ອົງການອາຫານໂລກ ຢ້ຽມຢາມການຈັດຕັ້ງປະຕິບັດໂຄງການ ທີ່ຈໍາປາສັກ ແລະ ເຊກອງ

13:59 17/12/2025

ອົງການອາຫານໂລກ (WFP) ໄດ້ນຳພາສື່ມວນຊົນຈາກສູນກາງ ລົງຕິດຕາມການຈັດຕັ້ງປະຕິບັດບັນດາໂຄງການຕ່າງໆທີ່ໄດ້ຮັບການສະໜັບສະໜູນຈາກອົງການ WFP ໃນລະຫວ່າງວັນທີ 15-19 ທັນວານີ້ ທີ່ແຂວງຈໍາປາສັກ ແລະ ແຂວງເຊກອງ ຊຶ່ງນຳພາການເຄື່ອນໄຫວໃນຄັ້ງນີ້ໂດຍທ່ານ ວິລະກອນ ສີປະເສີດ ຜູ້ປະສານງານວຽກງານສື່ມວນຊົນ ອົງການອາຫານໂລກ.

ອງການອາຫານໂລກ ຢຽມຢາມການຈດຕງປະຕບດໂຄງການ ທຈາປາສກ ແລະ ເຊກອງ - image 1

ການລົງເຄື່ອນໄຫວໃນຄັ້ງນີ້, ເພື່ອຮັດແໜ້ນການພົວພັນຮ່ວມມືລະຫວ່າງອົງການອາຫານໂລກ ກັບສື່ມວນຊົນລາວໃຫ້ມີຄວາມເລິກເຊິ່ງຫຼາຍຂຶ້ນ ພ້ອມທັງເປັນການເປີດປະສົບການຮຽນຮູ້ ແລະ ຕິດຕາມກິດຈະກຳທີ່ພົ້ນເດັ່ນການສະໜັບສະໜູນຂອງອົງການ WFP ຕໍ່ກັບວຽກງານຂອງລັດຖະບານ ສປປ ລາວ ໃນຂົງເຂດຕ່າງໆເຊັ່ນ: ການສົ່ງເສີມອາຫານໃນໂຮງຮຽນ, ໂພຊະນາການ, ການສ້າງຄວາມເຂັ້ມແຂງຂອງແມ່ຍິງ ແລະ ຄວາມໝັ້ນຄົງດ້ານສະບຽງອາຫານເປັນຕົ້ນ.

ອງການອາຫານໂລກ ຢຽມຢາມການຈດຕງປະຕບດໂຄງການ ທຈາປາສກ ແລະ ເຊກອງ - image 2

ທ່ານ ພອນສະຫວາດ ຄຳວິໄລ ຫົວໜ້າຫ້ອງການພາກສະໜາມ ຂອງອົງການອາຫານໂລກປະຈໍາເມືອງໂຂງ ແຂວງຈໍາປາສັກ ໄດ້ໃຫ້ສໍາພາດຕໍ່ສື່ມວນຊົນວ່າ: ອົງການອາຫານໂລກປະຈໍາ ເມືອງໂຂງ ໄດ້ຈັດຕັ້ງປະຕິບັດກິດຈະກຳຂອງໂຄງການອາຫານທ່ຽງຢູ່ 4 ແຂວງພາກໃຕ້. ໃນນັ້ນ, ບ້ານແກ້ງກຸ່ມ ເມືອງໂຂງ ແຂວງຈໍາປາສັກ ກໍເປັນໜຶ່ງໃນບ້ານເປົ້າໝາຍຂອງໂຄງການອາຫານທ່ຽງໃນໂຮງຮຽນ ທີ່ໄດ້ເລີ່ມຈັດຕັ້ງປະຕິບັດໂຄງການມາຕັ້ງແຕ່ປີ 2021 ພາຍໃຕ້ການສະໜັບສະໜູນຂອງແຜນງານແມັກກາເວີນດໍ 2020 (McGovern-Dole 2020) ຫາປີ 2025, ແຕ່ໃນຂະນະດຽວກັນ ກໍໄດ້ຮັບການສະໜັບສະໜູນເພີ່ມຕື່ມຈາກແມັກກາເວີນດໍ ເລີ່ມແຕ່ ປີ 2024-2029 ຊຶ່ງພາຍໃຕ້ການສະໜັບສະໜູນຂອງໂຄງການອາຫານທ່ຽງມີ: ເຂົ້າເສີມວິຕາມິນ, ປາກະປ໋ອງ ແລະ ນໍ້າມັນພືດ. ນອກນັ້ນ, ແມ່ນການປະກອບສ່ວນຂອງຊຸມຊົນຈາກທ້ອງຖິ່ນຄື: ອາຫານສົດ, ການລະດົມເປັນເງິນສົດຈາກປະຊາຊົນພາຍໃນບ້ານດັ່ງກ່າວບວກກັບອາຫານທີ່ອົງການອາຫານໂລກໃຫ້ການສະໜັບສະໜູນ ນີ້ຄືກິດຈະກຳຫຼັກໆ ຂອງໂຄງການອາຫານທ່ຽງໃນໂຮງຮຽນ. ນອກຈາກນັ້ນ, ກໍມີການສ້າງຄວາມເຂັ້ມແຂງໃຫ້ແກ່ແມ່ຄົວ ແລະ ຄະນະພັດທະນາການສຶກສາຂັ້ນບ້ານ ໂດຍມີການຝຶກອົບຮົມໃຫ້ຄວາມຮູ້ໃນການບໍລິຫານຈັດການ, ການຂຶ້ນແຜນອາຫານ. ນອກຈາກນັ້ນ, ກໍມີການໃຫ້ຄວາມຮູ້ ໃນການບໍລິຫານຈັດການສາງອາຫານການຊ່ວຍເຫຼືອຢູ່ຂັ້ນໂຮງຮຽນ.

ອງການອາຫານໂລກ ຢຽມຢາມການຈດຕງປະຕບດໂຄງການ ທຈາປາສກ ແລະ ເຊກອງ - image 3

ທ່ານ ພອນສະຫວາດ ຄຳວິໄລ ກ່າວຕື່ມວ່າ: ໃນຕໍ່ໜ້າຄາດວ່າແຜນງານ ແມັກກາເວີນດໍ 2024 ນີ້ ຈະສຸມໃສ່ການເສີມສ້າງຄວາມສາມາດໃຫ້ຄະນະພັດທະນາການສຶກສາຂັ້ນບ້ານ. ນອກຈາກນັ້ນ, ຍັງຈະມີການຄົ້ນຄວ້າບາງງົບປະມານ ເພື່ອມາສົ່ງເສີມ ຫຼື ປັບປຸງຄຸນນະພາບແຫຼ່ງນ້ຳສະອາດ. ເພາະວ່ານ້ຳເປັນອີກປັດໄຈໜຶ່ງ ທີ່ກ່ຽວຂ້ອງກັບທຸກໆກິດຈະກຳໃນອາຫານທ່ຽງ ບໍ່ວ່າຈະເປັນນ້ຳສຳລັບການປຸງແຕ່ງອາຫານ, ນ້ຳສຳລັບການເຮັດສວນຄົວ ກໍຄືນ້ຳເພື່ອສຸຂະອະນາໄມຂອງນັກຮຽນ ຊຶ່ງເປັນເປົ້າໝາຍຫຼັກຈະໄດ້ຮ່ວມເຮັດວຽກກັບລັດຖະບານຂັ້ນທ້ອງຖິ່ນ ກໍຄືຫ້ອງການສຶກສາທິການ ແລະ ກິລາເມືອງ ແລະ ພະແນກສຶກສາທິການ ແລະ ກິລາແຂວງ ເພື່ອຄົ້ນຄວ້າ ຫຼື ຈັດບຸລິມະສິດໃນໂຮງຮຽນ. ໂອກາດນີ້, ສື່ມວນຊົນ ຍັງຈະໄດ້ຢ້ຽມຢາມການຈັດຕັ້ງປະຕິບັດໂຄງການທີ່ໃຫ້ການສະໜັບສະໜູນຢູ່ແຂວງເຊກອງຕື່ມອີກ.

ອງການອາຫານໂລກ ຢຽມຢາມການຈດຕງປະຕບດໂຄງການ ທຈາປາສກ ແລະ ເຊກອງ - image 4

(ຂ່າວ-ພາບ: ວັນເພັງ)

ຄໍາເຫັນ

ຂ່າວການຮ່ວມມື

ທູດລາວ ຍື່ນສານຕາຕັ້ງຕໍ່ ປະທານາທິບໍດີ ສ ອານບານີ

16/01/2026 11:55

ເມື່ອບໍ່ດົນມານີ້ ທີ່ສຳນັກງານປະທານາທິບໍດີແຫ່ງ ສາທາລະນະລັດ ອານບານີ ນະຄອນຫຼວງທີຣານາ(Tirana) ປະເທດ ສາທາລະນະລັດອານບານີ (ສອານບານີ), ທ່ານ ຄໍາພອນ ວົງສັນຕິ ເອກອັກຄະລັດຖະທູດ ແຫ່ງ ສປປ ລາວ ໄດ້ຍື່ນສານຕາຕັ້ງຕໍ່ ພະນະທ່ານ Bajram Begaj ປະທານາທິບໍດີແຫ່ງ ສ ອານບານີ ເພື່ອດຳລົງຕຳແໜ່ງເປັນເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ຄົນໃໝ່ ປະຈຳ ສ ອານບານີ ຊຶ່ງມີສຳນັກງານຕັ້ງຢູ່ ນະຄອນຫຼວງ ບູດາແປສ ປະເທດຮົງກາຣີ.

ຫົວໜ້າ ຄະນະພົວພັນຕ່າງປະເທດ ລາວ-ຈີນ ພົບປະ ແລະ ລົງນາມ ແຜນການຮ່ວມມືສອງພັກ

16/01/2026 09:35

ໂດຍປະຕິບັດຕາມ ສັນຍາຮ່ວມມື ລະຫວ່າງ 2 ຄະນະພົວພັນຕ່າງປະເທດສູນກາງພັກ ລາວ-ຈີນ ສະບັບປີ 2023-2027, ໃນວັນທີ 13 ມັງກອນ ຜ່ານມາ ທີ່ ສໍານັກງານຄະນະພົວພັນຕ່າງປະເທດສູນກາງພັກ, ສະຫາຍ ບຸນເຫຼືອ ພັນດານຸວົງ ກໍາມະການສູນກາງພັກ ຫົວໜ້າຄະນະພົວພັນຕ່າງປະເທດສູນກາງພັກ ປປ ລາວ ໄດ້ພົບປະເຮັດວຽກກັບ ສະຫາຍ ຫຼິວ ຫາຍຊິງ ກຳມະການສູນກາງພັກ ຫົວໜ້າຄະນະພົວພັນຕ່າງປະເທດສູນກາງພັກກອມມູນິດຈີນ ຜູ້ຕາງໜ້າພິເສດ ຂອງ ສະຫາຍ ສີ ຈິ້ນຜິງ ເລຂາທິການໃຫຍ່ ພັກກອມມູນິດຈີນ ມາຊົມເຊີຍຜົນສໍາເລັດ ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງ ພັກ ປປ ລາວ.

ລາວ-ເຢຍລະມັນ ຮັດແໜ້ນການຮ່ວມມືໃນຂະແໜງອາຊີວະສຶກສາ

15/01/2026 14:14

ຄະນະນຳ ກະຊວງສຶກສາທິການ ແລະ ກິລາ (ສສກ) ໄດ້ພົບປະຫາລື ກັບຄະນະຜູ້ແທນຈາກກະຊວງຮ່ວມມືດ້ານເສດຖະກິດ ແລະ ການພັດທະນາ ປະເທດເຢຍລະມັນ ເພື່ອແລກປ່ຽນແນວທາງການຮ່ວມມືໃນຂະແໜງອາຊີວະສຶກສາ ໃນວັນທີ 12 ມັງກອນ ຜ່ານມາ ທີ່ກະຊວງ ສສກ.

ຮອງປະທານປະເທດ ຕ້ອນຮັບທູດສະຫະລັດ ອາເມຣິກາ ເຂົ້າຢ້ຽມຂໍ່ານັບອໍາລາ

15/01/2026 12:09

ໃນວັນທີ 15 ມັງກອນນີ້ ທີ່ສະພາແຫ່ງຊາດ, ທ່ານ ນາງ ປານີ ຢາທໍ່ຕູ້ ຮອງປະທານປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂໍ່ານັບອໍາລາຂອງ ທ່ານ ນາງ ແຮັດເຕີ ວາເຣຍອາວາ (Heather VARIAVA) ເອກອັກຄະລັດຖະທູດ ວິສາມັນຜູ້ມີອໍານາດເຕັມ ແຫ່ງ ສະຫະລັດ ອາເມຣິກາ ປະຈໍາ ສປປ ລາວ, ໃນໂອກາດສໍາເລັດການປະຕິບັດໜ້າທີ່ການທູດ ຢູ່ ສປປ ລາວ.

ສະຫາຍ ພົອ ວິໄລ ຫຼ້າຄໍາຟອງ ຕ້ອນຮັບຮອງລັດຖະມົນຕີກະຊວງການຕ່າງປະເທດຫວຽດນາມ

15/01/2026 11:58

ໃນວັນທີ 14 ມັງກອນ ນີ້ ທີ່ສໍານັກງານສູນກາງພັກ, ສະຫາຍ ພົອ ວິໄລ ຫຼ້າຄໍາຟອງ ກໍາມະການກົມການເມືອງສູນກາງພັກ ຜູ້ປະຈໍາການຄະນະເລຂາທິການສູນກາງພັກ ຮອງນາຍົກລັດຖະມົນຕີ ລັດຖະມົນຕີກະຊວງປ້ອງກັນຄວາມສະຫງົບ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ສະຫາຍ ຫງວຽນ ແມ້ງ ເກືອງ ກໍາມະການສູນກາງພັກ ຮອງເລຂາຄະນະພັກ ຮອງລັດຖະມົນຕີກະຊວງການຕ່າງປະເທດຫວຽດນາມ ພ້ອມດ້ວຍຄະນະ ໃນໂອກາດເດີນທາງມາເຄື່ອນໄຫວເຮັດວຽກຢູ່ ສປປ ລາວ.

ທ່ານ ທອງສະຫວັນ ພົມວິຫານ ຕ້ອນຮັບເອກອັກຄະລັດຖະທູດ ສະຫະລັດ ອາເມຣິກາ

15/01/2026 11:53

ໃນວັນທີ 14 ມັງກອນຜ່ານມານີ້ ທີ່ກະຊວງການຕ່າງປະເທດ, ທ່ານ ທອງສະຫວັນ ພົມວິຫານ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມອໍາລາຂອງ ທ່ານ ນາງ ແຮັດເຕີ ວາເຣຍອາວາ (Heather VARIAVA) ເອກອັກຄະລັດຖະທູດວິສາມັນຜູ້ມີອໍານາດເຕັມແຫ່ງ ສະຫະລັດ ອາເມຣິກາ ປະຈໍາ ສປປ ລາວ ໃນໂອກາດສໍາເລັດການປະຕິບັດໜ້າທີ່ການທູດຢູ່ ສປປ ລາວ.

ອາສາສະໝັກ ລາວ-ຈີນມອບເຄື່ອງນຸ່ງໃຫ້ເດັກນ້ອຍເຂດຊົນນະບົດ ສປປລາວ

14/01/2026 15:38

ອາສາສະໝັກຈາກ ສປ ຈີນແລະອາສາສະໝັກ ສປປ ລາວໄດ້ຮ່ວມກັນນຳເອົາເສື້ອຜ້າ, ເຄື່ອງໃຊ້ໃນຊີວິດປະຈຳວັນແລະອຸປະກອນກິລາໄປມອບໃຫ້ເດັກນ້ອຍໃນເຂດຊົນນະບົດແຂວງວຽງຈັນແລະແຂວງຫຼວງພະບາງ.

ທູດລາວ ຍື່ນສານຕາຕັ້ງຕໍ່ ປະທານາທິບໍດີ ປອກຕຸຍການ

14/01/2026 13:36

ໃນວັນທີ 12 ມັງກອນ 2026 ທີ່ ທຳນຽບ ປະທານາທິບໍດີ ແຫ່ງ ສາທາລະນະລັດ ປອກຕຸຍການ ນະຄອນຫຼວງລິດສະບອນ, ທ່ານ ກາລະມຸງຄຸນ ສຸພານຸວົງ ໄດ້ເຂົ້າຍື່ນສານຕາຕັ້ງ ຕໍ່ພະນະທ່ານ ມາເຊໂລ ຣີບີໂລ ເດີ ສຸຊາ (H.E. Marcelo Rebelo de Sousa) ປະທານາທິບໍດີ ແຫ່ງ ສາທາລະນະລັດ ປອກຕຸຍການ ເພື່ອດຳລົງຕຳແໜ່ງເປັນເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ປະຈຳ ສາທາລະນະລັດ ປອກຕຸຍການ ຊຶ່ງມີສຳນັກງານຕັ້ງຢູ່ ນະຄອນຫຼວງປາຣີ ປະເທດຝຣັ່ງ.

ລາວ ແລະ ຈີນ ວາງແຜນຜັງການພັດທະນາແບບຊ່ວຍຊູຍູ້ໜູນກັນ

14/01/2026 13:07

ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XII ຂອງພັກປະຊາຊົນປະຕິວັດລາວ ທີ່ຈັດຂຶ້ນລະຫວ່າງວັນທີ 6-8 ມັງກອນ ຜ່ານມາ ໄດ້ພິຈາລະນາ ແລະ ຮັບຮອງເອົາເອກະສານສຳຄັນຕ່າງໆເຊັ່ນ: “ບົດລາຍງານສະຫຼຸບຕີລາຄາການປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ 9 (ປີ 2021-2025)ແລະ ແຜນພັດທະນາເສດຖະກິດ-ສັງຄົມ ແຫ່ງຊາດ 5 ປີ ຄັ້ງທີ 10 (ປີ 2026-2030)” ເປັນຕົ້ນ. ເມື່ອສົມທຽບກັບຂໍ້ສະເໜີກ່ຽວກັບແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ 15 ຂອງຈີນທີ່ໄດ້ຮັບຮອງເອົາໃນປີຜ່ານມາ, ເອກະສານຂອງສອງປະເທດຖືເປັນເອກະສານທີ່ມີຄວາມໝາຍຍຸດທະສາດຕໍ່ສອງປະເທດ ແລະ ໄດ້ສະແດງໃຫ້ເຫັນເຖິງພຶດຕິກຳຕົວຈິງໃນການສ້າງຄູ່ຮ່ວມຊາຕາກຳລາວ-ຈີນຢ່າງມີຊີວິດຊີວາ.

ສ້າງສາຍພົວພັນການທູດລະຫວ່າງ ລາວ ແລະ ຮາຊິມິດ ຊອກດານີ

13/01/2026 15:33

ໃນວັນທີ 7 ມັງກອນ ຜ່ານມານີ້ຢູ່ສຳນັກງານຜູ້ຕາງໜ້າຖາວອນ ແຫ່ງ ຣາຊະອານາຈັກ ຮາຊິມິດ ຊອກດານີ ປະຈຳອົງການສະຫະປະຊາຊາດ ທີ່ ນະຄອນນິວຢອກ ສະຫະລັດ ອາເມຣິກາ, ໄດ້ມີພິທີລົງນາມຖະແຫຼງການຮ່ວມ ວ່າດ້ວຍ ການສ້າງຕັ້ງສາຍພົວພັນການທູດ ລະຫວ່າງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ຣາຊະອານາຈັກ ຮາຊິມິດ ຊອກດານີ, ໂດຍຕາງໜ້າໃຫ້ລັດຖະບານ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແມ່ນ ທ່ານ ທອງຜ່ານ ສະຫວັນເພັດ ເອກອັກຄະລັດຖະທູດວິສາມັນຜູ້ມີອຳນາດເຕັມ, ຜູ້ຕາງໜ້າຖາວອນ ແຫ່ງ ສປປ ລາວ ປະຈໍາອົງການ ສປຊ ແລະ ຕາງໜ້າໃຫ້ລັດຖະບານ ແຫ່ງຣາຊະອານາຈັກ ຣາຊິມິດ ຊອກດານີ ແມ່ນ ທ່ານ ວາລີດ ຄາລີດ ໂອເບດັດ (H.E. Mr. Walid Obeidat) ເອກອັກຄະລັດຖະທູດວິສາມັນຜູ້ມີອຳນາດເຕັມ, ຜູ້ຕາງໜ້າຖາວອນ ແຫ່ງ ຣາຊະອານາຈັກ ຮາຊິມິດ ຊອກດານີ ປະຈໍາອົງການ ສປຊ ໄດ້ຮ່ວມລົງນາມໃນຖະແຫຼງການຮ່ວມຄັ້ງນີ້ ໂດຍການເຂົ້າຮ່ວມເປັນສັກຂີພິຍານໃນພິທີດັ່ງກ່າວຂອງບັນດານັກການທູດທັງສອງຝ່າຍ.

ເພີ່ມເຕີມ