ເມືອງໂພນໂຮງເກັບລາຍຮັບງົບປະມານໄດ້ຢ່າງພົ້ນເດັ່ນ ລື່ນແຜນການ 1,5 ຕື້

ເມືອງໂພນໂຮງເກັບລາຍຮັບງົບປະມານໄດ້ຢ່າງພົ້ນເດັ່ນ ລື່ນແຜນການ 1,5 ຕື້
ໂດຍ: ສ.ບຸດປະຊາ
ການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ, ແຜນງົບປະມານຂອງເມືອງໂພນໂຮງ ແຂວງວຽງຈັນ ໃນປີ 2023 ມີອັນພົ້ນເດັ່ນຫຼາຍດ້ານ ໂດຍສະເພາະການຈັດຕັ້ງປະຕິບັດແຜນດັ່ງກ່າວ ຕິດພັນກັບການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຂໍ້ຫຍຸ້ງຍາກດ້ານເສດຖະກິດ-ການເງິນ ກໍຄືການເກັບລາຍຮັບງົບປະມານ, ຕ້ານການຮົ່ວໄຫຼ ຊຶ່ງສາມາດປະຕິບັດໄດ້ 8,5 ຕື້ກີບ ລື່ນແຜນການ 1,5 ຕື້ກີບ ທຽບກັບໂຕເລກທີ່ໄດ້ຮັບມອບໝາຍຈາກແຂວງແມ່ນ 7 ຕື້; ໂຕເລກທີ່ເກັບໄດ້ນີ້, ກໍລື່ນເປົ້າໝາຍທີ່ວາງໄວ້ໃນແຜນວາລະແຫ່ງຊາດ ຂອງປີດຽວກັນນີ້ ທີ່ກຳນົດເປົ້າໝາຍໄວ້ແມ່ນ 7,5 ຕື້.
ຜົນງານດັ່ງກ່າວນັ້ນ, ທ່ານ ສົມປະສົງ ສຸວົງຄໍາຈັນ ເຈົ້າເມືອງໂພນໂຮງ ໄດ້ເປີດເຜີຍໃນໂອກາດໃຫ້ສຳພາດທີ່ຫ້ອງການປົກຄອງເມືອງໂພນໂຮງ ເມື່ອຕົ້ນເດືອນເມສານີ້ ຊຶ່ງທ່ານຍັງໃຫ້ຮູ້ເຖິງປັດໄຈສຳຄັນທີ່ເຮັດໃຫ້ການເກັບລາຍຮັບໄດ້ລື່ນແຜນການ ແມ່ນໄດ້ມາຈາກການປະກອບສ່ວນຂອງບັນດານັກທຸລະກິດ, ຫ້າງຮ້ານ, ປະຊາຊົນ ເສຍພັນທະອາກອນໃຫ້ແກ່ລັດ ຕາມລະບຽບການຢ່າງຕັ້ງໜ້າ; ພ້ອມນີ້, ກໍມີການນໍາພາ-ຊີ້ນໍາ ຈາກພະແນກການເງິນແຂວງວຽງຈັນ ຊຶ່ງບັນດາພະນັກງານການເງິນເມືອງກໍໄດ້ຮ່ວມມືລົງໃກ້ຊິດຕິດແທດ ແລະ ບັນດາຄະນະນໍາຂອງເມືອງ ກໍໄດ້ລົງໃກ້ຊິດກັບບັນດານັກທຸລະກິດ ຜູ້ປະກອບການ ເປັນຕົ້ນຄືການລົງຊຸກຍູ້ບັນດາຟາມລ້ຽງສັດ ທີ່ເມືອງມີທັງໝົດ 62 ຟາມ (ຟາມໝູ 30 ຟາມ, ງົວ 11 ຟາມ ແລະ ໄກ່ 21 ຟາມ). ນອກນີ້, ການລົງຊຸກຍູ້ຕິດຕາມກວດກາ ເພື່ອເຮັດໃຫ້ການເກັບລາຍຮັບບໍ່ໃຫ້ຕົກເຮ່ຍ, ເຮັດໃຫ້ລາຍຮັບຂອງປະຊາຊົນສູງຂຶ້ນ, ເຮັດໃຫ້ການເກັບລາຍຮັບ ບໍ່ຊັກຊ້າ ຮົ່ວໄຫຼ ຊຶ່ງນີ້ເປັນບັນຫາທີ່ເມືອງ ແລະ ພາກສ່ວນກ່ຽວຂ້ອງໄດ້ພ້ອມກັນຊຸກຍູ້. ຜ່ານການຈັດຕັ້ງປະຕິບັດຕົວຈິງ, ພາຍຫຼັງນໍາໃຊ້ລະບົບເອເລັກໂຕຣນິກ ລາຍຮັບກໍເກັບໄດ້ສູງກວ່າເກົ່າ ເຮັດໃຫ້ການເກັບລາຍຮັບຂອງເມືອງ ມີຜົນງານຄືດັ່ງຂ້າງເທິງນັ້ນ.
ຄຽງຄູ່ກັບຜົນງານນັ້ນ, ການເກັບລາຍຮັບງົບປະມານຂອງເມືອງໂພນໂຮງ ໂດຍສະເພາະຕິດພັນກັບການຈັດຕັ້ງປະຕິບັດວາລະແຫ່ງຊາດ ກໍຍັງສາມາດເຫັນໄດ້ບາງອັນຈໍາກັດ ໂດຍສະເພາະແມ່ນຍັງມີລາຍຮັບທີ່ບໍ່ສາມາດເກັບໄດ້ເທື່ອ ເປັນຕົ້ນແມ່ນທີ່ດິນ ຊຶ່ງບາງສາເຫດກໍຍ້ອນການອອກໃບຕາດິນແມ່ນຍັງບໍ່ທັນສຳເລັດໃນທົ່ວເມືອງ, ບາງສາເຫດກໍແມ່ນມີດິນ ທີ່ເຈົ້າຂອງດິນບໍ່ໄດ້ອາໄສຢູ່ເມືອງນີ້ ຈຶ່ງເຮັດໃຫ້ການເກັບພາສີທີ່ດິນ ຍັງບໍ່ທັນໄດ້; ບັນຫາພາຫະນະ ກໍຍັງເປັນອັນຄົງຄ້າງທີ່ບໍ່ທັນເກັບໄດ້ຄົບຖ້ວນ ແລະ ຍັງມີບັນດາບຸກຄົນ, ນິຕິບຸກຄົນ ທີ່ສຳປະທານມີຫຼາຍໂຄງການ ທີ່ຍັງບໍ່ມາເສຍພັນທະອາກອນ.
ສະນັ້ນ, ເພື່ອແກ້ໄຂບັນຫາຂ້າງເທິງ ຄະນະນໍາເມືອງ ແລະ ພາກສ່ວນກ່ຽວຂ້ອງ ກໍໄດ້ລົງໃກ້ຊິດເຖິງພື້ນທີ່ ຮອດບ້ານ, ຮອດຫົວໜ່ວຍທຸລະກິດ ເພື່ອໃຫ້ເຂົາເຈົ້າຕື່ນຕົວເສຍພັນທະອາກອນ ມີການເສຍພັນທະຢ່າງຖືກຕ້ອງໃຫ້ແກ່ງົບປະມານລັດເຮົາ; ຜ່ານມາກໍມີບາງຫົວໜ່ວຍທຸລະກິດ, ຫ້າງຮ້ານ ເສຍພັນທະແບບມອບເໝົາ ຍ້ອນບໍ່ທັນຖືບັນຊີ ແລະ ອັນນີ້ກໍເປັນໜຶ່ງບັນຫາທີ່ເຮັດໃຫ້ເຮົາເກັບລາຍຮັບບໍ່ໄດ້, ມີອັນຮົ່ວໄຫຼ ຊຶ່ງກໍສາມາດແກ້ໄຂໃຫ້ຖືບັນຊີຢ່າງຖືກຕ້ອງ ເພື່ອສາມາດຄຸ້ມຄອງໄດ້ ແລະ ການເກັບລາຍຮັບງົບປະມານໃນປີ 2024 ນີ້ ແມ່ນສາມາດເກັບໄດ້ແລ້ວ 31% ຈາກໂຕເລກທີ່ໄດ້ຮັບມອບໝາຍແມ່ນ 7,2 ຕື້ກີບ ແລະ ພ້ອມດຽວກັນນີ້ ກໍຈະສູ້ຊົນບຸກບືນຕື່ມ ເພື່ອເກັບໃຫ້ໄດ້ຕາມຄາດໝາຍທີ່ວາງໄວ້ ໃນການຜັນຂະຫຍາຍການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂຄວາມຫຍຸ້ງຍາກທາງດ້ານເສດຖະກິດ-ການເງິນຂອງເມືອງ ທີ່ວາງໄວ້ 8,5 ຕື້ກີບ.

ຄໍາເຫັນ

ຂ່າວເສດຖະກິດ

ການຖະແຫຼງຂ່າວຂອງກຸ່ມບໍລິສັດເຄມີແຫ່ງຊາດ ຫວຽດນາມ

ການຖະແຫຼງຂ່າວຂອງກຸ່ມບໍລິສັດເຄມີແຫ່ງຊາດ ຫວຽດນາມ

ລິເລີ່ມໂຄງການຂຸດຄົ້ນ ແລະ ປຸງແຕ່ງເກືອແຮ່ ຢູ່ ລາວ ຄືນໃໝ່ ດ້ວຍມູນຄ່າ 492 ລ້ານໂດລາ. ໃນຕອນເຊົ້າຂອງວັນທີ 12 ຕຸລາຜ່ານມາ, ທີ່ເມືອງໜອງບົກ ແຂວງຄຳມ່ວນ, ກຸ່ມບໍລິສັດເຄມີແຫ່ງຊາດຫວຽດນາມ (Vinachem) ໂດຍຮ່ວມມືກັບ ບໍລິສັດຮຸ້ນສ່ວນລົງທຶນດ້ານພະລັງງານ ແລະ ບໍ່ແຮ່ຫວຽດນາມ, ໄດ້ຈັດພິທີລິເລີ່ມໂຄງການຂຸດຄົ້ນ ແລະ ປຸງແຕ່ງເກືອແຮ່ຄືນໃໝ່. ໂຄງການດັ່ງກ່າວ ມີເປົ້າໝາຍຈະນຳໂຮງງານ ຊຶ່ງຖືກອອກແບບໃຫ້ມີກຳລັງການຜະລິດ ໂປຕາສຊຽມ ຄລໍໄຣດ໌ (potassium chloride) 500,000 ໂຕນຕໍ່ປີ ເຂົ້າສູ່ຂະບວນການຜະລິດພາຍໃນ ປີ 2028.
ເສດຖະກິດເມືອງທ່າແຕງ ສືບຕໍ່ຂະຫຍາຍຕໍ່​ເນື່ອງ

ເສດຖະກິດເມືອງທ່າແຕງ ສືບຕໍ່ຂະຫຍາຍຕໍ່​ເນື່ອງ

ການຈັດຕັ້ງປະຕິບັດ ມະຕິກອງປະຊຸມໃຫຍ່ອົງຄະນະພັກເມືອງທ່າແຕງ ແຂວງ​ເຊກອງກໍຄືການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີ (2025-2029) ເຫັນວ່າ ເສດຖະກິດເມືອງທ່າແຕງ ຍັງສືບຕໍ່ຂະຫຍາຍຕົວເພີ່ມຂຶ້ນ ສະເລ່ຍ 5.7%.
6​ ເດືອນຕົ້ນປີນີ້ ເສດຖະກິດແຂວງ​ອັດ​ຕະ​ປືຂະຫຍາຍຕົວ 4.​3%

6​ ເດືອນຕົ້ນປີນີ້ ເສດຖະກິດແຂວງ​ອັດ​ຕະ​ປືຂະຫຍາຍຕົວ 4.​3%

ໃນ 6 ເດືອນ​ຕົ້ນ​ປີ 2026 ເສດ​ຖະ​ກິດ​ແຂວງ​ອັດ​ຕະ​ປື​ຂະ​ຫຍາຍ​ຕົວ 4.3%, ໃນ​ນັ້ນຂະ​ແໜງ​ກະ​ສິ​ກຳຂະ​ຫຍາຍ​ຕົວ 4.9% ກວມ 51% ຂອງ GDP, ຂະແໜງອຸດສາຫະກຳ ຂະຫຍາຍຕົວ 4.2% ກວມ 29%,ຂະແໜງບໍລິການ ຂະຫຍາຍຕົວ 3.7% ກວມ 17% ແລະ ຂະແໜງພາສີ-ອາກອນ ຂະຫຍາຍຕົວ 5.8%.
ກາເຟປ່າວຊ່ານ ລົດຊາດລະດັບໂລກ ເປັນພະລັງຂັບເຄື່ອນຊຸມຊົນ

ກາເຟປ່າວຊ່ານ ລົດຊາດລະດັບໂລກ ເປັນພະລັງຂັບເຄື່ອນຊຸມຊົນ

ດ້ວຍສັກກະຍະພາບດ້ານຊັບພະຍາກອນທາງທຳມະຊາດ ພູມສາດ ແລະ ສະພາບອາກາດທີ່ເອື້ອອຳນວຍ ເມືອງປ່າວຊານ ໄດ້ພັດທະນາອຸດສາຫະກຳກາເຟອາຣາບີກາໃຫ້ເຕີບໂຕຢ່າງຕໍ່ເນື່ອງ ແລະ ສ້າງມູນຄ່າເພີ່ມຕາມຫ່ວງໂຊ່ການຜະລິດ. “ກາເຟອາຣາບີກາປ່າວຊານ” ໄດ້ກາຍເປັນສິນຄ້າກະສິກຳຫຼັກຂອງພື້ນທີ່ ດ້ວຍຄຸນນະພາບມາດຕະຖານສູງ ແລະ ອັດຕະລັກດ້ານລົດຊາດທີ່ໂດດເດັ່ນ ໂດຍມີຈຸດເດັ່ນຄື “ບໍ່ສົ້ມ, ບໍ່ຮຶນ,ເຂັ້ມແຕ່ບໍ່ຂົມຫຼາຍ, ຫອມແບບທຳມະຊາດກິ່ນດອກໄມ້ອ່ອນໆ” ສະທ້ອນໃຫ້ເຫັນສັກກະຍະພາບການຜະລິດແລະ ການຄວບຄຸມຄຸນນະພາບຢ່າງເປັນລະບົບ.
ເມືອງໄຊເສດຖາ ມີມູນຄ່າການຈໍລະຈອນສິນຄ້າ 169 ຕື້ກີບ.

ເມືອງໄຊເສດຖາ ມີມູນຄ່າການຈໍລະຈອນສິນຄ້າ 169 ຕື້ກີບ.

ໃນໄລຍະ 6 ເດືອນຕົ້ນປີ 2026 ນີ້ເມືອງໄຊເສດຖາ, ແຂວງອັດຕະປື ມີມູນຄ່າການຈໍລະຈອນສິນຄ້າ 169 ຕື້ກີບ, ບັນລຸໄດ້ເກືອບ 100% ຂອງແຜນການປີ, ເຊິ່ງ ປັດຈຸບັນທົ່ວເມືອງ ມີຫົວໜ່ວຍທຸລະກິດທັງໝົດ 596 ຫົວໜ່ວຍ, ໃນນີ້ 6 ເດືອນຜ່ານມາ, ສາມາດຊຸກຍູ້ທຸລະກິດໃໝ່ເຂົ້າຈົດທະບຽນໄດ້ຕື່ມອີກ 22 ຫົວໜ່ວຍ ແລະ ຍັງມີຫົວໜ່ວຍທຸລະກິດນອກລະບົບ ບໍ່ມີທະບຽນວິສາຫະກິດ ເຖິງ 391 ຫົວໜ່ວຍ, ທີ່ຈະຕ້ອງໄດ້ເລັ່ງໃຫ້ໄດ້ຂຶ້ນທະບຽນຖືກຕ້ອງຕາມກົດໝາຍ.
6 ເດືອນຕົ້ນປີ ເສດຖະກິດແຂວງອັດຕະປື ຂະຫຍາຍຕົວຢູ່ໃນລະດັບ 3,8%

6 ເດືອນຕົ້ນປີ ເສດຖະກິດແຂວງອັດຕະປື ຂະຫຍາຍຕົວຢູ່ໃນລະດັບ 3,8%

ໃນໄລຍະ 6 ເດືອນຕົ້ນປີ 2026 ແຂວງອັດຕະປື ມີອັດຕາການຂະຫຍາຍຕົວຂອງເສດຖະກິດ ຢູ່ໃນລະດັບ 3.8% (ມະຕິສະພາ 5.4%), ຄິດເປັນມູນຄ່າຕາມລາຄາໃນປີ 1,231 ຕື້ກີບ ເທົ່າກັບ 15.6% ຂອງແຜນການ (ມະຕິສະພາ 7,850 ຕື້ກີບ), ລວມຍອດຜະລິດຕະພັນພາຍໃນສະເລ່ຍຕໍ່ຫົວຄົນບັນລຸໄດ້ 21.9 ລ້ານກີບ (ມະຕິສະພາ 42 ລ້ານກີບ).
ລັດຖະມົນຕີກະຊວງ ອຄ ເນັ້ນໃຫ້ສາລະວັນເອົາໃຈໃສ່ກວດກາລາຄາ ແລະ ຄຸນນະພາບສິນຄ້າ

ລັດຖະມົນຕີກະຊວງ ອຄ ເນັ້ນໃຫ້ສາລະວັນເອົາໃຈໃສ່ກວດກາລາຄາ ແລະ ຄຸນນະພາບສິນຄ້າ

ທ້າຍອາທິດຜ່ານມານີ້, ທ່ານ ມະໄລທອງ ກົມມະສິດ ລັດຖະມົນຕີກະຊວງອຸດສາຫະກຳ ແລະ ການຄ້າ (ອຄ) ພ້ອມຄະນະ ເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງສາລະວັນ, ໂດຍໃຫ້ກຽດຕ້ອນຮັບຂອງ ທ່ານ ໂພທິຍາ ວົງຈອມສີ ຫົວໜ້າພະແນກອຸດສາຫະກຳ ແລະ ການຄ້າແຂວງສາລະວັນ ພ້ອມຄະນະ ໃຫ້ກຽດຕ້ອນຮັບຢ່າງ ອົບອຸ່ນຢູ່ທີ່ຫ້ອງປະຊຸມຂອງຕົນ.
ຄວາມໝາຍ ແລະ ຄວາມສໍາຄັນຂອງເສດຖະກິດມໍຣະດົກ

ຄວາມໝາຍ ແລະ ຄວາມສໍາຄັນຂອງເສດຖະກິດມໍຣະດົກ

ເສດຖະກິດມໍຣະດົກມີຄວາມໝາຍ ແລະ ນິຍາມກວ້າງຂວາງ. ກ່ອນອື່ນຕ້ອງເຂົ້າໃຈຄວາມໝາຍຂອງ “ມໍຣະດົກ” ໝາຍເຖິງທຸກສິ່ງທຸກຢ່າງທີ່ເປັນວັດຖຸ ນິວັດຖຸທີ່ມີຄຸນຄ່າ ທີ່ພວກເຮົາໄດ້ຮັບການສືບທອດມາຈາກບັນພະບູລຸດ. ມໍຣະດົກບໍ່ພຽງແຕ່ເປັນເອກະລັກຂອງຊາດເທົ່ານັ້ນ, ແຕ່ຍັງເປັນຊັບສິນ ຫຼື ສົມບັດທີ່ມີຄຸນຄ່າທີ່ສາມາດນໍາໃຊ້ເປັນທ່າແຮງໃນການພັດທະນາເສດຖະກິດ-ສັງຄົມຂອງປະເທດ.
ປີນີ້, ຄາດວ່າ GDPຈະຂະຫຍາຍຕົວຢູ່ລະດັບ 5.1%

ປີນີ້, ຄາດວ່າ GDPຈະຂະຫຍາຍຕົວຢູ່ລະດັບ 5.1%

ໃນຫວ່າງບໍ່ດົນມານີ້,ສູນສະຖິຕິແຫ່ງຊາດ ກະຊວງການເງີນ ໄດ້ສະຫຼຸບຕົວເລກຂາດຕົວລວມຍອດຜະລິດຕະພັນພາຍໃນ (GDP)ປີ 2025 ແລະ ທ່າອ່ຽງ ປີ 2026 ຂະນະທີ່ລາວ ຍັງພົບຄວາມຫຍຸ້ງຍາກທາງດ້ານເສດຖະກິດເປັນຕົ້ນ ສະຖຽນລະພາບທາງດ້ານການເງິນ ແລະ ເງິນຕາ, ບັນຫາການເພີ່ມຂຶ້ນຂອງລາຄາ, ອັດຕາເງິນເຟີ້ທີ່ຍັງສືບຕໍ່ເພີ່ມຂຶ້ນ ແລະ ບັນຫາໜີ້ສິນຕ່າງປະເທດ.
ເພີ່ມເຕີມ