ຫຼວງພະບາງ ປະກາດການຈັດຕັ້ງພະແນກກະສິກຳ ແລະ ສີ່ງແວດລ້ອມ

ໃນພິທີ, ທ່ານ ຄໍາຜຸຍ ຈັນທະວະດີ ຮອງຫົວໜ້າຄະນະຈັດຕັ້ງແຂວງໄດ້ຜ່ານມະຕີຂອງສະພາປະຊາຊົນຂອງຫຼວງພະບາງ ວ່າດ້ວຍການຮັບຮອງເອົາການປັບປຸງກົງຈັກ ແລະການໂຮມພະແນກ ຊັບພະຍາກອນທໍາມະຊາດ ແລະ ສິ່ງແວດລ້ອມ ແລະພະແນກ ກະສິກໍາ ແລະ ປ່າໄມ້ ເປັນພະແນກກະສິກໍາ ແລະ ສິ່ງແວດລ້ອມ.ຈາກນັ້ນ, ໄດ້ຜ່ານຂໍ້ຕົກລົງຂອງທ່ານເຈົ້າແຂວງຫຼວງພະບາງ ວ່າດ້ວຍການອະນຸມັດ ໃຫ້ພະນັກງານອອກອຸດໜູນບໍານານ ແລະອຸດໜູນເທື່ອດຽວ ທັງໝົດ 22 ທ່ານ.ໃນນັ້ນ, ອຸດໜູນເທື່ອດຽວ 1 ທ່ານ, ຜ່ານຂໍ້ຕົກລົງຂອງຄະນະປະຈໍາພັກແຂວງ ວ່າດ້ວຍການແຕ່ງຕັ້ງຄະນະພັກຮາກຖານ 9 ສະຫາຍ ແລະຂໍ້ຕົກລົງຂອງທ່ານເຈົ້າແຂວງ ວ່າດ້ວຍການແຕ່ງຕັ້ງ ຮອງຫົວໜ້າພະແນກ 6 ທ່ານ.ໃນນີ້, ແຕ່ງຕັ້ງທ່ານ ຊາຍພອນ ຈັນທຸມມາ ເປັນເລຂາຄະນະພັກຮາກຖານ ທັງເປັນຫົວໜ້າພະແນກ ກະສິກໍາ ແລະ ສິ່ງແວດລ້ອມ, ທ່ານ ພຽງຄໍາ ທໍາມະວົງ, ທ່ານ ບຸນມີ ສະຫວັດ, ທ່ານ ຂັດຕິຍະ ວັນນະສັກ, ທ່ານ ຍີ່ຍ່າງ, ທ່ານ ສັນຍາ ຊຸມພົນພັກດີ, ທ່ານ ໄຊຄໍາ ສຸກສະນິດ ແລະທ່ານ ແສງເພັດ ຮຸ່ງດວງຈັນ ເປັນຮອງຫົວໜ້າພະແນກ, ພ້ອມນັ້ນ ໄດ້ຜ່ານຂໍ້ຕົກລົງຂອງຄະນະປະຈໍາພັກແຂວງ ວ່າດ້ວຍການອະນຸມັດສ້າງຕັ້ງໜ່ວຍພັກ ຂຶ້ນກັບຈຳນວນ 11 ໜ່ວຍພັກ ແລະຂໍ້ຕົກລົງຂອງເຈົ້າແຂວງ ວ່າດ້ວຍການແຕ່ງຕັ້ງ ຫົວໜ້າຂະແໜງ ແລະຮອງຫົວໜ້າຂະແໜງ ຈຳນວນ 13 ຂະແໜງການ ແລະມອບຂໍ້ຕົກລົງແຕ່ງຕັ້ງ ພ້ອມທັງຮັບຟັງການໂອ້ລົມຈາກທ່ານເຈົ້າແຂວງ ຕື່ມອີກ.

(ຂ່າວ: ເພັດສາຄອນ ສິມມະວົງ)