ຍີ່ປຸ່ນເພີ່ມກົດລະບຽບປີນພູເຂົາໄຟຟູຈິ ຫຼັງຈຳນວນນັກທ່ອງທ່ຽວຕ່າງປະເທດເພີ່ມຂຶ້ນ

ຍີ່ປຸ່ນເພີ່ມກົດລະບຽບປີນພູເຂົາໄຟຟູຈິ ຫຼັງຈຳນວນນັກທ່ອງທ່ຽວຕ່າງປະເທດເພີ່ມຂຶ້ນ

13:28 23/04/2025

ຂ່າວຕ່າງປະເທດລາຍງານ ໃນທ້າຍອາທິດຜ່ານມາວ່າ: ແຂວງຢາມານາຊິ ຜູ້ເບິ່ງແຍງເສັ້ນທາງ ປີນພູໂຍຊິດະ ຊຶ່ງເປັນເສັ້ນທາງທີ່ນິຍົມສຳລັບປີນພູເຂົາໄຟຟູຈິ, ປະກາດກົດລະບຽບໃໝ່ທີ່ເຂັ້ມງວດຫຼາຍຂຶ້ນສໍາລັບຜູ້ທີ່ຕ້ອງການປີນພູເຂົາໄຟຟູຈິ,ໃນຂະນະທີ່ກະກຽມເປີດໃຫ້ຈອງເສັ້ນທາງປີນພູຜ່ານລະບົບອອນລາຍໃນອາທິດໜ້າ.

ໂດຍການຈອງຜ່ານລະບົບອອນລາຍນັ້ນ,ນັກທ່ອງທ່ຽວຕ້ອງຍອມຮັບເງື່ອນໄຂຕ່າງໆລວມທັງການນຸ່ງເສື້ອກັນໜາວ ແລະເກີບທີ່ເໝາະສົມສໍາລັບການປີນພູ. ຖ້າຫາກວ່າບໍ່ປະຕິບັດຕາມຂໍ້ກໍານົດ ອາດຈະຖືກປະຕິເສດບໍ່ອະນຸຍາດໃຫ້ປີນພູໂດຍໃຊ້ເສັ້ນທາງໂຍຊິດະ.

ຂ່າວສານກຽວໂດລາຍງານວ່າ:ມາດຕະການໃໝ່ນີ້ມີຂຶ້ນໃນຂະນະທີ່ຈຳນວນນັກທ່ອງທ່ຽວຕ່າງປະເທດເພີ່ມຫຼາຍຂຶ້ນຢ່າງຕໍ່ເນື່ອງ. ໂດຍປີຜ່ານມາ, ພົບວ່າມີນັກທ່ອງທ່ຽວຈຳນວນຫຼາຍນຸ່ງເຄື່ອງບໍ່ເໝາະສົມກັບສະພາບດິນຟ້າອາກາດຢູ່ເທິງພູ. ດັ່ງນັ້ນ, ເຈົ້າໜ້າທີ່ຈຶ່ງພະຍາຍາມແກ້ໄຂບັນຫານີ້ ກ່ອນທີ່ລະດູປີນພູຈະເລີ່ມຂຶ້ນໃນຕົ້ນເດືອນກໍລະກົດນີ້.

ຜູ້ທີ່ຕ້ອງການຈອງເສັ້ນທາງປີນພູໂຍຊິດະ ສາມາດຈອງຜ່ານເວັບໄຊທາງການ, ພ້ອມດ້ວຍການຊຳລະເງິນລ່ວງໜ້າ 4,000 ເຢນ (ປະມານ 28 ໂດລາ).

ສ່ວນແຂວງຊິຊູໂອກະຜູ້ເບິ່ງແຍງເສັ້ນທາງຍ່າງປີນພູອີກສາມເສັ້ນທາງ ກຽມເປີດໃຫ້ຈອງເສັ້ນທາງປີນພູຜ່ານລະບົບອອນລາຍໃນຕົ້ນເດືອນພຶດສະພານີ້. ພ້ອມທັງເກັບຄ່າທຳນຽມ 4,000 ເຢນ.

ຄໍາເຫັນ

ຂ່າວຕ່າງປະເທດ

ເສດຖະກິດ 6 ປະເທດອາຊຽນຈະເຕີບໂຕໃນອັດຕາສະເລ່ຍ 4.8% ໃນອີກ 10 ປີຂ້າງໜ້າ

18/09/2026 19:41

ສຳນັກຂ່າວສານຊິນຮວາລາຍງານໃນວັນທີ 17 ກັນຍາ ຜ່ານມາວ່າ: ບົດລາຍງານການຄາດຄະເນ 6 ປະເທດທີ່ມີເສດຖະກິດໃຫຍ່ທີ່ສຸດໃນອາຊີຕາເວັນອອກສ່ຽງໃຕ້ຄື: ອິນໂດເນເຊຍ, ມາເລເຊຍ, ຟີລິບປິນ, ສິງກະໂປ, ໄທ ແລະ ຫວຽດນາມ ຈະເຕີບໂຕໃນອັດຕາສະເລ່ຍ 4.8% ຕໍ່ປີ ລະຫວ່າງປີ 2026 - 2035, ໂດຍໄດ້ຮັບແຮງຂັບເຄື່ອນຈາກການລົງທຶນຈາກຕ່າງປະເທດ ແລະ ການສະສົມທຶນ ຢ່າງຕໍ່ເນື່ອງ, ການພັດທະນາອຸດສາຫະກຳ ແລະ ພື້ນຖານໂຄງລ່າງ, ລວມທັງຜົນຜະລິດທີ່ເພີ່ມຂຶ້ນຈາກການນໍາໃຊ້ເຕັກໂນໂລຊີ.

ທ່ານ ສີຈິ້ນຜິງ ໃຫ້ທິດຊີ້ນຳທີ່ສຳຄັນກ່ຽວກັບການພັດທະນາອຸດສາຫະກຳການຜະລິດທີ່ກ້າວໜ້າ

18/09/2026 19:39

ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ຫວ່າງມໍ່ໆມານີ້, ທ່ານ ສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ ປະທານປະເທດ ປະທານຄະນະກຳມະການການທະຫານສູນກາງຈີນໄດ້ໃຫ້ທິດຊີ້ນຳທີ່ສຳຄັນກ່ຽວກັບການພັດທະນາອຸດສາຫະກຳການຜະລິດທີ່ກ້າວໜ້າ ໂດຍຊີ້ໃຫ້ເຫັນວ່າ: ນັບແຕ່ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 18 ຂອງພັກກອມມູນິດຈີນເປັນຕົ້ນມາ, ອຸດສາຫະກຳການຜະລິດທີ່ກ້າວໜ້າຂອງຈີນໄດ້ຮັບການພັດທະນາ ແລະ ຂະຫຍາຍຕົວຢ່າງບໍ່ຢຸດຢັ້ງ, ກຳລັງປະດິດສ້າງໃໝ່, ກຳລັງແຂ່ງຂັນ ແລະ ກຳລັງສັງລວມໄດ້ຮັບການເພີ່ມທະວີຂຶ້ນຢ່າງຈະແຈ້ງ, ການສ້າງປະເທດທີ່ເຂັ້ມແຂງດ້ານການຜະລິດໄດ້ມີບາດກ້າວທີ່ໜັກແໜ້ນ.

ຄະນະຊີ້ນຳການສະຫຼຸບ 100 ປີແຫ່ງພັກນໍາພາການປະຕິວັດ ຫວຽດນາມ ຈັດກອງປະຊຸມວາລະທີສອງ

18/09/2026 15:18

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 17 ກັນຍາ ຜ່ານມາ ທີ່ສຳນັກງານສູນກາງພັກ, ຄະນະຊີ້ນຳການສະຫຼຸບ 100 ປີແຫ່ງພັກນໍາພາການປະຕິວັດ ຫວຽດນາມ, ການກຳນົດທິດນຳພາການພັດທະນາປະເທດຊາດ ໃນ 100 ປີຕໍ່ໄປ ແລະ ສະຫຼຸບ 40 ປີແຫ່ງການປະຕິບັດໂຄງການການເມືອງ ສ້າງສາປະເທດຊາດໃນໄລຍະຂ້າມຜ່ານຂຶ້ນສັງຄົມນິຍົມ ຄະນະຊີ້ນຳໄດ້ຈັດການປະຊຸມວາລະທີສອງ. ໂດຍມີ ທ່ານ ໂຕເລິມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ປະທານປະເທດ ຫວຽດນາມ ເປັນປະທານວາລະປະຊຸມ.

ຈີນ ສ້າງພະລັງຂັບເຄື່ອນໃຫ້ແກ່ການຕໍ່ຕ້ານການຫຼອກລວງທາງໂທລະຄົມທົ່ວໂລກ

18/09/2026 11:50

ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ໃນການຕໍ່ຕ້ານການຫຼອກລວງທາງໂທລະຄົມຂ້າມຊາຍແດນທົ່ວໂລກ, ຈີນໄດ້ກ້າວຂ້າມບົດບາດຂອງຜູ້ຖືກເຄາະຮ້າຍ ແລະ ກ້າວຂຶ້ນມາເປັນຜູ້ປົກປ້ອງທີ່ມີລັກສະນະຕັດສິນຄວາມໝັ້ນຄົງສາກົນ ໂດຍການຊຸກຍູ້ການປ່ຽນແປງຮູບແບບການບໍລິຫານຈາກການຕໍ່ຕ້ານຂອງໃຜຂອງລາວໄປສູ່ການຕໍ່ຕ້ານແບບປະສານງານໃນທົ່ວໂລກ.

ນັກທ່ອງທ່ຽວຕ່າງປະເທດທີ່ມາຢ້ຽມຢາມຍີ່ປຸ່ນໃນເດືອນສິງຫາ ຫຼຸດລົງ 9.6%

17/09/2026 12:55

ຂ່າວຕ່າງປະເທດລາຍງານວ່າ: ອົງການທ່ອງທ່ຽວແຫ່ງຊາດຍີ່ປຸ່ນ (JNTO) ໄດ້ເປີດເຜີຍໃນວັນທີ 16 ກັນຍາ ຜ່ານມາວ່າ: ຈຳນວນນັກທ່ອງທ່ຽວຕ່າງປະເທດທີ່ເດີນທາງມາຢ້ຽມຢາມຍີ່ປຸ່ນໃນເດືອນສິງຫາຫຼຸດລົງ 9.6% ເມື່ອທຽບກັບປີກ່ອນ ມາຢູ່ທີ່ 3.10 ລ້ານຄົນ ເນື່ອງຈາກຄວາມຕ້ອງການທ່ອງທ່ຽວທີ່ງຽບເຫງົ້າລົງຕາມລະດູການຂອງບາງປະເທດໃນອາຊີຕາເວັນອອກສ່ຽງໃຕ້.

ກຳປູເຈຍ ຈະຫ້າມການພະນັນອອນລາຍໃນຄາສິໂນທຸກແຫ່ງ

17/09/2026 12:50

ສຳນັກຂ່າວສານຊິນຮວາລາຍງານໃນວັນທີ 16 ກັນຍາ ຜ່ານມາວ່າ: ທ່ານ ຮຸນ ມາແນດ ນາຍົກລັດຖະມົນຕີກຳປູເຈຍ ໄດ້ປະກາດວ່າ, ກຳປູເຈຍຈະຢຸດການດຳເນີນທຸລະກິດການພະນັນອອນລາຍທັງໝົດຂອງຄາສິໂນທີ່ມີສະຖານທີ່ຕົວຈິງ ຕັ້ງແຕ່ຕົ້ນເດືອນຕຸລາເປັນຕົ້ນໄປ ເພື່ອປາບປາມການຫຼອກລວງທີ່ອີງໃສ່ເຕັກໂນໂລຊີ ແລະ ການຟອກເງິນທີ່ຜິດກົດໝາຍ ຍ້ອນວ່າການພະນັນອອນລາຍໄດ້ກາຍເປັນເລື່ອງຍາກທີ່ຈະຄວບຄຸມ.

Moody's ເປີດເຜີຍ ເສດຖະກິດອາຊຽນມີຄວາມຍືດຍຸ່ນຫຼາຍກວ່າທີ່ຄາດຄະເນໄວ້

17/09/2026 12:48

ສຳນັກຂ່າວສານຊິນຮວາລາຍງານ ຫວ່າງມໍ່ໆມານີ້ວ່າ: Moody's Analytics ບໍລິສັດຜູ້ໃຫ້ບໍລິການດ້ານຂໍ້ມູນ ທາງການເງິນ ລາຍງານວ່າ, ເສດຖະກິດຂອງອາຊີຕາເວັນອອກສ່ຽງໃຕ້ມີຄວາມຍືດຍຸ່ນຫຼາຍກວ່າທີ່ຄາດຄະເນໄວ້ ໃນປີ 2026, ໂດຍໄດ້ຮັບແຮງຂັບເຄື່ອນຈາກການສົ່ງອອກ ແລະ ການຂະຫຍາຍຕົວຂອງການລົງທຶນທີ່ໄດ້ຮັບແຮງຂັບເຄື່ອນຈາກການເຕີບໂຕຂອງປັນຍາປະດິດ (AI). ເຖິງຢ່າງໃດກໍຕາມ, ຄວາມສ່ຽງພາຍນອກຍັງຄົງຢູ່ເຊັ່ນ: ລາຄາພະລັງງານທີ່ສູງຂຶ້ນ ແລະ ມາດຕະການພາສີອາກອນຂອງ ສະຫະລັດ ອາເມຣິກາ, ບວກກັບຄວາມຕ້ອງການພາຍໃນປະເທດທີ່ອ່ອນແອ ຊຶ່ງອາດຈະກົດດັນທ່າອ່ຽງເສດຖະກິດ ແລະ ເຮັດໃຫ້ຊ່ອງວ່າງການເຕີບໂຕລະຫວ່າງປະເທດກວ້າງຂວາງຂຶ້ນ.

ການບໍລິການຂອງຈີນ” ນໍາເອົາສິ່ງໃດມາໃຫ້ແກ່ໂລກ

17/09/2026 12:39

ງານມະຫະກຳການຄ້າການບໍລິການສາກົນຈີນປີ 2026 ໄດ້ຈັດຂຶ້ນຢູ່ນະຄອນຫຼວງປັກກິ່ງຂອງຈີນໃນລະຫວ່າງວັນທີ 9-13 ກັນຍານີ້, ວິສາຫະກິດທີ່ນອນຢູ່ໃນ 500 ອັນດັບສຸດຍອດວິສາຫະກິດລະດັບໂລກ ແລະ ວິສາຫະກິດນຳໜ້າອຸດສາຫະກໍາ 400 ກວ່າແຫ່ງຈາກ 90 ປະເທດ ແລະ ອົງການຈັດຕັ້ງສາກົນໄດ້ເຂົ້າຮ່ວມ ແລະ ບັນລຸຜົນສໍາເລັດ 1,200 ກວ່າລາຍການ ເຮັດໃຫ້ງານມະຫະກຳຄັ້ງນີ້ສະແດງໃຫ້ເຫັນຢ່າງຈະແຈ້ງອີກຄັ້ງວ່າ: ຈີນພວມສະໜອງເວທີການຮ່ວມມື ແລະ ໂອກາດການເຕີບໂຕໃຫ້ແກ່ໂລກດ້ວຍການຄ້າການບໍລິການຂອງຕົນ.

ງານວາງສະແດງສິນຄ້າຈີນ - ອາຊຽນ ຄັ້ງທີ 23

17/09/2026 12:35

ວິທະຍຸ, ໂທລະພາບສູນກາງຈີນ (CMG) ລາຍງານວ່າ: ໃນວັນທີ 17 ກັນຍານີ້, ງານວາງສະແດງສິນຄ້າຈີນ-ອາຊຽນຄັ້ງທີ 23 ໄດ້ເປີດຂຶ້ນຢູ່ນະຄອນໜານໜິງ ເຂດປົກຄອງຕົນເອງເຜົ່າຈວ້າງກວາງຊີ ຈີນ, ໂດຍມີວິສາຫະກິດຫຼາຍກວ່າ 3,400 ແຫ່ງຈາກ 70 ກວ່າປະເທດ ແລະ ເຂດແຄວ້ນເຂົ້າຮ່ວມ, ຕີມໍແລັສເຕ ໄດ້ເຂົ້າຮ່ວມງານເປັນຄັ້ງທຳອິດໃນຖານະເປັນຜູ້ຮ່ວມຈັດງານ, ນີ້ແມ່ນເປັນຄັ້ງທຳອິດທີ່ 11 ປະເທດສະມາຊິກອາຊຽນໄດ້ມາເຕົ້າໂຮມກັນຢູ່ນະຄອນໜານໜິງຫຼັງຈາກອາຊຽນໄດ້ເພີ່ມປະເທດຕີມໍແລັສເຕເຂົ້າເປັນສະມາຊິກ.

ຫວຽດນາມ ຍົກສູງລັດທິຫຼາຍຝ່າຍ ການສົນທະນາ ແລະ ກົດໝາຍສາກົນ

17/09/2026 12:32

ວິທະຍຸກະຈາຍສຽງຫວຽດນາມລາຍງານວ່າ: ໃນວັນທີ 16 ກັນຍາ ຜ່ານມາ, ເວທີປາໄສຊຽງຊານ ປັກກິ່ງ ຄັ້ງທີ 13 ໄດ້ເປີດຂຶ້ນທີ່ນະຄອນຫຼວງປັກກິ່ງ ປະເທດຈີນ. ທ່ານພົນເອກ ຟານວັນຢາງ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນປະເທດ ຫວຽດນາມ ໄດ້ນຳພາຄະນະຜູ້ແທນຂັ້ນສູງກະຊວງປ້ອງກັນປະເທດ ຫວຽດນາມ ເຂົ້າຮ່ວມເວທີປາໄສ ແລະ ມີບົດກ່າວຄຳເຫັນທີ່ສຳຄັນໃນກອງປະຊຸມຄົບຄະນະຄັ້ງທີ 1 ພາຍໃຕ້ຫົວຂໍ້ "ຄວາມເປັນລະບຽບຮຽບຮ້ອຍສາກົນ ແລະ ຄວາມໝັ້ນຄົງດ້ານຍຸດທະສາດ.

ເພີ່ມເຕີມ