ຮອງນາຍົກລັດຖະມົນຕີ ປະເທດມາເລເຊຍ, ທ່ານ ນາງ ດາລານີ ພົມມະວົງສາ ຮອງລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ(ຖວທ)ສປປ ລາວ; ມີບັນດາລັດຖະມົນຕີທ່ອງທ່ຽວອາຊຽນ, ພ້ອມດ້ວຍລັດຖະມົນຕີທ່ອງທ່ຽວຈາກ ຕີມໍແລັດສະເຕ ແລະ ຜູ້ແທນຈາກບັນດາປະເທດອາຊຽນ ຄະນະຜູ້ແທນຈາກພາກລັດ, ອົງການຈັດຕັ້ງສາກົນ, ນັກທຸລະກິດການທ່ອງທ່ຽວຈາກບັນດາປະເທດອາຊຽນເຂົ້າຮ່ວມ.
ໃນພິທີ, ທ່ານຮອງນາຍົກລັດຖະມົນມາເລເຊຍໄດ້ກ່າວວ່າ: ງານມະຫະກໍາການທ່ອງທ່ຽວອາຊຽນ 2025 (ATF)ຈັດຂຶ້ນພາຍໃຕ້ຫົວຂໍ້: ຄວາມສາມັກຄີໃນການເຄື່ອນໄຫວ ສ້າງອະນາຄົດການທ່ອງທ່ຽວຂອງອາຊຽນ (UNITY IN MOTION: SHAPING ASEAN’s TOURISM TOMORROW) ຊຶ່ງປີນີ້ ລັດຖະບານມາເລເຊຍໄດ້ຮັບກຽດເປັນເຈົ້າພາບ ງານດັ່ງກ່າວແມ່ນດຳເນີນມາແຕ່ວັນທີ 15-20 ມັງກອນ 2025 ງານຄັ້ງນີ້ ຈັດຂຶ້ນເພື່ອສົ່ງເສີມການທ່ອງທ່ຽວໃນບັນດາປະເທດອາຊຽນໃນຖານະເປັນຈຸດໝາຍປາຍທາງການທ່ອງທ່ຽວຮ່ວມກັນເປັນໜຶ່ງດຽວ,ໂດຍມີເປົ້າໝາຍເພື່ອພັດທະນາອຸດສາຫະກຳການທ່ອງທ່ຽວຂອງອາຊຽນໃຫ້ມີຄວາມຍືນຍົງ ແລະ ໃນນາມທີ່ປະເທດມາເລເຊຍໄດ້ເປັນປະທານອາຊຽນ ຢືນຢັນວ່າ: ຈະສືບຕໍ່ຊຸກຍູ້ສົ່ງເສີມການຮ່ວມມືດ້ານການທ່ອງທ່ຽວອາຊຽນໃຫ້ມີຄວາມຍືນຍົງ ຊຶ່ງປະເທດມາເລເຊຍໄດ້ສະແດງໃຫ້ເຫັນເຖິງບົດບາດສຳຄັນໃຫໃນການສົ່ງເສີມການທ່ອງທ່ຽວທາງດ້ານອະນຸລັດວັດທະນະທຳ, ການຮັກສາສິ່ງແວດລ້ອມດ້ວຍການຫຼຸດຜ່ອນກາກບອນໃນອຸດສາຫະກຳການບິນ, ພະລັງງານໝູນວຽນ ແລະ ການພັດທະນາການທ່ອງທ່ຽວທີ່ເປັນວັດທະນະທຳເຊັ່ນ: ການທ່ອງທ່ຽວຊຸມຊົນ, ການທ່ອງທ່ຽວລະບົບນິເວດ ແລະ ການທ່ອງທ່ຽວດ້ານອະນຸລັກ,ໂຄງການເຫຼົ່ານີ້ມີເປົ້າໝາຍເພື່ອໃຫ້ຊຸມຊົນໃນທ້ອງຖິ່ນໄດ້ຮັບຜົນປະໂຫຍດພ້ອມທັງຮັກສາຄວາມເປັນເອກະລັກທາງດ້ານວັດທະ
ນະທຳ ແລະ ການປົກປັກຮັກສາສິ່ງແວດລ້ອມ.
ງານ Asean Tourism Forum 2025 ນອກຈາກເປັນການຮ່ວມແລກປ່ຽນ ປຶກສາຫາລືໃນຂະແໜງການທ່ອງທ່ຽວອາຊຽນແລ້ວຍັງເປັນການຮ່ວມມືຂອງບັນດາປະເທດອາ
ຊຽນຮ່ວມກັນເພື່ອສ້າງເສດຖະກິດຈາກການທ່ອງທ່ຽວທີ່ແຂງແກ່ນຊຶ່ງສ້າງປະໂຫຍດຕໍ່ທຸກຝ່າຍຕັ້ງແຕ່ທ້ອງຖິ່ນໄປຈົນເຖິງທຸລະກິດຂະໜາດນ້ອຍ, ເພື່ອຮ່ວມກັນສ້າງລະບົບນິເວດການທ່ອງທ່ຽວທີ່ຍືນຍົງໃນໄລຍະຍາວ ແລະ ໃນໂອກາດດັ່ງກ່າວກໍໄດ້ມີພິທີເປີດປີທ່ອງທ່ຽວຂອງລັດຈໍຮໍ 2026 ອີກດ້ວຍ.
(ຂ່າວ-ພາບ: ຍຸພິນທອງ)
ຄໍາເຫັນ