ບົດລາຍງານລະບຸວ່າ: ຈຳນວນນັກຄົ້ນຄວ້າ AI ຈາກ ສະຫະລັດ ອາເມຣິກາ ມີຫຼາຍກວ່າ 63,000 ຄົນ, ໃນຂະນະທີ່ນັກຄົ້ນຄວ້າ AI ຈາກຈີນ ມີເກືອບ 53,000 ຄົນ, ສ່ວນນັກຄົ້ນຄວ້າ AI ຈາກເອີຣົບກວມເອົາປະມານ 18.3% ຂອງຈຳນວນທັງໝົດ. ໂດຍ "ອາຊີ" ກໍາລັງກ້າວຂຶ້ນເປັນສູນກາງທີ່ສໍາຄັນຂອງການປະດິດສ້າງເຕັກໂນໂລຊີ.
ຈໍານວນນັກຄົ້ນຄວ້າ AI ຂອງຈີນໄດ້ເພີ່ມຂຶ້ນຈາກໜ້ອຍກວ່າ 10,000 ຄົນໃນປີ 2015 ເປັນຫຼາຍກວ່າ 52,000 ຄົນໃນປີ 2024 ໃນຂະນະທີ່ສະຖາບັນວິທະຍາສາດຂອງຈີນຄອງອັນດັບໜຶ່ງຂອງໂລກໃນດ້ານປະລິມານການຄົ້ນຄວ້າ, ໂດຍມີການເຜີຍແຜ່ການຄົ້ນຄວ້າທີ່ມີອິດທິພົນສູງ 585 ສະບັບ.
ທັງນີ້, ບົດລາຍງານສະບັບນີ້ແມ່ນອີງໃສ່ການວິເຄາະຂໍ້ມູນຂອງນັກວິຊາການເກືອບ 200,000 ຄົນ ຈາກ 3,847 ສະຖາບັນ ໃນ 175 ປະເທດ ແລະ ພາກພື້ນ. ລວມທັງ 97,000 ບົດຄົ້ນຄວ້າກ່ຽວກັບ AI.
ຫ້ອງການສົ່ງເສີມການລົງທຶນ ແລະ ເຕັກໂນໂລຊີ (ITPOs) ຂອງອົງການພັດທະນາອຸດສາຫະກໍາຂອງສະຫະປະຊາຊາດ ແລະ ບໍລິສັດເຕັກໂນໂລຊີ ຕົງປີ້ ດາຕ້າ ຂອງຈີນ ໄດ້ຮ່ວມກັນເຜີຍແຜ່ບົດລາຍງານດັ່ງກ່າວໃນວັນທທີ 3 ກໍລະກົດ ຜ່ານມາ.
ຄໍາເຫັນ