 |
ກອງປະຊຸມຄັ້ງນີ້ ໄດ້ຜ່ານຮ່າງບົດສະຫຼຸບການຈັດຕັ້ງປະຕິບັດວຽກງານຮອບດ້ານຂອງແຂວງ 6 ເດືອນຕົ້ນປີ ແລະ ທິດທາງ 6 ເດືອນທ້າຍປີ 2025, ຜ່ານຮ່າງລາຍງານການເມືອງຂອງຄະນະບໍລິຫານງານພັກແຂວງ ສະໄໝທີ VIII 2021-2025, ຜ່ານມະຕິກອງປະຊຸມຄົບຄະນະຄັ້ງທີ 10 ຂອງຄະນະບໍລິຫານງານສູນກາງພັກ, ໂດຍຈະໄດ້ພ້ອມກັນຄົ້ນຄວ້າ, ປຶກສາຫາລື, ປະກອບຄຳເຫັນການແກ້ໄຂບັນຫາພື້ນຖານເສດຖະກິດ-ສັງຄົມ. 6 ເດືອນຕົນປີ 2025 ສາມາດຈັດເກັບລາຍຮັບເຂົ້າງົບປະມານໄດ້ 1,593 ຕື້ກ່ວາກິບ ເທົ່າກັບ 53.41%. ໃນນີ້, ພູດສູນກາງ 1,485 ຕື້ກວ່າກີບ ເທົ່ບກັບ 54.27%, ລາຍຮັບພູດທ່ອງຖິນປະຕິບັດໄດ້ 107.8 ຕື້ກີບ ເທົ່າກັບ 43.82%, ລາຍຈ່າຍງົບປະມານປະຕິບັດໄດ້ 283.07 ຕື້ກີບ ເທົ່າກັບ 52.54%, ໄດ້ຈັດຕັ້ງປະຕິບັດຂໍ້ຕົກລົງເລກທີ 169/ນຍ ວ່າດ້ວຍລົດຂອງລັດ ໄດ້ເກັບກຳສະຖິຕິລົດຂອງລັດທີ່ບຸກຄົນເອົາໄປນຳໃຊ້ໄດ້ທັງໝົດ 1,874 ຄັນ. ໃນນີ້, ລົດໃຫ່ຍ 466 ຄັນ, ລົດຈັກ 1,408 ຄັນ, ມາຮອດປັດຈຸບັນສຳເລັດການສະສ້າງລົດໃຫ່ຍ 48 ຄັນ. ກອງປະຊຸມ ໄດ້ຕີລາຄາຢ່າງກົງໄປກົງມາ ຕໍ່ຂໍ້ຄົງຄ້າງ ແລະ ສາເຫດ ທີ່ເຮັດໃຫ້ເກີດມີຂໍ້ຄົງຄ້າງ ເປັນຕົ້ນແມ່ນກົນໄກ, ຂອດຂັ້ນໃນການນໍາພາ ຂອງ ຄະນະພັກ ແລະ ວຽງານອື່ນໆກໍມີຜົນສໍາເລັດ. ພ້ອມດ້ວກັນນັ້ນ ທ່ານເຈົ້າແຂວງ ຍັງໄດ້ຮຽກຮ້ອງມາຍັງບັນດາສະຫາຍ ການນຳຂອງແຂວງ ຈົ່ງໄດ້ພ້ອມກັນເອົາໃຈໃສ່ຄົ້ນຄວ້າ ແລະ ປະກອບຄໍາເຫັນຢ່າງເລິກເຊິ່ງ, ແທດກັບສະພາບຄວາມເປັນຈິງຂອງແຕ່ລະບັນຫາ ດ້ວຍການສະເໜີທັດສະນະຢ່າງກົງໄປກົງມາ, ກະທັດຮັດ ແລະ ມີຈຸດສຸມ ເພື່ອເຮັດໃຫ້ການດຳເນີນກອງປະຊຸມຄັ້ງນີ້ ມີຜົນສຳເລັດຕາມຈຸດປະສົງ ແລະ ຄາດໝາຍທີ່ກຳນົດໄວ້.
(ຂ່າວ: ມຸນຕີ)
ຄໍາເຫັນ