 |
ເຄື່ອງຊ່ວຍເຫຼືອດ້ານມະນຸດສະທຳ ເຊິ່ງມີມູນຄ່າ 98.000 ໂດລາອົດສະຕຣາລີຫຼື ປະມານ 1,3ຕື້ກີບປະກອບມີເຄື່ອງສຸຂະອະນາໄມ ຈຳນວນ 360ຊຸດຊຸດເຄື່ອງໃຊ້ຄົວເຮືອນ ຈຳນວນ360ຊຸດຜ້າຫົ່ມຈຳນວນ2.200ຜືນມຸ້ງ ຈຳນວນ 2.800 ດາງແລະ ສາດ ຈຳນວນ 1.800ຜືນ ເຊິ່ງຈະສະມາດຊ່ວຍເຫຼືອປະຊາຊົນຫຼາຍກວ່າ 1.800 ຄົນ.
ທ່ານ ນາງ ເມແກນ ຈອນສ ເອກອັກຄະລັດຖະທູດອົດສະຕຣາລີ ກ່າວວ່າ: ອົດສະຕຣາລີມີຄວາມມຸ່ງໝັ້ນທີ່ຈະສະໜັບສະໜູນລັດຖະບານສປປ ລາວ ໃນການກະກຽມຄວາມພ້ອມແລະຕອບໂຕ້ໄພພິບັດທາງທຳມະຊາດແລະ ເຫດການສຸກເສີນດ້ານມະນຸດສະທຳແລະ ທ່ານຍັງກ່າວເພີ່ມຕື່ມວ່າ: ພວກເຮົາຍິນດີທີ່ຮູ້ວ່າ ເຄື່ອງຊ່ວຍເຫຼືອດ້ານມະນຸດສະທຳທີ່ໄດ້ສົ່ງມອບໃຫ້ 3 ປີ ຜ່ານມາ ໄດ້ຊ່ວຍເຫຼືອຫຼາຍຄອບຄົວທີ່ໄດ້ຮັບຜົນກະທົບຈາກໄພນ້ຳຖ້ວມຢູ່ໃນຫຼາຍແຂວງໃນ ສປປ ລາວ.
ທ່ານ ໂພໄຊ ໄຊຍະສອນ ລັດຖະມົນຕີກະຊວງແຮງງານແລະສະຫວັດດີການສັງຄົມ ກ່າວວ່າ: ພວກເຮົາຂໍຂອບໃຈຕໍ່ການສະໜັບສະໜູນຢ່າງຕໍ່ເນື່ອງຂອງລັດຖະບານອົດສະຕຣາລີ ໃນການສ້າງຄວາມເຂັ້ມແຂງໃນການກຽມພ້ອມຮັບມືກັບໄພພິບັດແລະການຕອບໂຕ້ພາວະສຸກເສີນຂອງ ສປປ ລາວເຊິ່ງເຄື່ອງຊ່ວຍເຫຼືອຕອບໂຕ້ໄພພິບັດນີ້ ໄດ້ຖືກມອບທັນເວລາ ແລະ ມີຄວາມສຳຄັນຫຼາຍ ເພາະຈະຊ່ວຍພວກເຮົາໃຫ້ສາມາດແຈກຢາຍ ແລະ ຕອບສະໜອງຄວາມຕ້ອງການຂອງຄອບຄົວທີ່ຖືກຜົນກະທົບຈາກໄພພິບັດທາງທຳມະຊາດໃນທົ່ວປະເທດ ໄດ້ຢ່າງວ່ອງໄວ ແລະ ມີປະສິດຕິພາບ ໂດຍສະເພາະແມ່ນ ໃນຊ່ວງລະດູຝົນ.
ນອກຈາກເຄື່ອງຊ່ວຍເຫຼືອທີ່ມອບ-ຮັບໃນມື້ນີ້ເມື່ອບໍ່ດົນມານີ້ ອົດສະຕຣາລີຍັງໄດ້ສະໜັບສະໜູນ ສປປ ລາວ ໂດຍຜ່ານສູນປະສານງານການຊ່ວຍເຫຼືອດ້ານມະນຸດສະທຳ ປະຈຳອາຊຽນ ຫຼື ສູນ AHA ໂດຍການສະໜອງເຄື່ອງຊ່ວຍເຫຼືອຕອບໂຕ້ໄພພິບັດສຸກເສີນ ເຊິ່ງລວມມີຊຸດເຄື່ອງໃຊ້ສຳລັບຄອບຄົວຊຸດເຄື່ອງໃຊ້ເຮືອນຄົວ ແລະ ເຄື່ອງໃຊ້ສຳລັບສຸຂະອະນາໄມ ທີ່ສາມາດຊ່ວຍເຫຼືອປະຊາຊົນໄດ້ຫຼາຍກວ່າ 15.000ຄົນ ເຊິ່ງທີ່ຈັດສົ່ງຈາກສາງເກັບເຄື່ອງສຸບາງ ປະເທດມາເລເຊຍລວມມູນຄ່າປະມານ 260.000 ໂດລາສະຫະລັດ ຫຼື ປະມານ 5,6ຕື້ກີບ.
ເຄື່ອງຊ່ວຍເຫຼືອຈາກສູນ AHA ດັ່ງກ່າວໄດ້ຊ່ວຍ ສປປ ລາວ ມີຄວາມສາມາດໃນການຮັບມື ແລະ ຕອບໂຕ້ຕໍ່ຜົນກະທົບຈາກພາຍຸໝູນເຂດຮ້ອນວິພາແລະ ລົມມໍລະສຸມຕາເວັນຕົກສຽງໃຕ້ໄດ້ຫຼາຍຂຶ້ນການຊ່ວຍເຫຼືອພາຍໃຕ້ກິດຈະກຳຮ່ວມມືດ້ານວຽກງານການປ້ອງກັນຊາດ 2025 ແມ່ນໄດ້ຊ່ວຍສົມທົບການຊ່ວຍເຫຼືອຂອງສູນ AHA ແລະ ເປັນການເສີມຂະຫຍາຍການກຽມຄວາມພ້ອມ ເພື່ອຮັບປະກັນວ່າ ມີເຄື່ອງຊ່ວຍເຫຼືອດ້ານມະນຸດສະທຳພ້ອມທີ່ຈະແຍກຢາຍເມື່ອເກີດໄພພິບັດ.
 |
ການຊ່ວຍເຫຼືອດ້ານມະນຸດສະທຳຂອງອົດສະຕຣາລີສະທ້ອນໃຫ້ເຫັນເຖິງຄວາມເຂັ້ມແຂງຂອງການຮ່ວມມືທີ່ຍາວນານຂອງລັດຖະບານອົດສະຕຣາລີ ກັບ ສປປ ລາວ ແລະ ອາຊຽນເຊິ່ງເປັນການຢັ້ງຢືນບົດບາດຂອງອົດສະຕຣາລີໃນຖານະຄູ່ຮ່ວມງານທີ່ເຊື່ອໝັ້ນ ແລະ ໄວ້ວາງໃຈໄດ້ໃນການສະໜັບສະໜູນວຽກງານດ້ານມະນຸດສະທຳ ແລະ ການຕອບໂຕ້ພາວະສຸກເສີນໃນທົ່ວພາກພື້ນ ແລະ ຍັງສະແດງໃຫ້ເຫັນເຖິງຄວາມມຸ່ງໝັ້ນອັນໝັ້ນຄົງຂອງອົດສະຕຣາລີ ທີ່ຈະສະໜັບສະໜູນການຕອບໂຕ້ແບບໝູ່ຄະນະຂອງອາຊຽນ ແລະ ຄວາມສາມັກຄີ ແລະ ຄວາມເປັນໜຶ່ງດຽວຂອງປະຊາຄົມອາຊຽນ.
ການຊ່ວຍເຫຼືອດ້ານມະນຸດສະທຳນີ້ແມ່ນສ່ວນໜຶ່ງຂອງການຮ່ວມມືດ້ານມະນຸດສະທຳ ແລະ ການພັດທະນາຂອງອົດສະຕຣາລີ ແລະ ສປປ ລາວໂດຍຜ່ານໂຄງການຮ່ວມມື ເຊັ່ນ: ໂຄງການອິນໂດ-ປາຊີຟິກແລະ ການຮ່ວມມືກັບອາຊຽນອົດສະຕຣາລີຈະສືບຕໍ່ຢືນຢູ່ຄຽງຂ້າງ ສປປ ລາວ ໃນການສ້າງອະນາຄົດທີ່ມີຄວາມປອດໄພ ແລະ ມີຄວາມເຂັ້ມແຂງຫຼາຍຂຶ້ນ.
ຂ່າວ ຊີລິການດາ
ຄໍາເຫັນ