, ມີສະຫາຍ ພັນໂທ ວັນເຮືອງ ສີວິໄລ ເລຂາໜ່ວຍພັກຫົວໜ້າກອງບັນນາທິການໜັງສືພິມກອງທັບ, ມີຄະນະພັກ-ຄະນະບັນຊາ, ສະມາຊິກພັກ ແລະ ແຂກຖືກເຊີນເຂົ້າຮ່ວມ.
ສະຫາຍ ພັນໂທ ວັນເຮືອງ ສີວິໄລ ໄດ້ຜ່ານບົດລາຍງານການເມືອງທັງສອງພາກ ຍົກໃຫ້ເຫັນການນຳພາຈັດຕັ້ງປະຕິບັດມະຕິກອງປະຊຸມໃຫຍ່ສະມາຊິກພັກຄັ້ງທີ X ຂອງໜ່ວຍພັກໜັງສືພິມກອງທັບໃນຊຸມປີຜ່ານມາ, ຄະນະໜ່ວຍພັກໄດ້ຈັດຕັ້ງເຊື່ອມຊຶມ ແລະ ຫັນແນວທາງນະໂຍບາຍມະຕິຄຳສັ່ງຂອງພັກໃນແຕ່ລະໄລຍະ ໂດຍສະເພາະມະຕິກອງປະຊຸມໃຫຍ່ສະມາຊິກພັກຄັ້ງທີ XI ຂອງພັກ, ມະຕິກອງປະຊຸມໃຫຍ່ຄັ້ງທີ V ຂອງອົງຄະນະພັກກະຊວງປ້ອງກັນປະເທດ ວ່າດ້ວຍ 4 ໜ້າທີ່ໃຫຍ່ 26 ແຜນງານໃຫ້ເປັນແຜນການອັນລະອຽດ ແລະ ແທດເໝາະກັບໜ້າທີ່ການເມືອງຂອງກົມກອງ ສະແດງອອກດ້ານການນຳພາຈັດຕັ້ງປະຕິບັດວຽກງານວິຊາສະເພາະໄດ້ເອົາໃຈໃສ່ຊີ້ນຳການຜະລິດໜັງສືພິມອອກຈຳໜ່າຍ.ໃນ 5 ປີຜ່ານມາໄດ້ຜະລິດໜັງສືພິມທັງໝົດ 253 ເທື່ອ, ມີ 720.262 ສະບັບ, ສະໜອງຂ່າວ 20.268 ຂ່າວ, ບົດ 3.369 ບົດ, ຮູບພາບ 10.368 ຮູບ, ເອົາໃຈໃສ່ປັບປຸງພັດທະນາ ເນື້ອໃນໜັງສືພິມໃຫ້ນັບມື້ມີຄວາມອຸດົມສົມບູນ, ຄົມແຫຼມ, ຫຼາກຫຼາຍສີສັນ ແລະ ທັນສະໄໝ ເພື່ອດຶງດູດຜູ້ອ່ານທັງຮັບໃຊ້ໜ້າທີ່ການເມືອງໃນການເປັນກະບອກສຽງຂອງຄະນະພັກ ແລະ ກະຊວງປ້ອງກັນປະເທດ, ຮັບປະກັນການໂຄສະນາໄປຕາມທິດຊີ້ນຳຂອງພັກ-ລັດ, ປະກອບສ່ວນເຂົ້າໃນການປຸກລະດົມຊຸກຍູ້ການປະຕິບັດ 2 ໜ້າທີ່ຍຸດທະສາດຂອງພັກ.ກອງປະຊຸມໄດ້ປ່ອນບັດຄັດເລືອກເອົາຄະນະໜ່ວຍພັກຊຸດໃໝ່, ໃນນີ້ໄດ້ເຫັນດີເປັນເອກະສັນເລືອກເອົາສະຫາຍ ພັນໂທ ວັນເຮືອງ ສີວິໄລ ເປັນເລຂາໜ່ວຍພັກ, ສະຫາຍ ພັນໂທ ອາໄພ ອະໄພຍະວົງເປັນຮອງເລຂາ, ສະຫາຍ ພັນໂທ ຄອນສະຫວັນ ໄຊຍະລາດ ເປັນປະທານກວດກາ, ສະຫາຍ ພັນໂທ ສິດທິພອນຫຼ້າບຸນມີ ເປັນຄະນະ, ສະຫາຍ ພັນຕີ ວັນໄຊ ໄຊສະຫວັດ ເປັນຄະນະ.
ໂອກາດນີ້,ສະຫາຍ ພົນຕີ ໄພວັນ ຈັນທະພົມມາ ໄດ້ມີຄຳເຫັນໂອ້ລົມ ແລະ ຮຽກຮ້ອງໃຫ້ຄະນະພັກ ໜັງສືພິມກອງທັບ ເພີ່ມທະວີບົດບາດການຊີ້ນຳ-ນຳພາວຽກງານວິຊາສະເພາະໃຫ້ມີຄວາມຮັບປະກັນ, ກາຍເປັນພາຫະນະອັນແຫຼມຄົມໃນສະໜາມຮົບ ກໍຄືເປັນກະບອກສຽງໃຫ້ແກ່ຄະນະພັກກະຊວງປ້ອງກັນປະເທດໃນການເຜີຍແຜ່ແນວທາງນະໂຍບາຍຂອງພັກ-ລັດ, ມະຕິຄຳສັ່ງຂອງຂັ້ນເທິງອອກສູ່ສັງຄົມໃຫ້ຖືກຕ້ອງວ່ອງໄວ ຮັບປະກັນ ແລະ ທັນສະໄໝ, ພ້ອມທັງສ້າງທຸກເງື່ອນໄຂເພື່ອຍົກລະດັບພະນັກງານໃຫ້ມີຄວາມຮູ້-ຄວາມສາມາດ, ມີຄວາມສຳນິຊຳນານໃນໜ້າທີ່ວຽກວິຊາສະເພາະສາມາດເຮັດສຳເລັດໜ້າທີ່ໃນການຜະລິດໜັງສືພິມໃຫ້ມີຄຸນນະພາບສູງເປັນທີ່ນິຍົມຂອງສັງຄົມ.
ຂ່າວ-ພາບ: ລີຕ່າ
ຄໍາເຫັນ