ອົງການກາແດງລາວ - ສິງກະໂປ ຮັດແໜ້ນການພົວພັນຮ່ວມມື

10:45 17/03/2026

ກອງປະຊຸມພົບປະ ລະຫວ່າງ ອົງການກາແດງແຫ່ງຊາດລາວ ແລະ ອົງການກາແດງສິງກະໂປ ໄດ້ຈັດຂຶ້ນ ໃນວັນທີ 16 ມີນານີ້ ທີ່ໂຮງແຮມ ອາມາຣິ ນະຄອນຫຼວງວຽງຈັນ.

ອງການກາແດງລາວ - ສງກະໂປ ຮດແໜນການພວພນຮວມມ - image 1

ເຂົ້າຮ່ວມມີ ທ່ານ ຄຳລາວັນ ຈັນທະລາວັນ ປະທານອົງການກາແດງແຫ່ງຊາດລາວ ພ້ອມດ້ວຍຄະນະ, ແລະ ທ່ານ ເບັນຈາມິນ ວິນລຽມ (Benjamin William) ເລຂາທິການອົງການກາແດງສິງກະໂປ ພ້ອມດ້ວຍຄະນະ. ໃນການພົບປະຄັ້ງນີ້ ຕ່າງຝ່າຍໄດ້ແຈ້ງສະພາບການເຄື່ອນໄຫວໄລຍະຜ່ານມາໃຫ້ກັນ ແລະ ກັນຊາບ, ທ່ານ ຄຳລາວັນ ຈັນທະລາວັນ ລາຍງານວ່າ: ການເຄື່ອນໄຫວວຽກງານກາແດງ ແມ່ນຂະບວນການຈັດຕັ້ງປະຕິບັດວຽກງານມະນຸດສະທຳ ທີ່ມີການເຂົ້າຮ່ວມຂອງສັງຄົມ ຊຶ່ງປະກອບມີ 9 ໜ້າວຽກຫຼັກ ຄື: ການຊ່ວຍເຫຼືອບັນເທົາທຸກເບື້ອງຕົ້ນ, ການປຸກລະດົມຂົນຂວາຍບໍລິຈາກເລືອດ ແລະ ການສະໜອງເລືອດທີ່ປອດໄພ, ການສົ່ງເສີມສຸຂະພາບຂັ້ນພື້ນຖານ, ການປະຖົມພະຍາບານ, ການກູ້ໄພສຸກເສີນ, ການໂຄສະນາຂົນຂວາຍແຫຼ່ງທຶນ, ການສ້າງສະມາຊິກ ແລະ ອາສາສະໝັກກາແດງ, ການສືບທາວຫາຍາດພີ່ນ້ອງ, ການພົວພັນ ແລະ ຮ່ວມມືສາກົນ.

ໃນປີ 2025, ອົງການກາແດງແຫ່ງຊາດລາວ (ກດລ) ໄດ້ຮັບການຍົກສະຖານະຂຶ້ນເປັນອົງການຈັດຕັ້ງທີ່ມີຖານະເທົ່າກັບກະຊວງ-ອົງການ ຊຶ່ງເປັນການສ້າງເງື່ອນໄຂ ອໍານວຍຄວາມສະດວກໃຫ້ແກ່ການພັດທະນາວຽກງານກາແດງລາວ ໃຫ້ເຕີບໃຫຍ່ຂະຫຍາຍຕົວຂຶ້ນໄປເລື້ອຍໆ.

ວຽກງານພົ້ນເດັ່ນ ຂອງອົງການກາແດງແຫ່ງຊາດລາວ ແມ່ນການຊ່ວຍເຫຼືອບັນເທົາທຸກເບື້ອງຕົ້ນ ການກະກຽມຄວາມພ້ອມກ່ອນເກີດໄພພິບັດ, ການຫຼຸດຜ່ອນຄວາມສ່ຽງໄພພິບັດໃນຊຸມຊົນ ແລະ ໂຮງຮຽນ. ປັດຈຸບັນ, ກຳລັງຈັດຕັ້ງປະຕິບັດ ຢູ່ໃນ 10 ແຂວງ, ພາຍໃຕ້ການສະໜັບສະໜູນ ຂອງອົງການກາແດງສະວິດ ແລະ ກາແດງຮົງກົງ ແລະ ມີແຜນຈະຂະຫຍາຍໄປອີກ 2 ແຂວງ, ພາຍໃຕ້ການສະໜັບສະໜູນຂອງອົງການກາແດງ ສ ເກົາຫຼີ.

ການສ້າງຄວາມເຂັ້ມແຂງໃຫ້ແກ່ອົງການກາແດງແຫ່ງຊາດ ແລະ ອົງການກາແດງແຂວງ ເພື່ອກຽມຄວາມພ້ອມໃຫ້ການຊ່ວຍເຫຼືອ ໃນເວລາສຸກເສີນ: ການກະກຽມຄວາມພ້ອມດ້ານຄົນ ສຸມໃສ່ຝຶກອົບຮົມ, ຝຶກຊ້ອມຈຳລອງເຫດການ, ການກະກຽມຄວາມພ້ອມ ດ້ານວັດຖຸ, ອຸປະກອນ, ເຄື່ອງບັນເທົາທຸກແຮສາງ, ການຊ່ວຍເຫຼືອບັນເທົາທຸກສຸກເສີນ ການແຈກຢາຍເຄື່ອງຊ່ວຍເຫຼືອບັນເທົາທຸກ ປະເພດເຄື່ອງອຸປະໂພກ-ບໍລິໂພກ, ເຄື່ອງໃຊ້ຄົວເຮືອນ ໃນຂອບເຂດທົ່ວປະເທດ, ການແຈກເງິນສົດແບບບໍ່ມີເງື່ອນໄຂ ໃຫ້ແກ່ຄອບຄົວທີ່ໄດ້ຮັບຜົນກະທົບຈາກໄພພິບັດ, ໃນປີ 2025, ກດລ ໄດ້ຊ່ວຍເຫຼືອເງິນສົດ ໃຫ້ແກ່ 6,800 ກວ່າຄອບຄົວ, ເກືອບ 40,000 ຄົນ ທີ່ໄດ້ຮັບຜົນກະທົບຢ່າງໜັກໜ່ວງຈາກໄພນໍ້າຖ້ວມ ຢູ່ 6 ແຂວງ.

ອງການກາແດງລາວ - ສງກະໂປ ຮດແໜນການພວພນຮວມມ - image 2

ແຜນການຮ່ວມມືໃນຕໍ່ໜ້າ ແມ່ນວຽກງານການກະກຽມຄວາມພ້ອມດ້ານຕ່າງໆ ກ່ອນເກີດໄພພິບັດ, ວຽກງານຊ່ວຍເຫຼືອບັນເທົາທຸກ ໃນເວລາເກີດໄພພິບັດ (ການຊ່ວຍເຫຼືອສຸກເສີນ ດ້ານທຶນ, ວັດຖຸ ແລະ ຄົນ), ການຮ່ວມມືສອງຝ່າຍໃນຂົງເຂດວຽກງານສົ່ງເສີມສຸຂະພາບຊຸມຊົນ ໂຄງການທີ່ນອນຢູ່ໃນແຜນການຮ່ວມມື ໄດ້ແກ່ໂຄງການ WASH ຢູ່ຫຼວງນໍ້າທາ ແລະ ຫຼວງພະບາງ (ທີ່ກຳລັງກະກຽມເອກະສານໂຄງການ), ປຶກສາຫາລືການຮ່ວມມື ໃນຂົງເຂດວຽກງານອື່ນໆ, ການສ້າງອາສາສະໝັກກາແດງ, ການຂົນຂວາຍແຫຼ່ງທຶນ, ການພັດທະນາອົງການ, ການຫັນປ່ຽນເປັນດີຈີຕອນ, ການພົວພັນຮ່ວມມືສາກົນ, ການຮ່ວມມືກັບສະຖານທູດສິງກະໂປ ປະຈຳລາວ. Use of the Singapore Cooperation Centre for training spaces in collaboration with SRC ແລະ ວຽກງານອື່ນໆ.

ໃນພິທີ ຍັງໄດ້ລົງນາມໃນສັນຍາຮ່ວມມື ສອງຝ່າຍລະຫວ່າງ ທ່ານນາງ ຈັນຖະໜອມ ມະນີທິບ ຮອງປະທານອົງການກາແດງແຫ່ງຊາດລາວ. ທ່ານ ເບັນຈາມິນ ວິນລຽມ (Benjamin William), ໂດຍຊ້ອງໜ້າທ່ານທູດສິງກະໂປ ປະຈໍາລາວ ພ້ອມດ້ວຍພາກສ່ວນທີ່ກ່ຽວຂ້ອງທັງສອງຝ່າຍ.

(ຂ່າວ: ແສງຈັນ)

ຄໍາເຫັນ

ຂ່າວການຮ່ວມມື

ຄະນະຕິດຕໍ່ປະສານງານທະຫານອາສາສະໝັກຫວຽດນາມ-ລາວ ນະຄອນຮ່າຍຟອງ ຢ້ຽມຢາມ ສະຫະພັນນັກຮົບເກົ່າແຂວງຄໍາມ່ວນ

17/03/2026 12:27

ຕອນບ່າຍວັນທີ 16 ມີນາ 2026, ຄະນະຕິດຕໍ່ປະສານງານທະຫານອາສາສະໝັກ ຫວຽດນາມ-ລາວ ນະຄອນຮ່າຍຟອງ ສສ ຫວຽດນາມ ໂດຍການນຳພາຄະນະຂອງ ທ່ານ ດ່ວນ ວັນ ບ່າວ ຫົວໜ້າຄະນະອະດີດຊ່ຽວຊານທະຫານອາສາສະໝັກ ນະຄອນຮ່າຍຟອງ ສສ ຫວຽດນາມ ເດີນທາງຢ້ຽມຢາມ ສະຫະພັນນັກຮົບເກົ່າ ແຂວງຄຳມ່ວນ ໂດຍມີທ່ານ ພັ.ອ ພົມມາ ເດດຂຸນຟອງ ຮອງປະທານສະຫະພັນນັກຮົບເກົ່າແຂວງ ພ້ອມດ້ວຍຄະນະ ແລະ ພະນັກກງານວິຊາການ ຮ່ວມຕ້ອນຮັບ.

ພະບາດສົມເດັດ ພຣະວະຊິຣະເກົ້າເຈົ້າຢູຫົວ ແລະ ສົມເດັດພະນາງເຈົ້າ ພຣະບໍຣົມລາຊິນີ ແຫ່ງ ຣາຊະອານາຈັກໄທເດີນທາງເຖິງນະຄອນຫຼວງວຽງຈັນ

16/03/2026 18:26

ໃນຕອນແລງຂອງວັນທີ 16 ມີນານີ້, ພະບາດສົມເດັດ ພຣະວະຊິຣະເກົ້າເຈົ້າຢູຫົວ ແລະ ສົມເດັດພະນາງເຈົ້າ ພຣະບໍຣົມລາຊິນີ ແຫ່ງ ຣາຊະອານາຈັກໄທ ພ້ອມດ້ວຍຄະນະ ໄດ້ເດີນທາງມາເຖິງສະໜາມບິນສາກົນວັດໄຕ ນະຄອນຫຼວງວຽງຈັນ ເພື່ອດໍາເນີນການຢ້ຽມຢາມລັດຖະກິດ ຢູ່ ສປປ ລາວ ແຕ່ວັນທີ 16 - 18 ມີນາ 2026. ພິທີຕ້ອນຮັບຢູ່ສະໜາມບິນໄດ້ຈັດຂຶ້ນຢ່າງອົບອຸ່ນ ແລະ ສົມກຽດໂດຍການອອກຕ້ອນຮັບຂອງ ທ່ານ ສະເຫຼີມໄຊ ກົມມະສິດ ຮອງນາຍົກລັດຖະມົນຕີ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງຂອງ ສປປ ລາວ, ລວມທັງພາກສ່ວນທີ່ກ່ຽວຂ້ອງຂອງຝ່າຍລາວ ແລະ ຝ່າຍໄທ.

ລາວ-ໄທ ເພີ່ມທະວີການຮ່ວມມືຕ້ານອາຊະຍາກຳໄຊເບີຂ້າມຊາດ

13/03/2026 13:17

ກອງປະຊຸມວຽກງານໄອຍະການໄທ-ລາວ ຄັ້ງທີ II ວ່າດ້ວຍການຮ່ວມມືຕ້ານອາດຊະຍາກຳຂ້າມຊາດ ພາຍໃຕ້ຫົວຂໍ້: “ການຮ່ວມມືໄອຍະການລາວ-ໄທ ໃນການຕ້ານອາຊະຍາກຳໄຊເບີ” ຈັດຂຶ້ນໃນວັນທີ 12-13 ມີນາ ນີ້ ທີ່ໂຮງແຮມພູລແມນ ຂອນແກ່ນ ຣາຊາ ອໍຄິດ ຈັງຫວັດຂອນແກ່ນ ຣາຊະອານາຈັກໄທ ໂດຍພາຍໃຕ້ການເປັນປະທານຮ່ວມຂອງທ່ານ ຄຳເພັດ ສົມວໍລະຈິດ ຮອງຫົວໜ້າອົງການໄອຍະການປະຊາຊົນສູງສຸດ ແຫ່ງ ສປປ ລາວ, ທ່ານ ມົງຄຸນ ຈິຣະໄຊສະກຸນ ຮອງໄອຍະການສູງສຸດ ແຫ່ງຣາຊະອານາຈັກໄທ, ທ່ານ ຈູມພົນ ພັນສຳລິດ ໄອຍະການອາວຸໂສ ທີ່ປຶກສາຂອງໄອຍະການສູງສຸດ ແຫ່ງຣາຊະອານາຈັກໄທ, ທ່ານ ລີຊາດ ຟີລິບປາ ປະທານສະຖາບັນຊ່ວຍເຫຼືອທາງດ້ານກົດໝາຍ ແລະ ວິຊາການແຫ່ງຣາຊະອານາຈັກລຸກຊໍາບວກ, ທ່ານ ແຄັດເຊັນເດຍ ເລເນເວຍ ອຸປະທູດ ແຫ່ງຣາຊະອານາຈັກ ລຸກຊຳບວກ ປະຈຳຣາຊະອານາຈັກໄທ ແລະ ທ່ານ ສົມສັກ ວິໄລທອນ ກົງສູນໃຫຍ່ ແຫ່ງ ສປປ ລາວ ປະຈຳຈັງຫວັດຂອນແກ່ນ, ມີບັນດາທ່ານຄະນະຜູ້ແທນຂັ້ນສູງ ອົງການໄອຍະການປະຊາຊົນສູງສຸດແຫ່ງ ສປປ ລາວ, ອົງການໄອຍະການສູງສຸດ ແຫ່ງຣາຊະອານາຈັກໄທ, ອົງການໄອຍະການພາກ 4 (ຈັງຫວັດຂອນແກ່ນ) ຫົວໜ້າອົງການໄອຍະການປະຊາຊົນບັນດາແຂວງ ທີ່ມີຊາຍແດນຕິດຈອດກັນ ລະຫວ່າງ ສປປ ລາວ - ຣາຊະອານາຈັກໄທ, ຊ່ຽວຊານຈາກອົງການ UNODC ພ້ອມດ້ວຍພະນັກງານໄອຍະການສອງຝ່າຍເຂົ້າຮ່ວມ.

ເອກອັກຄະລັດຖະທູດ ສປຈີນພົບປະເລຂາພັກແຂວງຊຽງຂວາງ

13/03/2026 13:10

ທ່ານ ນາງ ຟາງຫົງ ເອກອັກຄະລັດຖະທູຸດວິສາມັນ ຜູ້ມີອຳນາດເຕັມ ແຫ່ງ ສປຈີນ ປະຈຳລາວ ພ້ອມດ້ວຍຄະນະ ໄດ້ມາຢ້ຽມຢາມ ແລະ ເຮັດວຽກຢູ່ແຂວງຊຽງຂວາງ ໃນວັນທີ 12 ມີນານີ້, ໃຫ້ກຽດຕ້ອນຮັບ ໂດຍທ່ານ ພູວົງ ອຸ່ນຄຳແສນ ກຳມະການສູນກາງພັກ ເລຂາພັກແຂວງຊຽງຂວາງ ພ້ອມດ້ວຍຄະນະ.

ເປີດນຳໃຊ້ເສັ້ນທາງ ຈາກເທສະບານເມືອງໄຊຈໍາພອນ - ດ່ານນໍ້າອອນ

12/03/2026 16:09

ພິທີມອບ-ຮັບ ແລະ ເປີດນຳໃຊ້ເສັ້ນທາງ ຈາກເທດສະບານເມືອງໄຊຈໍາພອນ - ດ່ານປະເພນີນໍ້າອອນ (ຊາຍແດນລາວ-ຫວຽດນາມ) ໄດ້ຈັດຂຶ້ນໃນຕອນເຊົ້າວັນທີ 12 ມີນານີ້ ທີ່ເທສະບານເມືອງໄຊຈໍາພອນແຂວງບໍລິຄໍາໄຊ ໂດຍໃຫ້ກຽດເຂົ້າຮ່ວມຂອງ ທ່ານ ສອນໄຊ ສີພັນດອນ ນາຍົກລັດຖະມົນຕີ; ມີທ່ານ ເລຂາພັກແຂວງບໍລິຄຳໄຊ; ທ່ານລັດຖະມົນຕີ, ຫົວໜ້າຫ້ອງວ່າການສໍານັກງານນາຍົກລັດຖະມົນຕີ; ບັນດາທ່ານຮອງລັດຖະມົນຕີກະຊວງທີ່ກ່ຽວຂ້ອງ; ທ່ານເອກອັກຄະລັດຖະທູດ ແຫ່ງ ສສ ຫວຽດນາມ ປະຈຳ ສປປ ລາວ ພ້ອມດ້ວຍການນຳແຂວງບໍລິຄຳໄຊ, ແຂວງຮ່າຕິ່ງ-ແຂວງເຫງະອານ ສສ ຫວຽດນາມ ຕະຫຼອດຮອດການນຳເມືອງໄຊຈຳພອນ ແລະ ບໍລິສັດ ທີ່ໃຫ້ການຊ່ວຍເຫຼືອທຶນກໍ່ສ້າງເສັ້ນທາງດັ່ງກ່າວ ເຂົ້າຮ່ວມ.

ຍ້ອນຫຍັງການຮ່ວມກັນສ້າງ “ໜຶ່ງແລວໜຶ່ງເສັ້ນທາງດ້ວຍຄຸນນະພາບສູງ" ຈຶ່ງຖືກລະບຸໄວ້ໃນບົດລາຍງານວຽກງານຂອງລັດຖະບານຈີນ

12/03/2026 11:33

ຫຼັງຈາກການປຶກສາຫາລື ແລະ ຮ່ວມກັນສ້າງສາມາເປັນເວລາ 10 ກວ່າປີ, ຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ໄດ້ກາຍເປັນຜະລິດຕະພັນສາທາລະນະສາກົນທີ່ໄດ້ຮັບຄວາມນິຍົມຊົມຊອບຢ່າງກວ້າງຂວາງ ແລະ ໄດ້ກາຍເປັນຄັນທຸງທີ່ມີສີສົດໃສແຫ່ງໂລກາພິວັດຮູບແບບໃໝ່. ບົດລາຍງານວຽກງານຂອງລັດຖະບານຈີນປີ 2026 ໄດ້ຈັດເອົາການຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ດ້ວຍຄຸນນະພາບສູງເຂົ້າໃນໜ້າທີ່ຈຸດສຸມໃນຂົງເຂດການເປີດປະຕູສູ່ພາຍນອກໃນລະດັບສູງ. ການຈັດວາງແບບນີ້ແມ່ນສອດຄ່ອງກັບທ່າອ່ຽງການພັດທະນາຂອງທົ່ວໂລກຢ່າງແໜ້ນແຟ້ນ ໂດຍສຸມໃສ່ຄວາມຕ້ອງການໃນການຫັນເປັນທັນສະໄໝຂອງປະເທດເຂດໂລກໃຕ້, ທັງໄດ້ວາງແຜນທີ່ຈະແຈ້ງໃຫ້ແກ່ການລົງເລິກການຮ່ວມມືສາກົນ ແລະ ການສ້າງປະຊາຄົມຮ່ວມຊາຕາກຳຂອງມວນມະນຸດໃນໄລຍະຈັດຕັ້ງແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ 15 ຂອງຈີນ ແລະ ໄດ້ເພີ່ມພະລັງຂັບເຄື່ອນອັນເຂັ້ມແຂງທີ່ໝັ້ນທ່ຽງໃຫ້ແກ່ການພັດທະນາເສດຖະກິດໂລກທີ່ເຕັມໄປດ້ວຍຄວາມປັ່ນປ່ວນວຸ່ນວາຍ ແລະ ການປ່ຽນແປງ.

ລາວ-ຈີນ ຫາລື ການສົ່ງເສີມ ການລົງທຶນທັງພາຍໃນ ແລະ ຕ່າງປະເທດ

11/03/2026 16:04

ຄະນະຜູ້ແທນກະຊວງການເງິນ ນໍາໂດຍທ່ານ ສັນຕິພາບ ພົມວິຫານ ກໍາມະການສູນກາງພັກ ເລຂາຄະ ນະບໍລິຫານງານພັກ ລັດຖະມົນຕີກະຊວງການເງິນ ພ້ອມດ້ວຍຄະນະ ເຂົ້າຮ່ວມກອງປະຊຸມປຶກສາຫາລື ຮ່ວມກັບ ສໍານັກງານສົ່ງເສີມການລົງທຶນ (Invest HK) ເຂດປົກຄອງພິເສດຮົງກົງ ສປ ຈີນ ໃນວັນທີ 9 ມີນາຜ່ານມາ. ຈຸດປະສົງເພື່ອປຶກສາຫາລື ແລກປ່ຽນປະສົບການ ໃນການສົ່ງເສີມການລົງທຶນທັງພາຍໃນ ແລະ ຕ່າງ ປະເທດ, ສຶກສາແລກປ່ຽນການປະຕິບັດນະໂຍບາຍພາສີ-ອາກອນ ແລະ ການປະຕິບັດນະໂຍບາຍພັນທະຄ່າທໍານຽມໃຫ້ບັນດາບໍລິສັດນັກລົງທຶນຂະໜາດນ້ອຍ ແລະ ຂະໜາດໃຫຍ່ ຊຶ່ງເຂດປົກຄອງພິເສດຮົງກົງ ເປັນສູນກາງການລົງທຶນທາງດ້ານການເງິນສາກົນ ແລະ ເປັນປະຕູດ່ານໜ້າ ໃນການເຂົ້າສູ່ຕະຫຼາດສາກົນ; ພ້ອມນັ້ນ, ຍັງໄດ້ພ້ອມກັນປຶກສາຫາລື ແລກປ່ຽນແນວທາງການຈັດຕັ້ງປະຕິບັດນະໂຍບາຍການເງິນສີຂຽວ, ສິນເຊື່ອກາກບອນ, ນະ ໂຍບາຍການສົ່ງເສີມພັນທະບັດສີຂຽວ ແລະ ອື່ນໆ.

ກອງປະຊຸມຄະນະກຳມາທິການສະຖິຕິສະຫະປະຊາຊາດ ຄັ້ງທີ 57

11/03/2026 16:00

ກອງປະຊຸມສະໄໝທີ 57 ຂອງຄະນະກຳມາທິການສະຖິຕິ ແລະ ກອງປະຊຸມຫົວຂໍ້ປິ່ນອ້ອມ ຈັດຂຶ້ນໃນລະຫວ່າງວັນທີ 3-6 ມີນາຜ່ານມາ ທີ່ສໍານັກງານໃຫຍ່ ອົງການສະຫະປະຊາຊາດ ນິວຢອກ ສະຫະລັດອາເມຣິກາ. ຄະນະຜູ້ແທນຈາກ ສປປ ລາວ ນໍາໂດຍທ່ານ ນາງ ເພັດສະໜອນ ສອນ ຫົວໜ້າສູນສະຖິຕິແຫ່ງຊາດ ກະຊວງການເງິນ ພ້ອມດ້ວຍຄະນະໄດ້ເຂົ້າຮ່ວມກອງປະຊຸມດັ່ງກ່າວ ຊຶ່ງເປັນເວທີປຶກສາຫາລືປະຈຳປີລະດັບສູງຂອງຫົວໜ້າອົງການສະຖິິຕິເພື່ອກໍານົດທິດທາງ, ແລກປ່ຽນການຈັດຕັ້ງປະຕິບັດວຽກງານດັ່ງກ່າວ ແລະ ເສີມສ້າງການຮ່ວມມື ສືບຕໍ່ຜະລິດຂໍ້ມູນສະຖິຕິທີ່ມີຄຸນນະພາບ ສະຖິຕິສາມາດຕອບສະໜອງການກໍານົດນະໂຍບາຍ ແລະ ການພັດທະນາຢ່າງຍືນຍົງໃນລະດັບໂລກ, ພາກພື້ນ ແລະ ປະເທດ.

ປາຖະກະຖາ ທັດສະນະທີ່ສໍາຄັນກ່ຽວກັບວຽກງານແມ່ຍິງຂອງສະຫາຍ ສີຈິ້ນຜິງ

10/03/2026 13:39

ສະຖານເອກອັກຄະລັດຖະທູດ ສປ ຈີນ ປະຈໍາ ສປປ ລາວ ຮ່ວມກັບ ສູນກາງສະຫະພັນແມ່ຍິງລາວ (ສສຍລ) ຈັດພິທີປາຖະກະຖາ ທັດສະນະທີ່ສໍາຄັນກ່ຽວກັບວຽກງານແມ່ຍິງຂອງສະຫາຍ ສີຈິ້ນຜິງ, ເນື່ອງໃນໂອກາດສະເຫຼີມສະຫຼອງວັນແມ່ຍິງສາກົນ ຄົບຮອບ 116 ປີ ຈັດຂຶ້ນໃນວັນທີ 10 ມີນານີ້ ທີ່ໂຮງແຮມລາດສະວົງ ແວນດ້າ ວິສຕາ ໂດຍການເຂົ້າຮ່ວມຂອງທ່ານນາງ ອາລີ ວົງໜໍ່ບຸນທໍາ ປະທານຄະນະບໍລິຫານງານ ສສຍລ, ທ່ານນາງ ຟາງ ຫົງ ເອກອັກຄະລັດຖະທູດວິສາມັນ ຜູ້ມີອໍານາດເຕັມແຫ່ງ ສປ ຈີນ ປະຈໍາ ສປປ ລາວ, ມີບັນດາການນໍາພັກ-ລັດ, ຄະນະນຳກະຊວງ, ອົງການຂັ້ນສູນກາງ, ຄອບຄົວການນຳຂັ້ນສູງຂອງພັກ-ລັດ, ພະນັກງານປະຕິວັດອາວຸໂສ, ອະດີດການນຳຂອງສະຫະພັນແມ່ຍິງລາວເຂົ້າຮ່ວມ.

ກະຊວງປ້ອງກັນປະເທດ ປະດັບຫຼຽນໄຊໃຫ້ກົມໃຫຍ່ II ກະຊວງປ້ອງກັນປະເທດຫວຽດນາມ

10/03/2026 12:29

ພິທີປະດັບຫຼຽນໄຊລັດຖະບານ ແລະ ກະຊວງປ້ອງກັນປະເທດແຫ່ງ ສປປ ລາວ ໃຫ້ບຸກຄົນ ແລະ ກົມກອງລວມໝູ່ ກົມໃຫຍ່ II ກະຊວງປ້ອງກັນປະເທດແຫ່ງ ສສ ຫວຽດນາມ ທີ່ມີຜົນງານດີເດັ່ນໃນການຮ່ວມມື ແລະ ຊ່ວຍເຫຼືອກອງທັບປະຊາຊົນລາວຕະຫຼອດໄລຍະຜ່ານມາ, ເນື່ອງໃນໂອກາດວັນມູນເຊື້ອກົມໃຫຍ່ II ກະຊວງປ້ອງກັນປະເທດ ສສ ຫວຽດນາມ ຄົບຮອບ 80 ປີ ຈັດຂຶ້ນໃນວັນທີ 9 ມີນາຜ່ານມາ ທີ່ນະຄອນຫຼວງຮ່າໂນ້ຍ ສສ ຫວຽດນາມ, ຕາງໜ້າໃຫ້ລັດຖະບານ ສປປ ລາວ ໂດຍສະຫາຍ ພົນເອກ ຄໍາລຽງ ອຸທະໄກສອນ ກໍາມະການກົມການເມືອງສູນກາງພັກ ລັດຖະມົນຕີກະຊວງປ້ອງກັນປະເທດແຫ່ງ ສປປ ລາວ, ມີສະຫາຍ ພົນເອກ ຟານ ວັນຢາງ ກໍາມະການກົມການເມືອງສູນກາງພັກ ລັດຖະມົນຕີກະຊວງປ້ອງກັນປະເທດແຫ່ງ ສສ ຫວຽດນາມ, ມີຄະນະນໍາກະຊວງປ້ອງກັນປະເທດກໍາປູເຈຍ, ເອກອັກຄະລັດຖະທູດ ສ ກູບາ ປະຈໍາຫວຽດນາມ ພ້ອມດ້ວຍຄະນະຜູ້ແທນ ສປປ ລາວ-ຫວຽດນາມ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ເພີ່ມເຕີມ