 |
ໃນກອງປະຊຸມ, ໄດ້ຜ່ານບົດສະຫຼຸບການຈັດຕັ້ງປະຕິບັດວຽກງານກໍ່ສ້າງພັກ-ພະນັກງານ ແລະ ປັບປຸງກົງຈັກການຈັດຕັ້ງທົ່ວເມືອງ ປະຈໍາປີ 2024 ແລະ ແຜນການປີ 2025 ແລະ ຜ່ານບົດສະຫຼຸບຕີລາຄາການເຄື່ອນໄຫວວຽກງານກວດກາ ປະຈໍາປີ 2024 ແລະ ແຜນການ ປີ 2025 . ຈາກນັ້ນ, ກໍໄດ້ພ້ອມກັນຄົ້ນຄວ້າ, ຕີລາຄາ ແລະ ປະກອບຄໍາຄິດຄໍາເຫັນຢ່າງເລິກເຊິ່ງ, ກົງໄປກົງມາ ໂດຍຍົກໃຫ້ເຫັນດ້ານດີ, ດ້ານອ່ອນ, ຂໍ້ຄົງຄ້າງ ພ້ອມທັງສະເໜີວິທີການ ແລະ ມາດຕະການແກ້ໄຂໃນຕໍ່ໜ້າ ຊຶ່ງຫຼາຍສະຫາຍໄດ້ນໍາເອົາບົດຮຽນທີ່ດີຈາກຂະບວນການພຶດຕິກໍາຕົວຈິງມາສະເໜີຕໍ່ກອງປະຊຸມ ເພື່ອຍູ້ແຮງຂະບວນການເຄື່ອນໄຫວວຽກງານກໍ່ສ້າງພັກ-ພະນັກງານ, ປັບປຸງກົງຈັກການຈັດຕັ້ງ ແລະ ວຽກງານກວດກາ ເພື່ອເພີ່ມທະວີຄວາມຮັບຜິດຊອບ, ຄວາມເປັນເຈົ້າການຂອງຄະນະພັກແຕ່ລະຂັ້ນໃຫ້ສູງຂຶ້ນກວ່າເກົ່າ.
ກອງປະຊຸມຄັ້ງນີ້, ຍັງໄດ້ຮັບຟັງການເຜີຍແຜ່ບົດບັນທຶກການປະສານງານລະຫວ່າງ ອົງການກວດກາແຫ່ງລັດ ກັບ ອົງການກວດສອບແຫ່ງລັດ. ເຜີຍແຜ່ບົດບັນທຶກການປະສານງານ ລະຫວ່າງສານປະຊາຊົນສູງ ກັບ ອົງການກວດກາແຫ່ງລັດກ່ຽວກັບການດໍາເນີນຄະດີ, ເຜີຍແຜ່ລະບຽບວ່າດ້ວຍການເກັບຮັກສາເອກະສານ ກ່ຽວກັບການກວດກາ ສະບັບເລກທີ 138/ອກຫລ, ລົງວັນທີ 9 ເມສາ 2024; ຄໍາແນະນໍາ ຂອງຄະນະຈັດຕັ້ງສູນກາງພັກ ສະບັບເລກທີ 28/ຄຈສພ, ລົງວັນທີ 14 ກຸມພາ 2025 ກ່ຽວກັບການກໍ່ສ້າງພັກປອດໃສ, ເຂັ້ມແຂງ, ໜັກແໜ້ນ; ແຈ້ງການຂອງຄະນະຈັດຕັ້ງສູນກາງພັກ ສະບັບເລກທີ 56/ຄຈສພ, ລົງວັນທີ 22 ມັງກອນ 2025 ກ່ຽວກັບການແບ່ງງານໃຫ້ຄະນະບໍລິຫານງານພັກເມືອງ-ນະຄອນ; ແຈ້ງການຂອງຄະນະຈັດຕັ້ງສູນກາງພັກ ສະບັບເລກທີ 57/ຄຈສພ, ລົງວັນທີ 22 ມັງກອນ 2025 ກ່ຽວກັບການກໍານົດຮອງປະທານຄະນະກໍາມະການປົກຄອງເມືອງ-ນະຄອນ; ແຈ້ງການຂອງຄະນະຈັດຕັ້ງສູນກາງພັກ ສະບັບເລກທີ 426/ຄຈສພ, ລົງວັນທີ 04 ເມສາ 2025 ວ່າດ້ວຍການໂຈະການຄົ້ນຄວ້າຍົກຍ້າຍ ແລະ ແຕ່ງຕັ້ງພະນັກງານດໍາລົງຕໍາແໜ່ງບໍລິຫານ.
(ຂ່າວ-ພາບ: ສົມພົງ ສີສະຫັວ
ດ)
ຄໍາເຫັນ