ນ ຮອງຫົວໜ້າກົມໃຫຍ່ເຕັກນິກກອງທັບ, ມີຫົວໜ້າກົມ, ຮອງກົມ, ຄະນະພັກ-ຄະນະບັນຊາ, ບັນດາພະແນກການຕະຫຼອດຮອດພະນັກງານກ່ຽວຂ້ອງເຂົ້າຮ່ວມ.
ສະຫາຍ ພັນຕີ ວິໄລພອນ ແສງຄໍາຍອງ ຮອງພະແນກເຕັກນິກລົດຕັງ-ຍານເກາະ ຜູ້ຮັບຜິດຊອບການບົວລະບັດສ້ອມແປງລົດຫຸ້ມເກາະໄດ້ຂຶ້ນຜ່ານບົດສະຫຼຸບໂດຍຫຍໍ້ການຈັດຕັ້ງປະຕິບັດວຽກງານບົວລະບັດສ້ອມແປງລົດຫຸ້ມເກາະໃນແຕ່ລະໄລຍະຊຶ່ງມີທັງຂໍ້ສະດວກ, ຂໍ້ຫຍຸ້ງຍາກແຕ່ດ້ວຍຄວາມເອົາໃຈໃສ່ໃກ້ຊິດຕິດແທດ ແລະ ການຊີ້ນຳຈາກຂັ້ນເທິງຈຶ່ງເຮັດໃຫ້ການຈັດຕັ້ງປະຕິບັດໜ້າທີ່ວຽກງານສຳເລັດຕາມຄາດໝາຍ.
ການຈັດພິທີມອບ-ຮັບໃນຄັ້ງນີ້, ອີງຕາມຄຳສັ່ງຂອງກົມໃຫຍ່ເສນາທິການກອງທັບ ວ່າດ້ວຍການຖອນລົດຫຸ້ມເກາະທີ່ເປ່ເພຢູ່ບັນດາກົມກອງ, ກອງບັນຊາການທະຫານແຂວງ, ອີງຕາມການບົວລະບັດສ້ອມແປງປ່ຽນຖ່າຍ ແລະ ແລ່ນທົດລອງໄລຍະທາງ 100km ລົດຫຸ້ມເກາະຈຳນວນ 6 ຄັນໃຊ້ເວລາແລ່ນທົດລອງຈໍານວນ 2 ໄລຍະເຫັນວ່າໄດ້ຮັບຜົນດີ ແລະ ສາມາດສູ້ຮົບໄດ້.ດັ່ງນັ້ນ, ຈຶ່ງໄດ້ມອບລົດຫຸ້ມເກາະຈຳນວນ 6 ຄັນໃຫ້ກົມລົດຕັງ-ຍານເກາະເປັນຜູ້ນໍາໃຊ້ເກັບມ້ຽນຮັກສາເຂົ້າປະຈຳການກຽມພ້ອມສູ້ຮົບ ແລະ ນຳໃຊ້ຮໍ່າຮຽນຫັດແອບ. ຮ່ວມລົງນາມໂດຍສະຫາຍ ພັນເອກ ດາວວອນ ພົມມະວົງ ຫົວໜ້າກົມເຕັກນິກເຫຼົ່າຮົບ ແລະ ສະຫາຍ ພັນເອກ ພູວຽງ ສອນສົມໃຈ ຫົວໜ້າກົມລົດຕັງ-ຍານເກາະ.
ສະຫາຍ ພົນຈັດຕະວາ ຄອນສະຫວັນ ມິ່ງຈຳປາບານ ໄດ້ຮຽກຮ້ອງໃຫ້ທັງສອງພາກສ່ວນເອົາໃຈໃສ່ສຶກສາອົບຮົມໃຫ້ພະນັກງານທີ່ເຮັດວຽກວິຊາສະເພາະຮູ້ນໍາໃຊ້ລົດຫຸ້ມເກາະຢ່າງຄ່ອງແຄ້ວ, ນໍາໃຊ້ໃຫ້ສໍານິຊໍານານເພື່ອເຮັດສໍາເລັດໜ້າທີ່ໆການຈັດຕັ້ງຂັ້ນເທິງມອບໝາຍໃຫ້ໂດຍອີງໃສ່ງົບປະມານທີ່ມີໝູນໃຊ້ ແລະ ນໍາໃຊ້ໃຫ້ໄດ້ຮັບຄຸນນະພາບສູງສຸດ, ຖືເອົາການສຶກສາອົບຮົບພະນັກງານນົກຮົບໃຫ້ເຂັ້ມງວດຕໍ່ລະບຽບຫຼັກການວຽກງານປົກປັກຮັກສາບົວລະບັດເຕັກນິກໃຫ້ຖືກຕ້ອງຕາມຫຼັກການ, ສ້າງໃຫ້ໄດ້ພະນັກງານເຕັກນິກມືອາຊີບພ້ອມທັງມີຄວາມຮັກມັກໃນອາຊີບຂອງຕົນ, ເອົາໃຈໃສ່ສັບຊ້ອນເຄື່ອງເກາະຫ້ອຍທີ່ປະກອບມານໍາລົດໃຫ້ຖືກຕ້ອງຄົບຊຸດຕາມທີ່ໄດ້ປະກອບໃຫ້.ໃນນັ້ນພະນັກງານວິຊາການເຕັກນິກຈົ່ງເອົາໃຈໃສ່ໃນການປົກປັກຮັກສາ ແລະ ບົວລະບັດພັດເຊັດ ໃຫ້ສາມາດນຳໃຊ້ໄດ້ຍາວນານ.
ຂ່າວ: ຄຳສອນ ພົມໄຊຍາ
ຄໍາເຫັນ