ລັດຖະບານຍີ່ປຸ່ນໄດ້ໃຫ້ການຊ່ວຍເຫຼືອ ມູນຄ່າປະມານ 71.500 ໂດລາ ໃນການສະໜັບສະໜູນໂຄງການດ້ານການສຶກສາ ເພື່ອປັບປຸງສະພາບການຮຽນຂອງນັກຮຽນ ແລະ ການສອນຂອງຄູອາຈານ ໂຮງຮຽນມັດທະຍົມຕົ້ນ ມົກໂຊ ໃນເມືອງຜາອຸດົມ ແຂວງບໍ່ແກ້ວ ພາຍໃຕ້ໂຄງການເສີມສ້າງຄວາມໝັ້ນຄົງຂອງມະນຸດຂັ້ນຮາກຖານ (GGP) ຊຶ່ງຈະເປັນການໃຫ້ທຶນ ເພື່ອກໍ່ສ້າງອາຄານຮຽນໃໝ່ ພ້ອມທັງສະໜອງອຸປະກອນເຄື່ອງໃຊ້ໃຫ້ແກ່ໂຮງຮຽນດັ່ງກ່າວ.
ພິທີເຊັນສັນຍາໂຄງການນີ້, ຈັດຂຶ້ນເມື່ອວັນທີ 27 ກັນຍາຜ່ານມາ ທີ່ນະຄອນຫຼວງວຽງຈັນ ໂດຍການລົງນາມລະຫວ່າງ ທ່ານ ໂຄບະຢະຊິ ເຄັນອິຈິ ເອກອັກຄະຣາຊະທູດຜູ້ມີອໍານາດເຕັມ ແຫ່ງຍີ່ປຸ່ນ ປະຈໍາ ສປປ ລາວ ແລະ ທ່ານ ແພງມະນີ ລໍມະນີ ຫົວໜ້າຫ້ອງການສຶກສາທິການ ແລະ ກິລາເມືອງຜາອຸດົມ; ໂດຍມີ ທ່ານ ຄໍາຜະຫຍາ ພົມປັນຍາ ຮອງເຈົ້າແຂວງບໍ່ແກ້ວ ເຂົ້າຮ່ວມເປັນສັກຂີພິຍານ.
ທ່ານ ຄໍາຜະຫຍາ ພົມປັນຍາ ກ່າວວ່າ: ການຊ່ວຍເຫຼືອຂອງລັດຖະບານຍີ່ປຸ່ນ ໄດ້ປະກອບສ່ວນເຂົ້າໃນວຽກງານພັດທະນາເສດຖະກິດ-ສັງຄົມ ຂອງແຂວງບໍ່ແກ້ວໃນຫຼາຍດ້ານ ຊຶ່ງປະເທດລາວກໍເປັນປະເທດໜຶ່ງທີ່ກຳລັງເອົາໃຈໃສ່ໃນການບັນລຸເປົ້າໝາຍການພັດທະນາແບບຍື່ນຍົງ (SDGs) ແລະ ການຫຼຸດພົ້ນອອກຈາກປະເທດດ້ອຍພັດທະນາ ຊຶ່ງການຊ່ວຍເຫຼືອອັນລໍ້າຄ່າໃນຄັ້ງນີ້ ມີຄວາມສຳຄັນຢ່າງຍິ່ງ ແລະ ເປັນການປະກອບສ່ວນໃຫ້ແຂວງບໍ່ແກ້ວ ສາມາດສ້າງສະພາບແວດລ້ອມທີ່ມີຄວາມປອດໄພ ແລະ ຮັບປະກັນໃຫ້ນ້ອງນັກຮຽນ ມີຜົນການຮຽນທີ່ດີຍິ່ງຂຶ້ນ ທັງເປັນການສົ່ງເສີມການສ້າງຊັບພະຍາກອນມະນຸດໃຫ້ມີຄຸນນະພາບສູງ ທີ່ຈະກາຍເປັນອະນາຄົດຂອງຊາດໃນພາຍພາກໜ້າ. ເມືອງຜາອຸດົມ ກໍແມ່ນໜຶ່ງໃນເມືອງທຸກຍາກຂອງແຂວງ ແລະ ການຊ່ວຍເຫຼືອດັ່ງກ່າວ ຈະເປັນການສ້າງຄວາມເຂັ້ມແຂງໃຫ້ແກ່ການສຶກສາໃນເມືອງນີ້.
ທ່ານ ໂຄບະຢະຊິ ເຄັນອິຈິ ກ່າວວ່າ: ໂຮງຮຽນແຫ່ງນີ້, ມີອາຄານຮຽນທີ່ເກົ່າ, ຊຸດໂຊມ ຕາມການເວລາ, ຝາຂັ້ນລະຫວ່າງຫ້ອງຮຽນ ກໍເປ່ເພຢ່າງໜັກ ເຮັດໃຫ້ໄດ້ຍິນສຽງຈາກຫ້ອງຂ້າງ ກາຍເປັນການລົບກວນສະມາທິຂອງນັກຮຽນ. ພ້ອມນີ້, ທ່ານທູດກໍສະແດງຄວາມຫວັງວ່າ: ຜ່ານການຊ່ວຍເຫຼືອຈາກລັດຖະບານຍີ່ປຸ່ນໃນຄັ້ງນີ້ ຈະຊ່ວຍໃຫ້ສະພາບແວດລ້ອມການສຶກສາຮໍ່າຮຽນຂອງນັກຮຽນ ທີ່ຈະກາຍເປັນອະນາຄົດຂອງຊາດໄດ້ຮັບການແກ້ໄຂ, ພ້ອມທັງເປັນການປັບປຸງສະພາບການເຮັດວຽກຂອງຄູ-ອາຈານ ແລະ ພະນັກງານໃນໂຮງຮຽນອີກດ້ວຍ.
(ຂ່າວ: ສຸກສະຫວັນ, ຂໍ້ມູນຈາກ: ສະຖານທູດຍີ່ປຸ່ນ)
ພິທີເຊັນສັນຍາໂຄງການນີ້, ຈັດຂຶ້ນເມື່ອວັນທີ 27 ກັນຍາຜ່ານມາ ທີ່ນະຄອນຫຼວງວຽງຈັນ ໂດຍການລົງນາມລະຫວ່າງ ທ່ານ ໂຄບະຢະຊິ ເຄັນອິຈິ ເອກອັກຄະຣາຊະທູດຜູ້ມີອໍານາດເຕັມ ແຫ່ງຍີ່ປຸ່ນ ປະຈໍາ ສປປ ລາວ ແລະ ທ່ານ ແພງມະນີ ລໍມະນີ ຫົວໜ້າຫ້ອງການສຶກສາທິການ ແລະ ກິລາເມືອງຜາອຸດົມ; ໂດຍມີ ທ່ານ ຄໍາຜະຫຍາ ພົມປັນຍາ ຮອງເຈົ້າແຂວງບໍ່ແກ້ວ ເຂົ້າຮ່ວມເປັນສັກຂີພິຍານ.
ທ່ານ ຄໍາຜະຫຍາ ພົມປັນຍາ ກ່າວວ່າ: ການຊ່ວຍເຫຼືອຂອງລັດຖະບານຍີ່ປຸ່ນ ໄດ້ປະກອບສ່ວນເຂົ້າໃນວຽກງານພັດທະນາເສດຖະກິດ-ສັງຄົມ ຂອງແຂວງບໍ່ແກ້ວໃນຫຼາຍດ້ານ ຊຶ່ງປະເທດລາວກໍເປັນປະເທດໜຶ່ງທີ່ກຳລັງເອົາໃຈໃສ່ໃນການບັນລຸເປົ້າໝາຍການພັດທະນາແບບຍື່ນຍົງ (SDGs) ແລະ ການຫຼຸດພົ້ນອອກຈາກປະເທດດ້ອຍພັດທະນາ ຊຶ່ງການຊ່ວຍເຫຼືອອັນລໍ້າຄ່າໃນຄັ້ງນີ້ ມີຄວາມສຳຄັນຢ່າງຍິ່ງ ແລະ ເປັນການປະກອບສ່ວນໃຫ້ແຂວງບໍ່ແກ້ວ ສາມາດສ້າງສະພາບແວດລ້ອມທີ່ມີຄວາມປອດໄພ ແລະ ຮັບປະກັນໃຫ້ນ້ອງນັກຮຽນ ມີຜົນການຮຽນທີ່ດີຍິ່ງຂຶ້ນ ທັງເປັນການສົ່ງເສີມການສ້າງຊັບພະຍາກອນມະນຸດໃຫ້ມີຄຸນນະພາບສູງ ທີ່ຈະກາຍເປັນອະນາຄົດຂອງຊາດໃນພາຍພາກໜ້າ. ເມືອງຜາອຸດົມ ກໍແມ່ນໜຶ່ງໃນເມືອງທຸກຍາກຂອງແຂວງ ແລະ ການຊ່ວຍເຫຼືອດັ່ງກ່າວ ຈະເປັນການສ້າງຄວາມເຂັ້ມແຂງໃຫ້ແກ່ການສຶກສາໃນເມືອງນີ້.
ທ່ານ ໂຄບະຢະຊິ ເຄັນອິຈິ ກ່າວວ່າ: ໂຮງຮຽນແຫ່ງນີ້, ມີອາຄານຮຽນທີ່ເກົ່າ, ຊຸດໂຊມ ຕາມການເວລາ, ຝາຂັ້ນລະຫວ່າງຫ້ອງຮຽນ ກໍເປ່ເພຢ່າງໜັກ ເຮັດໃຫ້ໄດ້ຍິນສຽງຈາກຫ້ອງຂ້າງ ກາຍເປັນການລົບກວນສະມາທິຂອງນັກຮຽນ. ພ້ອມນີ້, ທ່ານທູດກໍສະແດງຄວາມຫວັງວ່າ: ຜ່ານການຊ່ວຍເຫຼືອຈາກລັດຖະບານຍີ່ປຸ່ນໃນຄັ້ງນີ້ ຈະຊ່ວຍໃຫ້ສະພາບແວດລ້ອມການສຶກສາຮໍ່າຮຽນຂອງນັກຮຽນ ທີ່ຈະກາຍເປັນອະນາຄົດຂອງຊາດໄດ້ຮັບການແກ້ໄຂ, ພ້ອມທັງເປັນການປັບປຸງສະພາບການເຮັດວຽກຂອງຄູ-ອາຈານ ແລະ ພະນັກງານໃນໂຮງຮຽນອີກດ້ວຍ.
(ຂ່າວ: ສຸກສະຫວັນ, ຂໍ້ມູນຈາກ: ສະຖານທູດຍີ່ປຸ່ນ)
ຄໍາເຫັນ