະຫວ່າງ ສອງປະເທດ ໃຫ້ມີຄວາມແໜ້ນແຟ້ນຍິ່ງໆຂຶ້ນ ໂດຍສະເພາະແມ່ນການຊຸກຍູ້ການຮ່ວມມືດ້ານການຄ້າ, ການທ່ອງທ່ຽວ ແລະ ການຮັກສາຄວາມສະຫງົບ ຕາມບໍລິເວນຊາຍແດນ ລະຫວ່າງ ແຂວງອັດຕະປື ກັບ ບັນດາແຂວງທີ່ມີຊາຍແດນເຊື່ອມຈອດຂອງກຳປູເຈຍ ໃຫ້ມີຄວາມສະຫງົບ, ມີສະຖຽນລະພາບ ແລະ ຮ່ວມກັນພັດທະນາຢ່າງຍືນຍົງ.
ໃນໂອກາດດັ່ງກ່າວທ່ານ ດາວ ບົດມຸນີ ພ້ອມຄະນະ ຍັງໄດ້ສືບຕໍ່ເຂົ້າຢ້ຽມຢາມ ແລະ ພົບປະ ກັບ ທ່ານ ທະນູໄຊ ບັນຊາລິດ ປະທານຄະນະກຳມະການປົກຄອງແຂວງ ເພື່ອຢ້ຽມຢາມຖາມຂ່າວ ໃນໂອກາດທີ່ມາຮັບໜ້າທີ່ທາງການທູດຄົນໃໝ່ ຢູ່ ສປປ ລາວ.
ຂ່າວ: ວິໄລສັກ ແກ້ວຫຼວງໂຄດ
ຄໍາເຫັນ