2. ໂຄງການປັບປຸງການຄວບຄຸມພະຍາດສັດ ແລະ ການລ້ຽງສັດເປັນສິນຄ້າຕາມແລວຊາຍແດນ; 3. ໂຄງການປັບປຸງຂະແໜງນໍ້າປະປາ ແລະ ສຸຂະພິບານ; 4. ໂຄງການເພີ່ມລາຍຮັບສ່ວຍສາອາກອນພາຍໃນປະເທດແບບທັນສະໄໝ ໄດ້ຈັດຂຶ້ນໃນວັນທີ 12 ທັນວາຜ່ານມາ ທີ່ນະຄອນຫຼວງວຽງຈັນ, ລົງນາມໃນຄັ້ງນີ້, ລະຫວ່າງຕາງໜ້າລັດລະຖະບານ ແຫ່ງ ສປປ ລາວ ທ່ານ ພູວົງ ກິດຕະວົງ ຮອງລັດຖະມົນຕີກະຊວງການເງິນ ແລະ ຕາງໜ້າທະນາຄານພັດທະນາອາຊີທ່ານນາງ ແຊນນີ ແຄມເບລ ຫົວໜ້າຫ້ອງການADB ປະຈໍາ ສປປ ລາວ, ໂດຍມີທ່ານ ລັນ ແສງອາພອນ ຮອງລັດຖະມົນຕີກະຊວງໂຍທາທິການ ແລະ ຂົນສົ່ງ, ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມເປັນສັກຂີພິຍານ.
ການລົງນາມ 4 ໂຄງການໃນຄັ້ງນີ້, ມີທັງໝົດ 16 ສະບັບ. ພ້ອມນັ້ນ, ໂຄງການທີ 1ທະນາຄານພັດທະນາອາຊີ ໄດ້ອະນຸມັດທຶນມູນຄ່າ 32 ລ້ານໂດລາ ແລະ ທຶນຊ່ວຍເຫຼືອມູນຄ່າ6 ລ້ານໂດລາ ຈາກກອງທຶນພັດທະນາອາຊີ ເພື່ອຊ່ວຍຫຼຸດຜ່ອນຄວາມທຸກຍາກ ແລະ ຄວາມບໍ່ໝັ້ນຄົງທາງດ້ານສະບຽງອາຫານ ເສີມສ້າງຄວາມເຂັ້ມແຂງໃຫ້ແກ່ແມ່ຍິງ ແລະ ສ້າງຄວາມເຂັ້ມແຂງດ້ານການປັບຕົວທ່າມກາງຄວາມສ່ຽງດ້ານສຸຂະພາບ, ເສດຖະກິດ ແລະ ສະພາບອາກາດທີ່ມີເພີ່ມຂຶ້ນໃນ ສປປ ລາວ; ໂຄງການທີ 2 ທະນາຄານພັດທະນາອາຊີ ໄດ້ອະນຸມັດທຶນມູນຄ່າ 42.9 ລ້ານໂດລາ ແລະ ທຶນຊ່ວຍເຫຼືອມູນຄ່າ 12 ລ້ານໂດລາຈາກກອງທຶນພັດທະນາອາຊີ ເພື່ອຊຸກຍູ້ການຄວບຄຸມພະຍາດສັດ ເສີມຂະຫຍາຍລະບົບຕ້ອງໂສ້ມູນຄ່າ ແລະ ເພີ່ມທະວີການລ້ຽງສັດເປັນສິນຄ້າຕາມແລວຊາຍແດນ ເພື່ອຊຸກຍູ້ການເຕີບໂຕຢ່າງທົ່ວເຖິງ ຢູ່ ສປປ ລາວ; ໂຄງການທີ 3 ທະນາຄານພັດທະນາອາຊີ ໄດ້ອະນຸມັດທຶນມູນຄ່າ 50.3ລ້ານໂດລາ ເພື່ອສະໜັບສະໜູນການບໍລິການສະໜອງນໍ້າປະປາທີ່ປອດໄພ, ເຊື່ອຖືໄດ້, ລາຄາສາມາດຮັບໄດ້ ແລະ ສາມາດປັບຕົວເຂົ້າກັບການປ່ຽນແປງດິນຟ້າອາກາດ ແລະ ການບໍລິການດ້ານສຸຂະພິບານໃນທົ່ວ ສປປ ລາວ; ໂຄງການທີ 4ທະນາຄານພັດທະນາອາຊີ ໄດ້ອະນຸມັດທຶນມູນຄ່າ 25 ລ້ານໂດລາ ເພື່ອສະໜັບສະໜູນການເພີ່ມລາຍຮັບພາຍໃນປະເທດຂອງລັດຖະບານ ແລະ ການເພີ່ມທະວີຄວາມໂປ່ງໃສພ້ອມທັງປະສິດທິຜົນຂອງການຄຸ້ມຄອງສ່ວຍສາອາກອນ ແລະ ການບໍລິການຜູ້ເສຍອາກອນ.
(ຂ່າວ-ພາບ: ວັນເພັງ)
ຄໍາເຫັນ