 |
ໃນໂອກາດດັ່ງກ່າວ, ທ່ານ ສົມສະຫວາດ ເລັ່ງສະຫວັດ ໃນນາມຕາງໜ້າລັດຖະບານແຫ່ງ ສປປ ລາວ ທີ່ໄດ້ຮ່ວມລົງນາມໃນກົດບັດສະຖາບັນແມ່ນໍ້າຂອງ ໃນປີ 2003, ໄດ້ໃຫ້ກຽດຂຶ້ນ ກ່າວຄໍາເຫັນຊົມເຊີຍ, ໂດຍໄດ້ຫວນຄືນເຖິງບົດບາດຄວາມສໍາຄັນຂອງສະຖາບັນແມ່ນໍ້າຂອງ ໃນຖາ ນະເປັນອົງການຈັດຕັ້ງລະຫວ່າງລັດຖະບານຂອງປະເທດອະນຸພາກພື້ນແມ່ນໍ້າຂອງ, ໄດ້ຊົມເຊີຍ ໝາກຜົນແຫ່ງການເຕີບໃຫຍ່ຂະຫຍາຍຕົວ ຢ່າງມີຄຸນນະພາບຂອງສະຖາບັນແມ່ນໍ້າຂອງ ແລະ ບັນດາ ຜົນສຳເລັດອັນພົ້ນເດັ່ນທີ່ສ້າງມາໄດ້ຕະຫຼອດໄລຍະ 3 ທົດສະວັດ ຜ່ານມາ, ໂດຍສະເພາະການ ປະກອບສ່ວນສໍາຄັນ ເຂົ້າໃນການພັດທະນາຊັບພະຍາກອນມະນຸດ ໃນຂະແໜງກະສິກໍາ, ການຄ້າ, ການລົງທຶນ, ພະລັງງານ, ສິ່ງແວດລ້ອມ, ສາທາລະນະສຸກ, ດີຈີຕອນ ແລະ ຄົມມະນາຄົມຂົນສົ່ງ ໃຫ້ແກ່ບັນດາປະເທດໃນພາກພື້ນແມ່ນໍ້າຂອງ ລວມທັງ ສປປ ລາວ ຢ່າງຕໍ່ເນື່ອງຕະຫຼອດມາ, ພ້ອມ ທັງໄດ້ສະແດງຄວາມຂອບໃຈຕໍ່ທຸກພາກສ່ວນທີ່ກ່ຽວຂ້ອງ ຂອງບັນດາປະເທດອະນຸພາກພື້ນແມ່ນໍ້າ ຂອງ, ຄູ່ຮ່ວມພັດທະນາ ແລະ ອົງການຈັດຕັ້ງສາກົນ ທີ່ໄດ້ຊ່ວຍຊຸກຍູ້ການຈັດຕັ້ງປະຕິບັດວຽກງານ ຂອງສະຖາບັນແມ່ນໍ້າຂອງ ເພື່ອສະໜັບສະໜູນການພັດທະນາແບບຍືນຍົງ ແລະ ທົ່ວເຖິງຂອງພາກ ພື້ນ.
 |
ພ້ອມດຽວກັນນີ້, ທ່ານ ສົມບູນ ສີຫານາດ ຫົວໜ້າກົມເສດຖະກິດ ກະຊວງການຕ່າງປະເທດ ແຫ່ງ ສປປ ລາວ, ໃນນາມປະທານສະພາບໍລິຫານງານ ສະຖາບັນແມ່ນໍ້າຂອງ ໄດ້ຂຶ້ນກ່າວຕ້ອນຮັບ ໃນງານສະເຫຼີມສະຫຼອງດັ່ງກ່າວ, ໂດຍໄດ້ຍົກໃຫ້ເຫັນເປົ້າໝາຍລວມຂອງການສ້າງຕັ້ງສະຖາບັນແມ່ ນໍ້າຂອງ, ຜົນສຳເລັດອັນສໍາຄັນທີ່ສ່ອງແສງໃຫ້ເຫັນເຖິງຖານະບົດບາດຂອງສະຖາບັນແມ່ນໍ້າຂອງ ໄດ້ ນັບມື້ນັບສູງເດັ່ນຂຶ້ນ ໃນເວທີພາກພື້ນ ແລະ ສາກົນ, ພ້ອມທັງໄດ້ຊຸກຍູ້ໃຫ້ສະຖາບັນແມ່ນໍ້າຂອງ ສືບຕໍ່ເສີມຂະຫຍາຍໝາກຜົນຕ່າງໆທີ່ຜ່ານມາ ແລະ ໃຫ້ສາມາດຮັບມືກັບສິ່ງທ້າທາຍ ໃນປັດຈຸບັນ ແລະ ອະນາຄົດ ເພື່ອສືບຕໍ່ຍົກສູງຂີດຄວາມສາມາດໃຫ້ແກ່ຊັບພະຍາກອນມະນຸດ, ຊຸກຍູ້ການແລກ ປ່ຽນສົນທະນາລະດັບພາກພື້ນທາງດ້ານນະໂຍບາຍ ແລະ ຄວາມຮູ້ວິຊາການ ແລະ ສົ່ງເສີມການ ຮ່ວມມື ແລະ ການເຊື່ອມໂຍງພາກພື້ນ ໃຫ້ກວ້າງຂວາງກວ່າເກົ່າ, ໂດຍສະເພາະການຈັດຕັ້ງປະຕິບັດ ແຜນຍຸດທະສາດຂອງສະຖາບັນແມ່ນໍ້າຂອງ ໄລຍະປີ 2026-2030 ໃຫ້ບັນລຸຜົນສໍາເລັດ ແລະ ນໍາຜົນປະໂຫຍດຕົວຈິງມາສູ່ພາກພື້ນແມ່ນໍ້າຂອງ.
 |
ນອກຈາກນີ້, ທ່ານ ສຸຣະກຽດ ສະຖຽນໄທ ອະດີດຮອງນາຍົກລັດຖະມົນຕີ ແຫ່ງຣາຊະ ອານາຈັກໄທ, ໃນນາມຕາງໜ້າລັດຖະບານ ແຫ່ງ ຣາຊະອານາຈັກໄທ ທີ່ໄດ້ຮ່ວມລົງນາມໃນກົດ ບັດສະຖາບັນແມ່ນໍ້າຂອງ, ກໍໄດ້ໃຫ້ກຽດຂຶ້ນກ່າວຄໍາເຫັນຊົມເຊີຍເຊັ່ນດຽວກັນ ແລະ ທ່ານ ເຕດ ບຸນນາກ ອະດີດລັດຖະມົນຕີກະຊວງການຕ່າງປະເທດ ແຫ່ງ ຣາຊະອານາຈັກໄທ, ທີ່ປຶກສາກິຕິມະສັກ ສະພາບໍລິຫານງານ ສະຖາບັນແມ່ນໍ້າຂອງ ໄດ້ໃຫ້ກຽດກ່າວເປີດງານສະເຫຼີມສະຫຼອງດັ່ງກ່າວ. ທັງ ສອງທ່ານ ລ້ວນແລ້ວແຕ່ແມ່ນເພື່ອນຮ່ວມງານທີ່ດີຂອງ ທ່ານ ສົມສະຫວາດ ເລັ່ງສະຫວັດ ອະ ດີດຮອງນາຍົກລັດຖະມົນຕີ ແຫ່ງ ສປປ ລາວ ໃນໄລຍະເຄື່ອນໄຫວວຽກງານການພົວພັນຕ່າງປະເທດ ຜ່ານມາ ລະຫວ່າງ ສປປ ລາວ ແລະ ຣາຊະອານາຈັກໄທ ທັງໃນຂອບສອງຝ່າຍ ແລະ ຫຼາຍຝ່າຍ.
(ຂ່າວ: ກຕທ)
ຄໍາເຫັນ