ມອບລາງວັນຜູ້ປະກອບການແມ່ຍິງດີເດັ່ນອາຊຽນປະຈຳປີ 2025

13:12 25/11/2025

ພິທີມອບລາງວັນເຄືອຂ່າຍຜູ້ປະກອບການແມ່ຍິງດີເດັ່ນອາຊຽນປະຈຳປີ 2025 (AWEN Award 2025) ຈັດຂຶ້ນເມື່ອບໍ່ດົນມານີ້, ທີ່ນະຄອນຫຼວງພະນົມເປັນ ຣາຊະອານາຈັກກຳປູເຈຍ ເປັນເຈົ້າພາບຈັດໂດຍ ASEAN Entrepreneurs Network (AWEN) ຣາຊະອານາຈັກກຳປູເຈຍໃນນາມເປັນປະທານ AWEN ໃຫ້ກຽດເຂົ້າຮ່ວມ ຂອງທ່ານ Khieu Kanharith ສະມາຊິກສະພາທີ່ປຶກສາສູງສຸດແຫ່ງເຈົ້າຊີວິດ, ທີ່ປຶກສາອາວຸໂສຂອງເຈົ້າຊີວິດ ທັງເປັນສະມາຊິກສະພາແຫ່ງຣາຊະອານາຈັກກຳປູເຈຍ, ທ່ານ ນາງ Ing Kantha Phavi ລັດຖະມົນຕີກະຊວງກິດຈະ ການແມ່ຍິງ ຣາຊະອານາຈັກກຳປູເຈຍ, ທ່ານ ນາງ Chum Nimol ລັດຖະມົນຕີກະຊວງການຄ້າ ຣາຊະອານາຈັກກຳປູເຈຍ, ທ່ານ ບົວແກ້ວ ພູມວົງໄຊ ເອກອັກຄະລັດຖະທູດວິສາມັນຜູ້ມີອໍານາດເຕັມແຫ່ງສປປ ລາວໄດ້ຕາງໜ້າລັດຖະບານແຫ່ງສປປ ລາວ, ມີຜູ້ປະສານງານຂອງ AWEN ບັນດາປະເທດສະມາຊິກອາຊຽນ, ມີທ່ານນາງ ຈັນທະຈອນ ວົງໄຊ ປະທານສະມາຄົມນັກທຸລະກິດແມ່ຍິງ (ສທຍ) ປະທານ AWEN Laos, ທ່ານ ນາງ ບຸບຜາມະນີ ຈຸນລະມະນີ ຄະນະບໍລິຫານສະມາຄົມນັກທຸລະກິດແມ່ຍິງ, ຮອງປະທານ AWEN Laos ພ້ອມດ້ວຍຄະນະຜູ້ແທກຈາກ ສປປ ລາວເຂົ້າຮ່ວມທັງໝົດ 25 ທ່ານ.

ມອບລາງວນຜປະກອບການແມຍງດເດນອາຊຽນປະຈຳປ 2025 - image 1

ໃນພິທີຜູ້ທີ່ໄດ້ຮັບລາງວັນຄັ້ງນີ້ມາຈາກບັນດາປະເທດສະມາຊິກອາຊຽນທັງໝົດ 93 ທ່ານ ເຊິ່ງມີ: ຣາຊະອານາຈັກກຳປູເຈຍ 16 ທ່ານ, ອິນໂດເນເຊຍ 19 ທ່ານ, ມາເລເຊຍ 5 ທ່ານ, ມຽມມ້າ 15 ທ່ານ, ຟີລິປິນ 14 ທ່ານ, ສິງກາໂປ 9 ທ່ານ, ຕີມໍແລສເຕ 2 ທ່ານ, ຫວຽດນາມ 1 ທ່ານ. ໃນນີ້ມີຜູ້ໄດ້ຮັບລາງວັນຈາກສປປ ລາວ ໃນທົ່ວປະເທດຈຳນວນ 11 ທ່ານດັ່ງນີ້: 1. ທ່ານ ນາງ ໄກສອນ ລັດຕະນະວົງ ຜູ້ອໍານວຍການໂຮງງານກວດເພັດໂພນຕ້ອງ ຈາກນະຄອນຫຼວງວຽງຈັນ (ນວ); 2. ທ່ານ ນາງ ດວງມາລາ ມາດມະນີສອນ ຜູ້ອໍານວຍການກຸ່ມບໍລິສັດ ດີເອັມຈຳກັດຜູ້ດຽວ ນວ; 3. ທ່ານ ນາງ ມາລີຍາ ພົມມະສອນ ຮອງຜູ້ອໍານວຍການບໍລິສັດ ແອວຈີ ທີ່ປຶກສາ ແລະ ກໍ່ສ້າງຈຳກັດ ນວ; 4. ທ່ານ ນາງ ຄໍາພອນ ໄຊຍາວົງ ຜູ້ຈັດການບໍລິສັດ ປາຄໍາ ຈຳກັດແຂວງຫຼວງນໍ້າທາ; 5. ທ່ານ ນາງ ດາວອນ ແສງພະຈັນ ເຈົ້າຂອງຮ້ານອາຫານກຸຫຼາບຮັບຈັດງານນອກສະຖານທີ່ ນວ; 6. ທ່ານນາງ ວຽງນະສອນ ອຸນາລົມ ຜູ້ອໍານວຍການບໍລິສັດວັນນະແສງການຄ້າຈຳກັດຜູ້ດຽວແຂວງບໍລິຄໍາໄຊ; 7. ທ່ານນາງ ຄໍາສະໄໝ ເສນສອນ ຮອງປະທານບໍລິສັດ ຈະເລີນໄຊ ກໍ່ສ້າງ-ສ້ອມແປງຊົນລະປະທານ, ຂົວທາງ ແລະ ເຄຫາສະຖານ ຈຳກັດຜູ້ດຽວແຂວງສະຫວັນນະເຂດ; 8. ທ່ານນາງ ວິໄລວອນ ສີສານ ຮອງປະທານບໍລິສັດສະຫວັນຄໍາກໍ່ສ້າງຂົວທາງ ແລະ ຊົນລະປະທານຈຳກັດຜູ້ດຽວແຂວງສະຫວັນນະເຂດ; 9. ທ່ານນາງ ແສງເດືອນ ແສງອາລຸນ ຜູ້ອໍານວຍການໂຮງແຮມແສງອາລຸນ ແຂວງຈໍາປາສັກ; 10. ທ່ານນາງ ຈັນທອນ ລັດຕະນະວົງ ຜູ້ອໍານວຍການບໍລິສັດສາມທິບການກະເສດຂາອອກ-ຂາເຂົ້າຈຳກັດຜູ້ດຽວແຂວງຈໍາປາສັກ; 11. ທ່ານນາງ ສຸດາໄລ ພັນທະມີໄຊ ຜູ້ບໍລິຫານສູງສຸດດ້ານຊັບພະຍາກອນບຸກຄົນບໍລິສັດ ຕະຫຼາດສົດ ລາວ-ອົດຊີ ຈຳກັດຜູ້ດຽວ ນວ. ຈຸດປະສົງໃນການມອບລາງວັນຄັ້ງນີ້ເພື່ອສະຫຼຸບຜົນສຳເລັດຂອງຜູ້ປະກອບການແມ່ຍິງອາຊຽນ, ພາລະບົດບາດ ແລະ ຄວາມສຳຄັນໃນການນຳພາຂອງແມ່ຍິງ ໃນການຂັບເຄື່ອນທຸລະກິດແບບຍືນຍົງ, ການຮ່ວມມືຢູ່ໃນພາກພື້ນທີ່ມີຜົນຕໍ່ສັງຄົມ.

ມອບລາງວນຜປະກອບການແມຍງດເດນອາຊຽນປະຈຳປ 2025 - image 2

ຂ່າວ: ສະມາຄົມນັກທຸລະກິດແມ່ຍິງ

ຄໍາເຫັນ

ຂ່າວການຮ່ວມມື

ລາວ-ໄທ ເພີ່ມທະວີການຮ່ວມມືຕ້ານອາຊະຍາກຳໄຊເບີຂ້າມຊາດ

13/03/2026 13:17

ກອງປະຊຸມວຽກງານໄອຍະການໄທ-ລາວ ຄັ້ງທີ II ວ່າດ້ວຍການຮ່ວມມືຕ້ານອາດຊະຍາກຳຂ້າມຊາດ ພາຍໃຕ້ຫົວຂໍ້: “ການຮ່ວມມືໄອຍະການລາວ-ໄທ ໃນການຕ້ານອາຊະຍາກຳໄຊເບີ” ຈັດຂຶ້ນໃນວັນທີ 12-13 ມີນາ ນີ້ ທີ່ໂຮງແຮມພູລແມນ ຂອນແກ່ນ ຣາຊາ ອໍຄິດ ຈັງຫວັດຂອນແກ່ນ ຣາຊະອານາຈັກໄທ ໂດຍພາຍໃຕ້ການເປັນປະທານຮ່ວມຂອງທ່ານ ຄຳເພັດ ສົມວໍລະຈິດ ຮອງຫົວໜ້າອົງການໄອຍະການປະຊາຊົນສູງສຸດ ແຫ່ງ ສປປ ລາວ, ທ່ານ ມົງຄຸນ ຈິຣະໄຊສະກຸນ ຮອງໄອຍະການສູງສຸດ ແຫ່ງຣາຊະອານາຈັກໄທ, ທ່ານ ຈູມພົນ ພັນສຳລິດ ໄອຍະການອາວຸໂສ ທີ່ປຶກສາຂອງໄອຍະການສູງສຸດ ແຫ່ງຣາຊະອານາຈັກໄທ, ທ່ານ ລີຊາດ ຟີລິບປາ ປະທານສະຖາບັນຊ່ວຍເຫຼືອທາງດ້ານກົດໝາຍ ແລະ ວິຊາການແຫ່ງຣາຊະອານາຈັກລຸກຊໍາບວກ, ທ່ານ ແຄັດເຊັນເດຍ ເລເນເວຍ ອຸປະທູດ ແຫ່ງຣາຊະອານາຈັກ ລຸກຊຳບວກ ປະຈຳຣາຊະອານາຈັກໄທ ແລະ ທ່ານ ສົມສັກ ວິໄລທອນ ກົງສູນໃຫຍ່ ແຫ່ງ ສປປ ລາວ ປະຈຳຈັງຫວັດຂອນແກ່ນ, ມີບັນດາທ່ານຄະນະຜູ້ແທນຂັ້ນສູງ ອົງການໄອຍະການປະຊາຊົນສູງສຸດແຫ່ງ ສປປ ລາວ, ອົງການໄອຍະການສູງສຸດ ແຫ່ງຣາຊະອານາຈັກໄທ, ອົງການໄອຍະການພາກ 4 (ຈັງຫວັດຂອນແກ່ນ) ຫົວໜ້າອົງການໄອຍະການປະຊາຊົນບັນດາແຂວງ ທີ່ມີຊາຍແດນຕິດຈອດກັນ ລະຫວ່າງ ສປປ ລາວ - ຣາຊະອານາຈັກໄທ, ຊ່ຽວຊານຈາກອົງການ UNODC ພ້ອມດ້ວຍພະນັກງານໄອຍະການສອງຝ່າຍເຂົ້າຮ່ວມ.

ເອກອັກຄະລັດຖະທູດ ສປຈີນພົບປະເລຂາພັກແຂວງຊຽງຂວາງ

13/03/2026 13:10

ທ່ານ ນາງ ຟາງຫົງ ເອກອັກຄະລັດຖະທູຸດວິສາມັນ ຜູ້ມີອຳນາດເຕັມ ແຫ່ງ ສປຈີນ ປະຈຳລາວ ພ້ອມດ້ວຍຄະນະ ໄດ້ມາຢ້ຽມຢາມ ແລະ ເຮັດວຽກຢູ່ແຂວງຊຽງຂວາງ ໃນວັນທີ 12 ມີນານີ້, ໃຫ້ກຽດຕ້ອນຮັບ ໂດຍທ່ານ ພູວົງ ອຸ່ນຄຳແສນ ກຳມະການສູນກາງພັກ ເລຂາພັກແຂວງຊຽງຂວາງ ພ້ອມດ້ວຍຄະນະ.

ເປີດນຳໃຊ້ເສັ້ນທາງ ຈາກເທສະບານເມືອງໄຊຈໍາພອນ - ດ່ານນໍ້າອອນ

12/03/2026 16:09

ພິທີມອບ-ຮັບ ແລະ ເປີດນຳໃຊ້ເສັ້ນທາງ ຈາກເທດສະບານເມືອງໄຊຈໍາພອນ - ດ່ານປະເພນີນໍ້າອອນ (ຊາຍແດນລາວ-ຫວຽດນາມ) ໄດ້ຈັດຂຶ້ນໃນຕອນເຊົ້າວັນທີ 12 ມີນານີ້ ທີ່ເທສະບານເມືອງໄຊຈໍາພອນແຂວງບໍລິຄໍາໄຊ ໂດຍໃຫ້ກຽດເຂົ້າຮ່ວມຂອງ ທ່ານ ສອນໄຊ ສີພັນດອນ ນາຍົກລັດຖະມົນຕີ; ມີທ່ານ ເລຂາພັກແຂວງບໍລິຄຳໄຊ; ທ່ານລັດຖະມົນຕີ, ຫົວໜ້າຫ້ອງວ່າການສໍານັກງານນາຍົກລັດຖະມົນຕີ; ບັນດາທ່ານຮອງລັດຖະມົນຕີກະຊວງທີ່ກ່ຽວຂ້ອງ; ທ່ານເອກອັກຄະລັດຖະທູດ ແຫ່ງ ສສ ຫວຽດນາມ ປະຈຳ ສປປ ລາວ ພ້ອມດ້ວຍການນຳແຂວງບໍລິຄຳໄຊ, ແຂວງຮ່າຕິ່ງ-ແຂວງເຫງະອານ ສສ ຫວຽດນາມ ຕະຫຼອດຮອດການນຳເມືອງໄຊຈຳພອນ ແລະ ບໍລິສັດ ທີ່ໃຫ້ການຊ່ວຍເຫຼືອທຶນກໍ່ສ້າງເສັ້ນທາງດັ່ງກ່າວ ເຂົ້າຮ່ວມ.

ຍ້ອນຫຍັງການຮ່ວມກັນສ້າງ “ໜຶ່ງແລວໜຶ່ງເສັ້ນທາງດ້ວຍຄຸນນະພາບສູງ" ຈຶ່ງຖືກລະບຸໄວ້ໃນບົດລາຍງານວຽກງານຂອງລັດຖະບານຈີນ

12/03/2026 11:33

ຫຼັງຈາກການປຶກສາຫາລື ແລະ ຮ່ວມກັນສ້າງສາມາເປັນເວລາ 10 ກວ່າປີ, ຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ໄດ້ກາຍເປັນຜະລິດຕະພັນສາທາລະນະສາກົນທີ່ໄດ້ຮັບຄວາມນິຍົມຊົມຊອບຢ່າງກວ້າງຂວາງ ແລະ ໄດ້ກາຍເປັນຄັນທຸງທີ່ມີສີສົດໃສແຫ່ງໂລກາພິວັດຮູບແບບໃໝ່. ບົດລາຍງານວຽກງານຂອງລັດຖະບານຈີນປີ 2026 ໄດ້ຈັດເອົາການຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ດ້ວຍຄຸນນະພາບສູງເຂົ້າໃນໜ້າທີ່ຈຸດສຸມໃນຂົງເຂດການເປີດປະຕູສູ່ພາຍນອກໃນລະດັບສູງ. ການຈັດວາງແບບນີ້ແມ່ນສອດຄ່ອງກັບທ່າອ່ຽງການພັດທະນາຂອງທົ່ວໂລກຢ່າງແໜ້ນແຟ້ນ ໂດຍສຸມໃສ່ຄວາມຕ້ອງການໃນການຫັນເປັນທັນສະໄໝຂອງປະເທດເຂດໂລກໃຕ້, ທັງໄດ້ວາງແຜນທີ່ຈະແຈ້ງໃຫ້ແກ່ການລົງເລິກການຮ່ວມມືສາກົນ ແລະ ການສ້າງປະຊາຄົມຮ່ວມຊາຕາກຳຂອງມວນມະນຸດໃນໄລຍະຈັດຕັ້ງແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ 15 ຂອງຈີນ ແລະ ໄດ້ເພີ່ມພະລັງຂັບເຄື່ອນອັນເຂັ້ມແຂງທີ່ໝັ້ນທ່ຽງໃຫ້ແກ່ການພັດທະນາເສດຖະກິດໂລກທີ່ເຕັມໄປດ້ວຍຄວາມປັ່ນປ່ວນວຸ່ນວາຍ ແລະ ການປ່ຽນແປງ.

ລາວ-ຈີນ ຫາລື ການສົ່ງເສີມ ການລົງທຶນທັງພາຍໃນ ແລະ ຕ່າງປະເທດ

11/03/2026 16:04

ຄະນະຜູ້ແທນກະຊວງການເງິນ ນໍາໂດຍທ່ານ ສັນຕິພາບ ພົມວິຫານ ກໍາມະການສູນກາງພັກ ເລຂາຄະ ນະບໍລິຫານງານພັກ ລັດຖະມົນຕີກະຊວງການເງິນ ພ້ອມດ້ວຍຄະນະ ເຂົ້າຮ່ວມກອງປະຊຸມປຶກສາຫາລື ຮ່ວມກັບ ສໍານັກງານສົ່ງເສີມການລົງທຶນ (Invest HK) ເຂດປົກຄອງພິເສດຮົງກົງ ສປ ຈີນ ໃນວັນທີ 9 ມີນາຜ່ານມາ. ຈຸດປະສົງເພື່ອປຶກສາຫາລື ແລກປ່ຽນປະສົບການ ໃນການສົ່ງເສີມການລົງທຶນທັງພາຍໃນ ແລະ ຕ່າງ ປະເທດ, ສຶກສາແລກປ່ຽນການປະຕິບັດນະໂຍບາຍພາສີ-ອາກອນ ແລະ ການປະຕິບັດນະໂຍບາຍພັນທະຄ່າທໍານຽມໃຫ້ບັນດາບໍລິສັດນັກລົງທຶນຂະໜາດນ້ອຍ ແລະ ຂະໜາດໃຫຍ່ ຊຶ່ງເຂດປົກຄອງພິເສດຮົງກົງ ເປັນສູນກາງການລົງທຶນທາງດ້ານການເງິນສາກົນ ແລະ ເປັນປະຕູດ່ານໜ້າ ໃນການເຂົ້າສູ່ຕະຫຼາດສາກົນ; ພ້ອມນັ້ນ, ຍັງໄດ້ພ້ອມກັນປຶກສາຫາລື ແລກປ່ຽນແນວທາງການຈັດຕັ້ງປະຕິບັດນະໂຍບາຍການເງິນສີຂຽວ, ສິນເຊື່ອກາກບອນ, ນະ ໂຍບາຍການສົ່ງເສີມພັນທະບັດສີຂຽວ ແລະ ອື່ນໆ.

ກອງປະຊຸມຄະນະກຳມາທິການສະຖິຕິສະຫະປະຊາຊາດ ຄັ້ງທີ 57

11/03/2026 16:00

ກອງປະຊຸມສະໄໝທີ 57 ຂອງຄະນະກຳມາທິການສະຖິຕິ ແລະ ກອງປະຊຸມຫົວຂໍ້ປິ່ນອ້ອມ ຈັດຂຶ້ນໃນລະຫວ່າງວັນທີ 3-6 ມີນາຜ່ານມາ ທີ່ສໍານັກງານໃຫຍ່ ອົງການສະຫະປະຊາຊາດ ນິວຢອກ ສະຫະລັດອາເມຣິກາ. ຄະນະຜູ້ແທນຈາກ ສປປ ລາວ ນໍາໂດຍທ່ານ ນາງ ເພັດສະໜອນ ສອນ ຫົວໜ້າສູນສະຖິຕິແຫ່ງຊາດ ກະຊວງການເງິນ ພ້ອມດ້ວຍຄະນະໄດ້ເຂົ້າຮ່ວມກອງປະຊຸມດັ່ງກ່າວ ຊຶ່ງເປັນເວທີປຶກສາຫາລືປະຈຳປີລະດັບສູງຂອງຫົວໜ້າອົງການສະຖິິຕິເພື່ອກໍານົດທິດທາງ, ແລກປ່ຽນການຈັດຕັ້ງປະຕິບັດວຽກງານດັ່ງກ່າວ ແລະ ເສີມສ້າງການຮ່ວມມື ສືບຕໍ່ຜະລິດຂໍ້ມູນສະຖິຕິທີ່ມີຄຸນນະພາບ ສະຖິຕິສາມາດຕອບສະໜອງການກໍານົດນະໂຍບາຍ ແລະ ການພັດທະນາຢ່າງຍືນຍົງໃນລະດັບໂລກ, ພາກພື້ນ ແລະ ປະເທດ.

ປາຖະກະຖາ ທັດສະນະທີ່ສໍາຄັນກ່ຽວກັບວຽກງານແມ່ຍິງຂອງສະຫາຍ ສີຈິ້ນຜິງ

10/03/2026 13:39

ສະຖານເອກອັກຄະລັດຖະທູດ ສປ ຈີນ ປະຈໍາ ສປປ ລາວ ຮ່ວມກັບ ສູນກາງສະຫະພັນແມ່ຍິງລາວ (ສສຍລ) ຈັດພິທີປາຖະກະຖາ ທັດສະນະທີ່ສໍາຄັນກ່ຽວກັບວຽກງານແມ່ຍິງຂອງສະຫາຍ ສີຈິ້ນຜິງ, ເນື່ອງໃນໂອກາດສະເຫຼີມສະຫຼອງວັນແມ່ຍິງສາກົນ ຄົບຮອບ 116 ປີ ຈັດຂຶ້ນໃນວັນທີ 10 ມີນານີ້ ທີ່ໂຮງແຮມລາດສະວົງ ແວນດ້າ ວິສຕາ ໂດຍການເຂົ້າຮ່ວມຂອງທ່ານນາງ ອາລີ ວົງໜໍ່ບຸນທໍາ ປະທານຄະນະບໍລິຫານງານ ສສຍລ, ທ່ານນາງ ຟາງ ຫົງ ເອກອັກຄະລັດຖະທູດວິສາມັນ ຜູ້ມີອໍານາດເຕັມແຫ່ງ ສປ ຈີນ ປະຈໍາ ສປປ ລາວ, ມີບັນດາການນໍາພັກ-ລັດ, ຄະນະນຳກະຊວງ, ອົງການຂັ້ນສູນກາງ, ຄອບຄົວການນຳຂັ້ນສູງຂອງພັກ-ລັດ, ພະນັກງານປະຕິວັດອາວຸໂສ, ອະດີດການນຳຂອງສະຫະພັນແມ່ຍິງລາວເຂົ້າຮ່ວມ.

ກະຊວງປ້ອງກັນປະເທດ ປະດັບຫຼຽນໄຊໃຫ້ກົມໃຫຍ່ II ກະຊວງປ້ອງກັນປະເທດຫວຽດນາມ

10/03/2026 12:29

ພິທີປະດັບຫຼຽນໄຊລັດຖະບານ ແລະ ກະຊວງປ້ອງກັນປະເທດແຫ່ງ ສປປ ລາວ ໃຫ້ບຸກຄົນ ແລະ ກົມກອງລວມໝູ່ ກົມໃຫຍ່ II ກະຊວງປ້ອງກັນປະເທດແຫ່ງ ສສ ຫວຽດນາມ ທີ່ມີຜົນງານດີເດັ່ນໃນການຮ່ວມມື ແລະ ຊ່ວຍເຫຼືອກອງທັບປະຊາຊົນລາວຕະຫຼອດໄລຍະຜ່ານມາ, ເນື່ອງໃນໂອກາດວັນມູນເຊື້ອກົມໃຫຍ່ II ກະຊວງປ້ອງກັນປະເທດ ສສ ຫວຽດນາມ ຄົບຮອບ 80 ປີ ຈັດຂຶ້ນໃນວັນທີ 9 ມີນາຜ່ານມາ ທີ່ນະຄອນຫຼວງຮ່າໂນ້ຍ ສສ ຫວຽດນາມ, ຕາງໜ້າໃຫ້ລັດຖະບານ ສປປ ລາວ ໂດຍສະຫາຍ ພົນເອກ ຄໍາລຽງ ອຸທະໄກສອນ ກໍາມະການກົມການເມືອງສູນກາງພັກ ລັດຖະມົນຕີກະຊວງປ້ອງກັນປະເທດແຫ່ງ ສປປ ລາວ, ມີສະຫາຍ ພົນເອກ ຟານ ວັນຢາງ ກໍາມະການກົມການເມືອງສູນກາງພັກ ລັດຖະມົນຕີກະຊວງປ້ອງກັນປະເທດແຫ່ງ ສສ ຫວຽດນາມ, ມີຄະນະນໍາກະຊວງປ້ອງກັນປະເທດກໍາປູເຈຍ, ເອກອັກຄະລັດຖະທູດ ສ ກູບາ ປະຈໍາຫວຽດນາມ ພ້ອມດ້ວຍຄະນະຜູ້ແທນ ສປປ ລາວ-ຫວຽດນາມ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ລາວ-ສ.ເກົາຫຼີ ຮ່ວມກັນຈັບແກ໋ງສໍ້ໂກງທາງອອນລາຍ 14 ຄົນ

05/03/2026 14:45

ອີງຕາມ ໜັງສືພິມລາຍວັນ Chosunilbo ຂອງ ສ. ເກົາຫຼີ ທີ່ອອກໃນວັນທີ 26 ກຸມພາ 2026ຜ່ານມາ ວ່າ: ໃນເດືອນກັນຍາ ທີ່ຜ່ານມາ, ເຈົ້າໜ້າທີ່ ຂອງ ສ. ເກົາຫຼີ ໄດ້ຮ່ວມມືກັບກໍາລັງປ້ອງກັນຄວາມສະຫງົບ ຂອງ ສປປ ລາວ ພາໃຫ້ໃນເດືອນຕຸລາ 2025ຜ່ານມາ. ເຈົ້າໜ້າທີ່ໄດ້ບຸກເຂົ້າກວດຫ້ອງການສູນຄໍເຊັນເຕີ ຢູ່ທ້ອງຖິ່ນ (ຢູ່ລາວ) ແລະ ຈັບກຸມສະມາຊິກເຄືອຂ່າຍ ຂອງກຸ່ມຫຼອກລວງທາງອອນລາຍ ຫຼື ແກ໋ງສໍ້ໂກງທາງອອນລາຍ ທີ່ເປັນຄົນ ສ. ເກົາຫຼີ ໄດ້ 14 ຄົນ.