ໃນພິທີ, ທ່ານ ບຸນມີ ດວງມີສີ ຮອງຫົວໜ້າຄະນະຈັດຕັ້ງແຂວງ ໄດ້ຜ່ານມະຕິຕົກລົງຂອງຄະນະປະຈໍາພັກແຂວງ ວ່າດ້ວຍການອະນຸມັດບົ່ງຕົວແຕ່ງຕັ້ງຮັກສາການເລຂາຄະນະພັກຮາກຖານດ່ານຊາຍແດນສາກົນວັງເຕົ່າ ໂດຍອະນຸມັດບົ່ງຕົວແຕ່ງຕັ້ງ ສະຫາຍ ວິຊຸນ ແກ້ວຄໍາຜຸຍ ເປັນຮັກສາການເລຂາຄະນະພັກຮາກຖານດ່ານຊາຍແດນສາກົນວັງເຕົ່າ, ຜ່ານຂໍ້ຕົກລົງຂອງເຈົ້າແຂວງຈໍາປາສັກ ວ່າດ້ວຍການແຕ່ງຕັ້ງວ່າການຫົວໜ້າຄະນະຄຸ້ມຄອງດ່ານຊາຍແດນສາກົນວັງເຕົ່າ ໂດຍແຕ່ງຕັ້ງທ່ານ ວິຊຸນ ແກ້ວຄໍາຜຸຍ ເປັນວ່າການຫົວໜ້າຄະນະຄຸ້ມຄອງດ່ານຊາຍແດນສາກົນວັງເຕົ່າ. ພ້ອມນີ້ ກໍມີການເຊັນບົດບັນທຶກ ມອບ-ຮັບ ໜ້າທີ່ ລະຫວ່າງ ທ່ານ ພັນເອກ ສີຜາ ຂຸນພົນພັກດີ ຮັກສາການເລຂາຄະນະພັກຮາກຖານ ຫົວໜ້າຄະນະຄຸ້ມຄອງດ່ານຊາຍແດນສາກົນວັງເຕົ່າ (ຜູ້ເກົ່າ) ແລະ ທ່ານ ວິຊຸນ ແກ້ວຄໍາຜຸຍ ຮັກສາການເລຂາຄະນະພັກຮາກຖານ ຫົວໜ້າຄະນະຄຸ້ມຄອງດ່ານຊາຍແດນສາກົນວັງເຕົ່າ (ຜູ້ໃໝ່).
(ຂ່າວ-ພາບ: ຈັນທະວີສັກ)
ຄໍາເຫັນ