ລມຕ ກະຊວງການຕ່າງປະເທດແຫ່ງສປປລາວຢ້ຽມຂໍ່ານັບນາຍົກລັດຖະມົນຕີ ສປປເກົາຫຼີ

ໃນໂອກາດດັ່ງກ່າວ,ສະຫາຍທອງສະຫວັນພົມວິຫານໄດ້ສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນແລະສະໜິດສະໜົມ, ພ້ອມທັງໄດ້ນໍາເອົາຄວາມຢື້ຢາມຖາມຂ່າວຈາກສະຫາຍສອນໄຊສີພັນດອນ, ນາຍົກລັດຖະມົນຕີແຫ່ງສປປລາວເຖິງສະຫາຍປາກແທຊອງ ແລະ ສະຫາຍ ປາກ ແທ ຊອງ ກໍ່ໄດ້ສະແດງຄວາມຂອບໃຈ ແລະ ຝາກຄວາມຢຶ້ຢາມຖາມຂ່າວ ເຖິງ ສະຫາຍ ສອນໄຊ ສີພັນດອນ ເຊັ່ນດຽວກັນ. ພ້ອມນີ້, ສະຫາຍທອງສະຫວັນພົມວິຫານໄດ້ຕີລາຄາສູງແລະສະແດງຄວາມຊົມເຊີຍຕໍ່ຜົນສໍາເລັດອັນໃຫຍ່ຫຼວງຂອງລັດຖະ

ບານແລະປະຊາຊົນສປປເກົາຫຼີທີ່ຍາດມາໄດ້ໃນການສ້າງສາແລະພັດທະນາປະເທດຊາດພາຍໃຕ້ການຊີ້ນໍາ-ນໍາພາອັນສະຫຼາດສ່ອງໃສຂອງສະຫາຍກິມເຈິງອຸນ, ເລຂາທິການໃຫ່ຍພັກແຮງງານເກົາຫຼີ, ປະທານກິດຈະການແຫ່ງລັດແຫ່ງສປປເກົາຫຼີ. ນອກນີ້, ສະຫາຍລັດຖະມົນຕີຍັງໄດ້ແຈ້ງໃຫ້ສະຫາຍ ປາກ ແທ ຊອງ ຊາບໂດຍຫຍໍ້ກ່ຽວກັບຜົນການພົບປະສອງຝ່າຍກັບສະຫາຍນາງແຈຊອນຮຸຍ, ລັດຖະມົນຕີກະຊວງການຕ່າງປະເທດແຫ່ງສປປເກົາຫຼີໃນວັນທີ 12 ພະຈິກ 2025 ທີ່ຜ່ານມາ ເພື່ອເພີ່ມທະວີແລະຮັດແໜ້ນສາຍພົວພັນມິດຕະພາບອັນເປັນມູນເຊື້ອລະຫວ່າງສອງພັກ, ສອງລັດແລະປະຊາຊົນສອງຊາດສປປລາວແລະສປປເກົາຫຼີໃຫ້ສືບຕໍ່ພັດທະນາຂຶ້ນສູ່ບາດກ້າວໃໝ່ກໍຄືຊຸກຍູ້ການ

ການພົວພັນຮ່ວມມືລະຫວ່າງສອງກະຊວງການຕ່າງປະເທດໃຫ້ຂະຫຍາຍຕົວໃນຊຸມປີຕໍ່ໜ້າໂດຍສະເພາະແມ່ນການຜັນຂະຫຍາຍຜົນການພົບປະສຸດຍອດຄັ້ງປະຫວັດສາດລະຫວ່າງສະຫາຍທອງລຸນສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ,ປະທານປະເທດແຫ່ງສປປລາວແລະສະ

ຫາຍກິມເຈິງອຸນ, ເລຂາທິການໃຫ່ຍພັກແຮງງານເກົາຫຼີ, ປະທານກິດຈະການແຫ່ງລັດແຫ່ງສປປເກົາຫຼີໃນໂອກາດຢ້ຽມຢາມລັດຖະກິດຢູ່ສປປເກົາຫຼີໃນເດືອນຕຸລາ 2025 ຜ່ານມາໃຫ້ເປັນຮູບປະທໍາໂດຍໄວ,ໂດຍສະເພາະການສົ່ງເສີມແລກປ່ຽນການຢ້ຽມຢາມລະຫວ່າງການນໍາຂັ້ນສູງແລະຂັ້ນຕ່າງໆຂອງສອງຝ່າຍໃຫ້ເປັນປົກກະຕິ, ສົ່ງເສີມການຮ່ວມມືໃນຂົງເຂດວັດທະນະທຳ-ສັງຄົມ, ການຮ່ວມມືໃນວຽກງານກໍ່ສ້າງພັກ-ພະນັກງານແລະດ້ານອື່ນໆໃຫ້ຂະຫຍາຍຕົວແລະມີຜົນເປັນຮູບປະທຳ.

ໃນໂອກາດນີ້,ສອງຝ່າຍໄດ້ຕີລາຄາສູງຕໍ່ສາຍພົວພັນມິດຕະພາບແລະການຮ່ວມມືອັນເປັນມູນເຊື້ອລະຫວ່າງສອງພັກ, ສອງລັດ ແລະ ປະຊາຊົນສອງຊາດ;ພ້ອມດຽວກັນ, ຍັງໄດ້ຫວນຄືນປະຫວັດສາດທີ່ມີຄວາມໝາຍສຳຄັນແຫ່ງປີຄົບຮອບ60ປີແຫ່ງການພົບປະສຸດຍອດຄັ້ງທໍາອິດໃນວັນທີ 28 ຕຸລາ 1965ທີ່ນະຄອນຫຼວງພຽງຢາງລະຫວ່າງ ສະຫາຍ ປະທານ ໄກສອນ ພົມວິຫານ, ຜູ້ນໍາທີ່ແສນເຄົາລົບຮັກຂອງປະຊາຊົນລາວ ແລະ ສະຫາຍ ປະທານ ກິມ ອິນ ຊຸງ, ຜູ້ນໍາທີ່ຍິ່ງໃຫ່ຍຂອງປະຊາຊົນ ສປປ ເກົາຫຼີ ເຊິ່ງເປັນຜູ້ກໍ່ຕັ້ງສາຍພົວພັນດັ່ງກ່າວ.ສອງຝ່າຍ ໄດ້ເອກະພາບກັນໃນການສືບຕໍ່ເສີມຂະຫຍາຍການພົວພັນຮ່ວມມືອັນເປັນມູນເຊື້ອທີ່ດີດັ່ງກ່າວໃຫ້ນັບມື້ແຕກດອກ

ອອກຜົນ ແລະ ຈະເລີນງອກງາມຍິ່ງໆຂື້ນໄປ ເພື່ອນຳເອົາຜົນປະໂຫຍດຕົວຈິງມາສູ່ປະຊາຊົນສອງຊາດສປປ ລາວ ແລະ ສປປ ເກົາຫຼີ.

ໃນໂອກາດນີ້, ສະຫາຍ ປາກ ແທ ຊອງ, ນາຍົກລັດຖະມົນຕີ ສປປ ເກົາຫຼີ ໄດ້ສະແດງຄວາມຊົມເຊີຍ ແລະ ຕີລາຄາສູງຕໍ່ການຢ້ຽມຢາມທາງການ ຢູ່ ສປປ ເກົາຫຼີ ຂອງ ສະຫາຍ ທອງສະຫວັນ ພົມວິຫານ ພ້ອມດ້ວຍພັນລະຍາ ແລະຄະນະໃນຄັ້ງນີ້,ອັນໄດ້ເປັນການເສີມຂະຫຍາຍແລະເພີ່ມທະວີສາຍພົວພັນມິດຕະພາບທີ່ມີມູນເຊື້ອມາແຕ່ດົນ

ນານ ລະຫວ່າງສອງປະເທດໃຫ້ແໜ້ນເເຟ້ນຍິ່ງຂື້ນແລະ ເຊື່ອໝັ້ນວ່າ ສອງລັດຖະມົນຕີກະຊວງການຕ່າງປະເທດ ສປປ ເກົາຫຼີ ແລະ ສປປ ລາວ ຈະສືບຕໍ່ປະສານສົມທົບກັນຢ່າງໃກ້ຊິດ ໃນການສືບຕໍ່ຊຸກຍູ້ສົ່ງເສີມ ແລະ ຜັນຂະຫຍາຍບັນດາຜົນການຕົກລົງລະຫວ່າງການນຳຂັ້ນສູງ ໃຫ້ມີຜົນສຳເລັດເປັນຮູບປະທຳໃນອະນາຄົດ ເພື່ອນໍາເອົາຜົນປະໂຫຍດຕົວຈິງ ມາສູ່ປະຊາຊົນ ສອງຊາດ ໃຫ້ນັບມື້ນັບຫຼາຍຂຶ້ນໃນຊຸມປີຕໍ່ໜ້າ.

ໃນວັນດຽວກັນນີ້, ສະຫາຍ ທອງສະຫວັນ ພົມວິຫານ ພ້ອມດ້ວຍພັນລະຍາ ແລະ ຄະນະ ຍັງໄດ້ຢ້ຽມຢາມ ວັງພະອາທິດ ກຶມສຸສານ ແລະ ມີແຜນຢ້ຽມຢາມບ້ານມານກຽງແດ ເຊິ່ງແມ່ນບ້ານເກີດຂອງສະຫາຍ ປະທານ ກິມ ອິນ ຊຸງ, ຜູ້ນໍາທີ່ຍິ່ງໃຫຍ່ຂອງປະຊາຊົນ ສປປ ເກົາຫຼີ, ຢ້ຽມຢາມວັງເຍົາວະຊົນມັນກຽງເເດ ແລະ ຍັງມີເເຜນຢ້ຽມຢາມຫໍວາງສະແດງຂອງຂວັນມິດຕະພາບສາກົນພູມຽວຮຽງຊັນ ອີກດ້ວຍ.

ຂ່າວ:ກະຊວງການຕ່າງປະເທດ