ກົມສື່ມວນຊົນກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວຮ່ວມກັບກົມການຂ່າວກະຊວງການຕ່າງປະເທດໄດ້ຈັດກອງປະຊຸມສໍາມະນາວຽກງານສື່ມວນຊົນໃຫ້ແກ່ສື່ມວນຊົນລາວ ເພື່ອກຽມຄວາມພ້ອມໃຫ້ແກ່ການເປັນປະທານອາຊຽນຂອງ ສປປ ລາວ 2024 ໄດ້ຈັດຂຶ້ນໃນລະຫວ່າງວັນທີ 15-16 ກຸມພານີ້ ທີ່ໂຮງແຮມແລນມາກ ນະຄອນຫຼວງວຽງຈັນ ພາຍໃຕ້ການເປັນປະທານຮ່ວມຂອງທ່ານນາງ ເມແກນ ຈອນສ ເອກອັກຄະລັດຖະທູດອົສຕຣາລີປະຈໍາ ສປປ ລາວ ແລະ ທ່ານ ໂພສີ ແກ້ວມະນີວົງ ຮອງລັດຖະມົນຕີກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ (ຖວທ), ມີບັນດາທ່ານວິທະຍາກອນ, ຄະນະຮັບຜິດຊອບ, ສໍາມະນາກອນຈາກພາກສ່ວນຕ່າງໆເຂົ້າຮ່ວມ.
ທ່ານ ໂພສີ ແກ້ວມະນີວົງ ກ່າວວ່າ: ກອງປະຊຸມຄັ້ງນີ້ ຈັດຂຶ້ນໃຫ້ແກ່ສື່ມວນຊົນລາວເພື່ອກຽມຄວາມພ້ອມ ໃນການເປັນປະທານອາຊຽນຂອງ ສປປ ລາວ ໃນປີ 2024 ໃຫ້ການສະໜັບສະໜູນໂດຍສະຖານທູດອົສຕຣາລີ ປະຈໍາ ສປປລາວ. ກອງປະຊຸມຄັ້ງນີ້, ເປັນກອງປະຊຸມທີ່ມີຄວາມໝາຍ, ຄວາມສໍາຄັນຢ່າງເລິກເຊິ່ງຕໍ່ຂົງເຂດສື່ມວນຊົນພວກເຮົາ ເວົ້າລວມ, ເວົ້າສະເພາະກໍຄືກະຊວງ ຖວທ ທີ່ຮັບຜິດຊອບວຽກງານຊຸກຍູ້ໂຄສະນາຜ່ານສື່ມວນຊົນ ເພື່ອຮັບປະກັນເຮັດໃຫ້ການກະຈາຍຂໍ້ມູນຂ່າວສານຖືກຕ້ອງ, ວ່ອງໄວ ສາມາດເຂົ້າເຖິງຜູ້ອ່ານ, ຜູ້ຊົມ, ຜູ້ຟັງທັງພາຍໃນ ແລະ ຕ່າງປະເທດໃຫ້ກວ້າງຂວາງທີ່ສຸດ. ເພື່ອຮັບປະກັນບໍ່ໃຫ້ຂໍ້ມູນມີຄວາມຜິດພາດ. ເຖິງຢ່າງໃດກໍຕາມສື່ມວນຊົນທີ່ຈະເຄື່ອນໄຫວເກັບກໍາຂ່າວກ່ຽວກັບກອງປະຊຸມສຸດຍອດອາຊຽນປີ 2024 ຂອງ ສປປ ລາວ ເປັນເຈົ້າພາບນີ້, ກໍຈະມີທັງສື່ມວນຊົນມາຈາກຕ່າງປະເທດເຂົ້າຮ່ວມອີກ. ສະນັ້ນ, ການສໍາມະນາວຽກງານສື່ມວນຊົນຄັ້ງນີ້ບັນດາວິທະຍາກອນຈະໄດ້ນໍາສະເໜີບົດຮຽນໃຫ້ສື່ມວນຊົນລາວຖືວ່າເປັນໂອກາດທີ່ດີຫຼາຍ ແລະ ເຫັນວ່າບັນດາຫົວຂໍ້ທີ່ບັນດາທ່ານຈະນໍາສະເໜີຕໍ່ໄປ ລ້ວນແຕ່ຕິດພັນກັບວຽກງານສື່ມວນຊົນ ເປັນຕົ້ນຄວາມເຂົ້າໃຈຕໍ່ຄວາມເປັນມາຂອງອາຊຽນ (ASEAN), ວຽກງານຂອງແຕ່ລະເສົາຄໍ້າ, ການໂຄສະນາໃຫ້ແກ່ກອງປະຊຸມລະດັບສາກົນ, ການກະກຽມ ແລະ ອື່ນໆ. ນອກນັ້ນ, ຈະໄດ້ຮັບຟັງຫົວຂໍ້ການໄຈ້ແຍກຂໍ້ມູນບິດເບືອນ ແລະ ຂ່າວປອມຈາກບັນດາວິທະຍາກອນ, ຜູ້ຊ່ຽວຊານ ແລະ ຜູ້ຈະນໍາສະເໜີເຫັນວ່າລ້ວນແຕ່ເປັນຜູ້ທີ່ມີປະສົບການດ້ານວຽກງານສູງສົມຄວນ ກອງປະຊຸມຈະດໍາເນີນໄປເປັນເວລາເກືອບ 2 ວັນ.
ສະນັ້ນ, ສື່ມວນຊົນທີ່ເຂົ້າຮ່ວມຄັ້ງນີ້ ສະເໜີໃຫ້ເອົາໃຈໃສ່ແທ້ໆ ເພື່ອຄົ້ນຄວ້າຖອດຖອນເປັນບົດຮຽນ ແລະ ນໍາໄປໝູນໃຊ້ເຂົ້າໃນວຽກງານຕົວຈິງທີ່ຕົນເອງຮັບຜິດຊອບ ໂດຍສະເພາະແມ່ນການກະກຽມຮັບໃຊ້ກອງປະຊຸມສຸດຍອດອາຊຽນທີ່ ສປປ ລາວ ເປັນເຈົ້າພາບໃຫ້ມີຄຸນນະພາບ ແລະ ໃຫ້ບັນລຸຜົນສໍາເລັດຢ່າງຈົບງາມ.
ຂ່່າວ: ພູວັນ, ພາບ: ຄຳນ້ອຍ
ທ່ານ ໂພສີ ແກ້ວມະນີວົງ ກ່າວວ່າ: ກອງປະຊຸມຄັ້ງນີ້ ຈັດຂຶ້ນໃຫ້ແກ່ສື່ມວນຊົນລາວເພື່ອກຽມຄວາມພ້ອມ ໃນການເປັນປະທານອາຊຽນຂອງ ສປປ ລາວ ໃນປີ 2024 ໃຫ້ການສະໜັບສະໜູນໂດຍສະຖານທູດອົສຕຣາລີ ປະຈໍາ ສປປລາວ. ກອງປະຊຸມຄັ້ງນີ້, ເປັນກອງປະຊຸມທີ່ມີຄວາມໝາຍ, ຄວາມສໍາຄັນຢ່າງເລິກເຊິ່ງຕໍ່ຂົງເຂດສື່ມວນຊົນພວກເຮົາ ເວົ້າລວມ, ເວົ້າສະເພາະກໍຄືກະຊວງ ຖວທ ທີ່ຮັບຜິດຊອບວຽກງານຊຸກຍູ້ໂຄສະນາຜ່ານສື່ມວນຊົນ ເພື່ອຮັບປະກັນເຮັດໃຫ້ການກະຈາຍຂໍ້ມູນຂ່າວສານຖືກຕ້ອງ, ວ່ອງໄວ ສາມາດເຂົ້າເຖິງຜູ້ອ່ານ, ຜູ້ຊົມ, ຜູ້ຟັງທັງພາຍໃນ ແລະ ຕ່າງປະເທດໃຫ້ກວ້າງຂວາງທີ່ສຸດ. ເພື່ອຮັບປະກັນບໍ່ໃຫ້ຂໍ້ມູນມີຄວາມຜິດພາດ. ເຖິງຢ່າງໃດກໍຕາມສື່ມວນຊົນທີ່ຈະເຄື່ອນໄຫວເກັບກໍາຂ່າວກ່ຽວກັບກອງປະຊຸມສຸດຍອດອາຊຽນປີ 2024 ຂອງ ສປປ ລາວ ເປັນເຈົ້າພາບນີ້, ກໍຈະມີທັງສື່ມວນຊົນມາຈາກຕ່າງປະເທດເຂົ້າຮ່ວມອີກ. ສະນັ້ນ, ການສໍາມະນາວຽກງານສື່ມວນຊົນຄັ້ງນີ້ບັນດາວິທະຍາກອນຈະໄດ້ນໍາສະເໜີບົດຮຽນໃຫ້ສື່ມວນຊົນລາວຖືວ່າເປັນໂອກາດທີ່ດີຫຼາຍ ແລະ ເຫັນວ່າບັນດາຫົວຂໍ້ທີ່ບັນດາທ່ານຈະນໍາສະເໜີຕໍ່ໄປ ລ້ວນແຕ່ຕິດພັນກັບວຽກງານສື່ມວນຊົນ ເປັນຕົ້ນຄວາມເຂົ້າໃຈຕໍ່ຄວາມເປັນມາຂອງອາຊຽນ (ASEAN), ວຽກງານຂອງແຕ່ລະເສົາຄໍ້າ, ການໂຄສະນາໃຫ້ແກ່ກອງປະຊຸມລະດັບສາກົນ, ການກະກຽມ ແລະ ອື່ນໆ. ນອກນັ້ນ, ຈະໄດ້ຮັບຟັງຫົວຂໍ້ການໄຈ້ແຍກຂໍ້ມູນບິດເບືອນ ແລະ ຂ່າວປອມຈາກບັນດາວິທະຍາກອນ, ຜູ້ຊ່ຽວຊານ ແລະ ຜູ້ຈະນໍາສະເໜີເຫັນວ່າລ້ວນແຕ່ເປັນຜູ້ທີ່ມີປະສົບການດ້ານວຽກງານສູງສົມຄວນ ກອງປະຊຸມຈະດໍາເນີນໄປເປັນເວລາເກືອບ 2 ວັນ.
ສະນັ້ນ, ສື່ມວນຊົນທີ່ເຂົ້າຮ່ວມຄັ້ງນີ້ ສະເໜີໃຫ້ເອົາໃຈໃສ່ແທ້ໆ ເພື່ອຄົ້ນຄວ້າຖອດຖອນເປັນບົດຮຽນ ແລະ ນໍາໄປໝູນໃຊ້ເຂົ້າໃນວຽກງານຕົວຈິງທີ່ຕົນເອງຮັບຜິດຊອບ ໂດຍສະເພາະແມ່ນການກະກຽມຮັບໃຊ້ກອງປະຊຸມສຸດຍອດອາຊຽນທີ່ ສປປ ລາວ ເປັນເຈົ້າພາບໃຫ້ມີຄຸນນະພາບ ແລະ ໃຫ້ບັນລຸຜົນສໍາເລັດຢ່າງຈົບງາມ.
ຂ່່າວ: ພູວັນ, ພາບ: ຄຳນ້ອຍ
ຄໍາເຫັນ