ລມຕ ກະຊວງການຕ່າງປະເທດ ແລະ ການຄ້າ ຮົງກາຣີ ຈະເດີນທາງຢ້ຽມຢາມ ສປປ ລາວ ຢ່າງເປັນທາງການ

ສະຫາຍ ກິແກ້ວ ໄຂຄໍາພິທູນ ກໍາມະການກົມການເມືອງສູນກາງພັກ ເລຂາຄະນະພັກ ປະທານສູນກາງແນວລາວສ້າງຊາດ (ສນຊ) ພ້ອມດ້ວຍຄະນະ ໄດ້ເຂົ້າພົບປະຢ້ຽມຄຳນັບສະຫາຍ ໂຕ ເລິມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ທີ່ນະຄອນຫຼວງວຽງຈັນ ໃນໂອກາດເດີນທາງມາຢ້ຽມຢາມລັດຖະກິດຢູ່ສປປ ລາວ ໃນລະຫວ່າງວັນທີ 5-6 ກຸມພານີ້.

ກິດຈະກໍາອ່ານປຶ້ມ ໃນຫົວຂໍ້: ການຫຼຸດພົ້ນອອກຈາກຄວາມທຸກຍາກ ແລະ ເປີດນໍາໃຊ້ຕູ້ປຶ້ມຄັງປັນຍາຈາກພາກໃຕ້ (ຕູ້ປຶ້ມອົບອຸ່ນຈາກພາກໃຕ້) ຢ່າງເປັນທາງການ ຈັດຂຶ້ນໃນວັນທີ 6 ກຸມພານີ້ ທີ່ຫໍສະໝຸດແຫ່ງຊາດ ນະຄອນຫຼວວຽງຈັນ ໂດຍເປັນກຽດເຂົ້າຮ່ວມ ແລະ ກົດປຸ່ມເປີດຕູ້ປຶ້ມຂອງທ່ານ ສາຄອນ ພົມມະລາດ ຮອງຫົວໜ້າຄະນະໂຄສະນາອົບຮົມສູນກາງພັກ ຜູ້ຊີ້ນໍາວຽກງານສື່ມວນຊົນ, ມີທ່ານ ຢູຢຸ້ນຊຽນ ຮອງຫົວໜ້າກົມພາສາຕ່າງປະເທດແຫ່ງຊາດຈີນ, ທ່ານ ໄຊຊຽງຢົງ (Cai Xian grong) ຮອງຫົວໜ້າຄະນະໂຄສະນາອົບຮົມພັກກອມມູນິດຈີນ ແຂວງຢຸນນານ, ມີຜູ້ອໍານວຍການຫໍສະໝຸດແຫ່ງຊາດ, ຄູ-ນັກຮຽນຈາກໂຮງຮຽນປະຖົມສົມບູນໜອງປີງ ພ້ອມດ້ວຍພາກສ່ວນກ່ຽວຂ້ອງລາວ-ຈີນເຂົ້າຮ່ວມ.

ງານສະແດງສິລະປະວັນນະຄະດີ ສະຫຼອງບຸນປີໃໝ່ຈີນປີ 2026 ລະຫວ່າງລາວ-ຈີນ ພາຍໃຕ້ຫົວຂໍ້: ລະດູບານໃໝ່ອັນສົດໃສ ສາຍໃຍເພື່ອນບ້ານທີ່ແໜ້ນແຟ້ນຈັດຂຶ້ນໃນຄໍ່າຄືນວັນທີ 5 ກຸມພານີ້ ທີ່ນະຄອນຫຼວງວຽງຈັນ ໂດຍເປັນກຽດເຂົ້າຮ່ວມຂອງທ່ານ ນາງ ຟາງຫົງ ເອກອັກຄະລັດຖະທູດ ສປ ຈີນ ປະຈໍາລາວ, ທ່ານ ຄໍາມອນ ຈັນທະຈິດ ຮອງຫົວໜ້າຄະນະໂຄສະນາອົບຮົມສູນກາງພັກ (ຄອສພ) ຮອງປະທານຜູ້ປະຈໍາການສະພາທິດສະດີສູນກາງພັກ, ທ່ານ ຢູຢຸ້ນຊຽນ ຮອງຫົວໜ້າກົມພາສາຕ່າງປະເທດແຫ່ງຊາດຈີນ, ທ່ານ ຊິນ ຈີນເຊີ້ງ ຮອງຫົວໜ້າສະຖາບັນການຕ່າງປະເທດຈີນ, ທ່ານ ໄຊຊຽງຢົງ ຮອງຫົວໜ້າຄະນະໂຄສະນາອົບຮົມ ພັກກອມມູນິດຈີນ ແຂວງຢຸນນານ, ມີບັນດາທູຕານຸທູດ, ແຂກຖືກເຊີນສອງຝ່າຍລາວ-ຈີນເຂົ້າຮ່ວມ.

ສະຫາຍ ໄຊສົມພອນ ພົມວິຫານ ກຳມະການກົມການເມືອງສູນກາງພັກ ປະທານສະພາແຫ່ງຊາດແຫ່ງ ສປປ ລາວ ໄດ້ພົບປະກັບ ສະຫາຍ ເຈິນ ແທັງ ເໝິ້ນ ກໍາມະການກົມການເມືອງສູນກາງພັກກອມມູນິດ ຫວຽດນາມ ປະທານສະພາແຫ່ງຊາດ ຫວຽດນາມ ພ້ອມດ້ວຍຄະນະ, ໃນວັນທີ 5 ກຸມພາຜ່ານມາ ທີ່ສະພາແຫ່ງຊາດ.

ສະຖານທູດອົສຕຣາລີປະຈຳລາວຈັດງານສະຫຼອງວັນຊາດອົສຕຣາລີ ແລະ ວັນສ້າງຕັ້ງສາຍພົວພັນການທູດ ລາວ-ອົສຕຣາລີ ຄົບຮອບ 74 ປີ ໃນວັນທີ 5 ກຸມພານີ້, ໂດຍມີແຂກເຂົ້າຮ່ວມງານຢ່າງຫຼວງຫຼາຍເພື່ອສະເຫຼີມສະຫຼອງປະຫວັດຄວາມເປັນມາ, ວັດທະນະທຳ ແລະ ການຮ່ວມມືທີ່ນັບມື້ນັບເຕີບໃຫຍ່ຂະຫຍາຍຕົວລະຫວ່າງອົສຕຣາລີ ແລະ ສປປ ລາວ.

ໃນຕອນບ່າຍຂອງວັນທີ 5 ກຸມພາ ນີ້ ທີ່ ສະພາແຫ່ງຊາດລາວ, ສະຫາຍ ໄຊສົມພອນ ພົມວິຫານ ກໍາມະການກົມການເມືອງສູນກາງພັກ ປະທານສະພາແຫ່ງຊາດ ແຫ່ງ ສປປ ລາວ ໄດ້ຕ້ອນຮັບ ແລະ ພົບປະກັບ ສະຫາຍ ໂຕ ເລິມ ເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດຫວຽດນາມ ໃນໂອກາດເດີນທາງມາຢ້ຽມຢາມລັດຖະກິດ ຢູ່ ສປປ ລາວ.

ການຢ້ຽມຢາມ ສປປ ລາວ ໃນລະດັບປະມຸກລັດ ຂອງສະຫາຍ ໂຕເລິມ ເລຂາທິການໃຫຍ່ ຄະນະບໍລິຫານງານສູນກາງ ພັກກອມມູນິດຫວຽດນາມ, ພ້ອມດ້ວຍຄະນະຜູ້ແທນຂັ້ນສູງຂອງຫວຽດນາມ ໃນລະຫວ່າງວັນທີ 5–6 ກຸມພາ 2026 ໄດ້ສຳເລັດລົງຢ່າງຈົບງາມ, ເປັນຂີດໝາຍອັນເລິກເຊິ່ງໃນຊີວິດການເມືອງ – ການຕ່າງປະເທດຂອງສອງປະເທດ. ສໍາລັບພັກ, ລັດ ແລະ ປະຊາຊົນລາວ, ນີ້ບໍ່ພຽງແຕ່ເປັນເຫດການທາງການທູດອັນສໍາຄັນຍິ່ງໃຫຍ່ເທົ່ານັ້ນ, ແຕ່ຍັງເປັນຫຼັກໝາຍທີ່ມີຄວາມໝາຍທາງຍຸດທະສາດ, ເປີດກວ້າງຄວາມປາຖະໜາອັນໃສແຈ້ງ ໃນອະນາຄົດຂອງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລາວ – ຫວຽດນາມ.

ໃນວັນທີ 4 ກຸມພາຜ່ານມານີ້ ທີ່ ກະຊວງກະສິກຳ ແລະ ສິ່ງແວດລ້ອມ ທ່ານ ລິນຄຳ ດວງສະຫວັນ ລັດຖະມົນຕີ ກະຊວງກະສິກຳ ແລະ ສິ່ງແວດລ້ອມ ພ້ອມຄະນະກົມກ່ຽວຂ້ອງ ໄດ້ຕ້ອນຮັບການເຂົ້າພົບປະຢ້ຽມຢາມ ຂອງ ທ່ານ ມາກ ກາແລັກເກີ (Mark Gallagher) ເອກອັກຄະລັດຖະທູດ ແຫ່ງສະຫະພາບເອີຣົບ (EU) ປະຈໍາ ສປປ ລາວ ພ້ອມດ້ວຍຄະນະ ຊຶ່ງຈຸດປະສົງຂອງການພົບປະໃນຄັ້ງນີ້ ກໍເພື່ອມາຢ້ຽມຢາມ, ປຶກສາຫາລື ສະເໜີບັນດາວຽກງານຂອງອີຢູ (EU) ໃນຂົງເຂດກະສິກຳ, ປ່າໄມ້, ສິ່ງແວດລ້ອມ, ສີຂຽວ ແລະ ຄູ່ຮ່ວມງານດ້ານປ່າໄມ້.

ພິທີເປີດງານວາງສະແດງຮູບພາບ ພາຍໃຕ້ຫົວຂໍ້: "ມໍຣະດົກໂລກມາບັນຈົບພົບກັນ ເມືອງແຮກສ່ຽວຈີນ ແລະ ລາວຈັບມືກັນ" ຈັດຂຶ້ນໃນວັນທີ 5 ກຸມພານີ້ທີ່ເຮືອນຈັນ ເມືອງຫຼວງພະບາງ ແຂວງຫຼວງພະບາງ ໃຫ້ກຽດຕັດແຖບຜ້າເປີດງານໃນຄັ້ງນີ້ຂອງທ່ານ ຄຳຄ່ອງ ພົມມະປັນຍາ ຫົວໜ້າຄະນະໂຄສະນາອົບຮົມແຂວງຫຼວງພະບາງ, ທ່ານ ເສິນ ຊວນຫຼຽງ ຫົວໜ້າຄະນະໂຄສະນະອົບຮົມສິບສອງພັນນາ, ມີທ່ານ ໄຊ ຊຽງຍົງ (Cai Xiangrong) ຮອງຫົວໜ້າຄະນະໂຄສະນາອົບຮົມພັກກອມມູນິດຈີນແຂວງຢຸນນານ, ທ່ານ ຫວັງ ຖິງຢາວ (Wang Tingyao) ຮອງບັນນາທິການໃຫຍ່ ກຸ່ມໜັງສືພິມລາຍວັນຢຸນນານ ແລະ ທ່ານ ນາງ ຈາງຢິງ ຮອງຜູ້ອໍານວຍການໃຫຍ່ວິທະຍຸໂທລະພາບແຂວງຢຸນນານພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ສະຫາຍ ໂຕເລິມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມພ້ອມດ້ວຍຄະນະ ໄດ້ນຳເອົາພວງມາລາເຂົ້າວາງຢູ່ທີ່ອະນຸສາວະລີນັກຮົບນິລະນາມ (ດາວແດງ) ໃນໂອກາດເດີນທາງມາຢ້ຽມຢາມລັດຖະກິດ ສປປ ລາວ ວັນທີ 5 ກຸມພານີ້ ທີ່ນະຄອນຫຼວງວຽງຈັນ.