ທ້າຍເດືອນມີນາຜ່ານມາກະຊວງກະສິກຳ ແລະ ປ່າໄມ້ ແລະ ອົງການສະວິດ ເພື່ອການພັດທະນາ ແລະ ການຮ່ວມມື ໄດ້ຈັດກອງປະຊຸມຄະນະຊີ້ນໍາໂຄງການຄັ້ງທໍາອິດ ຢູ່ນະຄອນຫຼວງວຽງຈັນ ເພື່ອລິເລີ່ມໂຄງການຄຸ້ມຄອງທີ່ດິນ ແລະ ການລົງທຶນທີ່ຍືນຍົງ ສຳລັບຊີວິດການເປັນຢູ່ທີ່ຍືດຍຸ່ນຕໍ່ກັບການປ່ຽນແປງດິນຟ້າອາກາດ ຕໍ່ໄປນີ້ໂຄງການດັ່ງກ່າວເອີ້ນວ່າ: ໂຄງການຊີວິດຈາກດິນ ຊຶ່ງມີຈຸດປະສົງ ສົ່ງເສີມການຄຸ້ມຄອງທີ່ດິນ ແລະ ການລົງທຶນທີ່ຍືນຍົງ ສຳລັບຊີວິດການເປັນຢູ່ທີ່ຍືດຍຸ່ນຕໍ່ກັບການປ່ຽນແປງດິນຟ້າອາກາດ.ໃນກອງປະຊຸມດັ່່ງກ່າວ ມີບັນດາຜູ້ຕາງໜ້າຈາກກະຊວງ, ສະຖາບັນກ່ຽວຂ້ອງ ແລະ ຜູ້ຕາງໜ້າຈາກປະເທດສະວິດ ແລະ ສູນເພື່ອການພັດທະນາ ແລະ ສິ່ງແວດລ້ອມ ເຂົ້າຮ່ວມ.
ໂຄງການນີ້ ມີທັງໝົດ 25 ກົມວິຊາການ ຈາກ 6 ກະຊວງຂອງລັດມີສ່ວນຮ່ວມໃນການຈັດຕັ້ງປະຕິບັດ ການທີ່ມີສ່ວນຮ່ວມກັບຫຼາຍຂະແໜງການດັ່ງກ່າວນັ້ນ ມັນສະທ້ອນໃຫ້ເຫັນຄວາມສະຫຼັບສັບຊ້ອນ ຂອງວຽກງານການຄຸ້ມຄອງການນຳໃຊ້ຊັບພະຍາກອນທີ່ດິນ ເພື່ອເປົ້າໝາຍທາງການຄ້າ ໂຄງການຊີວິດຈາກດິນ ແມ່ນສູນເພື່ອການພັດທະນາ ແລະ ສິ່ງແວດລ້ອມ ຂອງມະຫາວິທະຍາໄລເບີນ ປະເທດສະວິດ ເປັນໃຈກາງປະສານງານ ກັບບັນດາຂະແໜງການທີ່ກ່ຽວຂ້ອງ ຂອງລັດຖະບານ ແຫ່ງສປປ ລາວ ໃນການຈັດຕັ້ງປະຕິບັດ ເປົ້າໝາຍຫຼັກ ຂອງໂຄງການແມ່ນເພື່ອຊ່ວຍລັດຖະບານແຫ່ງສປປ ລາວ ໃນການຍົກສູງການຄຸ້ມຄອງທີ່ດິນ ຜ່ານການປັບປຸງຂອດການປະສານງານ ລະຫວ່າງ ຂະແໜງການສົ່ງເສີມຄຸນນະພາບການລົງທຶນໃນຂົງເຂດທີ່ດິນ ແລະ ການຍົກສູງຄວາມຮູ້ ຂີດຄວາມສາມາດ ແລະ ຂະບວນການ ເພື່ອຜົນປະໂຫຍດຂອງຊຸມຊົນທີ່ມີຄວາມບອບບາງ.
ແນວໂນ້ມປັດຈຸບັນ ເຫັນວ່າການນຳໃຊ້ທີ່ດິນຜະລິດເປັນສິນຄ້າ ແມ່ນໄດ້ປະກອບສ່ວນອັນສຳຄັນ ໃຫ້ແກ່ການເຕີບໂຕຂອງເສດຖະກິດຢູ່ ສປປ ລາວ ແຕ່ເຫັນວ່າການນຳໃຊ້ທີ່ດິນດັ່ງກ່າວ ແມ່ນມັກຈະມາພ້ອມກັບຄວາມສ່ຽງ ເຊັ່ນ: ຄວາມບໍ່ຍືນຍົງ ລວມມີການສູນເສຍສິດທິການນຳໃຊ້ຊັບພະຍາກອນທຳມະຊາດ ຂອງປະຊາຊົນຢູ່ຊົນນະບົດ ການນໍາໃຊ້ເຕັກນິກທີ່ສ້າງຜົນເສຍຕໍ່ກັບທີ່ດິນ ມົນລະພິດຈາກການນໍາໃຊ້ສານເຄມີກະສິກໍາ ຊຶ່ງໄດ້ກາຍເປັນສິ່ງທ້າທາຍໃຫ້ແກ່ຄວາມໝັ້ນຄົງດ້ານຊີວິດການເປັນຢູ່ຂອງຊາວກະສິກອນຢູ່ຊົນນະບົດ ມົນລະພິດດ້ານສິ່ງແວດລ້ອມ ແລະ ການຫຼຸຸດລົງຢ່າງໄວວາຂອງຄວາມອຸດົມສົມບູນຂອງດິນ. ນອກຈາກນັ້ນ, ການປ່ຽນແປງດິນຟ້າອາກາດ ຊຶ່ງສະແດງອອກຜ່ານໄພພິບັດນໍ້າຖ້ວມ, ຝົນຕົກໜັກ ແລະ ໄພແຫ້ງແລ້ງທີ່ແກ່ຍາວ ໄດ້ເຮັດໃຫ້ມີການແຂ່ງຂັນການນຳໃຊ້ທີ່ດິນຢູ່ ສປປ ລາວ ເພີ່ມຂຶ້ນ. ໂຄງການຊີວິດຈາກດິນແນໃສ່ສ້າງຂີດຄວາມສາມາດ ຂອງລັດຖະບານ ແຫ່ງສປປ ລາວ ໃນການນຳໃຊ້ເຄື່ອງມື ຂໍ້ມູນ-ຂ່າວສານ ແລະ ຄວາມຮູ້ອັນໃໝ່ໃນການກຳນົດແນວທາງການຄຸ້ມຄອງການນຳໃຊ້ທີ່ດິນສຳລັບເປົ້າໝາຍທາງການຄ້າໃຫ້ຍື່ນຍົງ.
ທ່ານ ທັດສະກາ ສະພັງທອງ ຫົວໜ້າກົມແຜນການ ແລະ ການຮ່ວມມື ກະຊວງກະສິກຳ ແລະ ປ່າໄມ້ ທັງເປັນຮອງປະທານຄະນະຊີ້ນໍາໂຄງການ ຕາງໜ້າໃຫ້ລັດຖະບານ ແຫ່ງສປປ ລາວ ໄດ້ກ່າວວ່າ: ໂຄງການນີ້ ແມ່ນສອດຄ່ອງກັບ ຍຸດທະສາດການພັດທະນາກະສິກຳ ຮອດປີ 2025 ແລະ ວິໄສທັດ 2030 ຂອງລັດຖະບານ ທ່ານໄດ້ເນັ້ນເຖິງຄວາມສໍາຄັນ ຂອງໂຄງການຊີວິດຈາກດິນຕໍ່ກັບການພັດທະນາເສດຖະກິດ-ສັງຄົມ ແລະ ການຮັບປະກັນການຄຸ້ມຄອງທີ່ດິນທີ່ຍືນຍົງ ຂອງປະເທດ.
ທ່ານ ກາບຣີລ ດັສ (Jean-Gabriel Duss)ຫົວໜ້າ ອົງການສະວິດ ເພື່ອການພັດທະນາ ແລະ ການຮ່ວມມືປະຈຳພາກພື້ນແມ່ນໍ້າຂອງ ຕາງໜ້າໃຫ້ປະເທດສະວິດ ກ່າວວ່າ: ຂ້າພະເຈົ້າເຊື່ອໝັ້ນ ໂຄງການນີ້ ຈະປະກອບສ່ວນໃນການສົ່ງເສີມການເຕີບໂຕທາງດ້ານເສດຖະກິດ ໃຫ້ມີປະສິດທິຜົນ ສະອາດ ທົ່ວເຖິງ ແລະ ຍືດຍຸ່ນຕໍ່ກັບການປ່ຽນແປງດິນຟ້າອາກາດ ຊຶ່ງມັນສອດຄ່ອງກັບບຸລິມະສິດ ຂອງປະເທດສະວິດ ຢູ່ໃນພາກພື້ນແມ່ນໍ້າຂອງ
ທ່ານຍັງກ່າວຕື່ມວ່າ: ປະເທດສະວິດມີຄວາມມຸ່ງໝັ້ນ ທີ່ຈະສະໜັບສະໜູນ ສປປ ລາວ ໃນການບັນລຸການພັດທະນາທີ່ຍືນຍົງ ແລະ ທົ່ວເຖິງ ໂດຍສະເພາະແມ່ນການລົງທຶນເຂົ້າໃນການຄຸ້ມຄອງທີ່ດິນທີ່ຍືນຍົງ ແລະ ຊີວິດການເປັນຢູ່ທີ່ສາມາດຍືດຍຸ່ນຕໍ່ກັບການປ່ຽນແປງດິນຟ້າອາກາດ ຊຶ່ງມັນເປັນສິ່ງສຳຄັນໃນການຮັບປະກັນ ບໍ່ໃຫ້ຜູ້ໃດຖືກປະໄວ້ຂ້າງຫຼັງ.
ຂ່າວ-ພາບ:ສອນເພັດ
ໂຄງການນີ້ ມີທັງໝົດ 25 ກົມວິຊາການ ຈາກ 6 ກະຊວງຂອງລັດມີສ່ວນຮ່ວມໃນການຈັດຕັ້ງປະຕິບັດ ການທີ່ມີສ່ວນຮ່ວມກັບຫຼາຍຂະແໜງການດັ່ງກ່າວນັ້ນ ມັນສະທ້ອນໃຫ້ເຫັນຄວາມສະຫຼັບສັບຊ້ອນ ຂອງວຽກງານການຄຸ້ມຄອງການນຳໃຊ້ຊັບພະຍາກອນທີ່ດິນ ເພື່ອເປົ້າໝາຍທາງການຄ້າ ໂຄງການຊີວິດຈາກດິນ ແມ່ນສູນເພື່ອການພັດທະນາ ແລະ ສິ່ງແວດລ້ອມ ຂອງມະຫາວິທະຍາໄລເບີນ ປະເທດສະວິດ ເປັນໃຈກາງປະສານງານ ກັບບັນດາຂະແໜງການທີ່ກ່ຽວຂ້ອງ ຂອງລັດຖະບານ ແຫ່ງສປປ ລາວ ໃນການຈັດຕັ້ງປະຕິບັດ ເປົ້າໝາຍຫຼັກ ຂອງໂຄງການແມ່ນເພື່ອຊ່ວຍລັດຖະບານແຫ່ງສປປ ລາວ ໃນການຍົກສູງການຄຸ້ມຄອງທີ່ດິນ ຜ່ານການປັບປຸງຂອດການປະສານງານ ລະຫວ່າງ ຂະແໜງການສົ່ງເສີມຄຸນນະພາບການລົງທຶນໃນຂົງເຂດທີ່ດິນ ແລະ ການຍົກສູງຄວາມຮູ້ ຂີດຄວາມສາມາດ ແລະ ຂະບວນການ ເພື່ອຜົນປະໂຫຍດຂອງຊຸມຊົນທີ່ມີຄວາມບອບບາງ.
ແນວໂນ້ມປັດຈຸບັນ ເຫັນວ່າການນຳໃຊ້ທີ່ດິນຜະລິດເປັນສິນຄ້າ ແມ່ນໄດ້ປະກອບສ່ວນອັນສຳຄັນ ໃຫ້ແກ່ການເຕີບໂຕຂອງເສດຖະກິດຢູ່ ສປປ ລາວ ແຕ່ເຫັນວ່າການນຳໃຊ້ທີ່ດິນດັ່ງກ່າວ ແມ່ນມັກຈະມາພ້ອມກັບຄວາມສ່ຽງ ເຊັ່ນ: ຄວາມບໍ່ຍືນຍົງ ລວມມີການສູນເສຍສິດທິການນຳໃຊ້ຊັບພະຍາກອນທຳມະຊາດ ຂອງປະຊາຊົນຢູ່ຊົນນະບົດ ການນໍາໃຊ້ເຕັກນິກທີ່ສ້າງຜົນເສຍຕໍ່ກັບທີ່ດິນ ມົນລະພິດຈາກການນໍາໃຊ້ສານເຄມີກະສິກໍາ ຊຶ່ງໄດ້ກາຍເປັນສິ່ງທ້າທາຍໃຫ້ແກ່ຄວາມໝັ້ນຄົງດ້ານຊີວິດການເປັນຢູ່ຂອງຊາວກະສິກອນຢູ່ຊົນນະບົດ ມົນລະພິດດ້ານສິ່ງແວດລ້ອມ ແລະ ການຫຼຸຸດລົງຢ່າງໄວວາຂອງຄວາມອຸດົມສົມບູນຂອງດິນ. ນອກຈາກນັ້ນ, ການປ່ຽນແປງດິນຟ້າອາກາດ ຊຶ່ງສະແດງອອກຜ່ານໄພພິບັດນໍ້າຖ້ວມ, ຝົນຕົກໜັກ ແລະ ໄພແຫ້ງແລ້ງທີ່ແກ່ຍາວ ໄດ້ເຮັດໃຫ້ມີການແຂ່ງຂັນການນຳໃຊ້ທີ່ດິນຢູ່ ສປປ ລາວ ເພີ່ມຂຶ້ນ. ໂຄງການຊີວິດຈາກດິນແນໃສ່ສ້າງຂີດຄວາມສາມາດ ຂອງລັດຖະບານ ແຫ່ງສປປ ລາວ ໃນການນຳໃຊ້ເຄື່ອງມື ຂໍ້ມູນ-ຂ່າວສານ ແລະ ຄວາມຮູ້ອັນໃໝ່ໃນການກຳນົດແນວທາງການຄຸ້ມຄອງການນຳໃຊ້ທີ່ດິນສຳລັບເປົ້າໝາຍທາງການຄ້າໃຫ້ຍື່ນຍົງ.
ທ່ານ ທັດສະກາ ສະພັງທອງ ຫົວໜ້າກົມແຜນການ ແລະ ການຮ່ວມມື ກະຊວງກະສິກຳ ແລະ ປ່າໄມ້ ທັງເປັນຮອງປະທານຄະນະຊີ້ນໍາໂຄງການ ຕາງໜ້າໃຫ້ລັດຖະບານ ແຫ່ງສປປ ລາວ ໄດ້ກ່າວວ່າ: ໂຄງການນີ້ ແມ່ນສອດຄ່ອງກັບ ຍຸດທະສາດການພັດທະນາກະສິກຳ ຮອດປີ 2025 ແລະ ວິໄສທັດ 2030 ຂອງລັດຖະບານ ທ່ານໄດ້ເນັ້ນເຖິງຄວາມສໍາຄັນ ຂອງໂຄງການຊີວິດຈາກດິນຕໍ່ກັບການພັດທະນາເສດຖະກິດ-ສັງຄົມ ແລະ ການຮັບປະກັນການຄຸ້ມຄອງທີ່ດິນທີ່ຍືນຍົງ ຂອງປະເທດ.
ທ່ານ ກາບຣີລ ດັສ (Jean-Gabriel Duss)ຫົວໜ້າ ອົງການສະວິດ ເພື່ອການພັດທະນາ ແລະ ການຮ່ວມມືປະຈຳພາກພື້ນແມ່ນໍ້າຂອງ ຕາງໜ້າໃຫ້ປະເທດສະວິດ ກ່າວວ່າ: ຂ້າພະເຈົ້າເຊື່ອໝັ້ນ ໂຄງການນີ້ ຈະປະກອບສ່ວນໃນການສົ່ງເສີມການເຕີບໂຕທາງດ້ານເສດຖະກິດ ໃຫ້ມີປະສິດທິຜົນ ສະອາດ ທົ່ວເຖິງ ແລະ ຍືດຍຸ່ນຕໍ່ກັບການປ່ຽນແປງດິນຟ້າອາກາດ ຊຶ່ງມັນສອດຄ່ອງກັບບຸລິມະສິດ ຂອງປະເທດສະວິດ ຢູ່ໃນພາກພື້ນແມ່ນໍ້າຂອງ
ທ່ານຍັງກ່າວຕື່ມວ່າ: ປະເທດສະວິດມີຄວາມມຸ່ງໝັ້ນ ທີ່ຈະສະໜັບສະໜູນ ສປປ ລາວ ໃນການບັນລຸການພັດທະນາທີ່ຍືນຍົງ ແລະ ທົ່ວເຖິງ ໂດຍສະເພາະແມ່ນການລົງທຶນເຂົ້າໃນການຄຸ້ມຄອງທີ່ດິນທີ່ຍືນຍົງ ແລະ ຊີວິດການເປັນຢູ່ທີ່ສາມາດຍືດຍຸ່ນຕໍ່ກັບການປ່ຽນແປງດິນຟ້າອາກາດ ຊຶ່ງມັນເປັນສິ່ງສຳຄັນໃນການຮັບປະກັນ ບໍ່ໃຫ້ຜູ້ໃດຖືກປະໄວ້ຂ້າງຫຼັງ.
ຂ່າວ-ພາບ:ສອນເພັດ
ຄໍາເຫັນ